臺味冰點餐廳

營業中

休息中

係天水圍住左十幾年，呢間台式餐廳一直係新北江屹立不倒，好多年前食過，今日突然間想再回味下。午餐約五十蚊左右包台式特飲，都算抵食。今日叫左豬扒肉燥飯，上檯時覺得份量十足，豬扒兩大塊切成四份，煎得十分香口，咬落熱辣辣肉汁十足，應該係即叫即煎，亦都醃得非常入味。肉燥份量夠多，質感似打碎左既肉餅，味道一般，但撈埋飯食都相當唔錯。特飲叫左朱古力奶茶，加珍珠加兩蚊，奶茶味道濃，珍珠較細粒，用飲管好易就吸到，但質感比較軟唔夠彈牙。

今天晚餐，點了一個肉燥豬頸肉飯，49元，外賣再加一。包野飲。它的肉燥不是真正的台式肉燥，它只是肉碎。所以應該改名做肉碎豬頸肉飯。一打開飯盒見這埋肉碎，畢竟也50元一個飯，實在太令我失望了。而豬頸肉會配上甜酸醬一小盒，若果有多些甜酸醬就更好了！而豬頸肉味道還可以，吃落的口感也不會太鞋。而它會送一杯飲品，我選了凍香芋雪泡。它的香芋味很重，聞起來也很濃郁，十分好喝。味道不會太甜，亦不會很稀很淡。這個不錯。整體而言，50元一個晚餐，這樣的質數，還真的有點太貴了。

正常茶記level, 好肚餓唔想慢慢搵入呢間就ok時間17:30（下午茶餐）點菜：秘製豬扒河粉（可選：麵、米缐、米粉）味道應該係香矛豬扒果類包一杯台式飲品：我選了青蘋果綠茶唔算大甜，味道幾清香，可以試埋其他味

下午茶又黎到新北江食野，呢間都幾多人食。我叫左個 蓮耦餅米線 $35見個下牛茶餐麵個版比較特別既有金沙骨、蓮耦餅。蓮耦餅好好食，肉餅入面有蓮耦、食落去爽爽地，口感好好。另外佢雖然係煎嘅，但係唔會好油，仲好香口tim👍🏻不過d米線有d淋同埋碎碎地。下午茶餐仲有得跟杯台式野飲，我叫左朱古力雪泡，唔會太甜同太淡，幾好。朋友就簡左雞扒米線 $34，我覺得雞扒就油左d。野似佢叫左熱薑母奶茶，佢話好好飲。但對於唔鐘意食薑嘅我係零吸引😂

學生時代既 lunch time 係呢間餐廳既常客，無論點講都算係一種特別既回憶吧。多年後再次翻到入黎天水圍，就好自然地想重溫一下呢一種回憶。三拼飯跟水蜜桃紅茶係當年既最愛，而家再次重拾呢一種滋味，原來都冇咩點變

肉燥撈麵: 我第一次食肉燥,原來係一d肉碎+ 冬菇ge野, 原來`是甜甜地的, 還怕佢好咸/辣呢, 都幾好味wor, 麵我叫左幼麵, 撈埋一齊都唔算好乾ge牛肉蔬菜板麵: 即是上海麵果種粗麵, 好大碗!!! 不過就好一般law....芝士焗龍利柳意粉: 超多芝士汁, 好漏law, 但都足料ge薑母茶: 雖然都應該是開粉的, 不過夠哂薑味, 飲完暖粒粒

今日去了新北江附近看醫生，因為醫生未返診所，就在診所對面臺味一冰吃早餐，已經幾年冇來了，我成日行新北冮,這裡有不少人光顧,估不到連早餐都有咁多人，我幾經辛苦揾到座位坐下，這裡地方夠大,座位與座位之間真是好迫，環境真的麻麻不重要，反正來新北江不是要環境好,我叫了火腿米粉+餐蛋方包 ,我每當生病時候好想飲凍野 ，叫了珍珠奶茶，珍珠奶茶好難飲 ，奶茶冇茶味兼珍珠好難吃冇咬感,珍珠奶茶淡而冇味,米粉好硬 ，煮得晤夠淋，：午餐肉又是麻麻,這裡早餐都唔平,33元這個價錢比大快活仲要貴，覺得大快活好吃好多啦,臺味咁難吃依然可以生存，真是一個奇跡，這裡服務就一般

呢間餐廳佢屯門建生有一間分店，味道麻麻。於是今日咁岩經過天水圍mk之地，新北江，就再試下呢間餐廳。其實類似既台式餐廳，幾年之真係好興，不過越黎越多其他種類既餐廳新開張，呢d就慢慢被人遺忘。入到去，環境好大，不過同茶記一樣咁噪。我地點左一個雞扒肉澡飯、同一個酸辣米線。雞扒肉澡飯雞扒有點鞋，不過肉燥飯就肉碎多，汁都可以撈哂d飯咁樣，味道就一般，不過勝在份量一流。酸辣米線真係普通既酸辣米線，之後再配幾粒丸類咁樣，不過朋友話辣度好夠，酸辣味取勝。見到大家都話評分高，但其實見樓面同相都知道，呢間鋪頭sell既係份量，起碼我地個個撐住出去。至於味道……來得就唔好咁高要求。

今日去食干炒牛河都知喱間野出晒名多油架啦於是叫左少油 阿姐啲字好靚而且嗰時個場冇咩人我相信炒嗰個人一定睇到不過佢選擇性失明睇到好似睇唔到更可況喱間野啲人大部份都係親戚 就算投訴都唔會有人會負責所以最後死頂咁食左碟油泡牛河好係好味但係真係太油重有牛栢葉好韌冇返咁上下力咬唔開(我二十出頭 最後都咬唔開 要直接吞)唔建議老人/中年人去 同埋後生仔都係半生一次好啦我怕食得多真係有心血管疾病依家重心有餘悸緊

呢間台式小店,在天水圍一個商場出現,以前還要帶新人工作時,好多時都會到呢到食飯,呢到找位唔易,次次都叫同事霸左位,再入坐,呢到出名肉燥飯,又熱又好味,無餸都好食,今次來到點了什扒肉燥飯加芒果紅茶,有腸仔,朱扒,火腿,雞扒,雞扒是最好味,又嫩又香,其他中規中距,芒果紅茶夠味,唔錯,每次來到都使我回憶返數年前後生的日子,時間好似過得好快的..

今晚媽咪返PART TIME於天水圍收工, 突然好想食超耐無食的"新北江的豬頸肉"呀! (不好意思, 我一直都是這樣形容這餐廳, 如果不是寫OPENRICE, 先發現多年來都不知道其店名呢 =P) 叫埋阿妹一齊去等媽咪~小時候已經幫襯這店, 由以前一個舖位到而且兩個, 看來亦裝修了! 跟以前一樣, 多人的話多數要搭檯, 反正做街坊生意, 無所謂吧!多年來無論lunch定dinner只會食一款 - 炭燒豬頸肉加肉操飯! 由以前HK$34 食到現在HK$45! 還記得當年普通客飯仍然是20幾蚊, 這裡已經索價30幾, 好在份量多可以同媽咪share...通帳下原來已經超越4字頭, 好在多年來味道都KEEP到, 份量亦沒有偷工減料, 豬頸肉雖說是炭燒, 但我覺得似叉燒, 甜甜的, 切到薄薄的! 肉操跟元祖台灣的不同, 比較濕, 還伴著冬菇碎, 伴飯吃一流!!原來媽咪有時都差中來食耦餅, 叫了香煎蓮耦餅飯 HK$38, 但叫了扒餐的洋蔥汁, 哈哈, 蓮耦真的很不錯呀, 蓮耦粒很有口感, 肉餅味道很家常, 挺好的!因為這裡的飯算多, 本應3個人share都夠食, 但我突然想食雞翼就叫了一客5隻的

人就是這樣..當身在其中時..多數都不察覺它的好..當離開..失去了..才會回味以往原來多麼好..未搬離天水圍前..我會覺得天水圍人多..環境不特別好..生活不特別方便..現在搬到粉嶺後..就發現天水圍的可愛..當然..粉嶺都有其可取之處..但很多天水圍的方便..粉嶺都是沒有的..這夜回家探媽咪..因家中壞冷氣..所以落街吃..我竟提議媽咪到我以前不太喜歡的'新北江商場'..前身是八佰伴時我很喜歡逛這裡的..自變成'聯合國'..感覺太像羅湖..東門之後..我就不太喜歡這裡..不過一直我都知道這裡是有很多好吃的平民食物^^這夜我就是掛念這些平民食物而前來'新北江'^^雖然現在有身孕..不過始終都是一個胃..想吃的太多..吃得下的..始終都太少..唯有下次再來啦..和媽咪揀了'臺味冰點餐廳'..一間我以前經常叫外賣的飯店..哈..夏日炎炎..安坐家中有得吃..真是很幸福呢..坦白說..於這商場所有的食店..差不多間間都只可求好吃..不能好坐..至於服務嘛..看你彩數啦..今晚我們遇到的..是目無表情但很有責任心的男孩^^茄子肉燥飯從來在外面吃這類台式飯..都會覺得店鋪孤寒..肉燥永遠都不夠

上次我係同朋友食早餐的呢間雖然是台灣式餐廳，但根本是中式茶餐廳，但有台或飲品。飲品麻麻地啦，過得好。但果款珍珠奶茶，根本是中式好奶茶加珍珠，味道怪到呢~~~熱朱力就唔錯，幾濃。有豬排，煎蛋，配米線。但米線好硬，煮唔熟。下次會再去，因為抵吃。

天水圍食肆本都沒有太大期望，但呢間在新北江的食店有如此高排名，便試它一試店舖像沒有裝修似的, 卻不知何解甘多人,可能當旺位, 人流多, 最後選擇了外賣自取叫了一個台式豬排豆腐面，給了一個牌子要等十分鐘，$33蚊連珍珠奶茶, 加$1蚊外賣首先令人失望的是豬排.絕對是醃過隆, 又多粉, 好像是蒸排骨飯個啲排骨,已經醃到變了粉紅色好難食 麵是勁粉勁淋, 佢已經湯麵分開包裝, 但都係甘淋, 都好難食湯較重味精, 油膩了一點...珍珠奶茶沒有特別,珍珠算有彈性既不過我想不會有下次了....

雖然每次去新北江都會經過這店 但是次卻是第一次嘗試因為是下午茶時段 踏入食堂看見約七成滿座待應各有各忙 未有招呼我這位客人 我便自己找個位置坐下我點了芝士焗蟹柳意粉 加珍珠奶荼餐牌上已指明要焗十至十五分鐘 餓著肚子的我也只好等待十五分鐘後 待應端上的是芝士焗龍利柳意粉 而不是我所點的芝士焗蟹柳意粉於是我向待應問個清楚 她說可能是落單人寫得不好 及後就把搞錯的龍利柳意粉端走最令我意外的是 待應竟然半點歉意 弄得好像是客人錯了第二個十五分鐘後 我要的蟹柳意粉終於端來 我期望至少會有一句「唔好意思」 可惜 待應默不作聲 我和她對望了一眼 她依然沒半點反應 說回這道讓我苦等半小時的芝士焗蟹柳意粉 賣相吸引 可是意粉像幼烏冬 芝士雖足料 味道卻過淡 蟹柳味道亦屬一般貨色 珍珠奶荼非常一般 沒有台灣風味 珍珠缺乏甜味 杯身還有點黏提醒大家 若然點需焗的食物 除了考慮等待的時間也要注意別碰到碟上的碗 因為那真是非一般的燙手 看到碗上也褪色不少 相信已經是「老臣子」了 服務態度確實欠佳 要客人多等十五分鐘竟然沒半句道歉 埋單時連簡單的多謝也懶得說 劣質待客之道 太失望