至尊滿屋日本料理 (已結業)

早排食過滿屋放題質素唔錯，今次同先生book咗旺角嘅至尊滿屋，睇下有咩唔同。一入門口就係自助吧，有沙律、湯品同油炸小食，特別推薦炸奶皇包同蝦春卷，好有驚喜。旁邊係飲品區，選擇豐富，仲包括酒精飲品。飲品櫃側面係甜品同生果，當然唔少得先生至愛嘅豆腐花。首先送上嘅係刺身，我因為生理期唔食得太多生冷野，主要都係先生食，新鮮程度依舊。赤蝦壽司依然係我嘅最愛，配上黑松露作點綴，令鮮味倍增，不得不為佢破戒。另一樣令我破戒嘅係海膽手卷，非常新鮮，底下嘅飯比例上好少，食多兩件都唔怕滯。嚟到熟食嘅部份就係我嘅世界，燒物果然冇人失望，特別係雞翼同牛舌，燒得恰到好處，夠哂香口。羊鞍燒得啱啱好，用嘅係紐西蘭羊鞍，配上香草一啲都唔羶，口感嫩滑。炸物亦相當出色，特別係芝麻雞翼，外皮金黃香脆，配上白芝麻令雞翼更加香口；榴槤炸彈亦從來唔令人失望，榴槤餡夠哂流心夠哂香；唯一係吉列廣島蠔略嫌有些許腥味。虎蝦天婦羅大大隻，炸得夠脆，而且冇油膩感，咬落肉質嫩滑彈牙。吉品鮑汁燴花膠夠入味，雖然花膠唔算大隻，但勝在燴得夠軟腍。最後係每人限定一杯嘅雪糕，我哋揀咗Dreyer’s嘅比利時朱古力同十勝紅豆，朱古力味夠香夠濃，係先生嘅最愛

今晚去至尊滿屋日式料理吃放題, 起初擔心會否與鄰座距離太近, 還好侍應細心安排座位, 盡量枱與枱之間有一距離，令人吃得安心。食物類別有12款之多， 刺身類的帶子肥美，螺肉鮮甜，希靈魚爽脆，三文魚新鮮。 鹽燒海蝦和鹽燒牛舌串燒做得惹味。我至愛的 燒紐西蘭香草羊鞍，肉厚多汁。 令我最驚喜就是鮮蝦湯雲吞花膠鍋和吉品鮑汁燴花膠盛宴，兩款菜的花膠都大件和厚身，菇味濃厚， 廚師手藝與中菜小館的不遑多讓。 另外北海道焗廣島蠔汁很creamy，紹興花雕醉蝦醃得很入味。虎蝦天婦羅和吉列廣島蠔，炸得脆口而不油膩。除了點菜紙的食物之外，此店有一角是自助吧，可以自行調製沙律。 更有木瓜西米露和咖哩豬皮魷魚魚蛋，可以懷舊一番。飲品方面有一系列的罐裝啤酒、果汁和汽水等等以供選擇，清酒和梅酒也可隨意自行拿取。甜品亦有十多款 全部是一口size，所以不會浪費。

好耐冇食過放題喇!  呢晚同余爸爸到旺角至尊滿屋食番餐好嘅！餐廳坐位多, 空間大, 有自助bar可以自取多款甜品, 生果和飲品~ 入坐後任飲任食2小時, 當然要點我地最愛嘅刺身和壽司先啦！ 刺身款式都幾多, 而且夠新鮮, 冇雪味! 帶子好滑口, 甜蝦好肥美! 壽司細細件可以試多幾件都唔會膩！左口魚邊壽司很特別, 不是道道都有~ 必點海膽手卷, 無論色澤還是味道都好吸引! 炸物質素都不錯! 炸榴槤波波超正! 榴槤流心溢出, 美味極了！榴槤控不要錯過! 焗廣島蠔蠔肉鮮甜, 燒牛舌和烤羊架也很香口~ 我地仲點左個壽喜燒過吓口癮! 估唔到啲牛肉都幾香滑, 撈雞蛋一齊食真係好正! 臨走前, 記得食埋雪糕啊！每人可以自選1款哈根大師或movenpick的雪糕啊！超值!整體來說, 呢度食物質素不錯, 大部分野食都得幾快, 自助bar嘅食物也不時refill, 服務也很周到, 所以下次有飯聚都會再來!

今次黎到至尊滿屋放題，疫情下原來都唔少人出黎食野，仲要係出黎食放題tin，睇黎大家都唔會太驚。係疫情下，餐廳都算做足防疫措施，入店舖之前，就會先量一量體温先，確保你唔係發燒先會比你入座，另外門口都有擺放酒精搓手液比客人用，同埋入內員工都有戴口罩,戴手套，所以入到去食得都幾放心，但當然個人都要做下防疫，例如食野前要洗手咁。防疫方面都做得唔錯，食物方面，刺身都算幾新鮮好味，上枱速度都算快，唔會話落左單好耐都唔出。炸物方面，都睇得出係新鮮炸起既，可能因為即點即炸既關系，所以都比其他食物等得耐D，食落都唔錯，炸粉既份量掌握得都幾岩岩好，唔會太多。總體黎講，呢間野既性價比都算幾高下，同埋呢個環境下，最緊要係衛生都做足。

lee間日式放題長期都好多人幫襯, 之前我去過集團既其他分店食過唔錯, 今日同朋友見姐姐派傳單有折扣, 所以又上左去擦返餐😋朋友今日唔想食刺身wor…所以得我食,但唔緊要啦,反正係放題,可以自己嗌自己果份食,我食左三文魚,吞拿魚,螺肉同帶子等🍣估唔到放題有得食花膠囉!!另外,亦食左串燒,燒蝦好香,好新鮮🦐蕃薯仔同燒雞亦我都好中意食啊~~其實本身想食芝麻雞亦,但點錯左,但已經好飽,所以無嗌返🙈仲食左小朋友至愛既粟米粒🌽XD飯後仲食左好多甜品仔,唔錯🎂而成晚我最中意就係有酒飲,梅酒同清酒都有,連個樽都好地道咁🍶總括黎講,我會推介呢間放題,每人都係二百蚊到,唔貴之餘,仲食到好飽,落幾次單都無漏過,抵讚👍👍👍

大食嘅我其實真係好鍾意食放題，加上近年嘅放題質素好咗好多，俾二百幾蚊就食到飽哂😛。如果去居酒屋嗌同一份量嘅食物，應該要雙倍價錢。呢晚同朋友去咗瓊華食放題，餐廳近期做緊九折優惠，更加抵。事不宜遲，即刻點嘢食！點餐紙起碼有成十版以上，花多眼亂，但反正任叫，想食就嗌囉😊。不過今日張枱細啲，唯有逐啲逐啲嗌啦。其中重點講幾樣好食嘅😋！第一位係燒紐西蘭香草羊鞍，呢個真係勁高質。🐑羊鞍應該係落單後即燒，所以等左比較耐先有得食。肉質非常嫩，生熟度啱啱好，而且羊羶味亦都恰到好處，用上香草🌿調味超正。每人食咗三件，平日出面串燒店食一件平極都$38啦，食多件已經回本啊！另外，炸物亦都相當唔錯，特別係吉列廣島蠔🤤，廣島蠔肥美，而且唔腥。炸鮮蝦雲吞同芝士薯球都OK，因為係熱辣辣炸起。食放題又點少得刺身呢？我哋每款都嗌咗啲，除咗今日無北寄貝外。刺身都幾新鮮，而且係厚切，唔會因為係放題就變得孤寒👍。鍾意食壽司嘅我，亦都食咗好多嚿🍣！餐廳唔會諗住整到舊飯大大嚿塞飽你，相反係比平日迷你啲。我推介醬燒三文魚壽司同埋炙燒蒜香和牛壽司。鐵板雪花牛柳粒🐮都唔錯，幾Juicy，配埋蒜片食好夾。最後我哋仲食咗牛肉火鍋添🍲！依個係二

至尊滿屋係一間平價日式放題，平日黃金時間都係二百蚊倒，店內起碼有一半座位都係高身卡位，哩點對於疫情期間好緊要，所以就算而家疫情嚴峻，都仲有好多人黎幫趁。至尊滿屋就同好多放題店一樣，刺身壽司燒物天婦羅炸物一品料理乜都有，大部份都係喺點菜紙落單。而沙律同湯就可以喺出面自助吧自取。飲品選擇唔算特別多，不過無論韓牌飲料紙包飲品汽水啤酒都有。最舟別係清酒同梅酒都有得任飲，酙左少少梅酒黎試，酒味唔太重，幾易入口。甜品選擇都有唔少。一坐低當然每人拎返罐野飲先，野飲雪得夠凍。刺身普通放題質素，雪味唔重可以接受。壽司款式幾多同比較特別，每件大約係平時半件咁大，可以試多幾款。其中火灸類壽司比普通壽司出色，我就特別鍾意中間燈色嘅醬燒三文魚壽司，三文魚好腍有啲入口即融嘅感覺。除左壽司之外，佢仲有幾款創意卷物左邊係醬燒玻璃蝦海鮮卷，右邊係意大利黑醋芝士鰻魚卷，兩款都幾特別味道唔錯。芥辣八爪魚軍艦係我嘅至愛，每次都一定會點。手卷係迷你size，食完都仲有大把肚量食其他野。北海道焗廣島蠔蠔肉唔特別大隻，不過放題質素都算係咁。右邊個西京比目魚甜甜地幾好食，魚肉唔會太腍。鹽燒青花魚燒得啱啱好，唔多骨，加啲檸檬汁酸酸地幾

依間放題都幾出名，於是前幾日話帶細佬去食，細佬話覺得幾好食，夠多種類嘅野食，食到佢好飽！首先叫咗啲燒物先，有燒菠蘿，蕃薯🍠仔，鹽燒海蝦，好大條，黃金燒玉子好好食！上面有啲日本醬汁，good! 同埋必食嘅牛舌！然後又點少得放題必叫嘅刺身，我最中意嘅Top 3 係帶子、三文魚同埋鮑片，佢嘅鮑片尤其好食，一啲都唔會難咬，好爽口！然後就係迷你牛肉鍋，我覺得好正，因為個湯底有啲似壽喜燒，甜甜地，啲牛肉又大塊又好味，係高質嘅牛肉，仲有粉絲、豆腐、娃娃菜、金菇添！簡直係一個價錢兩種享受！放題都食到邊爐野鯖魚同埋廣島蠔都好唔錯！我比較中意食佢啲燒物野飲方面就揀咗芒果汁同埋無糖烏龍茶，食完油膩野，可以消脂呀！甜品雪糕都係一定要食嘅，我個人最中意Haagen-Dazs嘅雪糕，依個焦糖Biscuit&Cream係季節限定，都好特別！

相信鐘意食放題嘅人無非都係為左以下兩點：1️⃣無拘無束咁任食吾嬲🤣2️⃣飯聚最佳地點😈今次黎到人氣放題之一「至尊滿屋」睇下同其他「滿屋」有咩吾同先🤣.🔸環境打卡指數：🌕🌕🌕日式裝潢，地方夠大夠寬敞，坐得舒服自在中間位有自助熟食Bar同飲品Bar炸物有炸饅頭，炸春卷沙律區多達十五款👍熟食食豬手，炒時菜仲有老火湯同木瓜燉雪耳～.🔸款式&價錢款式&抵食指數：🌕🌕🌕🌕除左自助Bar，仲有十款任食款炭燒，火炙壽司，炸物，刺身，壽司，卷物季節料理，天婦羅，串燒同軍艦點都有款岩食嘅😎由於我地係Weekda去食，仲要7:30離座所以每人都只係$188+1，好抵食Wor😋.🔸刺身&卷物美味指數：🌕🌕🌕🌕想回本，就靠刺身啦😂有十三款刺身，款款都好高人氣！如三文魚，帶子，甜蝦等等三文魚目測有2cm嘅厚度，入口軟綿清甜帶子新鮮又彈牙，甜蝦甘甜度夠高卷物有六款其中香芒海蝦卷要大讚呀👍中間係天婦羅炸蝦，外層鋪左一片芒果既香脆又帶芒果甜，正😋.🔸炸物，天婦羅美味指數：🌕🌕🌕🌕食放題點少得炸物架🤣榴槤炸彈係我最愛脆卜卜嘅外層，一咬，濃郁嘅榴槤汁融入口中芝士薯球都幾特別，有d似食緊薯蓉🥳天婦羅係即叫即炸薄脆既炸衣，內裡Keep

🥢旺角$188起抵食刺身壽司串燒放題🥢一諗起出去食放題實係又貴又迫夾，想搵一間價錢又平又要坐得舒服的放題嘆下，真係一啲都唔易，今之竟然發現到一間坐得闊落的放題店🥢$188 晚市放題 假期+$10(需加一）🥢坐低時店員會擺低一盤刺身，有紅蝦甜蝦，翡翠螺，玉子，鮑片，感覺新鮮🥢出面有自助區可以自己拿，有豉椒炒蜆，沙律，螺肉，仲有最鐘意的蟹子，春卷，炸蟹鉗🥢壽司卷物都算唔錯，大小適中，而且新鮮，仲有mini 海膽手卷，細細隻唔會食到太飽🥢串燒類反而是最有驚喜，燒得香口惹味，必點鹽燒牛舌，鹽燒大蝦，牛舌香口唔會過熟，大蝦啖啖肉，咸咸地好食🥢飲品有各款汽水仲有梅酒，熱飲有綠茶玄米茶，甜品櫃很多不用口味小小的布丁，盒裝豆腐花任食🥢食到最後店員仲會每人送一杯大杯裝的 Häagen-Dazs 雪糕一杯，真係開心🥢呢度坐得舒服而且食物款式都唔錯，由其串燒，同朋友食下傾計係一個唔錯的地方至尊滿屋日本料理地址: 旺角彌敦道628號瓊華中心7樓

今日帶阿叔+兩個分別14/17歲阿仔去試！因為openrice pop up $98/3小時，見到好詆咪買囉⋯⋯但見員工咁好禮貌，服務咁好，食物雖然一般，但種類算多，價錢咁平，應該冇咁大隻蛤那隨街跳！先發現原來附帶條件要比$88現金每人！發現中咗伏。其實比$98+88 比餐牌原價$208+10%，先慳咗40幾蚊！有啲搵笨不過講返食物質素，尚算可以啦⋯⋯起碼魚生新鮮，壽司種類唔夠多、但比爭鮮質素高，熱食就一般，讚佢嘅就係有冷，熱sake任飲，good. 送左象拔蚌魚生，牙仔話腥，我覺得OK！個個員工都非常有禮貌，所以值得一試嘅。不過就絕對唔算好抵。

偶爾總會放題癮發作，這一晚便拉了家人作伴，下班到旺角一起大快朵頤。隨行到瓊華中心，剛巧地下有職員派傳單，就上7樓的「至尊滿屋日本料理」，看看是喜還是伏。現在的放題餐廳多採用半自助方式。自助區有沙律、熱葷、湯和糖水任取。其中中華沙律、螺肉這些漬物都是筆者最愛，當然吃了不少。家人試了一碗老火湯，味道則偏淡。剌身類選擇算多，如有三文魚、吞拿魚、油甘魚等。出單速度也算快，剌身都是厚切上碟，但雪藏味較重。壽司、卷物中，有些款式頗特別。至尊蜜糖芥末三文魚壽司，甜中帶嗆辣，帶來味覺的剌激。意大利黑醋芝士鰻魚卷，塗了燒汁的鰻魚配了火炙芝士，味道濃郁。和風料理那張點餐紙，非常有驚喜。海鮮粥煮得頗為入味。一大隻肉蟹，配上瑤柱粒、粟米粒、胡蘿蔔絲，粥水入口鮮甜。想不到放題也有中菜吃，還是養顏的花膠鍋。鍋內除了有雲吞和花膠之外，還有大量娃娃菜、冬菇金菇、豆腐、粉絲等，食材豐富。花膠蠻大隻，雖然湯底淡味，但鍋物材料又非常入味。拉麵不過不失，不過卻意外得到家人歡心。為免熱氣，筆者不敢多叫，只淺嘗了圖中2款。芝麻雞翼一向是筆者最愛，香炸外皮juicy雞肉，惹味非常。而吉列廣島蠔略嫌炸味外層有點厚，但蠔味ok的。串燒

芝士薯球好香好脆，一啲都唔林，佢炸得好香，而且唔會好油👍🏻真係好好味😋芝麻雞翼佢炸得好脆，佢嘅肉質唔會好硬，係好軟熟，外脆內軟🤤🤩炸雲吞炸得超脆，入面粒蝦好爽口，蝦味好香👍🏻係一個好出色嘅炸雲吞炸蝦天婦羅，佢嘅外皮唔會好厚粉漿，入面嘅蝦唔會好林，佢口感係好爽口，蝦味好香叉燒拉麵嘅份量好多，烏冬嘅口感好煙銀彈牙，塊肉好香好大塊👍🏻😋佢嘅湯底好香每人都可以有一杯雪糕，我揀左焦糖脆餅雪，係Häagen-Dazs焦糖脆餅雪糕🤤🥰我好中意食牛肉粒的，我一見到有炒牛粒，我就即刻嗌左，佢炒得超香，不過啲牛肉粒嘅口感就比較林，但係味道真係好香好出色👍🏻😋

我同女朋友差唔多個個月都會食放題，貪佢選擇夠多，大家都可以食到鍾意食嘅嘢。.🍍一打開餐牌，女朋友就叫咗成六片燒菠蘿咁多，貪佢清甜開胃，仲可以解膩。.🐑我哋仲叫咗燒紐西蘭羊鞍，呢樣都係每一次都必點。肉質軟腍，食落超級juicy。.🦐值得瘋狂encore嘅仲有天婦羅虎蝦，薄薄嘅炸粉，包着鮮甜可口嘅炸蝦，令人回味無窮。.🐟我哋亦都好鍾意食比目魚西京燒，外皮好香脆，但魚肉十分之嫩滑多汁。就算唔鍾意食魚嘅都會覺得好好食。.🐟各款壽司同雞翼都好好食，我哋都encore咗幾次。.🍶呢度嘅放題一如以往有唔同嘅飲品、甜品選擇，比較特別嘅係佢有梅酒同埋清酒飲。.🍦最後仲有一人一杯貴價雪糕，所以記得留肚食呀。

呢排肺炎咁嚴重都少咗出街難得今日朋友生日終於有機會去食放題啦😙😙😙今次我哋揀咗夜晚9:30時段 任食放題都係$200左右 而且食物選擇亦都好多!首先梗係叫咗我最鍾意食嘅刺身先啦帶子同甜蝦都好新鮮!食得出海鮮嘅甜味而佢呢度嘅鮑片都值得一試 比較爽同埋佢浸左鮑汁所以好入味!之後就到食炸物啦 佢啲炸物都做得幾出色我覺得同出邊日本餐廳食到嘅差唔多質素特別要讚下佢啲天婦羅同埋炸雞翼真係勁脆 而炸雞翼脆得黎入面啲肉汁都仲keep到🙉佢啲壽司全部都係細細粒咁 刺身量仲多過飯🤣❤️ 岩哂我依啲唔想食咁多飯但又想食壽司既人總括而言我覺得算係好抵食 基本上放題有嘅嘢佢都有哂 仲要有埋任飲嘅梅酒同清酒🍶下次會再黎幫襯🥰