肥牛火鍋海鮮酒家

營業中

休息中

五一假期，唔想煮晚飯，兼很久無吃火鍋，想起街口有家酒家，雖在垃圾站附近，便番丁看看底細。6點多報到，本無期待，一看只有3成坐滿，想著可能中伏，但看著菜單，點了218牛脊肉，再加88要崩沙腩湯底，再加39要野菜盤，湯底一到，嘩，起碼有最少一斤崩沙，而且跟牛根分開，吃下全無牛蘇味😃再來牛脊肉，彈牙的，盤野菜都是新鮮兼用超甜栗米，我跟老婆無言而對，小朋友更吃了不少，當結帳時，桌上巳清倉，另巳近7成客滿，跟西九酒家得3成滿不可對比。雖服務慢得2個待應加1部長。但上菜快，感覺不錯，起碼人們常唱香港野食唔掂，現人家單食材都有2百左右，而且是掂和新鮮的，對得住食家。雖味精有點重。

經常同朋友一齊去吃，小菜，打邊爐都試過，各有千秋！裝修之後，環境靚左！未來繼續幫襯！啤酒經常都有優惠，買二送一，價錢相對較平，上次6個人去，都系1000蚊左右，抵食！

早兩天經過医局街，想静一些歎茶就上了這酒楼，怎料入到去見有3,4張枱没有人便打算坐下，怎料待應指那幾張枱已放了點飱卡，代表有人，我問人在那裡，她又答不上來，附近竟有人搭声說不好意思，為求医肚，便求其在角落位坐下叫點心，结賬時將此情况告知酒楼主持人，她並不否認，祇表示你喜歡就來，就是這態度，我决定绝不再來，亦奉勸各位不應到此用膳。一間食物平常，服務態度馬虎的酒楼，再加上祇願做熟客的壞習慣，就算結業也不會可惜

可能近期換了老闆，看了食評本無期望，而且在垃圾站附近，地段令人印象深刻，而且要上1層無電梯，老人就要小心了，但去了後發現新裝修，茶具衛生ok，兼不用等位，服務起碼有數人，而且還勤快，在深水埗飲中式茶來說就值加分，因附近其他酒家常滿座，再加上最貴點心不過30，而且不算差，所以值推介。點了沙x雞腳, 40左右5大枝，價合理，椰汁高及其它點心賣相可以，雖吃下普通，但這價合理，唯一較差金錢肚，無味兼帶一陣臭牛雜味，失望極，總體說7樣點心連茶位連加一190附近。

今日一家人去飲下午茶，本身已經係咁叫人落單都冇人應你，點知食物都未齊就熄冷氣熄電視。去收銀好聲好氣叫佢地開返個冷氣，點知個個都當你透明，個個扮聽唔到。跟住佢地自己自動話叫個經理出嚟，點知完全冇叫到，完全當我地冇到！好啦，咁你唔上食物，我地都唔要，埋單走人。埋單嘅時候同個收銀講唔應該野都未上完就熄人冷氣，點知俾個收銀鬧返轉頭，話”都唔關我事，你同我講冇用，你咪去告我囉！”，咁嘅服務態度，真係請都唔會再去！

同朋友一齊搭正兩點三黎飲下午茶，畫好哂點心紙就嗌阿姐黎落單。落單果刻先知原來唔係計我地食下午茶，我地都好聲好氣講我地係超過兩點鐘先入黎，個阿姐離譜到話佢自己隻錶兩點鐘都未到(隻錶壞就好心換左去啦)，噪完一輪冇結果就算啦，都係平果幾蚊，唔同你噪(個阿姐惡到呢)。等左好耐(30分鐘)，就去吹一吹問下點解D點心甘耐都未到，出去收銀到問先知原來個阿姐根本就冇落過單，仲要一個推一個，個個都話唔關自己事仲要聲大夾惡。嬲嬲地埋單俾茶錢走人，唔會再有下次！

年初三同老媽子得兩個人，叫老媽子唔好煮飯出街食，當然就近肥牛啦，食過幾次小菜今次第一次嘗試這間火鍋。無訂位亦不須輪候，先看看餐牌，極度想試牛雜鍋，但老媽子說她年紀大不宜吃內臟所以沒點。點了：1. 乾隆醉雞鍋 - 有半隻雞份量很多，鍋底有北杞、紅棗、元肉等，酒味不太濃，雞嫩滑。2. 深井現生蠔 - 有五隻亦算大隻，蠔味十足。3. 頂級新鮮牛脊肉(例牌) - 不夠肥，入口尚算肉滑重牛味，仍有口感不會韌。4. 滋補羊片 - 切得薄薄有脂肪，無羶味，肉質幼滑。5. 新鮮肥鵝腸 - 非常厚膏，但腸身較幼應是鴨腸，尚算爽口。6. 鮮蝦靚水餃/爽口魚片頭 - 雙併，水餃蝦大隻鮮甜，魚片頭彈牙。7. 深海生班片 - 魚肉潔白，入口也有鮮味。8. 新鮮唐好菜 - 新鮮味夠濃。另外叫了幾枝啤酒。整體鍋料不過不失。 

6:30同親人共3人食晚飯，時近冬至去到西九龍的酒樓已全滿無位，行落去醫局街肥牛有位，雖然裝修過但仍是傳統小酒樓格局。睇睇餐牌先叫一個佛山燻蹄$38送啤酒，燻蹄有點像豬手豬皮比較深色及有咬口。除散叫外還有套餐，點了一個歡喜宴四人套餐$588：1. 芝士蝦球伊麵 - 蝦球份量多，芝士汁略嫌不夠重，伊麵剛熟很滑，不錯。2. 肥牛小炒皇 - 有蝦乾/魚肉/鮮魷/西芹/腰果/韭菜等，與大排檔出品差不多，夠香口佐酒不錯。3. 竹笙海皇翅 - 食落是素翅，材料相當豐富，有竹笙/素翅/火腿等，做得出色，味濃甘香好食。4. 清蒸多寶魚 - 本人不甚吃魚，但試了一口相當之滑。5. 金牌吊燒雞 - 半隻雞，有傳統蝦片伴碟，燒雞外皮卜卜脆，雞肉亦相當嫩滑，不錯。估不到小酒樓的小菜也相當不俗可媲美一般大排檔而價錢亦不算貴，見該店還設有火鍋，下次有機會會一試。我們早到有位，但之後陸陸續續很快就坐滿人。另外叫了數支啤酒。 

每次去深水埗長沙灣區吃火鍋，總是先想到去順寧道那邊，想起來好像也有一陣子沒有來這邊吃火鍋了，可是今天鬆弛卻想找一些沒有吃過的火鍋店，最後我們來到醫局街。晚上時分的醫局街，燈光昏暗，雖然人不少，不過都是在回收店裡工作的人，如果女孩子一個人行要特別小心。火鍋店的格局像舊式酒樓，就是在電影看到那些黑道中人在擺大壽的那種，當然這只是我自己想象，眼見用餐的客人其實都是普羅大眾。火鍋料款式不少，價錢比其他地區平大概兩成，至於湯底沒想到也有不少選擇，有好幾款特色湯底，最後我們在侍應的推介之下選了招牌牛雜鍋底。招 牌牛雜鍋底裡面有牛膀、牛筋、牛肚，牛大腸、牛小腸和牛肺，除了牛肺之外，其他我都會吃的。一開始鬆弛擔心用炆牛雜的汁去打邊爐可能會太濃太鹹，不過其實 吃罷牛雜之後會再加水，之後再煮火鍋料就剛剛好。鍋底裡面的牛腩不多，反而超多牛肺，而且切得有點大件；牛肚是金錢肚而非草肚，我個人比較愛吃草肚，因為 容易炆得腍，也不難咬開，還好這些金錢肚也不俗，只是切小塊一點會更好；牛筋顏色偏白，好像是沒有炆得很入味的感覺，而且口感不是腍滑，是較爽口的；牛小 腸裡面的脂肪很澎湃，雖然油甘豐腴，可是也不能吃太多。裡面還

今日很高興 , 因為我已晉升為 "新晉食家" 了~多謝支持 , 我會繼續努力 , 希望寫作能力提升一點 !!公司老闆看生果日報時看見一廣告 --- "$98蚊牛雜鍋"便興致勃勃提出"公司聚會夜" , 我們為了不想掃興都相繼支持~我跟同事先去攞位 , 8時半 , 人不多經理有禮地安排我們坐位 ,我們只有10人 , 他們給了我們12人枱 , 頗舒服 !!配料除了鼓油蒜頭外 , 還有xo醬 ^^先來那牛雜鍋 , 材料滿滿的 , 湯底很濃郁牛肚 牛腩 牛肺 內腸 etc 都很多!!經理推介我們吃"手切牛脊"牛味有 , 加上唔un , 一大碟都係$138 抵丫~叫左兩碟 , 擺底都冇兩個字 , 已經冇曬 ...另外 ,豬皮．蘿蔔 ．水餃．粉絲．烏冬 是必叫的~他們能夠令牛雜鍋發揮得淋漓盡致 !!雖然他們都是交來貨 , 但味道ok .吃飽後還有一豌紅豆沙做結尾 , 很滿足啊!!p.s 牛雜鍋吃的時侯真的好食 , 火鍋配料亦不錯, 但回到家中要不停飲水.... 味精太多了吧~9點半後人竟然開始多了 ><"(為什麼呢??)

天氣開始凍， 今日一家人去左打邊爐一如以往叫左 鴛鴦湯底， 清湯+沙爹呢間野黎過2，3次水準都唔錯， 但系好似一次俾一次差甘D野都唔平， 埋單600幾，4個人都唔系叫左好多野， 都系食吓肥牛， 豬頸肉， 菜， 等等D服務都還可以， 叫D夥計黎加野都好快手天氣凍， 打邊爐都不失為一個好的idea

報紙介紹牛雜煱底，伙記話十個客有九個都食呢個，$68連3支細青島，d牛雜幾入味，不過怕鹹要叫加多少少水我地叫左牛脊肉$138，另外叫多8-9碟火煱料，食物幾新鮮同衛生唔算太多人，不用等位，d伙記服務都幾好，會介紹下有咩出名好食，多客點的菜，叫加水加茶都爽手，環境算衛生(洗手間就差少少)不過就無任食plan，所以我地都叫左手打烏冬($25/3餅)

今日同兩位同事食飯，同事話飲茶，我就跟住她們食好野。間茶樓偏離了旺區，都係住尼頭d人先識來，上到去爆哂人，我地見有空位就坐，見點心車經過就拿，奶皇包…被個賣相嚇親，外皮係黃色，味道好，餡充足。棉花雞…除了個火腿變了味，其他都無問題，鳳爪…大大隻，好好肉，唔通隻隻都係肥雞？南乳豬手…一夾就骨肉分離，好『林』，排骨…好多舊，好正，蝦餃…有四舊，見同事吃得咁急，都唔會差得去邊。三個吃，每人34元幾抵喎半小時後勁口喝，我估係落了味精。

我一家四口(我和父母妻)於26.10.09到肥牛火鍋山東街店晚膳，埋單六百多。問題在：我要一碟80元的本地手砌牛，來的竟是機砌美國雪花牛，當我問陸軍頭經理時，他極其無禮相對，以下是我與他的對話：一埋黎就問他：要咩？我：經理，這應該不是本地手砌牛，有無比錯我地？他：本地手砌牛應該係點？我：（見他態度囂張，只好直說）總之唔係敢！他：（對另外一個伙計）細佬，攞走佢。(隨即在餐單上劃去本地手砌牛的記錄，就離開再沒有向我們交代。)以現今香港的服務業水準，竟然重有如此荒謬的態度，絕不是現今社會主流。

睇到雜誌介紹 $68牛雜鍋, 急不及待去試試一般酒家格局, 不過地方清潔, 晚市有特價小菜, 九點後火鍋$9.80起.伙計招呼都良好, 唔會冇人理你一坐底即刻叫個招牌秘汁牛雜鍋: 惹味秘汁配上等牛骨湯底, 選用新鮮本地黃牛, 上等牛雜: 牛膀, 牛肚, 牛筋, 牛肺, 牛大腸, 牛粉腸, 仲送三支啤酒或三支汽水. 招牌秘汁牛雜鍋 - 絕對唔馬虎, 真係足料, 鍋內仲有蘿蔔, 好惹味, 食完唔口渴, 應該冇乜味精. 美國肥生蠔 - $20一碟, 大大隻 炸魚皮 - 爽脆, 應該唔係隔夜 莧菜 - 新鮮, 冇比爛菜 生根 出前一叮真係好好味, 一流, 加個米粉/河粉仲正呀!!!兩個人連茶錢加一, 埋單$170