臺味冰點餐廳

營業中

休息中

星期六2:30先有下午茶餐，2:00嚟到，叫咗正餐雞翼米線，凍蜂蜜紅茶走冰。想落單，餐廳內九成員工都當睇你唔到，要一段時間先可以成功落單。餐廳除咗湯粉麵，仲有焗飯、炒公仔麵/意粉/烏冬，同吐司，扒類可以選配西芹/豆角/沙律，種類好多。另外可以配一杯台式或港式飲品，都多選擇～米線配有椰菜、粟米粒、蔥粒同日式魚片，米線正正常常，質地粗身，但偏腍，用力少少夾就會全部斷晒，比較碎，食起上嚟有少少麻煩。雞翼有四隻，唔會太油，夠入味香口，肉唔乾身，係好食嘅～蜂蜜紅茶，🍯蜂蜜味突出，☕️中和紅茶嘅香濃，好飲！飲品唔會偏淡冇茶味。如果本身唔鍾意太甜嘅朋友，呢杯正常蜂蜜紅茶，可能會偏甜。餐廳枱都算多，星期六暫時唔需要等位。

外賣上海麵，值得一讚嘅係店舖好好，會自動分湯。不過翻到屋企，將麵放落個湯內，即刻滿瀉哂，仲要係滿瀉到離哂譜，唔明白比咁多湯做咩清潔完張枱，個麵都凍哂，食咩都冇機湯底又淡又冇味，得辣講餸，支竹冇味，蓮藕餅不過不失，值得讚係有4塊，叫抵做。

今日唔使返工，喺屋企附近嘅餐廳度食咗個午餐，碗飯好大碟食唔晒同埋佢仲跟餐送嘢飲，天水圍人都會知呢間餐廳㗎喇，因為其實都開咗好耐，都真係唔差。我叫咗個雞翼蓮藕餅飯，個蓮藕餅配喼汁真係好好食，值得推介嚟到天水圍新北江商場嘅人可以過嚟試吓。

呢間台式餐廳真心不得了，喺新北江存在咗咁多年，真係唔係浪得虛名，每次同friend 去親新北江，都係食呢間多。-香辣金沙骨油豆腐上海麵 $48呢間野嘅金沙骨簡直係我嘅至愛，甜度適中，又有𡁻勁，油豆腐都係正宗上海餐廳好食啲，上海麵麵質都爽彈。-XO醬海鮮炒公仔麵$60炒得乾身，而且夠香，啲餸都唔少。-台式三拼飯(豬扒、雞翼、金沙骨)$53食肉獸必嗌！將三樣名物放埋一齊，教我如何不愛上。-珍珠奶茶、蜂蜜綠茶 +$0最正係台式飲品唔洗加錢！珍珠彈牙，蜂蜜同綠茶比例恰度好處！

平時行過見到幾多人吃，生意好似幾好，今次第一次食。餐牌好多選擇，麻辣、肉燥、焗飯、炒麵、湯麵，唔知點揀，本來想睇下其他人食咩，點知周圍嘅客人都等緊食，冇得參考，最後揀咗焗白汁豬排意粉。上菜賣相幾吸引，但一食，先知出事。豬扒醃得太冧了，無口感，而且都幾肥。意粉亦煮得好冧，真係接受唔到。醬汁算唔錯，但配角點勁始終都救唔到主角。仍然係摯愛嘅奶茶，味道一般，但都比豬扒意粉味道好。😅食完都幾失望，應該冇下次了。😅

趕住食嘢，逼不得已嚟咗呢度食早餐😅先唔講座位逼，落單嗰陣叫極都冇人，啲阿姐淨係掛住同熟客吹水，揀嘢食問多兩句又唔耐煩。有其他客到要搭枱，就塞過嚟我度，本身已經好逼😅隔離阿熟客張4人大枱明顯冇咁逼，又唔安排啲人去佢度搭枱隔離枱有熟客嗌同一樣野，遲過我嗌又比咗佢先🙄🙄杯奶茶係咁催，又話整緊，最後食完都未嚟。冇下次，食物一般，份量正常，衛生幾差，餐具有啲油，抹枱求其抹，仲有上手啲嘢食喺枱未抹走都唔知🙃

相信天水圍街坊對呢間肉燥飯一定好熟悉🤤 之前食唔曬，以為係我個日狀態欠佳，點知試過幾次都食唔曬！發現原來真係好大份😍💛台式鹽酥雞翼飯加肉燥 ($56)鹽酥雞翼係我最鍾意食嘅，有5隻雞翼，開心Share完，自己都仲可以食三隻😻 而個雞翼都好香😙 雖然肉燥唔係正宗肉燥，佢係多汁啲又有少少甜，但睇個人喜好🤪💛茄子肉燥飯 ($50)大大兜肉燥🤤 食到尾係會有淨肉燥🤯 而茄子嘅份量都唔少🍆 冇記錯嘅話有7-8條係底

行過新北江  幫襯呢間街坊小店據聞佢幾次轉手裝修真係唔太唔吸引行街坊路線 簡約而實用最重要都係野食好食什扒肉燥飯 配$14既飲品 超過要補差價有雞扒 豬扒 腸仔 火腿同肉燥大大碗白飯 唔係正宗既台式小店有mix到港式快餐既味道 大件夾抵食囉價錢同質素都合理

下午茶時間，人比較少，都有唔少位。喺下午茶嘅餐牌叫咗個芝士焗雞皇意粉。意粉嘅份量適中，賣相唔錯。表面見到都有唔少嘅雞件，亦有啲微焦嘅芝士。因為係即叫即焗，所以都等咗一段時間。雞嘅味道唔差，而且雞唔會焗到好乾，食落口仲有嫩滑嘅口感，雞應該都有醃過，食落去唔會乜味都冇。因為白汁嘅量都唔少，下面意粉底唔會好乾變咗做一pat嘢，反而可以好輕鬆咁卷起咁放入口。隨餐有埋個水蜜桃紅茶，好大杯，又唔會好甜。成個餐幾抵食！

去天水圍睇完日落，行過新北江，諗住幫襯天天燒鵝皇，點知佢嗰晚早收☹️，喺個場度兜兜轉轉，最後嚟咗呢間。叫咗個茄子肉燥飯，老實講，一睇個 menu 同埋店內裝修，就知呢度主要做街坊生意，所以都冇抱好大期望。個飯一上枱，果然係實而不華：白飯大大碗，碟餸啲肉燥仲多到差啲滿瀉😂。味道方面，感覺唔太似台式肉燥，反而類近港式小炒，不過都幾好食，特別係幾條茄子，雖然略嫌偏油，但係就食得出香噴噴嘅紅燒味，唔錯。四十零蚊一個晚餐嚟講，絕對收貨👍。

三杯雞&肉燥飯：好少食三杯雞係雞翼🤣 不過味道都唔錯 雞翼啖啖肉 肉質ok. 肉燥本身睇個樣覺得伏伏地 低估唔到食落又唔差！雖然唔係傳統肉燥 但撈飯都好香夠惹味！什扒肉燥飯： 有雞扒 豬扒 腸仔 火腿同肉燥 份量好足 食完極飽 🤣 扒類都醃得好夠味～肉夠滑個餐包兩杯$14野飲 多左要補差價。叫左杯17蚊既朱古力奶茶同芝麻奶茶 少甜！朱古力果杯都幾濃朱味力味 芝麻就有一粒粒碎芝麻 飲到尾要小心易續親 🤣雖然坐得唔算舒服既新北江餐廳 亦唔算正宗既台式小店 不過勝在夠親民 係附近居民一個唔錯既選擇！

呢間舖頭細細個已經係到，但從來都無食過🤔應該係因為佢以前個裝修唔吸引😂我印象記得佢好似執過再轉手再開番，但自從佢重新反送中佢表態之後，就會想試下，覺得呢間舖做到咁耐，一定有佢嘅原因🤨難得屋企叫外賣 就決定試下啦！佢裝左修之後，望落都順眼好多，唔再係以前個隻紫色💜起碼顏色上比較親切🥰==============================臺味冰點餐廳 (天水圍)📍 天水圍天湖路1號嘉湖新北江商場1樓C23-24號舖 輕鐵樂湖站步行1分鐘⏰ 星期一至日 08:00 - 22:00==============================1️⃣ 台式三拼米粉 $43.2三拼分別係：豬扒、雞翼同埋金沙骨🥩每樣都分別有兩件由於係外賣嘅關係，小編都搞左一大輪先去食，所以有少少凍，但唔關舖頭事🤫個豬扒都係偏薄身 爽口！又唔會話係啖啖肥肉咁雞翼就正常發揮，唔會係未熟出曬血，但又未去到好嫩 金沙骨方面，就咁睇相都已經知道佢幾入味不得不提係佢好貼心，佢直接幫你分左湯🤩即使我唔係即刻食，都唔會浸到啲粉漲曬sok曬水重點係 佢份量真係好多，有成外賣兜嘅一半！😳米粉亦都唔會係一patpat，條條分明湯

上一次食已經係小學嗰陣覺得冇咩特別估唔到咁多年後會主動想食！疫情關係 盡量都唔出街食所以選擇外賣自取叫咗芝士雞肉焗飯 同 海鮮炒烏冬😋焗飯要等20分鐘 都接受到海鮮炒烏冬海鮮種類有蝦仔 蟹柳 同埋 （唔記得咗）仲有啲椰菜絲食落有啲鑊氣但略嫌調味唔夠（食完掉垃圾先發現原來佢比咗包辣醬我係我冇落..）芝士雞肉焗飯好味到dum一聲啲芝士超足 仲會拉絲雞肉量又夠撈埋一齊食真係好無敵但可能因為芝士好多所以食咗半盒就飽...對女仔嚟講有啲挑戰Anyway呢間可以encore！

我真係未試過出黎食野要受氣野食已經係好一般 你地整錯野 俾錯野人仲要聲大夾惡咁質疑個客我唔通味覺有問題？俾錯就俾錯 換未得茉莉花茶同柑桔差好遠喎你仲好意思串我話係咁換左俾你都係咁 晒野 嘩 你哋個老闆仲好笑幫晒口 話係咁一句唔好意思都冇任由個伙記串個客都有做服務性行業係唔係咁做錯就要認 打要企定成世人真係未試過出去食野咁嬲真係奉勸大家唔好去食 首先野食唔好食 唔乾淨 又多油伙記同老闆都會令你哋好難受真人真事 以上冇一句係假！

夜晚同呀爸呀媽食飯，黎左由細食到大既台式餐廳。呢間鋪開左起碼十年，早年左右轉過手，改左做雞煲，無生意之後又變翻呢間台式餐廳。呢間餐廳最突出既就係---每個飯同麵都好大兜，大食既朋友都絕對會食得飽。呀爸叫既三拼飯，有豬扒，金沙骨同雞翼。正常發揮，大件夾抵食，豬扒唔會落好多鬆肉粉。我最愛既麻辣蓮藕餅油豆腐上海麵。以前係做台灣麵既，轉過手之後就得上海麵同陽春麵。上海麵比較彈牙啲，不過我嫌佢唔夠台灣麵咁厚實。蓮藕餅好食，入面仲有少少蝦肉，好少見架！呢個係配我叫個麵既辣油，唔同佢成罐放係枱俾人任用個隻架！入面有啲炸蝦米，超香口！！！必食！！！珍珠奶茶都係我必點既。呢到既茶啡叫少甜既話，佢真係會少甜俾你，唔同某啲茶餐廳。而且茶底係港式奶茶底，唔係平時飲珍奶會飲到個種唔夠濃既台式茶底。不過今日既珍珠太淋，咬落去無口感又一pat咁，失手！！！除左上面呢啲，仲好推薦台式牛肉飯，茄子肉燥飯，都係必食之選！