芋圓一 (已結業)

呢間係我喺香港頭三鍾意食嘅芋圓試過佢幾種招牌 覺得都係桂花糖比較香冇咁啲紅豆配料 冇咁濟同埋佢啲仙草真係好滑呢間嘅芋圓比較煙韌嘅我心目中最理想嘅芋圓🤎就係煙韌得嚟 又有啲芋頭地瓜粒粒既咬口而且真係食得出幾種係唔同味道嘅不過暫時都未搵到😂所以我會話其他配料好食 絕對係加分💯建議大家如果要食嘅話 最好留下肚雖然兩個人share食份量就OK不過要留意番堂食好似係有低消既喺附近食完野 再嚟呢度食甜品就最好啦👍

九點鬆啲左右，買外賣，等咗半個鐘，舖頭淨係招呼堂食希望10點完成，完全唔理企喺街外面嘅外賣客，吹咗單，都唔理話外賣要等，等到10點先招呼你，做生意做到咁成班人係街度等

小編都係其中一位芋圓愛好者，久唔久又會突然心癮起好想食芋圓😋 可惜喺香港要搵到岩我口味既芋圓店唔多，今次就同左同事外賣左 #芋圓一 試試佢，睇下佢有冇辦法成為我仲未返到台灣既情況下，成為其中一個替代品🙈
.
#傳統仙草芋圓 (芋圓、仙草、紅豆、薏米、白玉、黑糖珍珠) 🤩
小編覺得喱碗芋圓喺外型上係合格既，因為佢都有好多既配料，粒粒分明，令人感覺佢係好食既!👍🏻 而重點既芋圓，SIZE係適中偏細，口感係煙煙韌韌，唔係係粉感好重個D，小編幾鐘意~🤤 不過三款既芋圓味道上都比較淡，只係芋頭口味既會濃DD🙊 而其他配料上面味道整體上都唔錯，小編就最鐘意佢既白玉同黑糖珍珠嚕~總之煙煙韌韌既野食就好大機會成功俘虜小編既心🤣 喱既間芋圓算唔錯啊!可以頂下癮，大家都可以試試佢~~~😘.🏆 「豬」味指數：7.5/10📌 溫馨提示：佢一碗既份量都唔少，如果喺正餐之後去食甜品既話，最好都係搵埋朋友仔開心SHARE嚕~🙌🏻

今日叫左4碗外賣😍😍呢間啲芋圓好好食 就算叫凍啲芋圓都唔會好硬叫左3碗凍一碗熱 中意佢呢間既凍糖水 唔算太凍😂😂因為黎m🤪所以呢個溫度岩岩好😂😂愛文芒芋圓 今日感覺偏酸 唔知係咪因為食完椰汁個個比較甜呢😂呢個椰汁芋圓超好食 佢勁香椰汁味 入面有啲爽爽地既野 超有口感👏🏻👏🏻勁中意 有熱既應該都好好食😍朋友叫左黑糖薑汁芋圓 但佢走薑汁😂所以比較清😜最後呢個係芋頭仙草芋圓佢勁豐富 自己一個食會勁飽😂😂但我中意傳統芋圓多啲🤪之前食過因為有埋紅豆 佢所有芋圓都好軟 又有小小咬口 勁中意❤️❤️❤️❤️

之前黎食過芋圓，不過今次有d飽，但又想食下甜品，所以就揀d空氣d嘅野食😆#芒果雪花冰 #MangoIce全部芒果都好甜，d冰好綿完全無冰粒，好鍾意佢個粒白玉呀，好QQ彈牙，如果有多幾粒就好啦😋#士多啤梨梳乎厘班戟 #StrawberryPancake軟綿綿好似空氣咁，唔會過甜，好味！不過其實佢個pancake係普通pancake無士多啤梨味架，所以如果真係想試嘅叫原味就得，因為平d (細細聲講🤫)

呢間甜品店遠處都見到排長龍😦 因為佢既芋圓真係好出名👍🏻好少搵到又有芋味口感又不錯的芋圓😊 雖然要排隊同埋比較迫 但都係值得一試🤪⭐️ 桂花糖芋圓 🌼主要用仙草做底🌱加上桂花糖淡淡既調味🍬 入口幾清甜好順喉🥰 芋圓頗大粒🍠 同丸子一樣係軟腍同QQ之間達到平衡🤩 芋頭同紫薯味淡淡地滲出來💜話係全香港最好食既芋圓之一不過分🏵⭐️ 士多啤梨梳乎厘班戟 🥞以小店黎講Pancake 十分出色😋 切落去充滿空氣感 非常輕盈🌬 調味偏甜小小 如果士多啤梨🍓份量慷慨一點會更好😅

行左n耐終於行到大角咀，所以唔好嘥，即刻搵埋甜品食🙊店舖唔係大，再加上係星期五晚，所以都幾多人係到等。因為10點cut堂食，我地9點到，心諗應該都等到掛。結果，企到9點50分，都冇人黎通知我地可唔可以入，咁我地就主動去問下d職員，結果就被告知冇得食（我地係全程企係門口，亦都有職員幫我地登記係簿）。 可能係呢方面既arrangement 有待改善啦😔但係奈何fd好想試又見少黎呢邊，所以都叫左2碗黎試下。 叫左一碗凍既桂花仙草芋圓，一碗熱既桃膠清心圓芋圓。佢既優點係唔甜，怕肥既朋友可以放心叫🙈芋圓都煙韌，幾有咬口，但係冇乜味，3隻色都冇乜分別。個人會推介食凍，熱既會令到d芋圓愈黎愈淋，到最後一啲都唔好食，但係凍既唔會，到最後都係有咬口既🙆🏻‍♀️想試既朋友都可以一試💛（都真係多人叫既）

🌼桂花糖芋圓 $36 （8/10）⁣裏面主要有三色芋圓、薏米、仙草、桂花同白玉🍡🍡。⁣識落唔算好甜有淡淡的桂花甜香味🥸，唔會好甜。仙草都夠嫩而且超多薏米😜。⁣佢哋嘅芋圓睇得出係自家製，粒粒形狀都唔同，而且每一粒都好大粒好有咬口💜💜，依碗整體唔錯～⁣⁣🍠芋香仙草芋圓$36 （6.5/10）⁣依個唔同嘅位係用咗芋香汁同多咗珍珠🤧🤧。⁣但依個汁完全好奇怪，勁似用勁多粉溝咗奶咁嘅化學味🍼。其他配料都同上面嗰個一樣，唔太建議試呢隻，食返最regular嗰隻就冇死🥺！⁣⁣

🇭🇰💛芋圓一 Tarone🍡大角咀真係💛💛店集中地👩🏻👧🏻次次黎親都會嫌自己個胃唔夠大試唔哂繼食完那個 星洲 想甜嚐甜 今次次終於到芋圓一🤤🤤年三十要團團圓圓😆😆食芋圓🍡傳統仙草芋圓 (💰$36)36蚊真係超大碗 👩🏻👧🏻見到都打左個突😱芋圓係仙草底 配2粒白玉 紅豆 薏米 珍珠有佢地手工芋圓每日新鮮整起入邊有4色芋圓 Size比較大粒而且煙韌有咬口仙草底滑身得黎 甜度岩岩好4色芋圓味道食落分別不大可以落返多點芋頭蕃薯吊返起芋圓本身味道會仲正36蚊食到咁多芋圓同埋配料大大碗真係超抵👍🏻👍🏻👍🏻

行完山想食個甜品，星期六下午四點全場爆滿，一方面戥小店開心，一方面覺得政苦無謂，六點禁堂食唔知扼殺咗幾多小店生存機會。黑糖薑汁芋圓湯圓 $38糖水大大碗，一個人要食晒一碗有難度。薑汁香濃唔太甜，有齊蕃薯、紫薯、芋頭，當中以芋頭味最為突出，不過質感略嫌未夠咬口，未係我心中最出色嘅口感。整體不俗，但份量多又不想浪費，食到最後好飽滯，如果平返幾蚊細碗少少會更舒服。沿路途經唔少舖頭都關門大吉，希望同路人頂得住，一齊捱過去。

【 食過想再食的芋圓 】去左大角咀附近探朋友，聽朋友介紹大角咀角祥街有間食芋圓的好出名，所以就去試吓。餐廳叫芋圓一，叫咗一碗凍的芋香仙草芋圓，外賣$37一碗，唔算貴呀！因為芋圓真係好足料，份量好多呀，當飯後甜品兩個人食都好足夠，而且味道好好，芋圓好煙銀，令人食完想再食。

女朋友知我好鐘意食芋圓，所以就帶我嚟芋圓一食芋圓，果然冇介紹錯！桂花糖芋圓 $36呢度嘅芋圓我覺得好有特色，因為明顯食得出係手工製，食落係好fresh，芋頭同蕃薯嘅味好出，口感好彈但唔係韌，食過真係返唔到轉頭。而配合埋桂花嘅清甜，為成個甜品畫龍點睛。而薏米亦都煮得啱啱好，保留左微微嘅硬度，有啲咬口唔錯。仙草唔會削，大細亦都適中，唔會大大塊咁一舊過。至於白玉都好有誠意，咬落軟糯為成碗甜品帶嚟唔同嘅口感。總結：非常出色。

食完飯，朋友極度推介呢一間手工芋圓甜品，老實講我自己本人就麻麻哋，因為覺得好飽肚，朋友叫到就係試試。呢度地方唔大我諗可以坐到五六張枱。我都幾鍾意食芒果汁底嘅甜品，所以我哋叫咗一個愛文芒甘露芋圓同埋芒果雪花冰。愛文芒甘露芋圓-其實即係楊枝甘露加芋圓，我又不見得芋圓好好食，我覺得同平時嘅差不多，芒果好甜唔酸，一個人食哂都幾漏芒果雪花冰-雪花冰嘅冰好綿，應該加左牛奶，面頭淋上芒果汁同芒果，好fresh ,夏天食一流，夠晒消暑

之前朋友推介呢間甜品店，今日就同朋友去試吓。點了個芋圓薏米仙草，紅豆芋圓同桃膠芋圓。估唔到每碗都好大同好多，而且唔太甜。對我哋又想食甜品又怕甜怕肥嘅女士來講就非常合適。

本身自己係一名芋圓控， 每次見到有芋圓食都一定會試。 係香港，除左鮮芋仙我覺得OK外， 其他鋪頭就算標榜自製芋圓都覺得好麻麻，仲有好多係買現成，啲口感直情唔掂。11月 我已經幫親左3 次，每次品質都保持得好好，總唔會令我失望。芋圓好Q， 有四種口味 芋頭 紫薯 🍠蕃薯 🍠南瓜🎃。仙草係用真才實料， 而唔係用涼粉混水摸魚。其他黑糖珍珠，白珍珠， 薏米， 紅豆都好出色。賣相又IGable 味道又唔係好甜。 超愛真心要推薦比其他人。