芝華園快餐廳

營業中

休息中

芝華園係廣福邨街市入面，入到去有好多都係街坊客人。入面有卡位，位置不錯。差唔多12點去到食lunch，餐廳都7成滿坐了。坐低之後好快叫咗個常餐，$43，凍飲加$2。等餐嘅時候發現原來好多街坊都會叫外賣。野食都好快就到咗啦，雪菜肉絲米好味，味道啱啱好，份量足夠。米粉都唔會太腍，我最怕食到啲米粉又淋又碎，而呢度嘅米粉幾好食，唔會太淋。之後就食咗多士同埋火腿奄列，多士好厚，火腿奄列好好食又大份。食完呢個餐，我覺得好飽。最後講吓杯凍檸茶，個茶底我好鍾意，好好飲

【我唔知食咗啲咩】幾日前透過屋企人幫忙買外賣，想食星洲炒米！等到屋企人買完返上樓後，好啦！滿心期待打開盒後，一睇之下，呆咗…！星洲炒米冇星洲，變咗楊州炒飯個friend - 亂九咁炒！到咗今日7月10日，我再畀多一次機會，外賣星洲炒米！哈～結果，同一情況又再發生！我想食嘅嘢食唔到，又唔知間嘢整左啲咩畀我食！好驚！叫左阿媽第二日落去投訴！我亦都唔等到第二日，要即刻喺呢度寫評！究竟喺廚房炒嘢嗰位仁兄，識唔識又知唔知咩叫星洲炒米？！我好懷疑人生囉！呢個究竟係咩炒米？還返個真•星洲炒米畀我！

復活節假同鄰居一齊去西貢行山。因為大埔廣福道有直接車喺假日入北潭涌，所以就嚟咗廣福邨搵間店食早餐。想試呢一間茶餐廳好耐，因為佢裝修比較有舊香港嘅味道。去得茶餐廳當然唔可以唔試沙嗲牛肉，超驚喜喺呢度有瀨粉，真係好少地方而家仲會有瀨粉食，咁當然叫啦。同埋唔知點解平時都好少叫多士烘底，但係今次就勁想食。好多時係有驚喜嘅，沙嗲牛肉就唔算特別，但係瀨粉淥得幾好食，唔會中間有啲未熟嘅感覺。個午餐肉都煎得好脆口，另外杯齋啡走甜，咖啡底做得唔錯，唔會有苦澀味。雖然屈入街市先至搵到呢間茶餐廳，但係我覺得都算方便，有機會會再嚟試其他嘢食。

🥢沙嗲牛肉麵拼火腿奄列牛油多士配奶茶，上親嚟講好豐富🍴雞髀沙律+🥤凍檸檬茶套餐，雞髀即叫即炸🍗都要等十分鐘味道唔錯皮脆，沙律平平好多醬快餐嚟講醫飽肚就算

今朝食早餐，餐廳裏面又焗又熱，見有四部分體式，但一部都冇開，跟住叫阿姐開啦，佢話老細做緊嘢唔得閒，擺明耍我啦，冷氣都唔識開！成間餐廳啲人都話熱同焗，阿姐唔理走咗去，我轉頭大聲同佢講可唔可以開開冷氣呀！跟住有個男人出嚟問我乜嘢事呀，我問佢你係咪老細？可唔可以開開冷氣，佢又頭耷耷咁走咗，然後好晒長毛老細出嚟，老細問你係咪好熱呀？我話係呀好熱好焗呀可唔可以開開冷氣？跟住佢死死地氣咁開咗個頭頂嗰一部。我唔明一間餐廳開冷氣有幾難！係個老細想慳電費定係想焗x死啲客？定係佢覺得自己嗰間係海邊茶餐廳有海風？

晏晝叫左個菠蘿雞絲炒飯 同事叫左個涼瓜肉飯 餐牌寫41蚊 落order的時候姐姐話加2蚊 唔緊要 話有菜所以要加多一蚊 涼瓜系菜可以理解 但菠蘿都叫菜？個姐姐仲要講吾會厄你哋架🙄但啲菜咁劣質 系咪真係值呢個價啊？現家啲菜真矜貴啊！🙂正一“black shop”嚟架

在附近有工程，就在這間快餐店吃點東西打底😏。晚餐時段，有不少漢子都在這兒吃大碟炒飯、炒麵，或是小菜，但是由於我們比較趕時間，即使晚上時段，仍然吃常餐。常餐本配多士非常好，多士薄脆，中間又有不少牛油，不吝嗇，夠香夠脆，抵讚。火腿奄列，輕微過熟，份量不少，亦都不錯。沙嗲牛肉麵反而質素較差，因為放在麵條上面的沙嗲醬有點涼，熱湯上面放凍的醬，感覺不太好，比較求其。雖然沙嗲醬還算味道香濃，但是熱湯上面放凍醬，還事說不過去吧。由工作地點乘搭巴士出到來，其實已經很累，完全沒有位置，站在車頭，站着也想睡😪。來茶餐廳就最適合不過，可以再喝一杯奶茶，為晚上工程注入力量。茶走，阿姐擾攘了一輪，究竟哪杯才是茶走，定還是兩杯都不是茶走？結果，奶茶的味道挺香濃，火喉充足，加點煉奶，味道很好，即時醒神了。

星期5 的早上, 貪就腳過左廣福既芝華園食早餐, 閒日10點几都仲有一半客人... 我叫左雙蛋+五香肉丁麵+熱奶茶雞蛋看上也新鮮同埋大隻, 出面好多茶記而家成日用細蛋, 2隻打埋都唔夠一隻大... 五香肉麵的麵是用普通的大光麵, 可讚的是肉丁的份量都几多, 非常大方, 一D 都唔小家, 唔洗就住就住食熱奶茶, 不過不失, 茶味夠濃, 但欠香滑, 但都好提神! 我以前一向好欣賞芝華園有做埋素食, 仲要好多選擇, 淨係快餐既素食都起碼有4-5款比你揀, 仲有素既湯送, 但早几個月轉左廚師之後, 就沒有素食再供應喇... 令到我地呢D 間唔中想食素又冇門路既人更加冇得揀....有D 失落!

是日二人早起, 上班前先來食個早餐先各自出發. 齋妹就建議過來街市呢一間茶餐廳, 因為呢間餐廳在大門口標榜佢有齋食, 於是大家既然早了起身, 就一於來這兒一試.早餐, 都不外乎是腸仔煎蛋通粉之類的東西, 不過看見有銀針粉, 咁傳統既食物係茶記既早餐menu中出現, 實在是非常少見. 而這個銀針粉, 當然的, 就是我這天的早晨全餐啦.銀針粉, 用既湯底同通粉差不多, 多了少少胡椒, 多了少少冬菇肉碎. 銀針粉滑滑的, 不粉口, 感覺上, 比起通粉更有口感, 帶點胡椒味, 更是多一點香口. 伴上的, 是一片火腿奄烈, 為何我要形容成一片呢, 只因成塊奄原薄薄的, 中間沒有谷起, 雖然份量係細左少少, 食落, 配埋銀針粉, 其實是剛則好的, 唯一不歡的是雞蛋煎得太熟.太太的西式早餐, 茄汁豆, 素火腿, 蕃茄加多士. 簡單的 English Breakfast. 素火腿輕輕的煎過, 出來時聞到佢帶有少少香味的, 茄汁豆, 不知他們用上甚麼牌子, 茄汁色澤比較深厚, 味道也非常香甜. 這就是簡單既一種美味.奶茶方面, 說不上是出色, 但夠滑同順喉已經是可取之處.食物雖好, 但服務方面, 便要彈

晨早起身諗住買杯奶茶飲下,唔想行咪近近地去茶餐廳買羅....點知就出事啦~叫左杯奶茶外賣,足足等左我15分鐘都未算,杯茶未上到車,行到出去巴士站就留哂出黎勁過份@@以後幾想飲都唔會去佢個到買!!!!!