聰少甜品 (已結業)

「聰嫂甜品」應該不用我說，作為甜品屆的網紅，實力不容小看。而作為聰嫂旗下副線的「聰少」，走的是年輕活力路線，這一點從店面上可愛的吉祥物可以看得出。然而，作為下一代的「聰少」實力又會否大打折扣呢？如果單從排隊人潮來說，似乎就給了我一點信心。我們點了「芒果奶昔雙皮奶」，雙皮奶吃得多了，芒果味的確實沒吃過，不知道芒果和奶的融合會否給我帶來新的味覺體驗？雙皮奶呈現鵝黃色，和燉蛋的顏色很相近，上面鋪著厚厚一層芒果。雙皮奶奶味很重，芒果味倒不算特別突出，芒果估計不是在當造季節，口味偏酸，和雙皮奶混合起來，反而舒解了甜膩的奶味。另外點餐牌上寫著必吃的「龍眼椰果冰」，這碗冰顏色白雪通透，冰面上鋪著剔透的珍珠，和其他鋪滿水果的甜品比起來賣相確實不出眾。但吃進口裡才知道是龍與鳳，雪葩的口感，裡面有一粒粒龍眼肉和少許冰渣，綿密得來又不失口感，龍眼味非常濃郁，好正！而朋友點了「芒果涼粉豆腐花」，豆腐花底面上再疊上涼粉，黃色的除了是芒果粒外還有芒果雪葩，豆腐花豆味尚可，涼粉也是爾爾，沒有太大驚喜。而這個充滿少女心的四件套是「花心特種冰」，其實就是四種口味的雪葩，分別是龍眼、蜜瓜、士多啤梨和芒果，如果在眾多口味挑

倒數夜, 晚飯後約左朋友去食個糖水等倒數估唔到聰嫂開到黎屯門, 以後食糖水又有多個選擇!31號晚真係勁多人, 條龍長到呢....不過都係要排同朋友邊吹水邊排, 都唔知排左幾耐先入到去, 傾住計等唔覺時間過得咁慢每次黎呢度都係必點佢既龍眼冰, 貪佢夠清甜!呢次就試埋個榴槤冰, 好彩成枱人都食榴槤, 可以放心點!個榴槤真係冇得彈, 似係用鮮榴槤打成, 好香濃 , 我唸冇榴槤控可以抗拒!下次再黎可以唔洗叫龍眼冰咁獨孤一味!

榴槤水晶珠（$40）👅我最愛第一位食甜品既聰嫂😆佢既frd聰少開左係vcity咁近我緊係超興奮啦👯人大左好似中意左食有榴槤嘅甜品🤓🤓呢個榴槤冰不得了！首先啲冰係超重榴槤香，入口甜度岩岩好👍🏻冰感幼細😋😋😋加埋啲水晶珠更加有口感😎成件事好滿足☺️☺️☺️

因為去樓上食飯食唔飽，一心落黎食甜牙牙食pancake同格仔餅食飽，點知同一舖位已經變左聰少。唔理啦，快啲排隊，睇定食乜。見到有幾枱出黎，都唔俾人入要人企😒兩個人死角位，唔使搭枱都好。因為要飽又無乜飽肚野揀，就叫薑汁湯圓啦，得芝麻味。同事A叫左合核芝麻糊加湯圓，睇黎佢都好唔飽😂佢果碗黎到先淨係見到合桃芝麻糊以為侍應落漏左或俾錯左，唔敢攪佢住，因為個碗好淺既都無見湯圓頭仔伸出嚟水面🙄我個薑汁湯圓嚟到就真相大白喇，啲湯圓真係好細粒好似糖不甩咁嘅size，我嗰碗都叫有六粒，同事有四粒。薑湯唔辣得個甜字，係用普通薑糖沖熱水開囉，因為碗底仲見到啲糖未溶得晒😒。因為未夠熱我啲湯丸嘅芝麻餡唔係咁溶囉。好快又食完啦，眼望住7-11⋯⋯同事問係咪要買個杯麵宵夜🙈佢嗰個合桃芝麻糊完全係唔香既，成間鋪頭淨係聞到榴槤味，啲糖水又整得普普通通。比起以前響將軍澳舊舖踏踏實實嘅聰嫂，呢條line真係淨係識得整靚個裝修同埋嗰啲餐牌攪品牌，唔知會唔會好快就淪落到滿記咁，啲嘢又細又貴又唔好食得個花臣呢。

中午帶著一老一少繼續作小型遠足，雖然被某殿堂「擺了一道」，但最終順利完成行程回到V CITY。寶貝表示要去吃甜品，眼見聰少無人在外面等候，姑且再試一次，看看會否對之改觀。之前買外賣回家，感覺是不難吃，但食品賣相跟菜單顯示完全不符。今次叫了客芒果PANCAKE，花心小冰和熱的杏仁茶，埋單$119。侍應態度友善。五分鐘左右，食物陸續上桌，所見即所得。芒果班戟：賣相看來不錯，但被我家寶貝悉數吃光，無從評論。(但我後來吃花心小冰時發覺芒果肉微酸，不曉得會否有著同樣問題。)杏仁茶：熱度足，味道偏淡，微甜。花心小冰：是店內名物果蓉雪葩的迷你版，有蜜瓜、龍眼、士多啤梨和芒果四款口味，賣相很美觀，每杯小冰上面都舖上椰果 / 蜜瓜碎 / 士多啤梨 / 芒果和水晶珠。除了芒果果肉個人覺得略酸外，其他三杯小冰我覺得是OK的。雪葩口感細滑。相對上次外帶的經驗，今次堂食感覺相對比較好，但如果要排隊取籌進去的話，就不會刻意再訪了。

屯門市中心甜品一向唔多選擇, 以前呢度都有一間, 執左後開左聰少聰少似係聰嫂集團, 食既野都一樣假期黎食好多人排隊, 加上附近糖水應該得呢一間黎到見到大大個廣告sell 紫薯豆腐花, 紫紫地幾特別, 叫左碗係紫薯糖水配正常豆腐花, 都唔錯朋友病病地,叫左個穩陣的 薑汁湯圓, 入便的湯圓係唔同口味糖水都做到之前食過聰嫂的質素, 價錢都合理, 同出面差唔多而家好多地方食碗糖水都幾十蚊, 呢度既質素好D, 款式多D會覺得抵D

這是第二次到聰少甜品店啦，今次點了薑汁芒果豆腐花甜品，這個甜品有多種配料，令甜品擺設更有層次。頂部有大粒西米、芒果啫喱、芒果果肉，中間位置就是芒果沙冰，而最底就是豆腐花，而整體甜品都吃到濃濃的薑汁味道，非常不錯。頂部的甜品爽口彈牙，而芒果果肉非常甜香，不是浸糖水而來的甜味。而中間的沙冰味道濃郁，非常冰凍，夏天吃一定能消暑。而最底豆腐花很滑，有一定的薑味道，不過薑味掩蓋了豆花應用有的豆香味。

「聰少」是「聰嫂」個仔？近期新開的甜品店，在尖東都有分店，主打特色甜品，門面裝潢都偏向年青人feel，不是聰嫂的平實甜品店。（利伸：未食過聰嫂）芒果奶昔雙皮奶（HKD37），芒果夠甜亦夠實淨，奶昔和雙皮奶配合不錯，唯是奶味不足期間限定的紫薯豆腐花（HKD34），近年紫薯大行其道，甜品店當然都要食住上，紫薯味夠濃，亦不會太甜，豆腐花和紫薯比例是3:7，啖啖都有紫薯味，但略嫌煮得太濃，吃到一半已經好滯了，豆腐花亦有點太碎紫薯粒配上豆腐花，紫薯愛好者應該會喜歡濃厚的甜品埋單HKD71，比普遍甜品店貴少許，但質素確實不錯，有下次！

分別點了每次來都會吃的龍眼冰($40)和限定(?)的紫薯豆腐花($34)紫薯豆花跟之前的紫薯冰、菠蘿冰一樣，不屬固定產品，所以要吃就直接跟店員下單便可，話就話每日限量發售，售完即止架。龍眼冰同之前吃的感覺一樣，就不重覆多說了。紫薯豆腐花 $34(熱)一上枱，店員都有提醒，豆花挺熱要小心。見到實物，並冇網絡圖片看起來那種假假的紫色，反而比較像是棗紅色~紫薯味香濃，雖然有部分人認為太甜，但個人認為還好，混合豆腐花吃，不會覺得太甜呢。面頭的紫薯粒不過不失個人並不是超喜歡吃豆腐花，但聰少的豆腐花豆味不重，好適合我。喜歡吃豆花的人相信會覺得豆味不夠。不過豆腐確實是很滑的。整體來說，不錯吃，特別天氣冷吃暖粒粒。不過天氣…幾時冷？

知道甜牙牙悄悄收掉後，原址開了與聰嫂同系的聰少甜品。然後，趁著今日路過，就去試試看。不過，在外面排隊的人，多的要命，排籌的動線看來安排也不理想。想了想，還是叫外賣吧。店員態度友善。因沒有外賣紙，隨意翻了翻MENU，甜品都是一般大路甜品，冷熱俱備，價錢於屯門區算是中等。也很任意的叫了客咖啡紅豆涼粉及一客開心樂園，埋單$67。等了五分鐘左右，拿著外賣回家。忘了拍照，不過如果有拍照，就可以明顯看到MENU圖片和實物的差異。咖啡紅豆涼粉在MENU上的照片是有一球咖啡雪糕、紅豆加涼粉。不過實物，雪糕不知所踪，醬汁有咖啡味，有些算軟稔的紅豆，個人只覺得一般般。至於開心樂園，應該是松記「幻彩明珠」的變奏，奇亞籽雪的冰硬，芒果汁份量略少，然後涼粉，啫喱粒及豆腐粒的配搭尚可，但寶貝對此興趣只屬一般，要我幫忙埋尾。同樣我個人對它觀感也只是一般般。總結，觀感只是一般，某程度還算是有點伏味，會否再訪還真的要隨緣喔。

期待左好耐既聰少終於係屯門開左...基本上假日晚每次經過都會排長龍開幕至今都光顧了5,6次芝麻糊同湯圓係必食推介！但今晚好失望！！今晚諗住外帶芝麻糊翻屋企食點知等左好耐都未有....其實我由我問前台仲有幾耐既時候我已經見到有袋外賣放係出食物既bar table我以為唔係我...所以繼續等到屋企人再追問...職員同我地解釋我地都信...只係同佢講以往都冇咁耐到佢終於由前台行去問原來個袋外賣就係我叫既芝麻糊加湯圓我終於忍唔住問點解放咁耐都唔比我期間見左好多次負責拎食物既職員係度玩我認同工作環境氣氛好玩下冇問題但你都應該做好自己既本份先玩唔係將我碗糖水pack 好就放低就算真心係好失望...即使最後門口既職員有道歉...但都應該檢討下成個既出餐流程希望下次可以做好d因為我碗糖水已經暖左唔熱了...

尋日諗住近近地係屯門食下甜品，點知一入到去就知去錯地方，一入到去坐低左，拎個餐牌出黎睇下先，我知個餐牌放係邊?因為我食過尖沙咀果間嘛，都係一樣放係枱嘅下面，諗到食咩啦，叫嘢食嘅时候，無人理我地嘅，聽到有幾個侍應对住廚房又傾計又講粗口，都無人留意我地點解大分別？因為我食過尖沙咀果間，我地一叫人落單就有人理，唔洗出聲侍應都知道我地想要咩，同埋我見尖沙咀果到都唔會同廚房講嘢。好彩我去過尖沙咀果間食過幾次姐，如果唔係入到去傻下傻下甘，都唔知幾耐先有人招呼我地。今次都係第一次去屯門哩間下次都係去番尖沙咀果到食嘢，起碼有人理先。

難得約了朋友外出吃飯，丢了老公自去happy，放工後就約在vcity 吃新個間拉麵，朋友好似唔夠喉，再直落(下層)吃甜品。原先係甜牙牙，因為係唔好吃就執左變聰少，其實我朋友講叫我陪她來吃，我都係第一次吃。她話係IG睇到，龍眼冰係必食，於是我們一人點了一款，其中一款是龍眼冰。睇個樣似椰汁冰，上面粒粒Q彈有嚼口，感覺似啫喱口感，冰帶龍眼香，龍眼肉粒粒收藏在冰內，融了就𡁻到龍眼肉，我少吃凍食品都覺得不錯我主張點了的芒果奶昔雙皮奶，味道不算很甜，上面一層芒果，一層芒果奶昔冰，一層雙皮奶，很有趣的口感，三層一起吃，不會太凍，冬天都岩吃

見到facebook廣告，聰少新出紫薯豆腐花之前既紫薯冰我錯過了，去到賣晒今次一定唔可以錯過拉左家姐陪我食晚上9點鐘聰少已經接近滿座。家姐點了榴槤水晶珠，我當然要了紫薯豆腐花，大家share。榴槤水晶珠依舊足料好味，大大pat榴槤舖面，沙冰充滿濃郁既榴槤香。紫薯豆腐花偏甜，建議餐廳味道調較一下，有點過甜，食到尾會'漏'，或者豆腐花份量加多d，紫薯蓉少d，會冇咁'漏'。但紫薯味都算濃，豆花滑，算好食~推介~

之前食過聰嫂覺得南瓜露好味都爆，次次都食這個，點知見到聰少係尖咀開左就想去試但十分多人，點知無幾耐屯門已經有啦，而且好多人都話聰少吾錯，所以今日見吾洗等位就諗住入去試下！～龍眼冰：食落凍凍的碎冰，椰子味極重，有不少龍眼肉碎係入面，有點清甜龍眼香，但比椰子味差不多蓋晒，而且佢仲有少少西米脆珠和椰果係上面，食落幾有口感同清新，整體係好味而足料的，但如果叫椰子龍眼冰就更加貼切。芒果奶昔雙皮奶：上面的芒果肉甜而厚肉，帶輕微酸好味道，中間芒果汁就一般，吾太似新鮮芒果打成的，最底的是雙皮奶都夠滑同香。