至尊重慶雞煲 (堅拿道西) (已結業)

今天和同事去行工展會，行到攰又凍凍地食返個雞煲暖下身先平均一位$158，認真抵食大辣的重慶雞煲，二人份量有半隻雞，味道好正中的，包括有麻有辣，香料和配菜好入口，雞件沒有碎骨，啖啖肉，辣味十足熱辣辣、香噴噴鳳爪好入味，軟棉棉,骨膠原我最愛咖哩魚旦都ok 吖有多款小食，任君選擇$158/1位，有任飲任食，在銅鑼灣而且有質素的放題仲有啤酒🍻，真的肥牛質素都好得，可以接受食完雞煲加湯開打邊爐，一雞兩味豬皮吸湯一流，水魷魚爽口，冬菇和響鈴卷都好好味如果喜歡重口味的話，仲可以自由加添醬料加一後$316，一定有下次

舊同事帶我去食一個超抵雞煲火鍋放題， 每位158 冇加一， 平到你唔信。入口處已清楚列明所有規則和價錢， 避免發生誤會主角雞煲可以揀大、小、中辣， 因為喉嚨痛， 我們揀了唔辣兩個人有半隻雞，份量唔少， 雞煲加熱中飄出陣陣芹菜清香，令人食指大動 雞肉入口鮮嫩唔韌，配上特制醬汁，食過不停任食當然少不了任飲，有各種汽水、檸檬茶 供應竟然有薏米水、椰青、 普洱茶等， 簡直喜出望外，我當然揀椰青水可以清熱氣啦除了火鍋另外有多款熟食， 我至愛的韭菜豬紅都有， yummy yummy調味料可以自行混醬有一大盤韭菜豬肉餃任食, 餡料韭菜多，非常惹味雞煲食法有先後次序, 先食雞, 然後再食花膠、水魷魚、牛栢葉, 都講究呀！ 最後才加水食火鍋料肥牛看似好肥，但入口嫩滑， encore 咗幾碟其他任叫食材木耳、金菇 、 龍蝦丸等都不差，唔會因價錢平而比劣貨你食食到最後才加西洋菜， 飽到不得了。 這個價錢有此水準算超值！

原來至尊雞煲開到黎銅鑼湾，一於去食吓先，平時成日都大排長龍，今日太好彩喇唔駛排隊居然有位喎。坐低就即刻叫個雞煲先啦，辣度揀咗中辣。今日我地四位所以有一隻雞，都幾多，雞肉好滑鐘意食辣既我中辣啱啱好！好香濃，食晒啲雞先叫人加湯唔哂加好多架，逐少加就唔會淡晒，最好係未加好多湯先放花膠仔吸叫哂啲雞汁諗起都流口水呀。其他任点推介豆腐同埋水魷，我地不断加單咗好幾次。三五知已聚會去到銅鑼湾有選擇困难症就黎呢度啦。

<至尊重慶雞煲>出曬名平靚正，性價比高，相信好多人都知，但原來銅鑼灣都有分店你又知唔知？？一直以來我都係幫襯開旺角嗰間，冇法啦太出名啦！！做咗咁多年。嗰日同住港島既朋友傾開先知原來銅鑼灣都有分店，價錢亦一樣咁抵，地點喺正銅鑼灣鵝頸橋隔籬，沒可能不去吧！！同樣都係先食雞煲再任食邊爐，但銅鑼灣店比旺角多一個熟食區。雖然只係普通魚蛋，拍青瓜之類嘅食物，但係雞煲未滾之前食住嚟等都幾過癮。而且同旺角一樣有<韭菜豬肉餃>，必食不過醬料就比較少選擇，祇有基本既蒜，蔥，沙爹醬之類，但普通打邊爐是足夠的。普通汽水果汁就當然任飲啦！這個不用多說吧而且仲有竹蔗馬蹄水，椰青水之類嘅飲品可以任斟。若果都仲未滿足到你嘅話可以加錢飲酒，價錢亦非常相宜合理！！座位冇旺角店咁多，好處就是冇咁嘈。講返正題雞煲先！！一樣保持水準，滾起個下真係香到爆炸。雞件啖啖肉，而且數量都幾多，我哋一行四人每人都食到五六件有肉的。食完雞煲就當然打邊爐。點餐紙雖然得兩張，但選擇都夠多，正常的肉類丸類同蔬菜都有。百幾蚊任食一餐黎講算係交足功課。普通丸類雪藏嘢我就唔寫啦，間間都一樣差不多。有驚喜的是牛肉和豬肉都幾

天氣轉涼 同媽咪去行完街就搵地方醫肚 想搵又平又夠填肚 就諗起雞煲 $158一位又無加一 等左5分鐘度就入得 等緊既時候已經問定我地要咩辣 我係唔食得辣既 所以梗係唔辣啦雞煲係我地點緊火煱料既時候已經有 熱辣辣 好惹味 濃味得黎 又唔係好咸渦 食完一舊又一舊 2個人都有半隻雞 其實都幾飽 所以我地仲左一半已經叫加水 因為我地好想打邊爐佢地係一盤上 張紙都比埋你 唔怕漏單 叫左魚片 蘿白 響鈴同D生既野放埋一齊 如果唔淥下就食又驚有菌 但係淥得耐又會淋哂 所以食左一個就放棄肥牛每次都會有2碟 好薄身 鵝腸雖然 唔係肥美 不過都新鮮渦! 一次過幾條幾條咁食 好滿足雪櫃有勁多飲品 總有一款岩你飲仲有甜品 但係天氣太凍啦 下次啦花膠仔又唔會6耐左而唔見左 正 

美味大辣雞煲@至尊重慶雞煲 最近最愛是和朋友打邊爐，至尊重慶雞煲是我們的最愛，夠平呀嗎!不用加一不用湯底錢，百多元就可以食飽飽 食材生料款式很多，雖然沒有貴重的食材，但一般都很新鮮 不過便宜抵食的代價就是人多要等，尤其是特價時段，不過服務萛不錯，姐姐都很有禮貌而且上菜速度很快 混醬區~醬油不用另外加錢，讚 雞煲必點大辣，一邊食一邊流汗好過癮 一加熱就可以食，先食雞件之後再加湯打邊爐 等爐滾之時有大量小食可以食，茶葉蛋好入味，是我最愛之一，不過真係好頂肚 飲料是自助的， 好多款式，啤酒任飲!但如果有無糖的飲料就更好了 美國肥牛，肉質嫩滑，肉味濃郁，雖然講不上是上貨，但這個價位絕對是超值，一下子又點了好多圈 西洋菜~看起來很新鮮嫩綠 生料隨便圈了很多款，上菜時就是這個狀態，很隨意，但沒有自動CUT單情況，點三件就來三件，雖然沒有美麗的外表和擺放，但食物都頗新鮮的 必點花膠，煮腍了的花膠好入味，吸盡雞汁的精華 魚皮是必食，脆卜卜，口感似食薯片 埋單每位$158，抵食又滿足

天氣一轉凍就想食雞煲，朋友推薦左呢間雞煲火鍋放題，即刻同男朋友去試下。我地唔食得辣，所以叫左小辣。係等緊個煲既同時，落單姐姐就建議我地可以去前菜BAR拎小食食住等。手拍青瓜同醃白蘿蔔片好味超級開胃，豬紅同茶葉蛋都唔錯夠入味。食緊前菜既時候，個雞煲話咁快就到，我地兩個人半隻雞，雞煲非常足料，個汁又夠濃夠香，雞肉夠滑好惹味。食完D雞其實都半飽，但點可以停，即刻加湯打邊爐。可以任點既火鍋料都幾多，而且好快送到。美國肥牛幾新鮮又大塊，可能我地只有兩個人，所以每次上菜份量只有4-5塊。豬頸肉有驚喜，估唔到咁好味，ENCORE左兩次。食得肉多，當然就要叫返多D菜平衡下，D菜都好新鮮。另外值得一提係加左兩次湯仲好夠味，拎左碟醬返黎都無乜點到。無停過咁食，兩個鐘好快過。朋友無介紹錯，真係抵食又好味，野飲又任飲，仲有雪糕食。以銅鑼灣地段黎講，真係太抵食，會再黎! 

早幾日放假行完銅鑼灣，到晚飯時間天氣又涷咁啱又見到一間叫至尊重慶雞煲的火鍋，所以今晚晚飯決定選這兒了，同老公到達後立即安排入座，店員亦很有貌，並安排我們坐張二人枱，坐椅可打開放物品或衣物在內，無咁易索哂啲邊爐味(低讚)，至於調味料就自行到出面調味吧調配，款式都唔小，自助飲品都選擇多，講返食物先有四款自取小食，有豬紅、雞腳、茶葉蛋同魚蛋(雞腳最好食👍🏻)，另我地叫左個重慶辣雞鍋要小辣(啲雞件香口味美 辣度適中 正👍🏻)、食完再加湯打邊爐，我地order左美國肥牛、黑豚腩片、午餐肉、炸響鈴、水魷魚、鵝腸、青口、粟米、唐生菜、貢丸等，整體食物唔錯，特別推介美國肥牛，啲肥牛真係好有肉味同肥瘦適中，今餐真係一餐好滿足的打邊爐👏🏻👏🏻無論整體食物，價錢，店員服務都好好(時常來執碟同加湯)，這間至尊重慶雞煲，值得向大家推介😋😋👍🏻👍🏻

近排天氣凍，食火鍋就最岩。但銅鑼灣區出名食野貴，要搵間便宜既都好難，結果朋友介紹至尊重慶雞煲。開始已比門面吸引，158 任飲任食咁抵，咁一定要試下！店內人多，但尚算清潔。飲品選擇多，有啤酒汽水紙包飲品。仲有雪糕食，但只限一個。醬料選擇齊，可撈出唔同味道。主角雞煲到，份量多，雞夠滑入味，辣度適中。火鍋配料選擇多，唔怕冇野食牛肉雖不是高級貨色，但入口不錯，肉味夠，有咬口。其他配料都不錯，最估唔到有花膠，花膠軟腍，好食！蔬菜類夠爽甜，烏冬應該不是高級貨色，但掛湯能力不錯，有彈性。坐左2個鐘，食左好多野先$158位，平到笑，唔怪得個場爆晒，仲有好多後生仔幫襯，這間餐廳咁平民，一定會再黎惠顧！

今日同屋企人訂了位去食銅鑼灣至尊重慶雞煲，上到去空間感很好不會太迫，坐定定就去拎野飲，飲品選擇很多還有啤酒都係任飲真係想試哂佢另外還有竹蔗馬蹄水、薏米水、椰青水，在等雞煲來時，去拎了一些熟食有豬手、豬紅、手拍青瓜、茶葉蛋、雞腳...！雞煲到喇煲了一會炒了兩三下聞到已經好香了，食落口雞肉嫩滑真係黃油雞至有，辣味好正剛剛好，雞肉很多不過不用一會就食哂喇，加湯開始火鍋了，火鍋配料在點餐紙上亦每樣都點來試下，美國肥牛、黑豚腩片唔小得、花膠、牛骨髓、豬頸肉、青口.....真係好多，兩個鐘後真係飽到要行下了，今日真係吃到飽啊，人頭$200都唔洗真係抵食下次再來食過！

近期涼左最啱就緊係雞煲加打邊爐啦，朋友介紹銅鑼灣呢間至尊重慶雞煲，仼飲仼食兩小時都唔使兩百蚊，最重要係有啤酒仼飲，仲要兩款Max同獅威，啱晒我地幾個無酒不歡既朋友仔！雞煲選擇了中辣，醬汁辣味越食越出味，雞肉嫩滑，翼尖入晒味好好食，中途加入魷魚、牛柏葉、豬皮，吸盡辣汁既精華。食完雞煲直接加湯打邊邊，keep住原有既精華。火鍋既基本食物都有晒~ 美國肥牛、黑豚腩片、芝士腸、午餐肉、響鈴、白蘿蔔、金菇、火腿丸、花膠、炸魚皮....通通都係我鍾意食既，呢度既食物都好新鮮好食。仼食既好處就係可以每樣叫小小，又食到想食既野又唔會浪費。餐廳突然音樂響起播Happy birthday to you，估唔到火鍋店都會為客人預備這個小驚喜。我諗壽星們應該都會好開心！

好耐冇食過雞煲 朋友介紹哩間抵食所以就即刻bk左七點半我地被安排坐係窗邊位 雖然張枱就細左啲但有張side table俾我地擺野既另外係可以打揭開張櫈擺野既 最啱我哩啲怕食完雞煲會有陣味纏繞住我 可以用尼擺外套 抵讚有兩大個雪櫃啤酒汽水任飲 另外仲有啲涼茶熟食擺另一邊既不過我掛住食唔記得影相本身我地就叫唔辣既 呀侍應就介紹我地食個小辣因為會香啲雞煲上左枱一陣之後就有個侍應主動走埋尼幫得地攪兩攪 之後就食得勒食落又真係幾香嫁堝 雞真係啱啱好 連雞胸位都完全唔覺得鞋 好入味啲洋蔥整耐啲淋哂索哂雞煲既汁好好味之後就加湯打邊爐啦估佢唔到啲肥牛同豬腩肉又幾好樣堝 食落仲一啲都唔覺得肥其他都係打邊爐大路野 雖然係任食但食材唔馬虎地方又乾淨 我地食到十點出面都仲有人等緊位 百幾蚊係銅鑼灣食到哩個質素既任食雞煲算係咁喇真係

朋友仔佢好鍾意食雞煲, 而我就一般般~不過為咗氹佢開心, 所以就食雞煲啦, 我OK嘅~揀呢間係因為學生介紹, 或抵食飲食而且質量又好唔錯~好彩我哋早食飯, 唔使等位~向自助醬料區, 前菜都係任食, 學生同我講質量唔錯, 所以我哋都試一試~(平時打飲食邊爐, 我好少會食前菜~)茶葉蛋出奇地好味夠入味, 我 encore 咗... XD朋友仔話醃蘿蔔同拍青瓜都做得好好~飲品都係任飲;甜品每人可以揀一款, 不過當晚唔見有甜品出現~ XD我哋好乖, 有跟說明書黎食~朋友遷就我, 我哋揀咗小辣~我哋先食雞, 一上台熱辣辣, 撈勻就食得~雞細細隻, 肉地剛好 咬落仍然嫩口~齊 order 喇~按指示, 食完雞 加水魷魚落去煮~响我哋彷徨唔知幾時熟哥陣, 店員好好人 過來教我地~好香嘅, 但係我哋煮太耐, 我完全咬吾開, sorry!一陣間, 就多咗好多客人~XD 早食飯, 唔錯 唔錯~一6完啲魷魚, 店員就幫我地加湯, 可以開始打邊爐啦~魚皮香脆, 我又成碟食晒... 朋友食咗一舊, 都話唔錯~用雞煲湯底, 煮嘅潮州魚蛋, 味道好香濃 又彈牙, ok 呀~蟹籽包, 唔腥料滿滿 我鍾意呀~學生果然冇

同事成日笑我好有米，唔通我係月光族，又日日話俾你知咩quality 好而貴嘅野要食, 平嘅嘢都要食下，咁個人生活先會得到平衡某一天加班，跟同事鬥平，講食個最平嘅雞煲放題，我就決定分享一下至尊雞煲。$158 per head 仲要免加一，今次我完勝銅鑼灣區竟然有咁平嘅雞煲，就係鵝頸橋側邊，如果唔係朋友帶我呢！我又真係Miss左個門口～haha平日七點半鐘，全場爆滿，座無虛席，門口仲要等位添！可想言之質素都有返咁上下，座位比我想像中闊落。坐低第一時間點左個小辣嘅雞煲，味道好，辣得來夠刺激，好大隻雞，雞肉嫩滑又入味。仲有嘅就係估唔到竟然有 SOMERSBY 任飲，我見到其他食客瘋狂咁樣飲，真係淨 cider drink 已經值回票價食完雞煲又未開始打邊爐，出邊嘅小食都唔錯，我最鍾意嘅就梗係拍青瓜啦！其他朋友話茶葉蛋都好好食。咁平嘅價錢，應有盡有，丸丸肥牛仲要推介嘅三寶都好正。花膠！花膠！花膠！其他好似牛柏葉同埋新鮮自家包嘅韭菜餃，我都好鍾意食到最後仲有甜品，我就揀咗紅豆雪條一條，因為朱古力雪糕杯一早已經比其他人攞晒了。真心抵食質素ok

黎左試呢間雞煲，因為佢唔太貴之餘有朋友食過推介的。一入門口已經有小小開胃菜俾你自行夾返埋位食🤓🤓🤓🤓熱食既亦有，俾你選擇更多，唔會覺得只係打邊爐同雞煲，d味道都夠入味，隨左食雞煲，都係唔錯既選擇👍🏻👍🏻👍🏻飲品都唔只得汽水選擇，亦都有d清熱解毒既飲料🙃🙃🙃汽水都有好多款，亦有啤酒🍺🍺🍺不過啤酒就唔係任飲，但亦唔會好貴🤗🤗🤗一黎到侍應會問你要咩辣，會幫你order左個雞煲先，因為整都要時間，黎到都好香雞煲，d肉質好鮮嫩，唔會好多骨，d洋蔥就入晒味，超級好味😋😋😋食完雞之後，就可以揀送打邊爐，可以任食，唔夠又可以再叫，食到你飽為止😋😋😋