臨記車仔麵 (已結業)

之前黎過一次，黎開呢頭再返黎幫襯。上次食吾到油炸鬼豬扒，今次打一心黎食，點知餐牌改哂！呢到自助形式，收銀處買野食，等叫號拎野食，食完記得自行放哂回收餐具架到。要等成十幾張單先輪到我，不過速度都快既15分鐘就有得拎。【自製鮮竹卷】$10即叫即炸，外皮勁香脆微硬，內餡有筍、木辟、紅蘿蔔同肉，勁鮮甜多汁。【五香牛腩河】 $30牛腩有成6、7件，份量好足先$30蚊碗！仲要牛腩鬆軟腍滑，充滿香料味。【五寶湯河】 $33魚片、魚皮餃、墨丸、牛丸、紫菜，魚片吾會好薄，幾有魚味，口感微彈。【香脆炸魚皮】$17炸魚皮系現成既，不過浸入湯底吸收哂精華，又脆又軟既口感好正。【凍奶茶】&【凍檸茶】加$7

平時好少嚟黃大仙，原來竹園商場有好多平民美食，樓下仲有個翻新左嘅街市，裏面有好多小食檔，不過我想坐得舒服啲，所以就去左呢間粉麵店。落單既時候先知道，原來呢間分店冇車仔麵，當下有少少失望，但好彩有我鐘意食既米線同牛筋☺️ 呢度環境都唔錯，相對一般嘅粉面店，衛生都比較好，坐得好舒服。《紫菜五寶米線》$33 + 牛筋 $7 + 自製春卷 $10內有牛丸、魚皮餃、白魚蛋、墨魚丸、魚片，同紫菜，好豐富。牛筋炆得超淋，入味👍🏻👍🏻而自製春卷炸得好脆口，皮好薄，內餡足料，好食！米線彈牙，帶少許硬度，係我愛既質感🥰 《時菜》$10菜心好有口感，爽脆，唔會煮到淋晒，而且無渣👍🏻👍🏻《黑芝麻豆漿》$8黑芝麻味唔算濃，但係整體唔死甜，飲晒成杯都唔會有罪惡感😋 雖然只係普通粉麵，但係質素算唔錯，價錢好平民，環境又舒服 ，性價比高👍🏻👍🏻

個friend黎開黃大仙呢區，順便call我食個快餐，佢哋已經係呢間臨記食緊嘢。住係呢區但都係第一次食臨記！入到入肉地方好寬闊，坐得好舒服！上菜又快！點左牛腩併紫菜河，牛腩好淋唔會痴牙，紫菜份量多，湯底係夠味既腩汁，河粉滑滑的！而自家製鮮竹卷，好香脆，好夠料，我好喜歡呢款小食！加$10有一碟油菜，菜都係新鮮，食落沒有渣！食緊既時候，朋友話我知店鋪之前係做車仔麵，最近先換左做粉麵。價錢唔貴又好味，下次近近地可以再食！

同阿女中午去左竹園約左朋友拎d嘢，阿女話好肚餓，平時比較少黎黃大仙呢區，唔太知有咩食，見到臨記車仔麵就入左去，好彩唔駛等位。點食物時，發現店鋪最近已經換左menu，由車仔麵改成傳統粉麵！五香牛腩牛筋河（雙併）- 河粉好滑，湯底既腩汁味濃，牛腩好淋香既牛肉味，牛筋唔會韌!紫菜五寶湯 - 小朋友最喜歡食，湯底清甜，有魚蛋、魚片，牛丸，墨丸，款款都好彈牙！另外有魚片，好香脆！另外，再叫左淨魚片，一杯豆漿和一杯檸樂，夠哂兩母女食，而且價錢唔貴！辣油唔太辣，但係加一小匙都好野味！

今日嚟呢邊探個朋友， 係等緊佢嘅期間就周圍行吓搵啲嘢食，朋友話呢間車仔麵幾好食叫我試吓餐廳地方都幾企理乾淨首先要喺收銀叫咗嘢食俾咗錢先，望望餐牌見唔到有車仔麵嘅蹤跡，於是就叫咗個牛腩牛筋米粉叫完之後就等叫號碼攞餐，攞嘅時候都嚇咗一跳，估唔到有咁多餸，牛筋同牛腩都有四至五舊，牛筋炆得好腍，食到滿滿嘅骨膠原，牛腩嘅牛味都好香，$37來講算好抵食另外見到有個小食鮮竹卷$10，咁就試一試，即叫即炸， 唔會好油，包住嘅餡料都幾好食係食嘅期間見到好多人入嚟都話食車仔麵，跟住聽到收銀姐姐講話而家轉做粉面，值得一讚嘅係呢個收銀姐姐嘅工作態度10分好！住喺呢度嘅朋友可以試吓佢嘅$16魚蛋粉， 見到10個人入嚟9個都係食魚蛋粉，望到隔離食都幾大碗！

依家食嘢越嚟越貴，買個麵包都可能要$10，今日咁岩去開黃大仙，竟然比我發現到一間超抵食嘅粉麵，就係臨記車仔麵經過門口見到好大個廣告寫住$16魚蛋河，心諗有咩可能，一定係下午茶或者每日限量供應，咁啱又到食飯時間，於是入去問一問，原來真係有$16魚蛋河，咁就梗係要去試吓伏唔伏首先要喺櫃檯買咗飛，跟住等叫號碼取餐，等左一陣就有得食，首先睇吓個份量先，有兩粒魚蛋，四片魚片，一舊魚片頭，少量炸魚皮紫菜就係+$5，份量都唔少，跟住就試吓味道個人覺得個魚蛋爽口彈牙，有魚味，唔係食麵粉，魚片同片頭嘅質素都唔錯，$16真係抵到真心喊出嚟，簡直就係窮人恩物除咗魚蛋粉仲另外叫咗個炸魚皮，魚皮好脆，味道啱啱好唔會好鹹，執埋落個湯一齊食非常好最後叫咗杯黑芝麻豆漿，芝麻味香濃， 豆漿唔會太甜，$8黎講真係幾抵！喺其他地方其實都好難搵到咁平嘅價錢， 住黃大仙嘅朋友有福啦！

黃大仙-臨記車仔麵：魚蛋河（$16）+$7牛腩、鮮竹卷（$10 ）、黑豆漿（$9）-嘩嘩嘩！！尋日發現黃大仙臨記車仔麵轉左型，轉賣傳統粉麵，魚蛋粉全日$16😱😱😱😱（唔知優惠做到幾時），時光倒流15年？？好震撼！碗粉既配料仲好豐富，有白色魚蛋、魚片、魚片頭、魚皮，仲有一條菜心！！仲要係全日優惠......會唔會係平絕全港🤔.....魚皮好細心，放在匙更上，無浸落湯。桌上有調味料自由使用。-PS. 牛腩、魚皮餃等可自由加配。-飲品方面，黑豆漿感覺低糖，入口順滑，不錯。仍然保留了鮮竹卷！炸過的鮮竹卷很香脆。食左咁多野都係$41！竹園的朋友式經過竹園的朋友真係要去享受優惠呀！

上次係「臨記」食完車仔麵之後，對佢嘅車仔麵一直念念不忘⋯⋯☺️所以今次就同同樣鐘意食車仔麵嘅家姐一齊黎，點知，竟然發現佢轉營了！😦而家轉營賣港式粉麵如魚蛋粉、牛腩麵，有不少食客都好似我地咁，接受唔到打擊！😅😂不過一場黎到，價錢又相當便宜，就試下啦！魚蛋河粉全日都只賣$16，好抵呀！紫菜五寶湯米粉（$27）有齊魚片、魚蛋、魚皮餃、墨魚丸、牛丸，當中以魚片、魚蛋最為出色，口感爽彈，散發淡淡嘅魚香～墨魚丸食得出粒粒墨魚肉，嚼勁十足！五香牛腩、牛筋河（雙拼$29）河粉好滑身，加上腩汁，shu入口嘅時候shu埋湯汁，不錯！👍🏻牛腩肉質都算腍滑，牛筋尤其出色，炆得軟腍入味，值得一試！😏本來嘅車仔麵餸招牌之一—自家製鮮竹卷（$10)水準一如既往，外皮炸得好香脆，內餡混合了豬肉、蝦、木耳等，口感和味道豐富，食過返尋味！😋香脆炸魚皮（$17）酥脆，好有魚香，不錯吃！黑芝麻豆漿（套餐價$9）芝麻味沒有蓋過豆香，大大杯幾抵飲！整體來說，「臨記」由車仔麵轉營變左食港式粉麵確實令人有些失望😞，雖然港式粉麵都不錯，但沒有原本嘅車仔麵一嗚驚人，可能港式粉麵勝在更便宜，更符合社區需求吧～不過小編覺得車仔麵咁出色，無理由

主打車仔麵店有連鎖式自問真係數唔到有幾多間!我覺得連鎖式食店最重要既當然係除左食物質素味道必須要好之外,最重要係每間分店出既野都要一致水準,唔好過一間好食一間唔好食!!!我覺得依間臨記食物ok,服務ok,衛生ok,有得做!大有前途!希望唔好讚壞啦!!!蕃茄湯粗麵,叫左好多餸,價錢抵食,蘿白,魚腐,咖喱魚蛋,豬皮,雞尖...蕃茄底湯味道濃郁,重有d蕃茄碎食到...魚蛋彈牙最緊要無腥味...雞尖好入味淋淋地好好吮...生菜雞軟骨,鐘意食佢既口感,卜卜脆又香口!!!脆味豚爽肉,我係點車仔麵餸既,分開成碟上重要份量多,制作都幾認真,食落好爽,咁樣都只係$13蚊咋!!!瑞士汁雞亦上面重灑上桂花碎,其實桂花碎就咁係無味既,不過係深色既雞亦上面灑上鮮黃色既花碎,頓時精緻一點,雞肉蠻嫩味道略甜!!!

啱啱經過見舖入面冇乜野人未入去食囉，點知一入到佢收銀姐姐就話冇車仔麵叫，食住其他野先，都算，望姐姐身後面水牌寫有魚蛋粉，魚片麵呀牛腩河咁樣，咁我叫個牛腩河啦，竟然話冇河粉，咁生麵或者粗麵呢？都冇，得米粉米線....大佬呀，我唔知呢間野發生乜野事，但叫得車仔麵竟然冇車仔麵賣已經好笑，依家連口牌上面寫既野都供應唔到，咁不如休息一天好過啦，最後廢事難為呀姐，米粉就米粉啦，跟住一食，啲牛腩少到得人驚就唔講啦，啲米粉都煮到爛哂....呢間野真係冇下次......

食車仔麵我都會揀呢間， 佢有好多唔同嘅分店， 今日去黃大仙試下佢其中一間， 全部餸菜都非常入味！我最欣賞蠔油小花菇，回味豬大腸， 招牌腩肉，秘制牛孖根同埋瑞士花香雞翼尖，唔同嘅餸菜都好受街坊歡迎。雞翼尖好易咬開，蘿蔔又好淋，唐生菜份量夠多，招牌腩肉肥瘦均勻， 紋理清晰分明。有張紙可以自己剔自己揀野食，我就揀左呢度嘅精選配搭化骨龍， 再加上佢嘅特選配菜，粉麵可以自由選擇，有米線，米粉，粗麵，河粉，油麵，另外烏冬要加$3.我就試左佢個烏冬同清湯底，加埋咖哩湯真係好濃好正，一流，仲有佢的特色辣醬，全部自家製，真係必食！野飲方面呢度仲有原味豆漿同埋黑芝麻豆漿， 建議大家可以試下黑芝麻豆漿， 都好滑，飲完都皮膚同頭髮都好好。

難得星期六日放假，梗係要訓到晏一晏先起身喇。午市鐘數落街，又未到下午茶，都預左要食貴貴午餐嫁喇，一於落街行個圈先決定食乜野俾我行到落樓下，見到有間麵店門口有大大個牌寫住魚蛋河全日特價$16，持家節儉嘅我梗係點都試一試喇。本身見佢咁平都冇咩期望嫁喇，點知拎到埋位見到又真心唔差喎，一碗魚蛋河除左有魚蛋魚片之外，重要魚片頭，魚皮同生菜食下，平時加碟魚皮油菜都要十蚊喇。食落魚蛋都幾彈牙又唔腥，一碗有晒咁多樣野，啱晒選擇困難症嘅我。重點係，價錢平又冇將貨就價，可encore!!!!!!

首先想講依間野真係比人感覺好衛生,煮食既員工由頭包到落手,頭罩口罩手套,加分加分,好欣賞!劃紙去收銀比錢等叫號,d野食好快出!脆豬爽肉,食落爽口!溏心蛋做得出色,生熟程度拿捏得好,同埋佢係醃過黎,唔係白色無醃過個種溏心蛋!淨餸唔要麵底,食餸都飽了!蘿白好甜無渣唔係花心蘿白,鮮腐竹好滑身。瑞士汁雞亦尖,好入味,吮完一隻又想吮多隻,依個必食次要選!豬軟骨好軟綿,骨同肉層次好分明!重有自家制鮮竹卷,裏面d餡好豐富,浸住d湯食好味道!重叫左碟油菜,沾個麻辣醬食重正!總結,依間野我食過藍田分店,印像分都唔錯呀,今次依間黃大仙分店都唔錯,食物方便好味,價錢方面直情係平,抵食,服務方便有禮笑容又好,回頭率*99%

去竹園搵朋友打麻雀， 就到附近搵食， 無諗過竹園變了這麼多， 街市翻新了， 穿越街市後便發現一間新開嘅連鎖車仔麵—「臨記車仔麵 」， 無諗過屋村中竟然有如此不平凡嘅車仔麵檔， 不論湯底、餸菜都相當優秀， 真心要私心推薦比大家！😏 車仔麵可自選餸菜、湯底、粉麵， 平日裏有五款特色套餐：唐三藏、豬八戒、牛魔王、化骨龍、大隻佬， 款款都有5-6款餸， 由$35起，價錢相宜， 14:00-17:30仲有下午茶， 由$24起，好抵食喎！👏🏻😯 湯底有4種：傳統湯、咖喱湯、麻辣湯、鮮茄湯， 小編揀左咖哩湯， 香濃惹味，質感濃稠，唔會水溜溜， 麵條也很掛湯， 仲可以額外加秘製辣醬， 辣醬辣得過癮！😎 咖喱魷魚（$13） 炆煮得入味，厚肉爽彈，推薦！ 自家製鮮竹卷（$10）相當特別， 無諗過鮮竹卷可以作為一個車仔麵餸呢！😂 外皮炸得香脆， 內餡混合了豬肉、蝦、木耳等， 口感和味道豐富，值得一試！ 🌟必試❗️溏心蛋（$10） 超好食，超流心，半熟蛋黃緩緩流出，蛋香十足！😋 回味豬大腸（$8）厚肉有嚼勁， 洗得乾淨，沒有

是日本來計劃到郊外一遊，但天氣不似預期般美好，做個負責小市民，唯有留番喺市區啦...懷舊一下，來一趟追憶童年回憶市區遊。首站由黃大仙出發向上行，到了竹園南邨時大少肚仔餓，係都要食碗麵先肯繼續行...睇完餐牌見平平地就坐底食，點知一見碗麵，其實係全天候下午茶價食正餐喎，我點了紫菜五寶米，而大少就食牛腩河（$22咋），五寶米三款丸每樣一粒，魚皮餃一粒，魚片有兩片，紫菜多，米粉份量超夠，唔會只得兩啖，湯味道剛好，唔過鹹唔味精，應該係自家煲製的。食了一件牛腩，入味唔散唔碎，夠大件，真心唔似$22蚊貨式，令我更懷念黃大仙同慈雲山的美味地區食物呢😍下一站，鳳凰村及慈雲山，感恩因壞天氣而改變活動，呢餐係好開始！🍀