更多
2024-04-27
57 瀏覽
復活節假同鄰居一齊去西貢行山。因為大埔廣福道有直接車喺假日入北潭涌,所以就嚟咗廣福邨搵間店食早餐。想試呢一間茶餐廳好耐,因為佢裝修比較有舊香港嘅味道。去得茶餐廳當然唔可以唔試沙嗲牛肉,超驚喜喺呢度有瀨粉,真係好少地方而家仲會有瀨粉食,咁當然叫啦。同埋唔知點解平時都好少叫多士烘底,但係今次就勁想食。好多時係有驚喜嘅,沙嗲牛肉就唔算特別,但係瀨粉淥得幾好食,唔會中間有啲未熟嘅感覺。個午餐肉都煎得好脆口,另外杯齋啡走甜,咖啡底做得唔錯,唔會有苦澀味。雖然屈入街市先至搵到呢間茶餐廳,但係我覺得都算方便,有機會會再嚟試其他嘢食。
張貼