臨記車仔麵 (已結業)

啟田商場呢間臨記車仔麵新開張左一段時間，平時經過都見到門口大排長龍今日非繁忙時間去，好彩唔算太多人自選車仔麵見到餐牌既配菜選擇好多，而且好多都好吸引，所以今次叫左一碗9餸車仔麵同友人share🤣🥬：豬軟骨、牛孖筋、溏心蛋、牛肚、蠔油小花菇、銀芽、豆卜、蘿蔔、唐生菜🍜：讚岐烏冬🍵：鮮茄湯湯底方面，鮮茄湯酸酸甜甜，見到有好多蕃茄蓉，真材實料，夠曬濃郁配菜方面，味道整體都唔錯，當中最推介既係豬軟骨，炆得好稔好入味👍🏻人氣之選既蠔油小花菇都值得一試溏心蛋既流心效果做得唔錯，牛孖筋同牛肚則不過不失讚岐烏冬需另加$3，但份量頗多的，整體黎講都幾抵食👍🏻孜然燒雞翼、酸齋、炸魚皮雞翼煎得好香，皮脆肉嫩，好味

餐廳位於藍田，距離鄰近地鐵站藍田站路程只需10分鐘左右，還算方便，餐廳煮打車仔麵，當中更以新式的方式推廣車仔麵就是快餐店形式， 餐廳座位寬闊，位置眾多，加上我是於早上時間來臨，因此選擇的位置會更多。另外，湯底方面，更有四種選擇傳統，咖哩，麻辣，鮮茄，當中我最欣賞的就是咖哩湯底，因為鮮味十足，肉味甚香。配菜選擇方面，分為四種價錢，分別價錢為12元，10元，8元和7元。 講中我最欣賞的就是價值7元的白蘿蔔， 白蘿蔔清甜香口， 配合香濃湯底， 味道更加出眾 ，但還是十分喜愛。下次再嚟食過，性價比極高。

放假又做豬，訓到中午先醒，起身唔想食飯，所以就同女皇大人去左附近商場入面食車仔麵上次黎過覺得都ok，加上食車仔麵可以自己剔食咩料都得嘛中午時段人流不少，落order既排都未斷過咁濟揀好食乜就可以排隊落order啦呢次我地都要左碗自選餸既車仔麵，我要左“牛筋”HKd$12、“豚爽肉”HKd$12同“溏心蛋”HKd$10跟“米線”HKd$9（蕃茄湯+1蚊）每碗車仔麵都會跟有一小份菜豚爽肉姐係豬頸肉，香口爽嫩，唔錯唔錯隻溏心蛋都幾好，超流心加上蕃茄湯底酸酸甜甜好開胃而女皇大人就要左“蘿白”HKd$7、“豬紅”HKd$8同“蘿白”HKd$8跟“粗麵”HKd$9（咖喱湯+1蚊），女皇俾左舊蘿白我試，清甜無渣又入味不過重點係要食返上次食過覺得好正既“酸齋”，我地要左一份小食（HKd$15）既份量一齊share跟碗麵加7蚊飲埋啖凍檸茶，又係滿足既一餐

等左成半個鍾先入到去食 入面勁多空位但係條龍勁長 而且果陣已經係1點半理論上應該好小人 無法了解點解可以咁樣食物質素一般 點左個大隻佬同牛魔王 大隻佬質素正常 大隻佬叫左麻辣湯同油麵 個湯同麵正常 溏心蛋幾好唔錯 但係雞肉有d鞋 其他餸還好正常水準 同出面車仔麵檔差唔多至於牛魔王質素參差 叫左個蕃茄湯但係勁咸 完全冇蕃茄味得個咸同酸 牛腩好似湯渣咁好散又冇味 加上唔識切應該打橫切變左打直切 搞到好似柴咁同湯渣一樣 牛肚正常但得兩舊 牛丸爽口算係最正常既餸但得兩粒仲有一點係間野唔提供紙巾 筷子匙羹都要自己出去拎 所以係零服務可言總體黎講個大隻佬套餐算正常 同出面其他車仔面檔差唔多 但牛魔王勁伏 都係唔好隨便試所以唔太推薦呢間野 同類型麵店黎講米_陣，_仔好過呢間 今次經過藍田唔知食咩先食呢間 應該冇下次了

肚餓食碗車仔麵，最正係全部自選，正所謂有得揀，先至係老闆。餸料款式勁多，可以有排揀。如果心大心細揀唔到或覺得麻煩，仲有已組合可以揀。我梗係鐘意自己揀啦，想食乜就嗌乜。一碗有豬皮、牛根、菜心、咖喱魷魚，要番茄湯底配米線。蕃茄湯底酸酸甜甜好開胃。另一碗就要生菜、蠔油冬菇、蘿蔔、咖喱魚蛋、牛舌，要米粉配傳統湯。傳統湯都夠濃味～ 當然嗌咁多唔同款，梗係要交換食，開心share啦。豬皮好爽滑，冇豬毛好乾淨。牛筋大大舊，但炆到超腍超軟滑，而且好入味。菜心尚好。咖喱魷魚亦好有咖喱味。生菜好爽脆。蠔油冬菇好香冬菇味又有蠔油味😋。蘿蔔大件又甜又腍。咖喱魚蛋有咖喱味。牛舌切到好薄好薄，真係好刀工，食落有好濃郁嘅牛味。米粉份量好多，食極都有，食極都食唔完咁， magic 🎩😂另外仲嗌左小食，小碗豬腸豬紅韭菜，但份量好多絕對唔少。仲要埋油炸鬼雞翼，嚟個真係必食啦，睇落似炸生蠔，食落係超級鬆脆鹽味雞翼 😋😋😋環境舒服又光鮮

之前同好友食過竹園店今次帶先生黎食，佢話好耐無食車仔麵，趁送完大帝番學就上啟田食午餐。估唔到差不多2點都仲好多人食，好似快餐店咁落完單就等號碼再出去攞，好快就有得食。今次食豬爽肉，鮮竹卷，冬菇，蘿蔔麻辣油麵，先生食雞翼牛筋腩肉傳統湯底河粉，再加雞軟骨同油炸鬼豬排麻辣湯底比較油，辣味重過麻味，豬爽肉好爽脆，好味，鮮竹卷都幾足料有d木耳紅蘿蔔絲，冬菇羅白都夠入味。雞翼甜甜地好味，牛筋好軟淋充滿膠質，腩肉都好淋，河粉比較碎。炸雞軟骨夠咸夠香，油炸鬼炸豬排都唔錯但比較油膩餐廳侍應姨姨幾nice, 取食物時會提醒小心

車仔麵係香港其中一個傳統既飲食文化特色，無他，簡單既配料，再點選麵類款式及湯底，可以創造出超過百款既車仔麵組合😝😝 更重要既係車仔麵既出現亦幫到大眾及低下層解裹腹之憂，價錢平，優惠實際，不加修飾，正宗香港人既特色產品😍😍是日來到藍田啟田商場，早幾年領展翻新之後很久沒有來過，碰巧打算到書局打發時間，卻看到「臨記車仔麵」外排著長長人龍，研究之下，原來臨記是最近才開業經營🧐🧐顧客只需自行提取櫃面前點菜紙（注意⚠️只作落單menu沒有供客人剔選）。臨記車仔麵提供超過30種配料，步驟簡單如下：第一步：先選擇粉麵款式，油麵、粗麵、米粉、河粉等🍜粉麵款式比一般魚蛋粉餐廳多，而且想不到連烏冬也有🙈🙈第二步：湯底是車仔麵的靈魂。臨記湯底共有四款：傳統湯、番茄湯🍅🍅、咖哩湯🍛🍛及麻辣湯。個人不能吃新，故選了番茄。番茄湯底夠濃，雖然未有大塊番茄粒，但番茄粒份量也足夠，湯底值得推薦配料方面超過30款，豬牛雞任君選擇，配搭番茄湯，我最愛加牛腩粒，牛腩軟腍入味，混合番茄湯，成了經典番茄牛肉湯滋味🥰🥰除了湯麵，額外加了一款臨記「限定」小食- 油炸鬼雞翼，雞翼以炸油炸鬼方式製作。遠看感覺很像炸生蠔一樣，非常特別☺️☺️至於

今日近近地到啟田食午餐，一段日子沒有來，原開左間很大的車仔麵店，12：00已經見人龍， 反正沒有什麼心水，就試下新野吧！車仔餸都有很多選擇，而且有很多必食推介。除此之外，有新野喎，脆卜卜油炸鬼系列，有雞翼和豬扒，見到poster都覺得很脆卜卜，當然要叫來試下吧！如果不想吃車仔麵，有滷肉飯及撈米線，都有幾多選擇。點餸紙設計都很精美，有埋相俾顧客睇，車仔餸由$7起，款式很多。湯底還有四款，除傳統湯底外，有麻辣湯，鮮茄湯和咖喱湯底，都幾特別呢！我的四餸車仔麵，d餸份量很多，多到舖滿曬。牛筋又淋又入味，大大件。鮮腐竹厚厚的，很有口感，份量又是極多，還有陳皮魚蛋，彈牙之餘又有陣陣的陳皮香味，好味呢！除此之外，也點了幾份小食一起吃。魚皮脆卜卜，啱曬喜歡香口食物的小女生；酸甜齋酸酸的，很開胃；豬爽肉給了我們意外的驚喜，惹味又淋又香口，真心推介。那個油炸鬼豬扒果然是水準之作，即叫即炸，炸得剛好，香脆金黃，而且多汁又稔滑，正！隔離枱位阿姨不斷說咖喱湯好正，攪到我都很想試，總括而言，平、靚、正！有機會一定會再來光顧！

同家母去完拜年，見到有間臨記排晒長龍，家母唔介意就排下隊試試佢。配菜方面都算多選擇，有晒我鐘意的食物，小食都幾吸引。排左咁耐隊，又點會只叫一兩個配菜咁簡單，一於叫盡佢，當係開年飯!我碗麵叫左五個配菜，分別係豬軟骨、溏心蛋、魚皮餃、墨魚丸、蘿蔔，最開心係可以加三蚊轉我至愛的讚歧烏冬(傳統湯底)!! 小食方面叫左時蔬牛三寶、油炸鬼豬扒($19)豬軟骨: 果然係必食推介，夠腍又入味，我本人都推介;溏心蛋: 溏心蛋、冇得彈!! 佢同出邊鋪頭唔同的地方，就係原隻上唔會切開一半，我最初仲擔心佢咁樣成隻煮熟會否唔夠流心，但一咬開一半，果種美味令你有如置身海洋，那麼心花怒放魚皮餃: 正正常常墨魚丸: 正正常常蘿蔔: 夠爽夠甜，雖然不是名貴菜式，但我幾like讚歧烏冬: 很喜歡佢的質感，亦出奇地索晒湯底的湯汁傳統湯底: 應該是腩汁湯底來的，濃度對我來說是剛剛好，不會搶掉其他食物的味道，飲多幾啖也不會口渴時蔬牛三寶: 有牛腩、牛肚、牛筋，全部都超級腍超級入味，油炸鬼豬扒: 外表完全係油炸鬼的顏色，炸物通常都十分乾，但呢塊豬扒肉質帶點嫩，亦帶一點鹹香味。原來呢間鋪頭因為人手關係，暫時只會開到下午五點，大家記

一路都好想試呢間新開既車仔麵，不過成日都好多人，今次醒目搵屋企人排定隊先，好快就有得食🤣，記得搵好位就出去排隊啊。✨佢d 選擇都幾多，而且小食都幾特別。花香雞翼同埋油炸鬼雞翼都真係未試過。✨車仔麵+$7 可以配豆漿，㨂左黑豆漿，鍾意佢味道唔會太甜。✨傳統湯底再加腩汁幾濃味，牛筋未食睇個樣都知道好腍，果然一食落口腍到充滿膠質，仲非常入味👍🏻係我最喜愛既口感。✨自家製鮮竹卷，外皮微微脆，入面超多饀，果然係必食，一碗有三舊。✨估唔到車仔麵嘅溏心蛋都可以做到咁流心，仲滑一滑，真係有驚喜👍🏻✨脆味豚爽肉，外皮脆得好鬆化，有d 似食鹽酥雞既感覺，入面既肉就超爽同厚切，好食得黎又幾特別。✨瑞士花香雞翼（$28/5隻）： 食到有桂花既香味，估唔到同瑞士汁幾夾，如果個雞再入味d 就更加好。✨車仔麵黎講佢都幾高質，唔怪得有咁多人排隊，如果佢開到夜晚就好喇。

今天約左同事一齊去拜年，在藍田一起去吃午餐再去拜年，所以想找一間簡單又快地方吃午餐，到左藍田啟田商場被我發現左有間車仔麵，好耐未吃過車仔麵，見到都有十幾人排隊，但真是好想試下，聽聞是新開分店，好彩都只是排左十幾分鐘左右就到。同事叫左個牛孖根好腍身又入味、瑞士花香雞翼味道好香、豬大腸無壓味又唔酥腍腍地，溏心蛋做到裏面的蛋黃真是流心冇騙人，流心香又滑超喜歡，普通麵就$9但加$3可以吃烏冬，其實加多$3吃到的讚岐烏冬一D都唔貴，因D烏冬滑嘟嘟仲煙韌。而我吃蘿蔔沒有苦味仲好甜，豬軟骨2件，軟骨非常腍，鮮竹卷都唔差，䐁爽肉這個名叫得好，肉質爽口煎得又香脆，孜然新疆燒雞翼5隻$28，吃不到辣的可以試下，雞內的肉質鮮嫩多汁，估不到現在的車仔麵有咁高水準，2人食左$142帶給我開心的一天非常滿足！🥰😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

新開張食店，還在試業中，第一次夜晚來時摸門釘!大家去前查清楚第二次午後時間來，人不算太多。裝修幾靚且新穎，乾淨，真是跟傳統車仔麵裝潢差別很大，座位夠闊，座與座之間空間也足夠。先購票，人多可坐低等，有LED display顯示號碼取食物。自助式，要自取餐具醬料，中間有個自助bar.到食物了。order了雞翼，糖心蛋，粗麵，豬腸傳統湯底。一食落感覺唔掂，粗麵"鞋"又腍，完全無彈性 印象中無食過咁"鞋"的粗麵。湯底無咩味（只少少甜醬油味），無特別，麵都完全吸收唔到味道。豬腸未夠腍，有一塊大的都幾un~ 唯壓味唔大糖心蛋係推介必食，食得出靚蛋，夠滑，中間有蛋香，表面少許過甜。合格雞翼真係比預期差，望落色已不夠（可能老抽不多）。但食落皮只有些許鹵水和甜味，裡面直頭一點味道都無，根本時間和配料唔夠。 好失望，因為雞翼都好基本，間間都有自家味，但唔會去到無味 唔知點解之前食評會咁好，是否我當日出了問題? 9菜不多說杯檸茶有很大進步空間，茶味不怎香濃，檸味都蓋過了。埋單54元（無記錯），以呢個價，同區我可以食到更好的。希望食店可盡快做返好啲

最近姨媽樓下商場開jor間新餐廳，原來係食車仔麵，媽媽今日話想試試lei!!!餐廳都幾多人排隊ga，但唔緊要可以諗諗食咩先。自選車仔麵有好多choices!!真係好難決定ar!!!惹味小食都好吸引lei!!脆味豚爽肉$12份量都幾多，豚爽肉外脆內juicy，調味有d似台灣鹽酥雞，好味!我就揀jor牛舌溏心蛋咖哩魷魚蕃茄湯米線，蕃茄湯味道都幾濃。牛舌真心讚!!! 牛舌好淋，而且牛肉味都幾濃郁，正lei!!! 咖哩魷魚好爽嫩，咖哩味都足夠。媽媽點ge大堆頭米粉，有蘿蔔魚腐秘製豬軟骨鮮竹卷豬皮。蘿蔔清甜，煮得好透。鮮竹卷脆口，餡料豐富。豬軟骨超正!!! 軟骨燜到變jelly狀，食完覺得有好多骨膠原吸引jor leI!!!最後抵受ng著小食ge誘惑，叫jor油炸鬼豬扒。用上油炸鬼ge粉漿去炸，皮脆肉嫩，ng油膩，yummy!!!餐廳係點餐後自己搵位，跟著等籌碼，假期中午比較多人，所以搵定位會好d。

學星爺話齋：「精神啲，臨時演員都係演員！」相信呢句說話識廣東話嘅人都聽過，絕對係深入民心。 呢句說話勉勵大家即使地位不高，但只要在其崗位就要盡力做好，本兔表示十分認同。今日到訪嘅食店叫〈臨記車仔麵〉，雖然係老臨，但究竟可唔可以嚟個good take，做場好戲呢？？🤔🤔🤔有多款餸料任君選擇，最吸引本兔的當然是有八款蔬菜可供選擇，菜菜吖不想麻煩逐樣選擇的話可以選擇配搭好的組合車仔麵，價錢亦比較相宜。另外亦有多款小食，雞翼都有四款呢。雖然只係新開試業期間，但已經非常多人！！店內採取自助模式，不過熱水區同醬料區都乾淨，沒有的醬汁和水漬，衞生情況令人滿意。睇其他食評或其他藍田群組時見過食店被投訴要等得好耐，但今天來光顧時情況已經有作改善。由打單畀錢到攞埋食物然後搵位坐低埋，都只係七分鐘嘅時間，有圖有真相，絕無吹水。相信之前要等得耐大概是因為新開張未運作順利吧，現在已經不是了。先介紹車仔麵的部分~~〈番茄湯底〉~酸酸甜甜夠濃郁，而且有真正番茄蓉！！〈讚岐烏冬〉~爽滑彈牙有咬口，正〈蠔油小花菇〉~厚身，夠腍又夠入味〈秘制豬軟骨〉~香軟腍滑，即使軟骨位置亦近乎一咬即溶〈回味豬大腸〉~~洗得乾淨又不會

個日放假訓醒就同家中既女皇大人落左屋企附近新開既車仔麵檔食野醫肚既有特定既配搭，亦可自選，仲有好幾款既小食可以揀，款式都唔少半自助既形式，先落order俾錢，之後就搵位坐低等嗌number呢度既坐位都唔少，但都唔會坐到密麻麻，而且裝修光明企理，感覺都幾好而半開放式既廚房可以睇到店員密密手咁制作我地既車仔麵，個個都戴住手套同口罩，感覺衞生就食得安心啲啦個日唔想諗食乜，就要左“牛魔王”HKd$39一碗有齊牛腩牛丸、牛肚、白蘿蔔同韭菜當中既牛肚滷得入味唔韌，而白蘿蔔更係清甜無渣，唔錯唔錯而女皇就自選左碗車仔麵，再另加左一碟小食“甜酸齋”同我一齊share呢個甜酸齋都幾有驚喜首先份量都唔少，每件都大大塊架！而且味道偏酸，好岩我胃口跟住女皇自選個碗車仔麵有揀到呢個“脆味豚爽肉”，厚切而肉質爽彈既豬頸肉炸得香口，又幾好食啵加七蚊飲埋罐夠冰夠氣既肥仔就爽歪歪啦