聰少甜品 (已結業)

聰少是聰嫂的副線分支，除了尖東總店外，近來更先後殺入屯門元朗區。店內以校園作背景，用木檯、儲物櫃為裝潢題材。 雖行走較年青路線，但售賣的甜品糖水既有傳統也有新派，種類未算是很多，但也足夠花點時間來選擇。木製托盤印上店名，細節上頗為注重，不知味道上又會是如何呢? 芝麻合桃露 $28兩款經典的中式糖水伴混後，稀稠度中規中矩，質地尚算幼滑濃香，合桃露味道甚為香濃稍為霸道了一點，蓋過芝麻糊的香，層次未算很分明。 楊枝甘露 $39芒果粒、西米粒跟柚子的用料挺多，真材實料，雖然柚子並沒有拆得很細碎，大塊大塊的，不過吃下挺有顆粒咬口。味道由芒果為主道，不過也不難嚐到加入了花奶，與平時加入椰汁的版本有點清新分別。 芒果奶昔雙皮 $39表面鋪上幾片酸甜度適中的鮮芒果肉，幾乎把整個碗也遮蓋；下層是以芒果、忌廉及花奶攪伴成的奶昔，質感細滑，奶味挺濃郁。雙皮奶像布甸般，口感嫩滑。於既有的甜品上加入新派口味，這個配搭效果很好，味道跟賣相也有驚喜呢。 惠顧兩款招牌甜品額外加$10，就可以選擇薑汁湯圓、 糖不甩、 芒果布甸、 紅豆綠茶Q果、 西瓜汁或芒果汁其中一款，方便分享首選當然非糖不甩莫屬。 糖不

這夜與友人吃過晚飯後，有點意猶未盡，想吃點甜品. 不過於屯門市中心就只有連鎖甜品店，不想去滿記之下，就來到V City的聰少甜品. 可能時間尚早，仍未到9:00pm，店內客人不算太多. 碰巧有人離座，我們可以坐4人的高身餐枱，總好過坐與別人對望的長餐枱吧! 甜品選擇不算太多，冰類、涼粉& 中式甜品等. 本想吃士多啤梨這種酸中帶甜的水果甜品，可惜這水果暫停供應，只好選別的. 龍眼椰果冰 ($40) 據餐牌所示，這龍眼冰用上30粒龍眼製成的，且月賣2萬份，就看看它是否如此吸引. 下單不用3mins就送到來，效率真快. 呷一口，只是淡淡的龍眼味，內有椰果、西米等，味道偏淡，不算十分好吃. 我本人覺得試一次就夠了! 芒果椰果冰 ($34) 朋友所選的芒果椰果冰，有數件黃澄澄的芒果肉，味道香甜，個人覺得芒果冰更好吃. 謝謝泳友來屯門與我游泳又請我吃晚飯， “坐係嬉水池下等大水筒倒水落嚟係好玩既” 幾時再去游冬泳呀，哈哈哈!! 由於你忘記了幫我帶泳班的記錄卡，麻煩你下次再拎入來屯門比我丫 屯門屯門鄉事會路83號V City商場地下G-13號舖 27862898

行左陣商埸入來歇歇……叫左個芒果奶昔雙皮奶見到個樣都知仲伏…食洛似沙冰早知我叫芒果椰果冰喇！！順帶一題貴店員工服務差到極點請加以 培訓尤其身型胖胖哪位女職員玩手機多過做 我坐低咗一陣都沒有理我

從來都覺得屯門糖水鋪好少，置樂、景峰、碼頭都係行野多，一副嗌貨溝水的味道，雖然係小店，但搵間好食少少特色少少都冇，夜晚傾偈Hea真心有難道。最近，V city的甜牙牙已轉手為以Young line為主既聰少甜品，未算得上像滿記咁連鎖，但都勢頭正上，令我即刻想試佢一試。。我就叫左個招牌龍眼椰果冰，清甜的龍眼冰唔會有糖漿味的感覺，有打碎左的龍眼肉帶出的甜味，冰粒唔會太粗，係唔錯，屬連鎖店出品的驚喜朋友就叫左另一招牌，芒果奶昔雙皮奶，都唔錯既，芒果幾甜，奶都滑，但相對上就普通D，晏那間有種許留山的感覺。不過作為同朋友飯後甜宵都係唔錯的選擇。

今日係Happy Friday，入咗屯門探好姐妹，食完飯我哋去咗聰少到買甜品返屋企食，可以一路食甜品，一路睇使徒行者2，我們叫咗2碗榴槤水晶珠，1碗龍眼椰果冰，之後加12元可以有一碗椰汁椰果西米露，整體上好大碗。榴槤水晶珠，成碗都係榴槤冰，所以好抵食，仲有爽口嘅水晶珠，好正。龍眼椰果冰有好清新嘅龍眼冰，仲有椰果和水晶珠做配料。椰汁椰果西米露，12元真係超抵食，好香濃椰汁味，椰果好煙韌，西米都好有口感。佢外賣仲有8折，真係超抵食。

Just had a very disappointing experience here. I ordered a grass jelly with sago in coconut milk. It was unacceptably sweet 😓. Basically it was just a full bowl of syrup...

有天中午在附近行街,熱得滯食唔落飯,一心就入冷氣商場涼一涼發現呢間甜品店。可能係平日關係冇乜人,自己又想坐一坐涼一陣再繼續行就入左去。一打開餐牌,發現好多新奇甜品(係呀我平時食來食去都係紅豆沙,芒果西米露咁),口淡淡試下推介既龍眼冰。等左一陣龍眼冰到,同餐牌個樣一樣,我就係想試下係咪咁堅(餐牌話一碗等於唔知幾多粒龍眼),第一啖食落去,嘩,濃濃既龍眼味,透心涼,仲食到有龍眼肉,加上又有果d脆口既珠珠,口感好好!值得再試。(話時話點解我用app寫upload唔到相)

係Vcity 吃完晚飯，行咗一陣，就當然要食甜品，間店係最底嗰層，Starbucks隔離 ，電梯的後面。坐底叫咗碗榴槤水晶和楊枝甘露豆腐花。鐘意食榴槤既真係要叫，好濃味，足料既榴槤肉係榴槤沙冰上面，配埋爆爆珠(透明一粒粒的)，taste very good，食完之後滿口都是榴槤的香氣。楊枝甘露豆腐花，見到個名咁新穎就吸引咗我叫，望落去好豐盛，食落去覺得無咩特別，亦唔難食，感覺加咗豆腐花只係多咗啲口感。甜品味道不錯，而且不是太貴，甜品款式都多，下次可以嘗試其他。

態度好好，幾有禮貌，個樣斯斯文文，又高高地，仲有同我地傾計（嗰陣唔太忙，幾啱我口味，望落幾好食。嘢食總體而言，係唔錯幾好食，個價格都好親民，希望可以再整多幾個唔同種類嘅甜品，最好係芒果個類

上回講到第一次入屯門外勤工作, 都知不知何年何月再入黎, 所以做完野便四圍逛逛了, 當然人生路不熟, 梗係去番地標左近穩陣啦!  行左一陣見到間聰少甜品就入去坐坐, 諗住飲杯野, 點知唔多款只有兩款便叫哂來飲.西瓜汁$25, 芒果汁$27, 老實講芒果汁一定好飲d, 但兩樣都想試, 都OK架! 跟住再睇下有無好野點先, 因為有幾次去其他甜品屋食甜品都好甜, 有點驚, 所以選一樣店主推介試試.  ~~ 芒果奶昔雙皮奶$37, 超正, 與其叫奶昔, 不如叫冰沙, 上面一層好好食的鮮芒果, 中間便是所謂的奶昔, 但真的似冰沙多一點, 下面便是雙皮奶, 口感好好又不太甜, 剛好! 總括來講, 我對今次的甜品各方面是滿意的 

跟兩位好姊妹去屯門 V City <芽莊 Canteen> 食完飯，由於店子狹窄嘈吵，令人坐得不舒服！逗留一小時便離開！意猶未盡之下，有位好姊妹帶我們到 V City 地下一角的甜品店 <聰少甜品>！橙色及木色的裝潢，簡潔鮮明十分搶眼！加上本身其實力！所以就算係隱藏商場地下的一角，都不知幾多人幫襯，甚至要排隊！<聰少甜品> 與 <聰嫂甜品> 是同一個飲食集團！色彩繽紛的甜品餐牌，圖文並茂，實在令人也流口水！供應：水果冰、西米露、豆腐花、涼粉、雙皮奶、中式糖水等，加上價錢大眾化，貼地價甜品，哪會不受歡迎呢！落單後不久，甜品便送上！相當有效率！杏仁茶燉蛋白 $33一送上桌子已傳來陣陣杏仁香，上層是香濃的杏仁茶，質感稀薄，下層是燉蛋白，勝在滑不留口，整體甜度剛好又滋潤！芝麻糊燉蛋白 $33這款絕對是黑白分明的甜品！ 相對地燉蛋白口味清淡，芝麻糊濃郁芝麻味口味突出，一濃一淡，不論口味抑或口感，也嚐出不同層次感！卻是芝麻糊容易食到變污穢貓，令人又愛又恨！榴槤雙皮奶 $39榴槤果肉份量慷慨，充滿榴槤飄香，帶出天然香甜！ 雙皮奶香滑少

喺屯門開店早期，真係成日都黎，之前成日搞啲特別版水果冰、糖水，菠蘿冰、紫薯豆腐花等，就係咁成功令我心思思想去食最近冇再推出新野，加上夜晚經過幾次都要排隊等位，到等到位入去，又催人走，我就冇再去喇。是日下午茶黎到，空位挺多，見未夠鐘睇戲就歇一歇。餐牌同之前大致一樣，有水果冰、西米露、豆腐花、涼粉、雙皮奶、中式糖水等，定價合理。龍眼椰果冰 $40天時暑熱，冇辦法抗拒龍眼冰，清爽消暑。而家仲標明一份等如30粒龍眼，非常足料。龍眼冰清甜不膩，邊食邊感覺到龍眼肉嘅口感，同食緊龍眼冇分別。冰唔算打得好碎，但都夠滑。面頭仲有椰果、珍珠，加強口感。食過幾款水果冰，依然覺得龍眼係最好食。杏仁茶燉蛋 $33可轉芝麻糊或合桃糊，價錢一樣。上層係杏仁茶，上枱已經聞到好香，質地稀身，滋潤度高。下層係燉蛋白，份量唔多，但好滑溜，不錯吃。呢間分店較尖東嘅坐得舒服，有高枱高櫈，有長枱有細枱，下午茶時間黎基本上都有位坐，晚上就多人啲，通常都要等位。服務可以話係冇，店員都係後生細仔，間中會睇你唔到，有需要舉多幾次手就冇問題，冇收加一服務費，我冇特別要求。

之前經過好多次都冇食，因為每次都係最飽既狀態下，肚皮沒有位喇今次終於食到！第一次食，唔使排隊~Lucky Order咗個必吃推介「龍眼椰果冰」真係好正每一口龍眼冰都食到有龍眼肉好清新同好足料！第一次食真係有驚喜另外也order咗個「楊枝甘露豆腐花」落咗單5分鐘都冇就上枱喇極有效率～豆腐花係底，比楊枝甘露遮蓋住，但有點好奇就係如果單點楊枝甘露係有西米，為何我呢個要再另加$6呢有點說不通呀講返個味係唔差既，豆腐花都好滑身。食咗15分鐘左右就埋單，去到收銀原來有個自助生果水機自由斟添

自從甜牙牙結業轉手呢間聰少甜品都係食過一次咁大把，今日休息係街度等男友收工，無啦啦就入左去點一樣野，榴槤係我既摯愛，所以就點左呢個又消暑又解喝既甜品，一路食住野一路等男友，點左呢個榴槤雙皮奶一分鐘都冇既出餐時間真係快到冇人信，超快，個甜品一上枱就有榴槤既香味攻佔左我個嗅覺，榴槤好香好甜，果肉打碎面，仲有冰面同雙皮奶底，食過咁多間呢間價錢便宜同好食，下次有時間一定同屋企人黎，再黎食過呢個榴槤雙皮奶，正

甜品已經是很多人的正餐一部份了，起碼我自己係咁。在open rice search 得最多的便是甜品，賣相吸引而不是隨便那裡都有的甜品，都想去試。來這裡是因為這個龍眼椰果冰，很少地方有這種不是曬乾了啡色的龍眼甜品，它是把還是透明的龍眼和冰一起打碎了，再加上有龍眼味的透明脆珠和椰果，食落有淡淡龍眼味，跟透明珍珠一起很夾，很清新。夏天吃十分正。杏仁茶燉蛋白是先做好了燉蛋白，大約有半碗，再在上面加杏仁茶。蛋白好滑，杏仁茶也香，不太甜，蛋白和杏仁茶通常都是一對，一般是把蛋白打發在杏仁茶中，這個燉蛋白加杏仁茶，可以食到豆腐花般的蛋白，不錯呀楊枝甘露豆腐花楊枝甘露很足料，溝埋豆腐花就無咁甜，豆腐花也滑滑。連續探左聰少兩星期，都算很捧場啦！