肯德基家鄉雞 (KFC) (已結業)

今日去開灣仔, 肚餓餓哋,叫咗個下午茶, 叫咗個家鄉雞套餐, 套餐包括兩件雞、一個細磨菇飯同一杯飲品, 啲雞炸到外皮好爽脆, 內裏好軟滑, 蘑菇飯有大量嘅蘑菇配埋香濃嘅黑椒汁, 味道一流！ 價錢方便就偏貴,一個套餐盛惠45.5,同午餐差唔多價位！

香港終於有麻辣炸雞食啦... 上年12月去台灣旅行食過"椒香麻辣脆雞"，一試難忘。今次喺香港見到呢個"椒麻脆辣雞"，鐘意麻辣又鐘意食炸雞嘅我一定要試埋.....當然，完全了解兩地推出可能唔係同一樣嘢，但因為上次太好食，又因為呢次係衝住回味上次味道而食，所以呢次評論我亦難免會以先入為主的心態，去跟嗰次台灣作對比。首先雞件雞肉炸粉比例為佢哋基本雞件製作水準，香口乾身，雞肉都算嫩，個人嚟計都OK。講重點個麻辣，椒麻脆辣雞打開有傳嚟麻辣香味，但細心檢查一下，發現原來真係唔係我心目中台灣食過果種，香港呢個係用味粉灑面，整體比較乾身脆口，入口如果唔食皮就同食普通炸雞一般。而台灣果個係醮麻辣醬汁，個人比較喜歡醮有醬汁炸雞。辣度方面，椒麻脆辣雞唔算好辣不過夠香，適合一般人食，相信係因為想穏陣採取保守策略而唔敢過辣，嗜辣者可能會失望。台灣果個係大辣，好刺激！不過呢次啲雞係啱啱炸(定焗)起非常咁熱，所以加分不少。

灣仔新鴻甚中心呢間KFC店內環境開揚，座位乾淨寬敞，更設有自動售賣機。炸雞熱辣辣新鮮炸起、又厚身又大隻，外皮炸到金黃色，香脆可口，雞肉口感嫩滑、肉汁豐富，真食唔停口😋。葡撻穌皮超級鬆脆，內裡蛋味香濃，口感細緻順滑，又平又好食😍。

Odered a chicken meal and was asked to wait for the potato fries to be cooked and was given an order number card for my table. So I sat down and started to eat my meal slowly.  The words on the card reminded me to wait and the food would be delivered to me when ready. I saw staff members walking around the tables and in/out of the kitchen and saw they noticed the card on my table so I continued to wait. After 30 minutes I asked the lady walking around the tables if she could check where my order

早幾日得閒，醒起想試吓KFC新出嘅炸番薯波，同埋都好耐冇食，所以見到就入去試吓啦！叫咗個炸雞扒黑椒蘑菇大桶飯，同埋炸番薯波加炸雞粒食個飯就都幾飽，多飯，但汁唔算好多。食到尾啲飯有啲一舊舊。炸雞粒就咸咗少少反而蕃薯波又幾好食！出邊係脆脆地嘅，食落有啲煙銀，紫色好食過黃色！經過可以去試下，又唔太貴

儲咗好多主食類美食一直未得閒趕起，深夜時分就輕輕咁刺激吓大家嘅眼球啦 😂 KFC 新推出咗焦糖系列嘅炸雞同甜品都好一排，到目前位置終於算系試齊晒啲新嘢～總結嚟講呢個系列絕對唔算伏，未試的話都可以去試一次 ⁣⁣🍗 焦糖爆谷脆雞⁣評分：7.5/10.⁣比起之前嘅鹹蛋脆雞，呢個嘅炸皮脆得嚟亦都香口好多 (有個啲細細粒一粒粒嘅嘢增加口感)，反而仲冇咁油膩 😉 有包焦糖醬可以自己淋係面，淋咗之後會更加甜 😁 但呢個配搭非常夾 😋，我覺得唔夠喉差啲想攞多包醬落添 ⁣🍦 焦糖爆谷新地⁣ 評分：7.5/10.⁣一直覺得 KFC 嘅新地嘅 base 比麥記嘅好食，奶味都濃郁啲。焦糖醬 x 牛奶系穩打穩扎嘅口味 😀，爆谷雖然係得幾粒但每粒都系沾滿焦糖 (唔系好淨色淡茂茂嗰啲) 😍 雪糕亦都夠挺身溶得唔算快，覺得今次自己幾好彩⁣

ㄧ日之計在於晨,早餐ㄧ定少不了,唔想食咁多,又食唔落咁多,又唔想洗咁多錢,快餐店係唔錯既選擇,10幾到30幾都有交易,而我覺得kfc既B餐CP值算高,有芝士火腿卷同茄湯通粉加杯野飮,都只係19蚊,份量岩岩好,比起茶餐廳,通粉份量小,食埋個芝士火腿卷而我就中意配熱既蜂蜜綠茶,甜甜又熱可以消飽既感覺,但熱量算高,唔好日日食,偶然食ㄧ兩次,享受這偶然既幸福,就已經足夠P.S.我最愛芝士火腿卷,百吃不厭☺

本身唔知想食咩早餐，突然看見眼前有一間KFC,於是便走了進去看看環境如何還有吃什麼 ,雞扒包，多士，烘烤餅，然後夜飲除氣水外還有健康類的蜜糖綠茶和奶 即磨咖啡 ， 忽然間覺得吃肉大增，選擇了全餐有多士，雞扒 ， 薯餅 及奶茶，最令我驚訝他們的收銀員 態度超好 很多禮貌

灣仔碼頭附近想搵D野食所以就去左灣仔港灣道30號新鴻基中心2樓2A-2號舖 肯德基家鄉雞 食個下午茶佢有個餐都幾抵30蚊內就有得食個TEA SET有一隻雞腿,不過我叫佢要辣既佢俾左隻唔辣既我不過已經食左一下先知就冇啦,廢事搞咁多去換喇唔係好熱,所以唔好食萄撻都OK既,都暖既,同埋倨皮都唔錯都算鬆化辣雞粒就真係幾好食喇岩岩炸起夠晒熱,同埋真係幾香口,食落就唔想停直至食晒為至飲杯可以免費轉蜂蜜綠茶,都係正常野黎既有個網上問卷調查,上網做完就有5蚊用

每日放工之後點都會嘥13蚊去買一嚿香脆雞塊食, 第一佢冇骨, 第二列到又唔會好似巴辣脆雞咁辣, 第三大細適中, 太大就驚食完之後爆瘡, 太細就過唔到口癮, 最好就係配埋葡撻一個甜品 ,飲品都係自備好啲， 我唔想浪費五蚊雞去買汽水

說食連鎖美式快餐店，我最喜歡的，其實是《KFC》，若是有三、四個人一齊來食的話，叫一桶雞，每人一杯汽水，的確是快活似神仙的。不過，多吃的確是無益，亦很熱氣，年紀大了，香港又多美食，說《家鄉雞》這三個字，近來，覺得是一件好沉重的事。不過，有時間，心癮起，都想叫下雞既。以前興一班人去，家下，一個人獨樂樂算了。這一天，我身處於新鴻基中心，一個人獨樂樂，當然要去食返兩件雞。一個人，食兩件雞既套餐令開心。我最愛的，始終是最傳統的 Kentucky Fired Chicken。香口的雞皮，不會太脆，但味道是絕對的可口，內心的雞肉，多汁，嫩滑，這就是令人愛死食雞的原因。而是日，我健康一點，要粟米，甜甜的蒸粟米，雖不是最好口感，但唔難食就得啦。開心，間唔中食下肯德基家鄉雞，係好開心架。

以為灣仔區kfc放飯時間一定會超級多人，點知位於新鴻基中心呢間又ok喎，一點鐘去買飯、點二就返到office!想叫蘑菇飯、但不論價錢同size都係蘑菇筒雞飯吸引點，口痕痕、等我叫多個葡撻食下先。宜家既蘑菇飯好似同以前好唔同，所用既蘑菇大片左好多，食落真係過足口癮、口，感爽左好多。個汁又係唔同左，以前真係會隱隱若若見到一粒粒黑椒，個飯辣辣地；宜家就無啦。我鐘意改良後既多D!因為大蘑菇片賣相又靚點，睇落開心咬口又好。葡撻就一如既往都係咁好食，唔怪得人地話KFC最好食唔係雞、而係葡撻。

KFC又推岀新搞作，大牌薯條店推岀窩夫新地餐佢又玩窩夫。等我試試先la！新品: 1. XO醬脆雞 $18/件，$38餐其實就係平時既炸雞上面搽上左XO醬。XO醬有驚喜，甜甜辣辣好惹味！而炸雞雖然沾上醬汁但依舊香脆，值得一試。2. 野莓窩夫新地 $18食完炸雞，想食甜品？冇問題～新登場既野莓窩夫新地可以試試。即製既窩夫口感驚喜夠鬆脆，加埋雪糕好味！佢地話雪糕用既係紐西蘭牛奶，食落真係奶味濃少少，野莓醬味道算天然，甜品控可以一試！(不過用膠碗就有少少殺風景)

話說kfc出左隻軟雪糕，好似以前burger king咁，最近仲做緊買一送一，點可以唔試呀？上面嘅軟雪糕好香濃雲呢拿味！亦都好軟熟！最正嘅就係下面嗰筒好脆好脆！好似啲雞出面嗰層咁脆！唔會話好甜，甜到好難入口嗰種。亦都冇麥當勞嗰種咁雪嘅味道。其實食完後覺得少少似burger king個個啦，不過都係嗰個好食啲！

香港人生活太急速，早餐唔需要食太多，若有時間可以去坐下，慢慢食個早餐，都係一個唔錯既享受。KFC嘅早餐其實唔差，整得外脆內軟，內裏還熱烘烘，食物溫度保存得好好。佢嘅薯餅比麥當勞薄身些少，闊身些少，外層好脆口。但咖啡就差一D,有些少鞋口，沒有另配奶。但整體算唔錯。