影片
電話號碼
35102000
開飯介紹
國際美食融會異國香料與烹調手法，展現多姿多采的特色佳餚美饌，讓客人同時感受創新口味、又帶點昔日情懷。廚師網羅各地優質食材，在餐廳內特別設置開放式廚房，即場展示純熟廚藝，為客人帶來別具特色的佳餚。
繼續閱讀
特色
家庭親子
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
有關獎賞計劃
相關文章
進入一間仿似深山森林設計既酒店大堂。先去樓下芊彩餐廳食午餐。點咗份 Set Lunch。雜菜湯 + 香煎盲鰽魚柳 + 意式雪糕配水果 + 熱奶茶。間餐廳橫裝極似歐洲式旅館餐室。雜菜湯 – 美味。放入新鮮焗爐出品既餐包。食到最新鮮雜菜湯味加餐包味。香煎盲鰽魚柳 – 賣相滿分。魚肉清新入口。入口即溶。食得出廚師先煎熟魚皮七成熟，再翻煎魚肉。魚皮入口香脆。魚肉鮮嫩。廚師用此手法去煎魚肉，用多咗時間。但食得出肯付出心機。大部份西廚用 Water Bath 去煮。但個魚皮就唔夠香脆。意式雪糕配水果 – 每粒水果我都檢查過。全部無雪壞或過期。全部頂級新鮮水果。意式雲呢拿雪糕英文名稱為 Gelato Vanilla Ice Cream。入口香滑。食唔到有人工香精及甜味劑。牛奶及忌廉含量比美式雪糕低。個賣點係食咗唔會肥。熱奶茶 – 杯熱奶茶味道唔係重點。重點係餐廳職員知道我習慣飲英式奶茶係唔會放糖。所以今次職員無附加糖給我。入餐廳前，前枱已有職詢問我個人電話號碼。查過後相信佢已知我個人飲食習慣。一間小小西餐廳，都可以有郵輪水準既CRM data base。佩服！職員Rex 及 Ken 眼明手快。我一舉手馬上招呼我。清枱空碟乾乾淨利落。笑臉常掛給人一種親切感。我去過多間五星級酒店食西餐，職員都係目無表情。整間餐廳給人一種朝氣勃勃之感。
繼續閱讀
阿女生日去咗迪士尼慶祝 ,自助餐Ok好食, 而且佢係相對較平, 所以好抵食, 下次有機會會再來。雖然其他嘢食普通 ，但最最鍾意嘅就係甜品區呀，因為有米奇老鼠樣，真係好靚呀。其實環境咁靚，雖然嘢食普普通通 ，但係價錢係幾好，同埋成個體驗好開心。
繼續閱讀
芊彩餐廳 World of Color Restaurant 📍大嶼山香港迪士尼樂園迪士尼探索家度假酒店2樓中學同學有日喺IG send咗條reel比我，係介紹迪士尼樂園喺春日期間限定推出嘅食品，話好有興趣去試試。我見大家咁耐無見，而且食物又咁精緻可愛，我當然爽快應承。我哋一行三人book咗檯係星期日嘅下午，去迪士尼探索家酒店內享用下午茶。呢個主題叫Duffy and Friends春日茶聚嘅tea set主打遊各款Duffy and Friends角色造型嘅甜品，亦配有少量鹹點輕食，配有特色飲品，除咗好打卡able之外，估唔到食物都有返咁上下水準，做到好睇又好食，價錢亦算貼地，環境開揚舒適，適合同好友親朋歡聚一下。 💰$300/guest (minimum 2 guests)Duffy and friends春日茶聚 Taste of Sprint Tea Set帶子三文魚子配青豆醬 🐟細細一杯嘅帶子三文魚子配上青豆puree，咬開炸過嘅外殼後，見到粒粒青豆同帶子，味道鹹鹹鮮鮮，加上晶瑩剔透嘅三文魚子，一口咬落口感非常豐富，層次感滿滿。最重要係青豆味唔難接受，連平時討厭食青豆嘅朋友都能夠輕鬆KO！迷你熱狗配和牛菠蘿莎莎 🌭令人覺得加分貼心嘅地方，係餐廳會盡量滿足食客嘅用餐需要，如有任何敏感或飲食限制，只要同餐廳提出，廚師都會按實際情況考慮，為食客調整餐點。以我唔食牛肉為例，熱狗上嘅salsa有以和牛入饌，同店員提出、廚師商討後，特別安排咗走牛肉嘅熱狗俾我。迷你熱狗包用嘅麵包軟熟但略為乾身，不過香草豬肉腸就好好味，配上以菠蘿bell peppers調製嘅醬汁，酸酸哋，能中和香腸嘅油份，亦都好醒胃。煙三文魚紅菜頭忌廉芝士 🧀Cream cheese混入煙三文魚同紅菜頭，口感細滑之餘，亦有濃香嘅鹹鮮味，用脆皮筒包住呈上，外脆內滑嘅口感相當過癮。迷你芒果杯子蛋糕 🧁Mini mango cupcake代表住熱愛烹飪同美食嘅Cookie Ann，富有像徵性嘅長耳仔同廚師帽都用咗朱古力嚟整，topping mango mousse味道偏甜，配上cupcake做底，整體還原度高，非常可愛。Cupcake size比較迷你，但味道出奇地好食，蛋糕夠moist，切開仲有大大粒芒果果肉，好有驚喜！柚子石榴慕絲蛋糕 🍊柚子石榴mousse cake還原咗愛解謎、愛探索嘅LinaBell，招牌嘅狐狸耳仔都係用朱古力整成，淡粉紅色嘅石榴蛋糕內夾有香甜清新嘅柚子內餡，兩者分開食味道都好出色、好出眾，但反而配埋一齊食會令到個甜品味道唔balance。餅底做得厚身，好香牛油味，我個人黎講幾鍾意。檸檬棉花棒棒糖 🍭檸檬棉花棒棒糖一支支插咗係白砂糖杯中，用嚟影相同襯托的確幾好，口感唔似一般綿花糖，非常輕盈，亦唔會過份甜膩，近乎入口即溶，不過可能對小朋友會更大吸引力。雲尼拿冬甩 🍩夢想成為芭蕾舞家嘅甜美俏皮StellaLou，搖身一變成為美味可口嘅vanilla doughnut，長長嘅薰衣草食兔仔耳相當吸睛！耳仔依然係用朱古力打造，插喺mini glazed doughnut上面，雲尼拿味唔重，但doughnut幾好食。紅莓開心果杏仁撻 🍰紅莓開心果杏仁撻代表喜樂作曲、多才多藝嘅烏龜仔Olu Mel，以鬆脆的撻皮盛載著濃郁嘅綠色開心果醬，象徵住同為綠色嘅身軀，上面放置咗olu心愛嘅ukulele，亦以紅莓碎碎同內餡令視覺、味覺更為豐富，酸酸甜甜嘅杏仁撻令人一試愛上。脆皮粉紅色朱古力士多啤梨 🍓我估心靈手巧嘅ShellieMay應該inspire咗呢個士多啤梨，大大粒又香又甜嘅士多啤梨，沾上更香更甜嘅粉紅色朱古力醬，少女感爆棚！歡聚一刻 Moment of Joy 🍹特飲有士多啤梨伴蜜瓜梳打，味道refreshing，甜度適中，賣相都幾有春日氣息。如果唔啱飲，亦可以選擇一般餐飲，例如latte、檸檬茶、奶茶之類。P.S. 公仔不包括在套餐內
繼續閱讀
復活節假期去了迪士尼探索家度假區酒店，點左一個Duffy and friends tea set,食物我覺得中規中矩，tea set會附送當日特飲，特飲係哈密瓜味飲品，飲落唔係好甜嫌佢比較淡味。我覺得鹹點出色過甜點，特別係煙三文魚紅菜頭配芝士和迷你熱狗，甜點就mouse cake同埋杏仁撻好食。整體環境幾舒服，食完仲可以喺酒店入邊行吓，幾chill,去迪士尼樂園玩嘅朋友可以順便過嚟一試。溫馨提示：過嚟之前最好book定，會安排一啲比較開揚位置。
繼續閱讀
Cuteness Overload at World of Colour 🥰Presentation of the dessert items was adorable 🤩🍫EXPLORER'S CHOCOLATE FONDUE 🍦Assorted Ice Cream 🍬Explorer Macaroons 🍭Marshmallows 🍪Mickey Cookies 🍓Fresh Strawberries 💭Many of the items were ready to eat so not too many surprisesSAVOURY DISHES🐔Tandoori Chicken Pita Pocket・tomato, lettuce, red onion, cucumber, ranch dressing🐮Grilled Sirloin Steak Ciabatta ・portobello mushroom, caramelised onion, provolone cheese, arugula, horseradish mayo💭The fillings for both sandwiches were hearty and had nice flavours. A nice touch with the fries on the side. Would be even better if the fries are thick cut. DRINKS🍫Hot Chocolate: Cute presentation with LinaBell and Duffy. Chocolate could be a bit richer. Loved how the Disney elements weaved into the tea set. Service was nice. 👍
繼續閱讀
您可能會有興趣的...