聰少甜品 (已結業)

同小學同學食甜品，求其入左間甜品店每人叫左一個甜品，都覺得普普通通，唔係難食 但都唔係特別好食。但我地都唔係志在味道，而係咁耐無見想一齊坐低傾下計，食下甜品😆😆😆

收工一條友食完飯口痕又心血來潮想食下糖水，近近地就去咗呢間。位置係商場地下好易搵到。裝潢幾新潮。嗌咗個傳統啲嘅糖水—楊枝甘露。個糖水都等咗20分鐘左右...出到嘅賣相都唔錯。加埋佢嘅托盤同餐具影相一流！正！啲芒果都幾新鮮同埋分量都夠多，可以啖啖肉！！不過啲柚子有啲好苦，同好澀不過中和返芒果都接受到嘅！美中不足之處偏甜咗啲，落得糖水同奶多咗，鐘意甜嘅朋友應該都接受到嘅！最後就係食完坐多一陣都唔驚，位置充足

以前喺銅鑼灣返工，OT最鍾意落樓下買聰嫂蜜瓜豆腐花，知道VCity開咗副線聰少甜品，梗係要幫襯吓！因為早食飯，8點就去到聰少，好似包場一樣，任坐都得！餐牌好靚，又多款揀，最後果版仲有插畫睇，搞到唔知叫乜好！本身想叫返我最愛嘅蜜瓜，不過見到有而家最hit嘅榴槤，梗係要捧場啦！雖然推介嘅榴槤水晶珠要$49，但諗起某快餐店果杯榴槤雪糕都$40，就即叫！飄來榴槤之香~一上枱就聞到榴槤香味！最上面有水晶珠，之後到榴槤肉，底層配有榴槤冰，食落口感十足，色香味俱全！咪睇落細細碗，其實食晒都幾飽，誠意推介！

近排成日落雨，唯有商場活動😅食完午餐行一陣，返屋企之前整返個靚糖水返屋企嘆先近排迷上左聰記甜品嘅蜜瓜豆腐花，以我不太喜歡豆腐製品來講，呢個都算係優秀之作😍蜜瓜味好清香，食得出用了很足料，加上香香的豆香味融合在一起而且仲冰沙狀，啱晒夏天

飯後食甜品是常識吧😆😆難得入屯門食晚飯，表弟提議去V-city食甜牙牙，但原來已轉手比聰少了，既然已經來到，就試試看吧！聰少是聰嫂的副線，應該是媽媽開始將生意轉移給兒子吧🤔此店主打還是以芒果製造的甜品，榴槤選擇都有，但並不多。我們兩種水果口味都各點一款。榴槤水晶珠：榴槤茸很香，配上雲呢拿雪糕冰很適合，可以更加突出榴槤味，原以為只有頭頂的一球榴槤，怎知雲呢拿冰的中間也夾雜著榴槤，不錯。芒果椰果冰：芒果味濃鮮甜，椰果帶甜。都算保持著水準。芝麻糊豆腐花：在這些以新潮甜品為主的甜品點，真的不應該點中式甜品。芝麻糊不是生磨的，是開粉的，所以比較稠，沒有芝麻味，只是死甜，豆腐花沒有特別，但幸好是熱的。

又係我la, 終於重投openrice懷抱如果大家想知多d美食資訊，快d follow 我 fatdog1234 聰少甜品既其中一個皇牌……芒果奶昔雙皮奶味道🍦🍧🍨🍰☕:芒果大約有4~5塊第一層係……芒果通常都係香甜既芒果第二層係……奶昔好creamy，味道調味適中第三層係……雙皮奶唔會太硬身，配合奶昔一齊食，very good推薦指數: 👍👍👍👍👍環境🏘🏘: 坐位都算多，不過夜晚通常要等位*記得預時間排隊la*小編最愛旁邊既高身椅🤗*唔會好辛苦，而且枱下有勾，可以放野

一路都唔知原來聰少係聰嫂啲fd⋯⋯一直行過都以為係抄既，咁岩都有龍眼冰。直至朋友話係集團先知，算我孤陋寡聞啦，哈哈。我覺得聰少裝修好好多喎，可能係因為新開既關係啦，所有野都勁新淨，又modern。我地一行5人，不過太夜叫左4個甜品姐。當然要叫最出名既龍眼冰，真心係我甜品中既one of my favourite，龍眼勁清香又真係食到粒粒龍眼肉。好正呀，夾埋啲冰無論冬天夏天食都一絕！不過我就真係好好奇，點解龍眼冰會平過龍眼冰豆腐花，奇怪奇怪。朋友就叫左啲芒果野食，可能芒果未好當做啦，唔夠甜，係一般甜品店水準啦，冇乜驚喜。龍眼冰真係令人念念不忘，不過係香港地食甜品真心唔平，40蚊上落夠食一個飯啦。為左龍眼冰，我覺得值。

同朋友食完晚飯就緊係要食飯後甜品㗎啦！見聰少近近地，就起行去食。去到個時可能九點幾，冇咩人，一入去就有位。環境乾淨，坐得舒服。甜品選擇唔係好多，我地一人叫一個甜品，本來想食中式糖水，最後都係俾芒果吸引走咗😂我哋叫咗芒果豆腐花涼粉，士多啤梨涼粉同蜜瓜椰果冰。芒果豆腐花涼粉👍🏻芒果好甜，豆腐花好滑。佢上面放咗芒果沙冰，嗰芒果沙冰好清新，唔係嗰啲假嘅芒果味。士多啤梨涼粉👍🏻佢係放士多啤梨雪糕，嗰雪糕幾好味，不過我覺得夾涼粉有啲奇怪。蜜瓜椰果冰👍🏻食極都仲有，因為佢真係一大碗冰😂碗冰好滑，好綿，同埋啲蜜瓜都好甜。不過喺聰少坐得唔耐。可能因為過咗九點半十點就開始多人排隊，我地一食完佢就會好快手收晒啲碗，搞到我地都唔好意思繼續坐。

屯門市中心飯後甜品選擇好少,而且全部款式千篇一律秋天限定版合桃露燉蛋白-合桃露太甜但都夠杰身味道清香,燉蛋白好滑剛剛好唔會出水又唔會硬芒果奶昔雙皮奶-芒果好酸,雙皮奶好滑夠杰奶味香濃,奶溝左芒果汁夠特別仲有龍眼冰足料啖啖龍眼又唔會好甜越食越停唔到

今日難得放假就同朋友入了屯門行街，行行下累就搵個地方食野之後就見到地下有間叫聰少原來佢係聰嫂個仔聰少，聰嫂就食得多聰少真係第一次見，一入到去就覺得好像走了課室一樣，令我回想起十多年前讀書的時候哈哈，餐單都好似一本手冊一樣店裏大部分都係後生店員，我本叫了平常係聰嫂都會叫的龍眼冰同雙皮奶不用兩分鐘全部都到齊，也太快了吧！味道同聰嫂一樣好好食超多龍眼😍但食到一半見到三個店員裏面其中一男一女不停地玩黎玩去又錫又攬真見到都反胃🤢我明白年輕人拍拖會好珍惜同對方一齊嘅時間，但應該唔會係上班嘅時候搞😳害我們的眼睛不知道放那，下次都係去聰嫂食好過！

噚晚27/02初十二個仔話食糖水，點知中招每種加成十蚊，又冇貼出嚟，如果唔係唔想個仔失望真係唔會幫襯你，大佬四十五蚊食腕糖水，你想加到農曆二月呀？做生意唔老實無下次

明白新春假期會有加價，如果舖面當眼位置寫明，明買明賣，心甘情願當到達買外賣時，因為之前有外賣八折，所以有環顧四週，亦認為新春期期間優惠暫停也合理可是到比錢時，店員均沒有告知有新春價錢，就收取了比正價貴七元的收費。。。。還未計算之前外賣有八折優惠奈何已經點了餐，也無謂跟店員討價還價，但已經對此甜品店的經營手法大打折扣希望將來此店會有所改進

我好少寫負評的，但呢間照騙到令我超嬲其實呢間開張第一日我已去幫襯。 係食蜜瓜西米撈的。 果時我有入一個屯門飲食谷的。 果次真心好食，食完我仲上谷介紹。之後幾個月左右有谷友去完食其他西米撈再上谷寫，佢地係批評的。 為左求真。我再去食過，西米已不再是剛開張時的分開上，味道也跌哂watt. 我都有上谷寫左分別，仲有同一味甜品2次食時的相做比較，分別一眼睇晒。之後我無去好耐。去年夏天，我家姐行過時去，我再叫西米撈，水準回復開張時，西米都係番分開上。 我估佢地有人在谷內見到轉番好。今日行過，比呢張poster 吸引入去入去再看幾錢39蚊杏仁燉蛋白，真心貴，但見佢有原片杏仁，認為價錢還可以就叫了上菜原片杏仁無影，成本5蚊都無膠兜上，一食就知煮定哂入microwave 番叮出來的無心機整就不要開店了。呢間以後不幫襯。

夜晚10點幾嘅時候，同老婆食完飯後，有朋友介紹呢間好出名嘅甜品，於是我哋諗住去試吓餐牌上嘅選擇都算種類繁多，我哋叫咗芒果pancake, 同埋佢招牌牌芒果冰Pancake 完全冇特別, 應該話佢雪櫃雪咗好耐，食落去好硬，裏面嘅cream係食唔到有味芒果冰嘅話上面嘅芒果都算新鮮，不過糖漿比較多食落去太甜喺屯門都食過唔少甜品店，佢嘅水平都算係正常，係冇乜特別選擇情況下，可能都係會選擇再返去食(之前屯門有間叫全心全意可惜佢已經執咗,我有屯門人知道請留言，話俾我知佢去咗邊度去新鋪)

同朋友係市中心食完晚餐，意猶未盡就行左過嚟vcity食聰少係屯門都開左好一段時間，成日行過但都未有機會食，今晚終於都可以係屯門食聰少餐牌分門別類，而且選擇都唔少不過嚟得聰嫂/聰少，我都一定係為左佢個龍眼冰不過朋友就唔太鍾意，自己食一大兜龍眼冰又好似會太多正當我苦惱之際，就見到佢個花心特種冰，啱晒我依啲想試好多嘢既人花心特種冰($69) 左起：龍眼冰、楊枝甘露、糖不甩、蜜瓜冰四種都係大路受歡迎既甜品，啱晒我地口味龍眼冰一如既往既水準，濃郁既龍眼味第一次係聰少試佢既楊枝甘露同蜜瓜冰，味道都唔錯，好足料我好怕啲甜品鋪既蜜瓜系列既甜品，因為好多時隻味都好假，係糖水溝出嚟，有時仲會係藥水味不過，聰少既蜜瓜冰就無依個問題，甜得嚟個蜜瓜味都唔會好假至於糖不甩，本身小弟就唔係好鐘意食，所以無試到不過朋友都會好食極力推介依個有齊四款甜品既花心特種冰，每款都係好食之選，份量又啱啱好再嗌多左個芒果班戟($28)芒果仲多過cream芒果又夠凍同好甜，好味最後埋單每人$50左右，食到咁多款，價錢算係可以接受