腸粉皇

營業中

休息中

原來老闆仲記得我...記得上次嚟幫襯已經係三年前既事喇，闊別多年，今次買咗腸粉($6)加燒賣($5)做早餐。例牌又係多芝麻走辣，腸粉係比較腍，魚肉燒賣亦一般，不過偶然幫襯一次亦無坊。返到公司發覺d豉油多到成半碗都有，老闆，下次落少d得嫁嘞。

既自稱為腸粉之皇，自信可謂不少。唔試下又點得...都好耐冇試過排隊買嘢食，為的只是一碟腸粉...盛惠六大洋一碟，再來個混醬撈。追加一串燒賣，就企响店旁來個立食...腸粉都算幾滑，但食唔到有豬油味。雖跟合益泰相比還是有點不及，但都算唔錯...魚肉燒賣入面粉嘅淡例不算多，食落都有淡淡魚味，亦算唔錯...但若要小弟再排隊食，咪攪...

早餐吃過它的恣飯$8, 太實少炸菜, 不夠熱不好吃。腸粉$6 唯一好處是不太朔, 記得叫落少些鼓油, 否則多到浸住, 但不太鹹也沒味精。

又來吃腸粉.腸粉+ 燒賣: 8分, 老闆仿似尹光的招牌響亮聲線, 帶來一句早晨. 人龍不短, 都要等一陣先有得食. 小弟攻略係要小小豉油好了, 再加多一點麻同甜醬, 老闆更帶來一句加到你滿意. 落少了豉油, 當然沒有之前吃那樣濕, 雖然米香不夠, 但口感都好好.附近食腸粉都係得佢, 自然會再來.

原來呢間店禁出名, 我成日行過都無唸過要試. 終於上星期五早餐時間試了. $5四條(不會很多的, 放心!) 老闆有禮貌. 我話每樣醬都要少少. 回到公司, 看到好多好多醬, 好似湯禁多. 腸粉無米香味, 醬又無麻醬味, 普通啦! 不過如果我想食腸粉的時候都會選佢.下次試下燒賣先!

係呢到周圍行下,見到呢間野...講起真係好多年未食過.聽日去食下先.講起佢d腸粉..真係小弟平生食過最好食既腸粉.雖然無咩米香,但係五蚊有成個飯合咁多既腸粉..佢d醬酒又係整到好好食既,至於淋唔淋...其實我以前係果頭返工..同個老闆都幾熟一日最少食一次,有時無錢一日食足三次.佢見少腸粉就會放入個熟爐到.但係幾時有客幾時多人,無人會知,所以蒸得耐就會太淋.唔夠時間就會太硬..我仲記得果時..放工晚上9點..叫老闆留定30蚊腸粉成6合咁多....返到屋企比屋企人食..食完人人讚正..不過灣仔咁偏既地方..答MTR又唔係.車小弟又無...真係幾難有機會再去重溫舊夢.不過係果到其他野都唔使試..真係會失望...腸粉一樣就夠

冰冷的早上, 過來這裡外賣. 人幾多, 等了好一會才有得食.腸粉: 7分, 腸粉係比較淋同濕. 口感一般. 當然熱辣辣的腸粉難吃極有限, 不過又不算很出色, 唔係皇的感覺.我的辦公室只在三分鐘路程, 但腸粉已很淋.燒賣: 6分, 細細粒的燒賣, 食落口有點點粉味, 一般.便宜, 但味道唔算好好, 耐人尋味的店名.

咁大個女都係第一次係街邊捧住隻碟食腸粉，今日終於同男友見證了咁有風味的一刻。要了$5蚊腸粉，三條左右，急及待把它放進口，腸粉較硬身，是我喜歡的質感，嗜「淋食」的男友當然嫌硬啦。很可惜腸粉一啲米香味都無，個人認為都係天后蘋果商場間齋舖啲腸粉好食啲。

今日放工經過....估計這裡是腸粉皇..好彩估中..5元腸粉....老闆好有禮...用盒上..服務態度良好我返到西環先食...沒有變到林洒....水準之上..一定有下次

見到咁多人都話好好食,就係今日終於忍唔住去試下.雖然今日係好大雨,而且腸粉皇又離我公司都好遠,但係都難掩我為食既心情,我咁有誠意.....全身濕透既我一打開個蓋....E...真係好似好好味喎..一食落去...好似唔係好得喎..D醬唔得,腸粉D質地又唔得,冇樣好---百"無"..通達食店個D好好多!!!仲有仲有唔記得講..D豆漿=水(有可能淡過水ar)不過,最好都係服務囉~~

佢d腸粉真係真係唔錯ga~我係附近返工~佢早餐仲抵呀! $8 有4條腸粉+ 1支豆漿~(唔係杯杯咁少wor)勁抵食~不過個豆漿就得個甜字...怕肥~

慕名而去,但郤令我倆失望，腸粉只是普通地好，個麻醬完全令人留不起印象。大家咁褒獎佢，係唔係因為未食過深水浦合益泰小食的$5 有5條的腸粉?

今日外賣o左腸粉$5一兜, 好似有5條喎!!熱辣辣, 滑o都o都o既腸粉~ 正!! 我食腸粉淨係要豉油同甜醬o架咋! 但個阿姐好重手呀!! 好似唔使錢咁~~~~ 至於同事就乜醬都要, 都話正呀!!! 仲有coffee賣架喎, $8~ 我冇飲唔知呢~個老闆都好好口y!! 雖然佢認得我成日幫襯佢隔離o個間快餐店, 但都叫我"阿妹"!! hahaahaa~

慕名而去, 果然無令我失望, 好抵食$5 有4條, 腸粉好味呀, 又滑又多醬。企係街邊食一碟腸粉, 好耐無試過啦.

腸粉幾好味不過無坐。