船皇 (厚福街) (已結業)

因為呢排疫情關係，好多化妝品護膚品都做緊折扣優惠，所以就約左fd去尖沙咀瘋狂購物！行到攰攰地，去厚福街搵野食。我平時都好鐘意食湯麵，但船麵真係未食過，所以就決定試下船麵係點嘅。我地叫左一set 三小碗嘅細船麵同兩大碗正常size 嘅船面。細船面（3小碗一set) $36可以一次過試三個味，不過比較細碗，如果當lunch 食就未必夠飽雞絲+雞肉湯麵 $42大大碗，未食早餐同lunch 嘅我食得好滿足小食： （跟餐包）串燒牛丸 + 串燒豬肉丸 + 春卷另外飲品叫左泰式奶茶，真係好好飲呀，下次要再來食！

因為成日出街都係食西餐，今次想特別少少，食下唔同嘅嘢。黎到厚福街咁多選擇，但依間小小的舖位成日都屹立不動，今日有決心去試！佢主打串燒同船面。我叫左個船皇撈面，友人叫左船皇湯面，再加多幾串串燒就夠飽了船皇面的料有牛腩，牛肉片，牛肉丸，雞絲，雞翼，豬肉，仲有豬肉丸同豬潤！咁多料其實食送已經飽左一大截了。至於朋友個湯面，加左錢要和牛，都係一蚊，梗係要試下！ 和牛的確香的d，但我都對自己的撈面好滿意。至於串燒，就有牛舌，牛柳粒，豬頸肉。燒牛舌切得有厚度，咬落去有口感，配上香料，好正燒牛柳粒串燒必點，有牛味，易咬，唔太油燒豬頸肉肉夠冧，配上佢醬汁，正最後飲埋個凍柚子蜜糖茶解渴就走了。176兩位唔算貴，尖沙咀地段做得住果然有原因。

今日突然好想船麵，所以就去左尖沙咀食船皇，餐牌都幾多選擇，而且重有個升級優惠，轉做和牛船皇湯麵另外重可以有4款麵選擇，有蛋麵，米粉，金邊粉同河粉，辣度都可以自己選擇我就叫左1碗船皇湯麵，再加1蚊轉做和牛船皇湯麵，另外小食叫左份串燒牛舌同埋一份泰式炸蝦卷船皇湯麵都有幾多配料，和牛好好味，而且湯好濃味，每次夾起麵都會掛好多湯汁，所以每一啖麵都有好濃味既湯，正串燒牛舌，牛舌燒得好香，口感好好，又大塊另外泰式炸蝦卷，好香口，好好味飲品我就叫左泰式菠蘿冰，佢用左一個碗型既容器去裝，好有特色，而且入面重有大塊菠蘿，飲完真係好涼快

一向都聽唔少朋友講呢個船麵比較出名，所以就黎左試下！泰式奶茶：用碗裝，好得意既，味道亦不錯椰子手工啤酒：飲唔到椰子味，味道偏淡，似普通手工啤酒重點⋯船麵:真心，冇食過咁咁咁咁咁難食既船麵，湯底唔特別，味都好好好普通，咁既價錢食車仔面好啲!湯又唔夠熱又淡...串燒：全部都係燒烤加燒烤蜜糖味...好失望既餐廳，幾個朋友食完都話真係唔好食，串燒可能唔係賣點，但都唔應該咁冇誠意，不過個裝修都特別既，而且有特別既酒類飲品，不過唔會再試啦！

一向都好鍾意食泰國嘢好想去泰國 好想食泰國嘢啊於是今日就去咗尖沙咀食船皇招牌船王湯麵（58$)面底可以揀河粉、金邊粉、米粉同埋油面另外加一蚊可以升級做和牛辣度方面可以揀唔辣、小辣同埋大辣睇落去好似好鹹咁但係其實食落去岩岩好湯底非常濃郁亦都唔會太鹹味道好特別而且亦都好足料入邊有和牛、腩肉、丸、雞翼、雞絲另外 仲有串燒賣牛柳粒（$18 一串）魚餅（$15一串）沙嗲牛肉（$16一串）沙嗲豬肉（$14一串）亦都係可以自己揀要咩醬料

今日喺尖沙咀想食泰國嘢，見到有間船麵好似幾正咁，就入咗去試吓。餐廳環境都幾好，簡單得黎又有啲格調。佢有四種面底可以俾你揀，同埋可以揀個湯底係辣定係唔辣。我哋兩個人，每人叫咗一個船皇湯麵，每人加咗一蚊就可以將啲牛肉升級變做和牛。呢個船皇湯麵嘅配料好豐富，有牛腩、雞絲、豬膶、雞翼、牛丸等等，食到我好飽。佢個湯底好濃，啲牛好薄好有牛味好新鮮。我叫咗金邊粉，個口感好好，食落去好爽口。我好鍾意個麵加埋啲芫荽，不過唔鍾意食芫荽嘅人都可以走咗去嘅。我哋叫咗四款串燒，分別係魚餅，牛柳，沙嗲豬肉同埋沙嗲牛肉串。四款都好惹味，加埋少少辣汁好好味。佢啲肉一啲都唔韌，加上佢燒到金黃色，唔會話太燶，啖啖肉好鬼正。兩個人食到好飽$200都唔使，好抵！

雖然話依家咁既時勢，但其實lunch time同以前一樣，邊度都係咁多人！行過厚福街，難得想食下泰國野，見到船皇出面冇咩人等外賣，佢又做緊外賣自取8折，就諗住試下，叫個全牛湯河行街拎返去食！😋外賣等左5-10分鐘就拎得，都OK快既。我同好多香港人一樣都係”牛魔王”黎，所以都好期待佢d牛係點樣，點知拎到返黎打開之後……完全冇諗過咁簡單既外賣都可以搞錯晒，真係幾勁本來我叫全牛湯河，佢就比左個全豬湯金邊粉，冇一樣野係岩架！啊！唔係，仲有個湯底應該冇搞錯😅唉！我唔食豬潤的，所以一開始就冇諗過叫全豬黎食，不過天氣咁熱都唔想又拎返去換咁麻煩，所以照食算。個湯底黎講都幾濃下，唔辣，不過佢搞錯晒，所以唔知佢個湯有冇加辣，至少我食唔出有辣味。金邊粉都OK，不過如果你唔係食得快就唔好一次過落晒d湯，我係邊食邊落，食食下，粉都吸晒d湯了，同埋最底果d都係會痴埋一pat野咁。全豬有豬肉+豬肉丸+豬潤，豬肉唔太肥，丸同肉都細細舊咁，一般；潤我食左一啖，諗住唔好蹝野，但……真係好難食我覺得🤮整體黎講，味道就6.5/10分；全牛變全豬-2、河粉變金邊粉-1、全豬同全牛價錢都差左4蚊架-0.5。最後總分：3/10分

今年因疫情的關係，很多人的旅行計劃深信都要取消。香港人最愛旅行三甲之一「泰國」，嚴夏將至無得去都可以留港消費。幸好香港是一個美食之都，各國的食物都應有盡有。是夜與友逛街刺激經濟，走進尖沙咀最多食肆林立的厚福街，倒不如吃一碗船麵吧！入內的位置不算多，不過小店來說恰到好處。現在有和牛 x 船麵 的優惠，只要選擇船皇湯麵 $58 加 $1 可以升級和牛，另外 加 $5就可以有重量級淨和牛。船皇湯麵不需要思前相後選擇船皇湯麵便最好不過，全因什麼配料都有包括：牛腩、牛肉、牛肉丸、雞絲、雞翼、豬肉、豬肉丸、豬潤。頂層有炸豬皮好香脆，而且湯底相當濃郁超美味。豬肉丸及牛肉丸彈牙而有嚼勁，並有牛肉、牛腩、豬肉富有口感。麵底有四款選擇，我選擇蛋麵全因少食，滿滿蛋香。炸雲吞皮泰國的小食何其多，炸雲吞皮脆卜卜配上泰式辣醬相當匹配。泰式炸蝦卷蝦卷的外型上相當吸引，有脆薯包著滿有口感蝦肉彈牙，大人小朋友最愛之物。泰國串燒泰國又點少得串燒呢？泰國的雞皮及豬頸肉燒得恰到好處，並有三款醬汁包括：辣汁、沙嗲醬、泰式燒烤醬。選擇沙嗲醬微辣可以刺激味蕾，非常惹味。凍柚子檸檬梳打柚子及檸檬簡直是嚴夏解渴之選，甜度不高恰到好處。

好一星期沒出街食飯了，約了朋友來尖嘴食泰國菜。因為朋友好去泰國又去不到。這間 餐廳頗有特色， 主打麵 小食。 叫咗船皇湯麵和 牛腩牛肉片牛丸湯麵，泰妹雞翼，菠蘿冰和龍眼冰.面底可選金針粉、河粉和面，我選了河粉。不消三分鐘，兩碗面和飲品到，之後到雞翼。看下去湯面的配料多，湯香撲鼻。原來河粉是寬河粉，短厚身，擺入口夠滑，好方便進食。湯底夠濃的，裡面食物夠入味。泰妹雞翼有五件，炸得香脆，皮肉混合一體，證明皮薄肉嫩。個人挺喜歡餐廳的菠蘿🍍冰，有三塊菠蘿，挺好喝。整體而言，厚福街平價特色泰國菜之選。

之前食過銅鑼灣分店覺得唔錯，今次就食尖沙咀分店，兩店餐牌差唔多，而尖沙咀分店就多左限定串燒，仲有一蚊升級和牛優惠，一於試試佢。船皇湯麵 HK$58；升級和牛 HK$1湯底依然濃郁，今次加左辣，更加惹味。我食親船麵都會揀河粉，貪佢夠掛湯，吸晒湯底精華。船皇即係雜錦乜料都有，值得一提嘅係炸豬皮好脆但唔油膩，肉丸幾彈牙。加一蚊就可以升級和牛，雖然唔算上乘貨色，但牛味同口感好過一般肥牛，一蚊絕對試得過。雞絲雞翼湯麵 HK$48朋友食米粉，份量都幾多，索湯好快，唔好放咁耐。雞翼幾大隻，雞絲唔算韌。泰式炸春卷（3件） HK$22原本以為係雜菜餡，點知原來係原隻蝦包網皮炸，皮好脆，蝦肉爽甜，唔洗點醬都好好食。串燒牛舌 HK$18牛舌要厚切先夠滿足，呢度嘅牛舌算厚同腍，唔會死實，外面用泰式辣汁燒得好香。泰式紅豆冰（跟餐） HK$18椰奶味好濃，好過港式奶水紅豆冰多多聲。青檸梳打（跟餐）HK$15唔會過甜，可惜唔夠汽泡唔夠爽，可能用窄杯上會好啲。

雞翼雞絲湯河粉 ~ $48湯底係屬於濃味嗰隻。雞翼做得比較入味。另外，河粉係屬於粗身嘅，咬落去有口感。泰式龍眼冰，味道偏甜。魚餅串 $ 12元呢個係必食推介。魚餅燒得好有魚香味道。另外外層，燒得好香口。我揀咗沙嗲醬，辣辣地。魷魚酥串 ~ $12元又係燒得好香口嘅串燒。船皇湯麵 ~ $58元裏邊有8個餸，有牛腩，牛肉，雞翼，豬肉丸，牛肉丸，雞絲，豬潤。呢款湯麵啲餸夠曬多，鍾意食多餸嘅朋友可以揀呢款湯麵。餐廳位於厚福街，即係尖沙咀最多嘢食嗰條食街，位置方便。

去咗尖沙咀行街之後去咗尖沙咀食街厚福街度搵嘢食， 去到街尾見到有一間叫船皇，外貌非常吸引，價錢優惠。叫咗一碗船皇湯麵 另外再加5蚊可以有幾塊重量級和牛！抵食，另外再叫咗一碗3號牛腩牛肉片牛肉丸湯麵， 湯頭濃郁一味， 面底叫咗蛋麵 ,湯底完全滲入蛋麵，掛湯能力十足！ 牛肉片嘅份量都幾足而又嫩滑！ 牛肉捲亦都幾爽彈，抵食！另外再叫咗一份沙嗲醬嘅魷魚鬚， 燒得幾香口！沙嗲味濃郁入味！泰妹雞為單骨雞翼， 方便易食，煎到脆卜卜又唔油膩，整體都幾好味！

近月真係少左好多出外食飯，多數都係買外賣食。今日出開尖沙咀整啲野，決定去厚福街搵食～ 最後揀左食船皇😊因為好肚餓，所以下午茶時間都叫左好多野，但有下午茶餐好抵食！另外仲叫左啲串燒～船麵可以揀撈麵或者湯麵，麵底仲有4款可以揀：1️⃣ 雞絲+雞翼撈麵（蛋麵、小辣）蛋麵煙韌，好好咬💓！同雞絲撈埋一齊食好正☺️ 雞翼略略淋左少少。但整體成碗調味係好食嘅～2️⃣ 牛腩+牛肉片+牛肉丸湯麵（河粉、小辣）啲料好多呀下午茶都😌 牛腩夠淋夠入味，湯底都幾香。河粉係大大塊嘅，闊度係平時港式粉麵河粉嘅3部左右，都係煙韌嘅，亦都入晒湯味👍🏻跟餐叫左2款小食：1️⃣ 泰式炸春卷2件個人幾鍾意食春式/越式炸春卷，船皇呢個都唔例外～ 夠晒脆，味道都唔錯👌🏻2️⃣ 炸豬皮1份份量比想像中多呀，而且原來碗船麵係本身跟左一塊嘅。食落口好脆！💖 真係每食一啖都sho sho聲👍🏻👍🏻 鍾意食脆口野一定要嗌黎食🆙 點落船麵湯底食都唔錯架～串燒叫左5款🙊🙊 有3種醬可以揀，係塗上串燒上面一齊燒嘅，亦都可以揀去醬～1️⃣ 沙嗲醬 - 牛舌、豬頸肉、魚餅個沙嗲醬係屬於甜甜地嗰邊，3款味道都唔錯。2️⃣ 泰式燒烤醬 - 魷魚鬚、走醬 - 菠蘿魷魚鬚幾好咬～

疫情問題冇得去旅行，但係又好想食泰國嘢，見到呢間船皇有得食船麵，即刻入去試吓。呢度嘅船麵可以揀湯麵或者撈麵，麵底亦有四款揀，而且仲有尖沙咀分店限定嘅小食，選擇唔少。最吸引嘅係和牛升級優惠，我就冇試啦，男朋友叫咗。我叫咗牛肉湯麵，配料有肥牛、牛丸同埋牛腩。見到湯底好濃郁，米粉索晒啲湯汁，超級好味。肥牛雖然唔係乜嘢靚牛，但至少嬾滑同有牛味。驚喜嘅係牛腩，炆得好稔，腩汁亦都好入味。男朋友呢碗豬、雞、牛乜都有。上面嗰塊係好有泰國風味嘅炸豬皮，男朋友話略嫌唔夠脆。但係其他配料一樣好味，而加一蚊嗰塊和牛質素亦都唔錯。其實兩碗湯面份量都好足，但黎到當然要試吓佢啲小食啦，我哋嗌左通菜、魷魚蘇、炸蝦春卷。剛才就講唔出啲乜嘢大道理啦，至少夠嫩囉。魷魚鬚嘅燒汁略帶甜味，幾特別。最驚喜都係炸蝦春卷，外面嗰層係炸咗嘅薯仔，好香口。我哋仲叫咗青檸梳打，咁多樣野加埋兩個人$200都唔使，我就覺得好抵食啦！

收工快食先回家，通常都會去尖沙咀厚福街，因為附近都會比較多選擇，見到有間（船皇）食泰國野環境好似不錯，就坐底試吓先😌！店舖座位主要四人枱為主，大約七張至八張枱，地方不大，但坐得舒服，而且裝飾擺設都好有風格！🐮船皇湯麵＄59湯底濃郁，加＄1重可以轉為和牛😚，配料亦有炸豬皮，雞翼，雞絲，豬肉，口感豐富😋😋！牛丸，豬肉丸又彈牙，我選了少辣，好惹味！值得一試！麵底方面，更可自由配搭金邊粉，米粉，河粉或蛋麵！🐷豬肉丸加豬肉金邊粉＄48濃郁的湯底，當然要被金邊粉吸收一吓，特別好味😋！記住加點辣粉，就更加惹味！☕️泰式凍奶茶＄18泰式奶茶有別於一般我們茶餐廳經常飲的味道，煉奶味道比較重，較香甜的感覺，顏色亦好特別，加上用咁別緻的杯飲用，特別有風味😄！🥬蘆筍串＄12入口爽脆又鮮嫩，沾上泰式燒烤醬，食晤停口😋😋！