腸粉皇

營業中

休息中

2008-12-08去annual party 前要打底，自個兒o黎呢度搵食$7，唔知有幾多條啦會自動問你要咩醬，除辣醬外咩都要無俾鹹豉油或者濃花生醬搶o左o的味，好平衡每條腸粉都好滑溜，不過如果有番多o的米香就仲好好有禮貌咁叫我俾番隻碟佢o地就得，驚我整污濁，再加句多謝So Good !

$7一碟腸粉, 份量唔係幾多咋!混醬又真係幾好味, 樣樣都有d味, 幾惹味呀!腸粉ok啦! 係幾滑既...逐碟整, 好長龍, 都要等幾耐下先有得食!

上星期二，放工後走至灣仔 188 閒逛，途中見到腸粉皇門外有一小人龍，於是在附近兜了一圈之後再折返，剛好人流剛過，點了腸粉加燒賣 ($12)。期間聽到老闆招呼另一位客人，客人表示要混醬的，老闆即刻答"係呀，d 度出名混醬，特別係有一個混脹既老細..."自稱為腸粉皇，又能與交加里一眾小食店並存，質素理應不錯，事實上腸粉的確頗滑溜，這是我家樓下街市腸粉檔口沒有的，醬方面份量剛好，食街邊腸粉總是離不開大混集的醬料，區區幾個大洋換來百味交集，確是香港地道小食表表者之一。至於燒賣，只是普普通通，入口便有種"粉"的感覺，還好只是配角吧了 ^~^

近來經常到灣仔看看遊戲的情報，每一次都經過人山人海的這兒。之前已試過，故沒有馬上再吃的衝動。是夜忽然起腸粉癮，而且人不算多，不用排隊，就來一碟吃吃....腸粉份量很多，胃納小一點的女仕們，來一碟就可能夠飽了。質地不算很滑，吃不到像合益泰那樣的豬油香氣，而且豉油下得太多，尤如水浸一般，再好吃的腸粉也會被浪費了....燒賣也好像比上次吃的差了，"粉"的成份極高，對小弟來說，只是在吃有味的麵粉而已....當然，味道不算很難吃，但距離出色的，還差得遠呢

唔覺意行過,見到好多人手上都擰住份腸粉加左好多汁,一向胃食既我,梗系唔會放過好野了,跟住前面既胃食一族叫左個腸粉加燒賣,加埋先十二蚊,再”扣”埋D份量十足既混醬撈埋吃,真系一級棒,吃落腸粉好爽滑,點埋D醬味道岩岩好,燒賣賣相都OK,咬落唔會好幹,QQ地,真系值得推薦.

臨別在即, 小食當然唔可以放過啦, 加上早一排師傅一到下午茶時段就非常肚餓, 所以一離開監房, 第一時間就過黎呢度食番兩串啦! 行到埋去, 例牌嗰兩樣, 腸粉加燒賣, 十二蚊兩食; 腸粉非常滑身, 口感絕佳, 加上混醬份量洽到好處, 豉油唔會過咸, 麻醬夠香, 真係勁香勁好味; 而燒賣都幾靚, 有魚肉味, 又唔會太韌咬唔到咁, 一串有五粒, 都算好味抵食呀!總括黎講呢度腸粉質素真係好好味, 企街嘅感覺又真係好過癮喎; 不過可惜再黎機會唔大, 唔係因為食物唔掂, 而係師傅將會絕跡此區, 還望呢間食店能吸引師傅再度光顧啦, 笑臉點走得甩!

金融海嘨,身家大縮水....看來又要找一些平又好味的午餐過日子了 來到這見好多一立食,又或排隊.今次終一試.要了共12元的燒賣加腸粉食混醬. 粉夠滑,夠油夠味...係無菜食.

師傅都好耐冇食過街邊小食, 難得前日早左少少離開監房, 加上又好肚餓, 於是就決定黎呢度食少少野啦!行到埋去第一時間就叫左腸粉加燒賣, 腸粉加左價, 七蚊雞一碟, 而燒賣就係五蚊一串, 再要混醬撈埋即食! 腸粉依然好滑, 口感一流, 而混醬份量又唔會過量, 洽到好處, 勁香勁好味, 而燒賣都幾靚, 有d魚肉味, 咬口又唔會過韌, 好好味呀!總括黎講呢度腸粉質素真係好好味, 唔知點解企喺街邊度食, 又好似特別好味d; 師傅覺得灣仔區街邊小食, 呢檔腸粉皇都算有d水準, 所以笑臉值得一比, 下次一定會再黎!

籌劃已久的灣仔掃街大計，終於可以實行! 聯同i am hungry、miss愛將同多米力喺集成大基地集合後，就齊齊進行第一個計畫 -- 掃「皇」行動。其實以前經過此店已好多次，大大的黃色招牌，大大隻字稱自己為皇，招搖非常。雖則係「黃色招牌」，但賣的係正正經經的豬腸粉和各類小食。其實之前曾經外賣過餈飯返公司當下午茶，係一舊扁扁的怪餈飯。個餈飯太林，飯唔煙韌，肉鬆同油炸鬼亦完全濕晒，但可能係因為之後翻叮所以不能作準。但即使唔林，本身料亦唔多，唔夠多榨菜，油炸鬼唔夠香。返去當日嘅行動，我地四個人叫左一碟腸粉($6)同燒賣($5)share。腸粉份量好少，我地話咁快就食晒。腸粉非常之滑，入口唔錯。但醬汁就略為遜色，已經講左多麻醬但仍然唔太食到麻醬嘅香味。小弟係鐘意食辣之人，但總覺得腸粉加辣醬有D怪，好似蓋過左麻醬同甜醬的香味，但依個當然唔係佢嘅錯，只怪一早冇叫佢唔好加。燒賣十分普通，但其實只食左一粒又真係冇嗒真D味。任務完成。結論係腸粉不錯，但未致於稱皇。只係灣仔一帶冇太多對手...不過喺附近嘅話，唻食下當小食都係不錯之選。（因為相機壞左的關係，有部份相係用手機拍下，質素好差，請多多包容）

以前係個頭返工, 差唔多日日飲佢做早餐d 腸粉好有米香, 仲好滑我鐘意係麻醬+多芝麻+辣蕉豉油..... 真係諗起都想再食

跟親愛的係摩利游完水, 經過這裡買了腸粉, 吃下去幾滑溜的咬下去好軟熟, 腸粉皮夠薄雖然自已本身喜好麻醬, 不過親愛的麻麻所以麻醬下的份量少了點, 甜味搶左d不過腸粉本身質素係幾okay的!

大字標明腸粉6元一碟，落單時老闆娘/店員會問‘有乜嘢醬唔要？’，簡單乾淨利落。 腸粉滑溜，不會過厚，新鮮熱辣，麻醬甜醬豉油芝麻，樣樣都齊，又真係幾好味！ 以前不時會去街邊檔醫肚，可惜現在小販沒有了，食物的味道也變了。當然，過去不可追，但偶然遇到，那個頃刻間能喚回舊感覺舊記憶的風味，很是不錯！

When I was young, 腸粉 is one of the best snack to have after swimming. 熱辣辣, 甜醬, 麻醬, 辣醬, 加上芝麻, 非常好味. As time goes, those traditional 街邊腸粉檔 are almost all gone. Saw this place in Wan Chai, it reminds me of the old days. So I want to give it a try.腸粉 is hot and fresh, but does not have a lot of 米味. But since you usually add a lot of 甜醬, 麻醬, 辣醬, it still taste pretty good. It does give me a flash back of old days. 過去就是過去, 我諗好多街邊食物都幾難搵得返以前的味道....

日日路經此地，但就偏偏未幫襯過，趁屋企無早餐食，便來試試佢既實力，看他如何能自稱腸粉皇。不要太多，就一份腸粉，盛惠六個大洋。除了辣醬，其他咩都落勻。行幾步返到公司，立即開餐。打開盒蓋，腸粉仍是熱呼呼的，而且還算滑，加上美味的醬汁，收貨了！灣仔區沒太多吃腸粉的選擇，呢間應該係唯一的一間了。

呢間食店可以話係幾出名, 幾乎灣仔區冇人唔識, 但偏偏師傅聽就聽得多, 就係從來都未試過, 因為唔係唔順路呢就係呢度勁多人, 終於今日可以黎左一試!行到埋去唔使排隊, 於是乎師傅要左腸粉加燒賣作為下午茶! 腸粉六蚊雞一碟, 而燒賣就係五蚊一串, 再加混醬即刻有得食!腸粉最緊要就係夠薄夠滑, 而呢度真係叫做做得到, 加上佢d豉油都幾香, 麻醬又幾麻, 甜醬幾甜, 辣醬夠辣, 芝麻又夠香, 撈埋一齊食真係勁好味; 而燒賣都幾靚, 有d魚肉味, 又唔會韌到好似舊膠咁, 咬唔爛, 所以都幾好味!總括黎講呢度腸粉真素都真係掂架, 聞名不如見面, 加上街邊企度食, 又有另一番風味, 令師傅諗番起兒時情景, 所以有機會一定會再黎!