船皇 (厚福街) (已結業)

在厚福街步行不需一分鐘，地點非常方便。😍船皇份量適中，未到晚上也不算人多，喜歡船麵的我當然要一試。每個船面有四款面底選擇，蛋麵亦十分特別，船麵配料亦十分多，有牛腩、牛肉片、牛肉丸、雞絲、雞翼、豬肉、豬肉丸、豬潤，咩都有d，中意食船面既朋友一定不可放過。整體上，船面的湯底十分充足，味道濃郁。😊😊😊😊😊串燒選擇亦非常多，有雞皮、豬頸肉、牛柳粒、牛舌、魷魚鬚，亦可選三款醬汁，有泰式辣汁、沙嗲醬、泰式燒烤醬。🍺🍺🍺仲有泰式手工精釀啤酒俾你揀，一路辣著條脷，一路飲酒，非常過癮。下次經過尖沙咀，一定再黎食！湯底一食難忘。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

和朋友一早到餐廳食晚飯，擔心遲少少會排滿人等位。坐下看到牆上推介和牛湯麵，價錢只需加$5便可以成為重量級和牛，便宜到不行，一定要試試。重量級和牛船皇湯麵：一看湯的顏色就覺得非常濃郁，果然味道很好，有牛肉味，又不會太咸，是可以喝的湯底。和牛份量幾多，舖滿了麵。我選了河粉，要很寬的那種，好處是可以吸較多湯汁，而且不會像普通河粉那麼容易變糊，每口麵都有口感和湯，不錯。雞絲雞翼撈麵：雞翼非常出色，是瑞士汁味的，雞翼很入味，皮和肉的位置都有瑞士汁味，入味到皮一咬便化開，真是意外驚喜。魷魚串燒：選了燒烤醬，有點辣，味道有甜，很惹味。魷魚肉質爽口不黏牙，而且賣相有光澤，烤得很好。凍檸茶：用泰茶作茶底，加檸檬後很清新，不會很甜。

同朋友喺尖沙咀街行行下街突然好想食串燒，發掘到好嘢！餐廳座位舒適，唔會太迫，值得一讚嘅係，店員衛生意識唔錯，食得放心。<泰仔奶茶>推介！！！用咗泰式紅茶黎沖，好有泰國feel❣️🤩而且我好中意個碗🤩好靚呀！<泰式炸春卷>皮夠薄身，炸得非常鬆脆，蝦肉彈牙，再加上春卷入面有芋泥，同埋我至愛嘅泰式辣醬❣️食完想叫多碟呀🤣<泰妹雞翼>我係一個雞翼怪，而呢款比起平時食嗰d雞翼多肉，脹卜卜咁，咬落好juicy，大滿足！<粟米仔串> <蘆筍串>揀咗沙嗲醬，夠哂惹味，粟米仔好爽口! 蘆筍串配呢個醬係perfect match🥰<魷魚鬚串>燒得好香口，份量都幾多😋見到個隔離枱個船面好正咁，下次再黎食船面先！！

黃店 💛 #尖沙咀 #船皇今晚同家姐黎咗尖沙咀厚福街食飯，呢度成條街都係黃店，超吸引😛我哋隔咗呢間泰國船麵食。🥓 重量級和牛船皇湯麵 大碗 （$63）👉🏻 蛋麵👉🏻 唔辣好快就上枱啦，船麵大大碗，碗面舖滿曬和牛，好正🤤 個湯濃郁得黎又一啲都唔鹹！蛋麵煙煙韌韌好好味☺️ 下次想試吓河粉😛🐣 雞絲 + 雞翼 撈麵 （$48）撈麵底有啲秘製嘅汁，甜甜地好似瑞士汁咁，撈埋啲蛋麵非常之夾🤤好味！雞絲比左好多，雞翼就比左兩隻🤩都好有質素值得推介～🍋 凍柚子檸檬梳打 （+$15）呢度嘅嘢飲係用一個銀碗裝嘅，好靚好有特色！凍嘅柚子檸檬梳打令到拎住個碗都有啲冰涼快感，飲落去就更加正☺️🍊 凍柚子蜜糖茶 （+$15）呢碗「茶」有好多柚子蜜，家姐都好鍾意☺️ 不過就唔知佢係咪真係有茶喺入面呢😗😗？🍡 串燒 👉🏻 🐣 沙嗲雞肉 （$14）👉🏻 🍢 魚餅 （$15）魚餅揀咗加酸辣醬，好大塊，夠彈牙好好味。雞肉好香沙嗲味，而且啲肉都好腍滑🤤

無得去旅行就唯有去一間正宗嘅泰國餐廳食飯，希望可以尋回泰國的味道啦船麵嘅特色就係一碗大麵有唔同嘅配搭，而呢間店嘅價錢都唔貴。點咗一份船皇湯麵，有齊牛腩、肥牛、牛肉丸、豬腩肉、雞翼、豬肉丸、豬膶，可以滿足乜麵想食嘅朋友。而麵底就揀咗蛋麵，確實係幾正嘅😊朋友就點咗碗雞翼雞絲撈金邊粉😍醬汁非常好味，而且份量都好足小辣唔算辣，反而仲帶出咗味道之後點咗幾份串燒，最正係呢份燒魚餅。上面嘅醬汁係甜甜地嘅，裡面又有好豐富嘅餡料，而且燒得剛剛好，正！串燒又怎能沒有燒魷魚呢？一份有兩大條真心抵呀，而且好好食，味道又鮮又甜。夏天熱辣辣最啱就飲返杯水果冰啦，呢款飲品唔會好甜，但係又可以好涼好消濟，絕對係正呀！下次絕對可以試下升級先，值得再食！

星期六尖咀間間餐廳都要排隊好彩有人幫我攞定位先朋友叫嘅牛肉金邊粉雜錦湯河 乜都有D咁D料就不過不失 反而想focus下係個湯底到呢間D湯粉麵同平時食開嘅唔同佢係無冬陰功湯底揀反而只有正宗船麵嘅黑色湯底原來係正宗係用豬再加牛血淆嘅但係我又食唔到腥味佢都幾濃郁 但又唔會誇張到好似日式豬骨湯果隻槳住你易入口配反佢隻一片片嘅河粉 對香港人黎講係幾特別嘅嘗試的確好似去左泰國食船麵咁 (不過泰國果D好細碗)呢杯凍泰式奶茶就有待進步對我黎講甜左D 令到泰茶味道無咁突出但用鐵碗上加上無冰 (應該係放雪櫃雪) 誠意撘救總括黎講值得一試!

平時泰國菜都係食下冬蔭功，炒金邊粉。去完船皇，先知原來都有泰式湯麵🤤鋪頭係厚福街行到最入既右手邊，好昜搵Menu如上，湯麵選擇唔多，得4款。我就揀左一份船皇湯麵，朋友就要左1號既豬肉湯麵船皇湯麵加5蚊就有得將d餸升級做和牛，泰式和牛？😂之後重有4款麵可以揀，最尾我就要左蛋麵，朋友就揀米粉朋友份豬肉湯麵黎到先，d豬肉同豬肉丸都幾多，首先試左啖湯頭，一入口就覺得好鮮甜，一d油既感覺都冇。之後試左一下豬肉同肉丸，豬肉雖然好明顯有一層肥膏，但係食落去又唔會好肥膩，而肉丸就幾彈牙。之後試左右邊果舊蝦片，超級脆口🤙🏻我個和牛船皇湯麵隨後就到。一望落去，其實有d似越式生牛肉河粉。d牛特登冇煮到全熟，一食落口就覺得好重肉味，配合埋個湯底，d和牛真係食到停唔到😂之後我分別試左一舊半生熟同一舊全熟，味道上好明顯係半生熟再優勝d😋另外我重叫左青檸梳打，一入口就係滿滿清涼既感覺，夏天飲真係perfect match之後我地重叫左一份牛舌，個汁偏甜，同平時食開日式鹽燒牛舌截然不同，但係都非常好食之後隨心影左一d餐牌，希望下次幫襯可以試下😃

位於尖沙咀厚福街的「船皇」，係一間主打泰式船麵嘅食店。午市時段黎到座無虛席，好受歡迎呢菜單上有湯麵或撈麵可以選擇，也有多款泰式串燒、小食及飲品，任君選擇雞絲雞翼湯米粉湯底呈深歇色，味濃而不油膩。銀絲米粉，幼滑爽口，吸收晒湯底嘅精華！雞翼肥美又大隻，口感嫩滑～雞絲啖啖肉，正啊船皇湯麵大雜燴嘅船皇湯麵材料好豐富，有牛肉丸、牛肉片、牛腩、雞絲、雞翼、豬肉、豬肉丸、豬潤等等，啱晒食肉獸！牛腩肥瘦適中，豬肉丸同牛肉丸帶香濃肉味～蛋麵爽口彈牙，同湯底味道好夾串燒蘆筍鮮嫩無榨，口感爽脆👍🏻菠蘿🍍好新鮮，Juicy又香甜😋沙嗲雞肉肥美滑溜，散發著陣陣沙嗲香凍檸檬茶呢度嘅檸檬茶同一般港式檸檬茶味道不同，口味獨特，酸甜開胃熱咖啡☕️咖啡味香濃突出，風味絕佳

今日黎到呢一間想試好耐嘅泰式船麵食下午茶見到餐牌我用左5秒時間就揀好，一定係船皇湯麵！仲要+1蚊就升級和牛，一定非佢莫屬啦我地兩個人叫左兩個野飲，一個係泰式奶茶，一個係龍眼冰。無諗過佢用碗上，仲要靚靚的味道偏甜但正正同泰國飲嘅差唔多，都合我地心意。先講個船麵，我地一個叫左辣一個唔辣。飲第一啖湯，好好味！係有藥材味嘅牛湯，飲落係一啲都唔咸但好濃味，辣個個正合我胃口，佢嘅辣味唔搶口，又香又濃，有驚喜！船麵嘅餸都好足料，我可以話物超所值！小食叫左雞翼，炸得香脆之餘味道都岩岩好春卷入面係芋泥同蝦，香脆鬆化，食落都唔油膩，good good佢午餐時段仲係加8蚊就有野飲，真係超抵食！同埋味道真係好好，值得我再黎

星期五晚 厚福街一帶既食肆好熱鬧啊!見到等𨋢都等到大排長龍 我同朋友就揀左呢間喺地面既船皇 食碗船麵做晚餐😀船皇枱與枱之間都圍左板 menu又痴哂喺牆 抗疫意識高 絕對可以食得安心👍🏽牆身掛左傳統船民帽 店員既制服又充滿泰味 勁掛住去泰國旅行🇹🇭既日子😭講下食左咩啦💁🏽‍♀️我地兩個揀左一碗湯麵🍜一碗撈麵 share!船皇湯麵 配蛋麵 *小辣 (+$1 轉和牛🤩) ($59)最多配料既一碗! 和牛比普通牛肉有牛味!睇色澤就知湯頭非常濃郁 配小辣好惹味😋蛋麵彈牙 可以掛湯~~牛肉丸+牛腩+牛肉撈河粉 *小辣 ($52)牛腩好入味~~寬河粉比較少見 部分疊埋左一齊 口感似腸粉! 食到撈麵汁有甜豉油 無湯麵味道咁豐富~~見枱面有咁多調味料 當然要試下!我覺得河粉配魚露都唔錯 不過泰式魚露偏鹹 ⚠️所以唔好落咁多! 起初見到酸辣汁既沉澱物覺得有d其貌不揚🤭 不過又想試 就試少少🤏 超級酸啊!!不得不提 兩碗麵都會附上一條好脆卜卜既炸豬皮 正🤤見串燒係呢間分店限定既 我地叫左幾串💁🏽‍♀️ 有3款醬料揀/ 又可以走醬! (左) 魚餅 *走醬 ($15)(右) 串燒沙嗲雞肉 ($14)雞肉係醃完沙嗲醬

LUNCH TIME經過厚福街, 離遠見到一間食泰國船麵既餐廳, 係門口睇左一陣MENU, 就決定試下佢啦。餐廳內龍都幾大, 有卡位亦都BAR枱。入座時職員為我地安排左長枱。餐廳裝飾算企企理理, 令人都幾舒服。至於食物方面, 同朋友分別叫左 1號 同2號湯麵。1.     腩肉+ 豬肉丸 + 豬潤 配 金邊粉份量方面都幾足, 腩肉, 肉丸都挺多。腩肉同肉丸食落唔會有雪味同羶味。至於湯底就非常濃郁, 鍾意重口味既人一定鍾意。2.     雞絲+雞翼 配金邊粉雞翼非常入味, 滷水可說是雞翼的靈魂,令人一淡又一淡放入口。至於雞絲方面就麻麻地, 沒什麼味道而且都幾”鞋”口, 普普通通。食物整體上都不錯, 服務態度都算幾好。下次反兜會試下幾他撈麵同小食。

船麵係泰國一種地道既食物，點解叫船麵呢？係因為相傳從前船家在船上賣麵。船麵既特色係湯底呈黑色，而且味道極為濃郁，呢隻湯底雖然加左豬或牛血以增加濃香，但係唔會有血腥味。今日就黎左呢間船皇會一會咩叫船麵。價錢相宜，加一蚊仲可以有和牛食作為牛魔王既我梗係要牛衝啦+1$升級和牛船皇湯麵首先當然係今日既主角，船麵啦佢既材料非常豐富有和牛，牛丸，雞翼，雞絲，豬肉，豬肉丸，豬潤和牛夠晒大塊，一入口啖啖肉脂香立即散發，口感一流，推薦！其他配料十分足料，而且用料都幾好，最重要係索晒湯汁香味好食既關鍵就係佢呢個香濃既湯底牛柳粒口感都唔錯，而佢既泰式燒烤醬有陣陣惹味咸香串燒沙嗲牛肉串燒泰式牛肉丸子沙嗲牛肉沙嗲好香濃，而佢既牛丸比起平時買果Ｄ急凍牛丸更有牛香加上燒過令佢地既味道更香秘醬通菜呢到既通菜用上左佢地既好有泰國風味秘醬，夠晒特別

在尖沙咀行街行到累就到很多美食的厚福街看看有什麼好野食沒有😋想吃麵，今次就試了這間船皇一進店，原來這裏不止有船麵揀，還有我十分喜愛的串燒😋點了「沙嗲雞肉串」，燒得很香，而且沙嗲醬味道很地道，很惹味😋做緊優惠，加$1可升級和牛，當然加吧！麵有四款選擇，我揀了金邊粉也有很多不同調味料給客人選擇麵食點了「和牛湯麵」走辣，怕食不到泰國的辣度，原本諗住會冇咁惹味，怎知原來湯底超濃郁牛肉味😋☺️湯底色調非常濃，看顏色和濃度已經知道湯底十分足料！和牛肉非常多，而且很淋，牛肉也很濃郁，以這個價錢吃到這麼多和牛，實在是價值比超高的一間店！金邊粉把濃湯吸掉，很好吃😋配菜有一塊像炸豬皮的東西，十分脆，很香。總結「和牛湯麵」很抵👏🏻🍜👍🏻😋😋😋推薦！會再來！

一路都想試下呢間船麵好似好正咁，今晚終於試左，餐廳坐得幾爆，係厚福街呢條尖沙咀食街黎講都係特別既菜式，我同男朋友每人叫左個船麵，有辣度落單既時候客人可選擇，船皇湯麵係58蚊最多料，包括雞翼，牛肺，牛肉片，豬肉丸等，豬牛雞都齊曬，仲有蛋麵河粉米線可以揀，個人認為蛋麵最爽口，好彈好好味，最中意呢種麵質，要大讚一定係佢個超級香濃既湯底，超級濃郁，好想不停加底飲曬成碗湯，滷水雞翼又大隻又夠入味，沙嗲串燒好惹味，即使冇醬都好夠味，辣度亦足夠，炸蝦都幾大隻又香脆唔會好油膩

晚上閒逛尖沙咀之際，見到車路旁的這間和牛面，就是朋友上次話食過好好味的仲要＋$1就升級有和牛食，當然要入去試試啦店面己掛著＋$ 1就有啲升級和牛船皇湯面，有和牛、牛丸、雞翼、雞絲、豬肉、豬肉丸、豬潤； 認真豐富。而鍾意食和牛啲朋友，又可以＋$5食靜和牛片（重量級和牛）面底有四個選擇，金邊同米粉我個人就覺得比較輕食，而河粉同蛋面就份量更重，適合不同口味啲人進食除左食面外，我仲點左個串牛舌同埋碟通菜食下； 牛舌風味十足，入口回味無窮；通菜就不䚘番整頓晚飯，食完和牛飽肚但又健康；飯後當然也來個凍奶茶及龍眼水； 一碗碗特色鐵碗盛載著而來，一消夏天炎熱之感整頓飯飽滿而歸，下次去尖沙咀必會帶朋友來再吃！