花串日本料理

營業中

休息中

今日約咗朋友夜晚過嚟中環食飯，揀咗食日本料理，花串就係附近嘅心水。因為之前一直以來都淨係食過佢哋嘅lunch，所以都係第一次黎食晚餐。掙扎左一輪，SET DINNER我竟然嗌咗雜錦壽司，點解係 『竟然』呢? 係因為其實我好少食生嘅魚嘅，但係睇中左佢哋個海膽同埋三文魚子，所以就豁出去嗌左依個喇。海膽同埋三文魚子，真係非常之唔錯，鮮甜唔腥。拖羅有油香，但當然個人口味就麻麻地鍾意食啦。三文魚腩都唔錯非常之肥美又新鮮，好正，然後其餘嘅白身魚都分左比朋友，哈哈。至於帶子同埋牡丹蝦都係好新鮮，非常爽甜。食完主菜之後仲有甜品，同朋友傾得好開心，坐左好耐。依度當然係LUNCH最抵食，但晚餐價錢都算合理，坐得幾舒服，都幾適合約人食飯傾偈，喺中環附近嘅朋友可以考慮吓。

约左朋友中午聚餐,由於於該早上先決定食花串日式料理,即日book位都仲book到位.我們12点三到,都仲未坐滿,仲有吉位,不用等位.花串的午市套餐選擇種類多,但價錢普遍比較貴,我選擇了雜锦串燒定食,朋友選了金菇牛肉卷定食,它先來過前菜和湯,前菜太多汁,麻麻地,再來雜锦串燒,它有肉圆,豆腐,冬菇,帶子和蘆筍煙肉卷,最好食是帶子,其他都非常之一般,冬菇特别乾,金菇牛肉卷反而好小小,但整體都麻麻地,價錢唔平,但食物質数一般,有D失望

公司的同事對花串這一間餐廳有一種偏愛，每隔一段時間就會到花串吃午餐，這天我們又吃花串了花串booking好滿，如果是12點左右、兩個人、沒有先預訂來，還是會有座位的，但如果是一點左右，恐怕便要撲空了。每叫一個定食，都會附送一個沙律和一碗麵豉湯，今天我們叫的是北海丼和咖哩飯這個北海丼，一半是帶子，一半是三文魚咖哩飯，不辣的，很適合我，而且蔬菜有好多，蠻健康的，有蘿蔔、薯仔、蒿頭、娃娃菜、提子乾、紅蘿蔔下次還是叫串燒好了

其實中環都有好多日本菜嘅餐廳有時候都會花多眼亂 唔知道揀邊一間好 😂今次就黎左花串環境都幾好 雖然都幾多人 不過都正常嘅 始終都係中環lunchtime嘛🤤唔會噪到好難傾計😂我都係穩穩陣陣咁叫左雜錦刺身定食（$330）不過我就要左白飯 好似加錢就可以要另一種飯😂不過我唔記得左係咩飯😛啲刺身都新鮮 款式都多我自己最鍾意食嘅就係蝦🤩佢嘅蝦唔單止好大隻仲好爽口 勁好食✨加埋個飯 其實份量都唔少架因為lunchset 又有埋湯 小食所以一定飽 唔使怕返返下工會肚餓😈

今天和同事去遠一點，蘭桂坊那邊的日本料理吃魚生飯，我之前吃過一次晚餐，約400多元的魚生飯，大件又好食，今次再帶同事去食午餐，再點他們的刺身魚生lunch set，再加吞拿魚茸飯, 價錢也不過300多元，超級抵食，會再去食

好耐無食花串，難得朋友黎中環搵我lunch，於是提議不如食花串。 11 點打電話去book位，平日lunch兩個人拿位比較容易，間餐廳雖然大，但人流都好大，見d台基本上都係full曬。我今次食返平時最鍾意的手卷烏冬餐，手卷有兩舊，一舊係吞拿魚蓉，一舊係海膽拼吞拿魚蓉，兩個手卷都好足料同大份，食曬兩個已經飽左70%。另外個牛肉烏冬都好好味，牛肉味好夠，似係用左和牛，烏冬都好煙嗯，兩者味道都好好，食曬手卷+ 烏冬，已經10成飽了

中環搵食系列-花串日本料理。中環的日式串燒的選擇有限，聽聞花串的串燒質素不錯。今天我點了串燒盛合定食。定食包沙津，日式麵鼓湯，串燒和飯。沙津是平日的日式沙津，淋上芝麻醬，不過不失。反而鼓麵湯算幾足料，有好多豆腐和昆布。花串的串燒盛客有雞肉丸，帶子，蘆筍煙肉卷，豆腐和冬菇。大致上串燒都算燒得Juicy,其中帶子加了燒汁去燒，非常惹味。普遍來講，串燒定食份量有點少，$190略嚴有點貴。其中豆腐和冬菇過分單調，如果可以多幾款串燒款式供選擇會更好。

lunch 時分中環，一大班同事聚餐，總係好難搵位。見好耐無食過花串，所以提早一個禮拜book定位，指定左時間去食省卻左等位煩惱。間餐廳唔平，每個set 都要二百幾蚊起跳。 今次叫左個金槍魚手卷+ 牛肉烏冬餐，手卷有埋海膽，好足料，食完兩個已經7成飽了，牛肉烏冬好足料，而且牛肉都好夠味，食完成個set，飽到要抱住個肚腩走。 同事就叫左銀鱈魚餐，聽聞都係好多人簡e個set，魚肉唔會好油，食落好香都好值得推薦。

不嬲都有去花串食野 認真說d食物真係好貴不過d銀鱈魚好高質今日同另外兩個同事食lunch 都係叫西京燒銀鱈魚 另外兩分魚好快到 同事們都食到差唔食完 我個份都未到就追下啲staff唔helpful就隨便講講話我check下 跟著冇左件事再等多一陣 我覺得唔對路 一點7、8仲未有野食。我再問究竟有冇落單 冇就算 cancel左佢我一話cancel，即到但係冇sorry冇對唔住我諗因為service咁差我有排都未唔會去⋯⋯

今次叫咗個天婦羅飯套餐試吓。總括來講，就冇咩驚喜。雖然價錢係中環來講都算偏貴，但係真係食唔出有何特別。更想講嘅係，天婦羅嘅汁唔係好足夠，食到最後要乾爭爭咁樣哽埋佢🙈🙈可能今次嘅不滿足都係來自選餐嘅失敗...同行嘅朋友叫咗全消套餐，各種串燒都有一串，反而有驚喜。結論係，出街食嘢都係唔好食咁多炸嘢。😂😝

"年青人, 究竟係咩原因你5月尾食完既野要而家先打食評呢? 係愛丫? 係責任丫?""係...梗係愛啦 ! XD"環境氣氛來講都ok。好有日式居酒屋既感覺, 不贅。講真, 個日我Lunch 已經飽到上心口咁濟,  所以只係想食少少野就ok。於是我就揀左...(登登)1. 燒帶子看起來平平無奇, 食落有好重既黑蒜油既香味, 而且亦冇燒得過焦。而且帶子大粒, 睇得出食材嚴選不馬虎。2. 海皇湯 (大約既名字。實際名字不太記得, 請見諒。如知道有關名字消息歡迎隨便留言。)不得不佩服佢地既諗頭! 用茶壺盛載既海鮮湯並附有茶杯仔。呢種食法飲法相當新奇有趣! 湯頭清且嘗到海鮮既鮮甜味。而且入面仲有唔少海鮮配料, 飲完個湯真心都已經好飽。3. 燒蠔平時食蠔, 香港通常都係會整吉列蠔, 一係就生蠔, 好少燒蠔。對上一次我食已經係去美國New Orleans食, 個陣佢既將原隻蠔連蠔殼燒埋一份, 真係好滋味。而呢次食既燒蠔, 雖然未搵返當時New Orleans既感覺, 但係蠔再配lime juice, 隻隻Juicy都覺得值回票價。見呢度d食評話Lunch性價比高, 乜乜乜咁。咁晚餐價錢又如何? 呢度我

Lunch 嚟呢度食咗一個牛肉粉絲豆腐鍋。價錢唔算平，到時要接近$250本身諗住喺中環食日本野都係貴，只係期望佢唔係難食。但係醫療之外係佢嘅幾塊牛肉都高質，入口肉香令舌尖為之一振。咬落去真係非常有有滿足感豆腐粉絲同金菇係預期之內嘅質素。珍珠米軟硬剛好。算是不錯。

m88呢度有唔少日本餐，今次呢間真係要推介，一睇餐牌，價錢唔算平，300幾蚊左右，始終都係中環嘛。我叫左炙燒don,. 有8片魚，仲有一大埋蟹子，質素極高，仲要係冇三文魚 吞拿魚 呢啲平嘢！ 朋友就叫咗 刺壽司丼 ，又大大隻甜蝦 ，仲有海膽，都係8款刺身，全部都係極新鮮！食完我哋都講左十次，呢個質素，3百幾蚊好合理，仲覺得有少少抵添留意，我哋訂左12點位，初頭冇咩人，但1230開始就爆場了。呢一間一定係我會再encore嘅餐廳

每次來花串都係因為日式銀鱈魚定食來，因為賓實在太好味，但又不預約位又一定食唔到，加上價錢一點也不平，所以不能成日食‧餐廳環境其實不錯，但因為佢地想多D人食，所以坐位都是十分迫，小弟就不是太喜歡呢講返食物，銀鱈魚賣相好好，沒有過燶又沒有一夾即散，食好來味道濃，最好送飯

一早已經想是這間花村日式餐廳，但平時中午walk in入去一定滿座🤷🏿‍♀️終於有一日早幾日訂位可以試到啦！中午定食套餐選擇也不少，當然價錢也是偏貴大約150至$200左右，有很多壽司餐、刺身丼，鰻魚飯，燒魚、汁燒牛肉等等，我最後點了金菇牛肉定食。金菇肥牛卷份量比想像中都很多!有四條長長的,一分為二，已經有八個正常size的肥牛卷!味道還不錯，只是個人覺唔覺得醬汁太多，如果只是單獨吃肥牛卷會覺得咸, 最好是先把醬汁划去部份過後才吃就比較好了！定食當然會有面鼓湯，味道正常沒有什麼特別，另有薯蓉感覺還可以，這個價位可以再試其他中環的日式餐廳。