至尊重慶雞煲 (堅拿道西) (已結業)

其實平時同朋友講起食雞煲，至尊一定會係我地top 3 choices 之一。因爲平，靚，正。有中學開始，可能一班朋友都係港島返學，東區會去的雞煲只有至尊。記憶中幾年前價錢同而加一樣都係任食任飲$1XX，仲要免加一！對於學生哥或者想平平地食好野的大家來講簡直超值。我去過旺角同銅鑼灣的分店，味道一樣正。呢日平日七點半來到，幸運地還有位置。一來到緊係食下d小菜，呢度有碗仔翅/豬红/青瓜同雞腳等。個人尤其中意青瓜。雞煲未上到來已經清左幾碟。先不講個雞煲本身夠入味，一上到來已經可以讓人食到停唔到口。建議唔食得辣的朋友食小辣，個雞煲辣辣地得來又香。之後上左d肥牛，丸，豬頸肉，雞，魚，凍豆腐同花膠！無睇錯係花膠！肥牛固然靚，加埋花膠加持，成件事好抵食。聽聞老闆以前是做食材的，所以來貨一定平過人仲要靚過人！住港島的朋友可以一試

之前系荃灣間分店食過，覺得幾好食同幾抵，今次因為朋友多數住在港島區，所以去灣仔這間食。地方不大，我地6點半左右去到，所有自助小食仍然未有供應，侍應話7點才有，到7點時，就只有碗仔翅，拍青瓜，豬红同雞腳供應，上次我去荃灣嗰間，凈系自助小食都超過十多款，甜品仲可以選即做班㦸，飲料品種也不及荃灣多，叫左中辣雞煲，個汁有d沙爹味同埋有濃濃的豆豉味，雞肉都有d鞋口，切得不太大件，我地5個人，份量就吾太多，至於火煱配料，肥牛好好好肥灼完入囗冇乜牛肉味，炸魚皮好香好脆口，牛骨膸系出面嘅火煱任食就比較少見，鲜枝竹好似放左好耐，花膠仔就有d咬口不過浸得吾夠淋身，即包菜肉餃料多肉汁豐富，豬膶幾新鲜，灼一灼好爽口，即食碗仔翅就好多料，冬菇、肉𢇁、雲耳，個味又調得吾錯，加一些麻油，有個朋友食左3碗，豬紅切得細細粒，個汁就辣辣地，好惹味，甜品系自取雪糕一杯，食左云尼拿、朱古力味，杯朱古力好似溶過再雪返咁。每位$158（全包），好一般，若然有機會再食，我一定去荃灣嗰間，畢竟都系荃灣嘅食物比較多選擇、新鮮及抵食。

其實至尊雞煲, 之前已經試過佢係旺角既分店... 但無奈港島人, 好日唔過海, 下下想食雞煲都唔係辦法... 終於 等到佢開黎港島, 而且仲係方便交通既銅鑼灣!!! 新開張冇耐, 緊係黎試左先!!!!上到黎 發現比旺角店坐得舒適 起碼所有櫈唔係膠櫈, 係有椅背既皮櫈, 仲可以翻開個SEAT位 將手袋放落去, 真係貼心既設計! 最適合我地女性會拎手袋同冬天食唔想外套吸哂雞煲味, 擺落去 very good!!!!今次5個人食, 點左兩個煲, 一個係米酒雞 一個係小辣雞煲, 講返個米酒雞 係新野來的... 幾香米酒味 適合冬天暖胃同唔食得辣既朋友. 而個辣雞就同平時一樣 香料十足  火鍋料上 同平時分店 一樣 話多唔多 話少唔少... 但當你等緊個煲來臨時... 出面有好多小食 任你夾...有魚蛋 燒賣 餃子 炸雞翼 糖水 湯 連雪糕 同雪米糍都有... 煲前小吃...  想得週到...  價錢合理 100鬆1位...

雞煲 大大煲， 多🐓 足料。 [ 但… 我覺得 雞肉 "鞋" 和 實 ]一般火鍋配料 任食 (e.g. 菜、丸、炸魚皮、花膠 etc.)[ 一般咁啦，朋友覺得魚皮較碎 - 我都認同 ]熟食都有小小 ( 青瓜 及 春卷)[ 我覺得 今晚 最好食的 是這二樣， 青瓜 入味又爽口， 春卷 夠熱-香口]飲品都任飲 ( 汽水、獅威 等)每人 一杯 🍧.

放工同朋友去銅鑼灣行街，諗唔到食咩好，呢個時候接到張傳單，一望，原來係介紹雞煲，好啦！問題已經解決，今晚食雞煲！雞煲我試過好多間，每間都各有優點。我同朋友都無辣不歡，所以我地叫左中辣。等個鍋其間，可以出去自助區度攞啲小食，紅油青瓜同芝麻雞翼都唔錯。等左十五分鐘喥，個雞煲嚟喇，湯底’麻”同”辣”都配合得好好，而雞煲內嘅雞件不但大塊，而且肉嫩多汁，真係”啖啖肉”。食完雞件，店員幫我地加左少少湯，之後我地掉左三款鍋料入個鍋度，分別係花膠、水尤魚同牛柏葉(店內介紹嘅)，嘩！正！水尤魚同牛柏葉又爽又麻又辣，但估唔到花膠都可以咁”林”咁快入味。其他火鍋配料都算新鮮，飲品都有唔同嘅選擇，重有雪糕做甜品，雖然係普通嘅味道，但$148全包2小時，我同朋友已經決定下次會再嚟！

前一日驚多人，所以打黎訂位，接電話果位用幾衰既聲話2個人不如walk in 😅 fine差唔多8點去到唔使等位，次次去旺角果間都最少等半個鐘，呢道唔使等開心好多，坐低就叫左小辣，我本身好食得辣，不過朋友唔多得所以就佢。等左都幾一陣，我就出去拎d小食，有雞腳，茶葉蛋既物體同青瓜...等等，我揀左青瓜，食落口有麻辣味，個味唔錯，但注意，個味同青瓜係分開的，青瓜冇入味，2樣食落口係分開😂感覺好怪。主角雞煲出場勒，2個人預左少，雞切到好大舊，算滑，但雞汁好少好少，咩事😰食2食好快清晒就開始加湯打邊爐，落單寫野一時冇留意係好似會考MC題咁要打橫畫唔係打圈❌⭕️比待應哥哥gut左句話唔係打圈✖️又要重頭畫過😒 睇其他人彈過d肥牛我有懷疑，因為旺角食過ok,以為銅鑼灣呢間有問題，但今次食冇乜問題，當然唔會比最靚你啦，算係咁，花膠、牛骨髓、鵝腸都好正常，唯獨是白色魚蛋同墨丸，又腥又臭又冇味，想點😒，我食左一啖即吐，唔怕死可以一試。飲品方面我最鐘意康師傅既雪梨水（唔記得叫咩名），其他都係7up 百事果d正常野冇乜特別。總括黎講$148 任飲任食唔加一仲有杯雪糕仔送算係咁，服務ok環境乾淨，隔離台一走待應極速

係一間唔錯嘅雞煲，不過每次去嘅感覺都唔同！我食過大中小辣不過佢間鋪次次嘅辣度都唔同，有時中辣已經夠有時大辣都唔辣依一點要去改善下不過依個價錢已經好掋食佢啲雞好滑，睇得出係一熟就拎起，有部份未熟不過都好好！真係好滑好滑不過就要睇岩唔岩時候有時好滑有時就差啲不過我食10.30後多數，108一位係好平嘅價錢星期五，六，日先加多10蚊一位10.30前食就148全部免加一我男友唔鐘意食雞個味，但佢都係咁同我去食雞煲，夠辣就得啦想試下嘅可以去，不過佢啲火煱料就唔太高級，可以當試下

I found out about this restaurant because I went to a tasting at their MK branch.It was so nice that I went back again.However at this branch, they don't seem to take telephone bookings when I phoned, when I got there, they asked if I booked so I said the person on the phone did not let me book.Anyway, I did not abuse my authority as a reviewer because I could have simply called the Manager who gave me his business card to book.Another reviewer who also went again anonymously was allowed to book

是日中學好友聚會，商議邊度食好d，天氣漸凍，最後決定到呢間銅鑼灣新開的雞煲試下。book左9點半，最尾都要等到十點，本來我唔鐘意等位，何況已經特登book位。但呢間餐廳比出面等ge客人提供免費飲品同小食，如魚蛋，魚皮之類，雖說種類一般，但可見其心意。最後六條友坐到入去，已經十點都幾多人，先雞煲後打邊爐，點左兩煲都系中辣，經理話可唔可以整埋一起費事嗮煤氣，我地話求其，成班老友都唔介意呢D。雖然雞煲略覺多油，又擺D頭頭腳腳落去，但好彩都多雞件，同埋D肉ok嫩，不會老，調味夠重，有洋蔥，香菜，冬菇等等。整體都幾好味。重頭戲系打邊爐度，料多唔會漏單，應該有ge都會有，本人最鐘意呢度ge雞子同響鈴！勁好味！順帶一提，呢到飲品都幾多下，有特色韓國飲料。不過都不得不提，因為雞煲落油多左，令到打邊爐食覺得油膩，要扣分。不過都會番食，要叫佢少油就perfect啦。比起美心個d六十几蚊咩都冇雞煲，呢度百來蚊任食真系好抵！

天寒地涼冷風颯颯最好有兩個活動，其中一項就是整班好友圍在爐邊，對著白煙四起的熱鍋烚下烚下。近兩年雞煲的受歡迎程度直線飆升，只可惜小妹不能承受麻辣的激刺，故只有透過食家生動的描述及精彩相片，感受那份嘴巴腫脹大汗猛流的過癮滋味。怎料前陣子老友相約品嚐重慶雞煲，素知嘴刁的她除不沾牛羊外也未能吃辣，因此對這個邀請確是有點意外，細問下才知這間舖頭除了著名的麻辣湯底外，亦有一個非常吸引的米酒鍋，那就當然不能錯過了！這間位於銅鑼灣鵝頸橋側的至尊重慶雞煲，是集團年多以來所開的第五分店，觀其定價可謂非常相宜，周末日子兩小時任飲任食全包宴，成人每位也只是$138，難怪用餐當天有不少年輕男女光顧，而晚飯時段門外經已大排長龍。從店外海報得知此店的蜑家雞煲曾經獲獎，由於所需的海鮮材料要即日購買，故食客必先要致電預訂。到訪那天老友已貼心地提前落好柯打，當然就是最受歡迎的蜑家和米酒雞煲，由於這裏的雞煲即叫即製，所以需要等候二十分鐘左右，食客此時可先到自助吧取些熟食和飲品，眼見當日就有碗仔翅、咖喱魚蛋、蕃薯糖水等食物，由於需要留肚品嚐最期待的雞煲，只敢盛了幾啖胡椒豬肚湯試試，味道比相像中清淡了些少，但豬肚確是處理得不

今年，「雞煲」如雨後春筍般湧現，加上近日氣溫急降，最適合圍住個熱爐烚吓烚吓。雞煲與「麻辣」是絕對脫不了關係的，故小妹一直都是敬而遠之的。早前收到店家試食邀請，小妹婉拒了，店家回覆表示雞煲有微辣或者用米酒烹調的。就這樣，小妹決定應邀了﹗適逢死黨C的牛一，一行四人齊齊去吃雞煲兼吃火鍋。「至尊重慶雞煲」首創2小時任飲任食放題火鍋全包宴，力求令食客大快朵頤，食過翻尋味。銅鑼灣新店開張大酬賓，週一至週四每位只需$128（包雞煲、火鍋配料、小食、啤酒汽水及加一），週五至日、公眾假期及前夕則每人$138。小妹未夠六時到達，店內已有幾枱食客正在用餐(五點開始營業)。枱與枱之間頗為寬闊，店家並沒有只顧賺取利潤而把客人擠在狹小的空間中，值得一讚。紅色天花配搭白地板、白枱凳，再配以射燈的照射，予人光猛闊落、乾淨企理且舒適自然之感。小食、飲品自助吧更掛有一幅耀眼奪目的鮮色黃椒燈框作佈景設計，讓人不禁胃口大增。據聞，食店每日新鮮包製的招牌餃子極為搶手。剛巧，小妹見一店員正在現場包牛肉餃子，另一碟餡料則是西洋菜。只見店員熟練地用一小木棒搯出適量的牛肉餡放在餃子皮中，然後小心翼翼地把餃子皮對摺，再三五下功夫把邊捏合

一班朋友去食雞煲，有人話至尊重慶雞煲唔錯，於是早一星期訂位去到人好多好迫。坐得超級唔舒服，迫到你行過一定掃人地既野落地。一坐底 服務員即問要咩煲， 我地點左個少辣，再落單叫火煱料。問題就黎啦，二個小時晚任食，我地上哂生晚火煱料，但等左好耐同催左好多次都冇雞堡， 侍應話要等。。 等左9個字左右。。即係我地仲有1個鐘3個字食。問題又黎， 佢同我地講野食唔可以浪費， 會按兩計，但佢上錯左個再大d既雞煲比我地。。。雖則話份量多左冇加我地錢， 但完全食唔哂甘多。個雞煲味道好重，但唔野味， 好濃。 要不斷加湯。 雞就一上時好滑，過左一陣就唔得，勸大家夾佢地出黎， 想食先滾番熱佢。tim,不過冇酒啤 所以冇啤酒提供， 但竟然有汽水櫃有3個，任拎， 有韓國梳打， 但冇酒牌所以冇啤酒提供， 但竟然提供有酒精既jolly sandy。仲有雪糕櫃， 滿哂牛奶公司雪糕。有少少熟食， 個蜜糖芝麻雞翼好美味! 佢火鍋料份量好細， 每款一張紙最多可點3份。其實， 佢聽上去真係好似好正， 但去完需要即時上open rice 同大家分享。

今日既經歷真係令我驚訝，點解會有人同客講唔做你地生意!!!半夜同D老友搵地方食野，由於呢間分店新開張之前食過兩次食物幾好，所以介紹俾老友。之前去過2次，1次2個人俾左半隻雞，第2次3個人俾左1隻雞既。咁我地一行5人坐底後，合理咁計都會有1隻半，而店員都係咁講。之後個男經理走埋黎話公司規矩只能俾1隻雞，咁我地都覺得個準則有問題，問番佢咁如果我地分開兩枱係咪又唔同計法佢就話知道我地係同一班人唔會咁俾我地。個男經理仲同我地講呢度唔係半島酒店唔好要求咁多計到咁盡，真係火都黎仲話新開張，後尾佢話可以分2枱但要5個人分開一東一西坐，真係未試過食野有咁既態度，呢一刻我地都知佢玩野，咁我地都話唔緊要分開就分開。佢估唔到我地肯分開坐，突然大大聲話唔做我地生意，唔鍾意就走!!嗰一刻我原全覺得佢唔休無生意，全場人望住，最後決定唔食。做飲食既竟然趕客走仲要話新店，我做咁耐人都未見過，仲要竟然係一個分店最大嗰個帶頭幫公司倒米，我唔知道佢地係咪集團式唔休做，定係個經理係老闆可以話事，但呢次真係得啖笑。事實上我地唔係非要半隻雞不可，當顧客有疑問既時候佢作為一店之長第一個反應就係對抗而並無解決問題既能力，更反咬客人，

豬肚湯真系好好味道啊，飲完好暖胃，亦都好開胃。 另外芝麻雞翼極力推薦，超級好味道，正正正，除左呢D仲有好多其他小食。呢間雞煲比起旺角荃灣店好明顯細左D，但環境真系好優雅舒適，服務都好好，D經理都無架子，我見佢地都會同D客人SOSO下，問我地意見，會再去，第一次寫食平，就是要贊甘有質素的一間店，希望你地保持呢份水平.