芭堤雅小廚

營業中

休息中

年初三帶我家肥犬去船灣快閃水壩。結束後，當然要一嚐大尾篤聞名的泰國餐。海南雞是小弟吃泰國餐的首選，海南雞重點在於保留雞汁與雞湯的精華，令肉質保持多汁鮮嫩，餐廳在這方面做得不錯，而且用上雞髀部分，口感不錯。配上偏辣惹味的泰國海南雞辣醬，提起食慾帶起黃油飯及雞髀肉的味道，確實要一讚！黃油飯軟硬適中，味濃但不鹹，完整呈現海南雞髀黃油飯！有時會遇上一些餐廳，黃油飯因為水及黃油重手而過漿，絕對影響海南雞的表現。同場加映：泰式炸蝦餅，蝦餅厚實彈牙，皮脆蝦肉厚，配泰式甜酸醬，是天生一對！

平日嘅下午，最好就係揸架車周圍走。適逢今日放假。咁就同媽媽揸車去吓大美督行吓放輕鬆啦。平日嘅大尾督人流唔算多。我自己比較怕就係星期六日去到大美督。因為真係隨時分分鐘多人過旺角。行完提霸，就坐低醫下個肚啦。我哋入去嘅時間係下午茶時段。我哋就叫咗一個漢堡同泰式扎肉湯河。扎肉份量非常之多。而且河粉嘅數量亦都好多。基本上成碗野份量十足。而且河粉非常之滑。扎肉都好食。而媽媽嘅漢堡。外型都10分好。而且味道都唔錯添。

估不到星期一的大尾督是那麼遊人眾多，要找地方吃午餐也不容易。這家泰菜餐廳最先可以入座，就點了兩個午餐。冬陰肉片湯河粉：先試湯頭，很有泰國風味，又夠辣，味道非常好。肉片很滑，味道也好，份量多，有八九片。河粉又多又滑，和冬陰功湯很相配，吃得停不了口。泰式海南雞飯：這飯賣相欠佳，雞肉亂七八糟地放在碟子上。雖然味道還算不錯，不過雞件不多，而且大部份的雞都是皮多肉少，所以雖然米飯有一大碗，結果只吃了半碗。這兒的午餐不連飲品，點飲品要加收費用，熱飲加$3 ，冷飲加$5 ，我們加了一杯凍咖啡，味道也算不錯。我們點的是午餐，差不多結賬的時候，店員在桌上放下下午茶的餐牌。一般餐廳下午茶的價錢會比午餐便宜，奇怪的是，這兒下午茶餐牌食物的價錢和午餐是一樣的。這兒的環境一般，有點擠迫的感覺，而我們點的海南雞飯在我們吃完冬陰功湯河後還沒送上，要催了幾次才有得吃，不過店員還算是有禮貌的。

如果自己揸車嘅話，停喺大美督停車場，再過馬路就見到呢間餐廳。雖然我平日嚟，但停車場都泊得近乎滿。假期嚟大尾篤喺大埔墟站等公共交通工具好啲，唔使煩泊車。今次第1次嚟，喺平日Lunch時間去，叫咗個泰式燒雞脾拼豬頸肉飯($65)。燒雞脾同豬頸肉整得幾香，而且食落唔油膩。燒雞脾仲分開一件件，方便食，呢個位幾貼心，因為冇切開成隻食會有啲麻煩。唯一挑剔係個餸可以再加熱少少。個餐加5蚊有杯凍飲，我叫咗杯凍檸茶，味道唔錯。俾menu大家參考下⬇️

天氣無咁熱，最岩踩單車～ 入到大尾篤好自然想食泰國野，格離果間食過幾次，但次次都要排好耐，今次決定試下呢間～～～點左咖哩雞，蒜蓉包，炒通菜。咖哩雞正正常常，有d似茶記style hahaa，不過好食既，唔辣，夠多汁！加左個飯撈，正～如果再多d椰汁味同埋少少辣可能會再好d～～蒜蓉包都好夠脆，好香，配咖哩汁食一流!!炒通菜好辣～～～下次要叫小辣先得整體都幾ok，服務都ok～ 如果唔想排隊,食呢間都唔錯～可以一試！！

去大尾篤食晏 嚟到大尾篤梗係要食番個午餐先走 芭提雅好多人排隊 所以就等一等 Lunch嘅價錢非常之合理 叫咗個海南雞飯 同雞絲炒公仔麵 有野餐飲 一個餐都係60蚊有找 首先講下雞絲炒公仔麵 炒得好好味有鑊氣 仲有好多泰國香料 海南雞飯 雞既分量好多 有菜墊底  推薦大家去踩單車嘅時候 又唔想食得太貴 可以去呢間試下

1.源起：與友踩完單車到大尾篤食dinner。附近多間燒烤及泰式餐廳。2.約8點到店，多有空枱。而至約9-10點多人始為熱鬧，應為附近居民食宵夜。3.第一次到大尾篤食野。確實多有驚喜。而廚房即叫即製，新鮮無比。第一。燒豬頸肉，皮脆肉嫩，人人搶食。比得上係泰國食。第2，海鮮菠蘿炒飯，菠蘿盛飯，材料豐富，有好多海鮮藏於飯中，確實佳作。第3，炒金邊粉，樣式設計可見心思，另配砂糖/辣椒粉陪碟。但我就未見過橙色金邊粉，整體覺得不過不失。第4，特叫薄餅佐咖哩！第5，燒雞。真正內脆外軟，火候十足。第6，咖啡豬。味濃色靚味香。第7，小食併盤，值得一試，啖啖蝦肉，樣樣新奇。認真唔錯。4整體：出色泰國菜，可比真正泰國食。踩完單車順路經過。但可以改善廁所衛生。

Had a nice decent price lunch after a great day of bicycle ride. Service good and speed was good. Set lunch options were great prices and options was enough. A la carte pork neck was super delicious. Really nice local joint. Love it. Will definitely return and recommended

由大尾篤踩單車經大埔海濱花園、吐露港、沙田科學園再回程42k，吃個惹味午餐才踩就最好不過。 隨隨便便見到個價錢適中就走入這間泰國餐廳海南雞飯（薑黃飯）$55熱飲+$3/凍飲+$5/特飲半價薑黃飯：少乾但不算粒粒分明，乾而飯有啲腍雞：睇你好唔好彩，我個碟雞較多骨少肉，但我朋友果碟就應該係雞髀位，啖啖肉。葱油同泰式汁配合得不錯👍本身想飲椰青但原價$45 （比市價偏貴）配餐半價都不算抵飲所以最後都係飲杯檸茶算唯如果包埋飲品、椰青更優惠就更平民價美食了！

以往十幾年都係幫襯大美督最大果一間泰國菜館，但近來他們的食物質素大不如前，連續兩次吃的咖喱蟹，都是死蟹；伙記服務態度就一向麻麻地。終於都決定同佢分手，幫襯另一間叫Pattaya的泰國餐廳。已經幫襯過幾次了，就決定寫一篇食評。首先，呢間餐廳，伙記服務貼身好多，只係幫襯過幾次，一見到我哋，已經知我哋要飲乜，同埋知道我哋嘅口味，食得有幾辣，唔使次次講。他們的食材也非常新鮮。我們喜歡吃蟹，可能因為市道近排麻麻，他們都冇入貨，頭兩次都吃不到，老闆就話，下次預早一日打電話俾佢，佢會幫我哋買，真係照顧周到。首先介紹嘅係咖喱大頭蝦，一份有兩隻，如果唔話俾你聽，仲以為係食緊龍蝦，蝦肉非常爽，咖喱汁很香，不辣的，我們用蒜蓉包來點咖哩汁吃，美味非常。咖喱蟹嘅咖喱汁，同大頭蝦係一樣嘅，但係啲蟹膏容埋落啲咖喱汁度，所以啲咖喱汁就更加香濃，蟹係預早一日打電話俾老闆叫佢幫我哋買嘅，所以保證新鮮。我哋仲食咗無骨鳳爪，配菜很美味，辣味十足，如果食唔到辣，預先講就得；仲有推介臘腸蝦餅；酸辣魷魚；泰式春卷，我哋親眼見到老闆娘自己包的；泰式拼盤；海南雞也做得不錯。甜品我哋食咗芒果糯米飯，糯米飯係有白糯米和紫糯米倂在一起。以後

夜晚冇堂食，唯有叫外賣自取。兩個人叫咗三樣嘢，蝦醬臘腸炒飯同埋金邊粉都幾好食，椒鹽豆腐份量唔少，同埋好好彩入咗外賣盒之後都冇淋晒。但重點係！！！等外賣時直望到廚房，驚見炒緊嘢嗰位廚師將個口罩拉咗落下巴，露出口同鼻！我以前都會話食肆有時會唔（太）乾淨，大菌食細菌就算，但而家講緊嘅係高度傳染嘅病毒，每日都仲係周圍傳播緊，日日幾十個個案！大家可唔可以喺風頭火勢嘅時刻盡番社會責任，做足防禦措施，保護自己同埋身邊嘅人？！

諗住大尾篤出名泰國菜咪試下呢間。入到去咁多空枱 無咩客人 waiter個個發夢 個探熱篤到我額頭都算係咁揮手落單扮睇唔到 好啦 終於叫左扎肉泰式湯金邊粉 個湯仲暖暖地 唔夠熱 好在d野得一得仔紅蘿蔔加一塊仔白蘿蔔 可以生食啫...湯底好似出前一丁味精落左一半咁 唔明點解叫泰式 係咪賣泰國菜所以加多個泰式 👎🏼 叫左個蟹肉粉絲加咸檸七 粉絲無味又咸又濕 另外咸檸七 舊咸檸... 唔識整就唔好賣啦 篤唔開架咁就$150，衰過唔識煮！真正可一不可再。

服務態度差 啲嘢都唔好食 你話我食完野然後吹我走就話啫 我杯野都未飲完個服務員就吹我地走 話我哋阻住佢做生意 普通餐廳都會限時90分鐘啦 我食咗40分鐘都冇 就趕人走 太過份😣

今日好好天，所以一早由大圍踩單車去大尾督。踩到兩三點就入咗大尾篤，見有啲肚餓所以入咗呢間泰式餐廳食。我見裏面都好多人坐咗好多人所以應該都好食。我地叫咗個泰式無骨豬手飯同一碗芭堤雅喇沙肥牛米線。呢個價錢唔包野飲，算係比較貴。-泰式無骨豬手飯一嚟到個賣相好好，豬手好有色澤，食落去唔會太肥膩，肉質方面普遍比較軟同淋😋但有一舊啲肉質比較實，可能因為係邊邊位。咁滷水汁唔會太咸撈飯啱啱好。所以呢個豬手飯幾好食。-芭堤雅喇沙肥牛米線呢碗喇沙肥牛米線正正常常，啲料都好足。首先講吓個湯底，第一啖就飲到好重椰汁味，好香好好飲，我差唔多成個湯飲晒。肥牛嘅份量都算正常，有四五片到。如果大家嚟到大尾篤玩嘅話，玩完肚餓又唔知食咩好的話，呢間餐廳係一個唔錯嘅選擇👍🏻

同朋友係大圍出發 踏單車！ 去到見佢有位同可以放單車就入左去！ 入到去都冇咩可以簡 得個下午茶同海南雞同豬手飯！叫左個豬手飯 豬手夠淋 但冇咩咸味！要自己加d指天椒魚露先叫有d咸味！！有d芥蘭係底都係冇咩味！.！隻蛋叫做正常d！有d蛋味同少少香料味！！食到r晒頭！ 叫左杯青檸梳打 要加13蚊！ 有d唔抵飲！！又係冇咩味！埋單73蚊 ！！價錢就可以慨！效區係貴少少！ ！可能佢寫住冇落味精啦！食物果d野好多都係冇咩味！！！