自助山

營業中

休息中

環境優雅，景色絕美，旋轉浪漫，美食盡展，性價比高，香港必參觀及食的自助餐，未來前覺貴，來食便覺合理，其他自助餐絕不能比，而且這間食物竹各款優質，咖啡好好飲，好過星星星

刺身bar、燒牛肉位同埋甜品櫃位嘅侍應都黑口黑面咁，話曬呢間餐廳價位都算貴價，但服務態度居然仲不如啲茶樓阿姐好，明顯地唔夠專業。同燒牛肉個位阿哥講要三片牛肉，佢淨係切一片俾我，附近亦都冇提示牌話牛肉係限量供應，每人每次只可攞一片。而甜品櫃個位阿哥就係會將啲蛋糕dum係個櫃上面，而唔係放係客人隻碟度。食物方面，啲凍海鮮好一般，冇鮮味，得海水嘅鹹味。熱食都麻麻哋，冇乜特別。而且部分食物限量，例如天婦羅蝦去咗幾轉都冇，我俾咁嘅價錢去食自助餐，結果係限量供應。估唔到網上風評不錯嘅餐廳，居然會咁伏，唔會光顧。

上得來自助山食野都係一是為了靚景，二是為了超多選擇的自助餐⋯我地係周末的晚餐時段來⋯上來餐廳比就迂迴⋯先由大堂上17樓⋯再由17樓轉觀光電梯到52樓，經過安心檢查後再來62樓餐廳本體不過雖然天氣熱⋯不過背心同不過膝短褲唔比入如果要拍照的話6:30-7:30的時間最佳⋯入夜玻璃反光比較難影食物太多不能盡錄唯一可惜嘅是沒有生蠔，但也明白天氣熱比較易變壞有一點值得稱讚嘅係，很多食物都是一份份弄好⋯環境衛生做得很不錯凍海鮮融雪都做得唔錯⋯鮮味都比較可以保持不過如果食帶子的話比較推介壽司吧多過凍海鮮那個大部分食物都煮得一般水準之上⋯但有部份燉品偏鹹⋯總括而言，以自助餐來講選擇同味道都勝多大部分其他自助餐

🍴疫情之後都好少去食自助餐，難得又開返晚市，兩話不說即刻book位🦞凍海鮮 (推介指數: ⭐️⭐️⭐️⭐️⭐️）龍蝦，蟹腳，蟹鉗，蝦，青口，翡翠螺，蜆，但就無生蠔，選擇都幾多同新鮮，龍蝦有膏😍蟹腳唔會太咸🍣刺身 (推介指數: ⭐️⭐️⭐️⭐️）三文魚，吞拿魚，甜蝦，帶子，油甘魚，最好食係帶子🤤原粒夠鮮甜，好厚身同大粒🦆鴨肝多士 (推介指數: ⭐️⭐️⭐️⭐️）相對無鵝肝咁重油香，但就無咁殘忍🙈加左黑醋食落就減低油膩感🍤天婦羅 (推介指數: ⭐️⭐️⭐️⭐️）炸蝦，南瓜，秋葵，番薯，茄子，粉漿唔會好厚，亦唔會炸到好油🦪焗海鮮有焗原隻帆立貝，蠔，龍蝦，帆立貝用左芝士焗，肉都幾大住，焗蠔個醬帶少少辣，幾惹味😋🍄鮑魚花膠海參 (推介指數: ⭐️⭐️⭐️⭐️）炆到好入味，冬菇好大隻爽口，花膠同海參都好滑，容易咬，鮑魚有咬口🧁 (推介指數: ⭐️⭐️⭐️⭐️⭐️）甜品選擇好多種類，凍熱食都有，如果鍾意食榴槤既，一定要試焦糖榴槤燉蛋，真係超好食，好重榴槤味，又唔會好甜，燉蛋好滑🌟送一杯橙汁，其他飲品任飲，食物種類多元化，中式，西式，日式，泰式都有

嚟呢度食嘢，首先最吸引人嘅就係個夜景，之後先到呢度嘅食物。過360度嘅夜景真係令人目不暇給，係過節同埋慶祝重要節日嘅好去處。講番啲嘢食，呢間係我第一次覺得好食嘅自助餐。平時啲自助餐款式多，但質素麻麻。呢度款式唔單止多，個味道仲好有質素。

早幾日和朋友到灣仔自助山食buffet，一開始先食海鮮，麪包蟹D膏好少，好冰凍，龍蝦咬落去好鞋好難吞，我好想吐番出嚟！元貝有雪味，蟹腳冇鮮味，食咗大半個鐘，經過海鮮區見到一個人都冇，大家明白乜事啦，去到食魚生刺身，有部份解凍時間唔夠，就比人食，有冬䕃公湯味道一般，有蒸點心蝦餃、燒賣、小籠飽係公仔點心果D嚟，熱葷唔多選擇，燒味有四款叫做全晚最正常甜品都係D普通料，最攪笑就係D雪糕，攞啲雜物牌子雪糕出嚟，標明話係自家製，真係當人哋傻！收八佰幾元一位，H同D字頭雪糕都冇，離譜！本應諗住有個靚夜景睇吓，竟然佢哋開冷氣太大，出邊啲玻璃全部有水氣，完全睇唔到個景，我勸大家唔好嚟食，景觀和食物會令你非常失望😞

物有所值。 對於這個價格，你會得到新鮮的海鮮、牛排、羊肉……龍蝦意大利面……我完全愛上了葡萄牙撻和雞蛋仔。 它們的冰淇淋來自著名的米其蓮Joel Roubouchon。 環境無與倫比的，唯一剩下的旋轉 360 視圖香港。 非常好客的團隊在那里工作。Good value. You get fresh seafood, steak, lamb… lobster pasta… I totally fell for the Portuguese tart and 雞蛋仔. Their ice cream is from the famous Michelin star Joel Roubouchon. The view is unbeatable, the only remaining rotating 360 view of HK. Nice hospitable team working there.

一直都想黎食buffet，點知有啲失望。其實食buffet總有嘢係好食，有嘢係難食，呢度熟食無一樣放入口係覺得難食，算好難得，但亦都無乜嘢覺得特別好食，好平均，亦好普通。剌身新鮮，燒味幾好，海鮮、點心、意粉正常，牛扒唔好食。甜品方面，cake好普通，開心果Macaroon似藥水味，曲奇同朱古力唔錯，最好食係焦糖海鹽脆脆蛋糕，叫做唯一驚喜。特別想講，咁既價錢，無Häagen-Dazs雪糕，唔緊要，都唔好俾啲咁差質素既雪糕人食丫（唔知乜雪糕黎），尤其咖啡味，嗰陣味畢身難忘，又苦又怪，人生第一次食咁劣既雪糕🤢我呢啲乜甜品都放得入口既人都嫌棄，唔想浪費，但真係食左2啖投降🤮。至於服務，同食物一樣咁一般，壽司bar嗰位西口西面眼超超，侍應無話唔禮貌，但想叫餐飲又話要收錢（其實有包餐飲一杯），問多幾問又話自己係幫工其實唔清楚，要問返著背心嗰啲侍應，其實唔知就唔好亂答。出面又無嘢飲攞，好似湯都唔覺有（唔知我睇唔到定點），等好耐先問到有餐飲，叫左好耐要追先飲到，杯咖啡落好多奶同糖都係好苦😖總括而言，咁既價錢黎講，好失望，無下次。

今晚去食自助山，特色係360度旋轉，望到不同景色，靚景配美食，而且上餐廳前，仲有透明窗電梯，亦可欣賞風景。凍海鮮有麵包蟹、龍蝦、長腳蟹蟹腳、蜆、帶子、蝦、蟹鉗，不過無哂味，肉質幾好，龍蝦同蝦都彈牙，蟹腳都嫩同濕潤，蜆肉好爽口，蟹鉗就麻麻地，又鞋又硬。沙律、前菜、芝士、凍肉都又靚又精緻，賣相吸引，不過太多食物，所以個胃放唔哂。熱海鮮吸引好多，焗蠔、焗龍蝦、冬陰公大頭蝦，都好味，熱辣辣又夠味，肉質都爽彈。刺身有三文魚、吞拿魚、油甘魚、帶子、甜蝦，仲有幾款無食，都新鮮肥美又嫩滑。燒牛扒同羊架都夠熱同好味，前者較多脂肪，但口感嫩腍，牛味濃郁。後者唔會太羶，肉質有嫩彈，仲好香口。鮑魚花膠海參好夠膠質，味道唔會太咸，炆得夠火喉，鮑魚彈，花膠都厚厚地，連冬菇都厚肉入味。鵝肝肥美油潤又甘香，燒和牛滿口油花，嫩彈香牛味。點心有小籠包、蝦餃、燒賣、人參魚肚蒸雞，小籠包多湯汁超正。燒味有乳豬、叉燒、油雞、燒鵝，乳豬較少食到，皮脆身肉夠嫩。甜品好多款，士多啤梨流心芝士蛋糕，輕盈帶芝士香，流心醬好香士多啤梨味。朱古力蛋糕濃郁帶酒香。馬卡龍有雲尼拿味同芒果味。最正係榴槤焦糖燉蛋，好濃榴槤香，瘋狂食左幾份，仲有榴槤

本應生日找一間以為價錢高D，會有質素的自助餐，可惜這間餐廳另我極之失望，比起三星酒店還差，可以吃不飽的自助餐，因為款式極小，食材又普通，座位又狹窄，唯一只有景觀，以這個價錢比客人這質素，極不合理

由細到大都憧憬住既一間餐廳🍴去旋轉餐廳食飯就聽得多，身邊有好多朋友都成日話去過食嘢，但今年終於自己都有機會過嚟試吓🥰Weeeee 整體嘅感覺都係好「good」阿因為疫情嘅影響要先喺轉升降機大堂度scan咗QR code先可以排隊上去，過程都需要啲時間。如果想準時開波嘅話，記得要預早10至15分鐘去排隊啦。🥹🥹🥹價錢方面，原來都唔平，每位為要差唔多$900😂埋單。但如果係一個初體驗嘅角度去睇，加上係一個咁高嘅環境下面用餐，其實都OK嘅🙈👍🏿食物方面：凍海鮮🦞有波龍、波龍鉗、麵包蟹、長腳蟹腳、蜆肉、凍蝦、帶子肉、翡翠螺。凍海鮮黎講，真係唔係主打，味道亦都麻麻🥲🦞波龍偏細，少少韌，味道正常。🙈🦞波龍鉗無食😂🦀麵包蟹，蟹膏份量適中，唔算好多，味道亦都唔錯。👌🏿ok 咁啦🦀長腳蟹腳，肉比較削，黐殼，但味道正常唔會太咸。🐚 蜆肉無咩味，但都正正常常🐚 翡翠螺都係冇乜味，都係正正常常咁🐚 白烚帶子肉算係比較好食啲，一粒粒原粒入口🦐 凍蝦結實爽口，係咁多款海鮮最好食嘅😂😂😂so sad 凍海鮮食左一輪就無再食啦🙈但都唔知點解咁多人去排隊攞🙈日本刺身🐡有三文魚、赤身、帶子、油甘魚、池魚、原隻甜蝦。日本刺

食午餐12:00開始去攞一件燒牛扒有肉味但係凍嘅！第二樣去攞天婦羅，而炸蝦天婦羅每一次出只係三隻（不如唔好叫自助餐叫限量供應），點心每一次出10多籠燒賣一粒一籠基本上唔排隊係冇得食（又係限量供應）三文魚基本上望落去都唔似係三文魚嘅品種，第一轉食嘅叉燒好好味之後食咗叉燒都係瘦到咬唔開，啲長腳蟹瘦到見到都唔開胃，結論真係得蝦餃燒賣好食！如果要真係食好嘅點心唔需要用$809兩位去食!去呢度真係食環境，完

由細到大都好想去自助山，因為覺得坐係餐廳到識轉轉轉，真係好得意。今次同友人食lunch buffet，見到今日係閒日都滿座！由於本人唔食海鮮唔食牛，所以就冇得可以好詳細介紹呢啲口味。不過今日食左既三文魚都係鮮甜好味既！仲有印象深刻係甜品。其實甜品area都幾大，入面羅列左不同種類。亦有得自己去整下朱古力噴泉，雞蛋仔咁。當中不得不提係佢既雪糕。雪糕係自己整既！咖啡味係鼓勵大家要去試吓！最後坐係入面食既感覺係staff都好有禮貌！同埋收餐碟速度快。用餐感覺愉快。

重開第二日去食，價錢$488加一，食物服務質素大概值$3xx，其他價錢就落左係個360度旋轉。當日其實係我嘅生日飯，帶埋老人家去食，但經歷的體驗令我覺得，年輕人去ok，長者就唔好啦先講唔好嘅前期體驗：老人家指定要掃「安心出行」，唔俾填紙仔！😰 （但打針記錄又可以照攞紙本🤯）我係去嘅之後一日翻查，政府網仲寫緊65歲以上「可用填妥指定表格替代」，唔知係個間餐廳嘅特殊安排定政府未更新網頁，而亦因為老人家平時係可以填紙…所以我booking時無特別問清楚(呢點我認衰…🥲真係應該問清楚嘅🥲)其實reserve 嘅時候如果佢可以問多句/講返句溫馨提醒，狀況已經完全唔同於是當時情況就極度尷尬同麻煩😡咁最後都自己搵到方法解決入左去嘅服務🤔：順便講埋呢部分，我打左兩次查詢電話，前一次問詳情，個男仔非常有禮貌；但真係book個時係另一個女仔聽電話，語氣好唔耐煩…當日服務ok嘅，收碟勤快，落餐茶、帶位都有禮貌，但有啲細微位會扣分，老人家帶住拐杖，放係枱跌左幾次，聽聲行近見唔係打爛野就行返開，唔會諗吓有無額外野可以做可能大家覺得我要求高，但我本身做開其他服務業service training，當日嘅服務係合乎

一月份生日去咗自助山食生日午餐! 呢間旋轉餐廳係唯一可以擁有360度景觀, 仲可以品嘗唔同國家嘅美食。餐廳有唔同各式各樣嘅冷盤海鮮, 明火燒烤,天婦羅女, 鐵板燒, 印度咖哩, 港式, 中國式, 粥粉麵飯樣樣齊。早啲book位仲可以坐到窗邊位, 我哋book咗第二輪嘅自助午餐, 食完仲可以慢慢欣賞日落! 刺身有好多款, 樣樣都好新鮮三文魚, 八爪魚, 赤貝, 章紅魚, 鰹魚等。。 仲有一啲日式漬物 , 壽司小卷。。冷盤沙律都有好多唔同嘅選擇, 沙律菜好新鮮仲有意大利醋比你選擇。。燒味檔度仲有得揀海南雞飯, 呢個海南雞飯好好食, 雖然細細碗, 貴精不貴多, 我細仔都encall咗三次粉麵類有清湯同喇沙湯。。甜品款式都唔少, 樣樣都好好食, 可惜個肚已經放唔落, 除咗有朱古力噴泉, 馬卡龍, 仲有一啲迷你嘅蛋糕件 , 窩夫格仔餅, 雪糕, 新鮮生果, 一定比你食到飽一飽! 海鮮都有好多不同款式, 大部分都很鮮甜新鮮, 龍蝦都有, 不過就冇生蠔。。。提提你, 如果想坐到窗口位就一定要起大約一個月前book定啦!