花園餐廳 (山東街)

營業中

休息中

今天去旺角行下，又落大雨。看到大大個花園餐廳招牌，好多年沒吃，多年後就再去試一下。要撘lift上二樓。一出lift 就有侍應招呼我們坐近窗卡位，間鋪用了黃燈，窗外又暗，都幾有氣氛。全店八成滿座。叫了兩個午餐，都是澳洲西冷牛扒，一個跟飯，一個跟薯菜，不是鐵板的。首先上了忌廉湯，好多磨菇。我覺得稍微淡味，自己加了一點鹽，加了胡椒粉。我嗰份是薯菜，份量好多。牛扒好大塊，牛扒底下都是薯條。首先食了一條炸薯條，不是好脆。牛扒以五十幾元的價錢，算是不錯，有牛味，咬落去肉質好嫩滑，沒有筋。午餐整體良好，性價比高。侍應反應非常迅速，要茄汁幾秒即有，落單又快，埋單又快，上菜上湯又快，攞起個餐包個盛器即收，包未食完，牛油用一半放枱面又收，朋友最後一啖湯剛剛放低匙即收，站後兩步等我飲完即收，我亦非常配合快快快.....非常勤快，留意到全店侍應都好快手，最後給了$5貼士鼓勵。

今日經過旺角，行到去山東街，再食花園餐廳。平時間中都會食花園餐廳。佢既價錢實惠，成個餐都係100-200$不等。套餐有個牛油餐飽、白湯/紅湯、主菜、仲有杯飲品。真係好實惠。首先，佢個餐包軟熟，熱熱地。牛油都係軟身（絕對唔係岩岩係雪櫃拎出黎個款）。另外，我鍾意飲佢個紅湯，即係羅宋湯。每次好欣賞湯入面會食到牛肉絲。可惜，今次食唔到，味道唔夠濃郁。去到主菜：牛扒。今次叫左蝴蝶扒 五成熟。最欣賞佢有表演睇，就係當醬汁倒落去鐵板牛排上面時，就會煙霧瀰漫，發出「吱吱喳喳」的聲音。代表個鐵板真係好熱。同時間，我就會拎起印有花園餐廳的紙巾，打開個張大塊紙巾，遮住d醬汁彈落個身到。尼一幕真係好經典。係係花園餐廳必做既指定動作。講番牛排，煎得juicy，好林身。😋😋仲要大大塊，大過我塊面。再配上的經典的黑椒汁，真係無得輸。花園餐廳絕對係牛排界的平價抵食之選！👍👍👍

自從上次食過依間餐廳既肉醬意粉之後，就開始對佢嘅味道念念不忘，成日都想再去食。今日終於忍唔住要再食，真心要推介依個出色既肉醬意粉。估唔到依度除左招牌食扒餐之外，都有好野發現。同平時食開果d真係好大分別，完全超出左我對肉醬意粉既一貫期望，肉醬超濃新鮮牛肉味，唔會比蕃茄醬支配左佢既味道，而且肉醬份量好夠，唔會話撈完d意粉會唔夠汁，意粉又唔會話太淋一叉即爛，配埋芝士，新鮮即焗，超好味！誠意推介，唔係淨係得扒餐先好食既！牛排一黎到，可以選黑椒或洋蔥汁，一放汁上去炸炸聲。我地要五成熟，切落去雖有血水，但肉質鮮嫩，可惜少部份近根位有少少韌。下面配有薯菜，但因索滿洋蔥汁，已經淋左同部份更燶了。但係d侍應太勤力，未食完既食物經常用九秒九既速度問你仲要唔要，仲要唔只一次，未食完就想收走你個碗同碟，見到仲有食物係碟到仲係咁問，真心好煩。閒日既晩市又唔多人又唔洗等位，都唔洗咁趕客既！

新年路過旺角走入花園餐廳諗住食番件扒,見到普通西冷牛扒同安格斯牛扒,諗住同女朋友各自叫一樣黎比較一下兩隻牛扒既分別.女朋友食西冷要7成,我安格斯要5成(因為我一向食都係比較生,因為好怕肉硬)等左一定時間,西冷黎左,7成OK,係熟左DD,不過肉質都唔錯,但戲肉安格斯黎啦,我一食.....點解咁硬咁鞋既,我以為係邊位熟晒.但都好奇問D待應,我塊牛扒係咪落錯單,可唔可以話我知幾成熟落單寫左,佢同我睇左一睇,5成熟,咁得就再食入D睇下係咪邊位薄,所以熟快左,果陣我女朋友已經叫我同佢講叫佢換,我話可能係邊位姐,點知最後,我切到中間,唔好話幾成,直頭係成塊根本熟晒.而且係鞋同硬到有D似肉乾,而我見到附近既待應都好似唔敢行堆我度,我都諗住新年流流算啦,但最小都比個合理既解釋我係咪好D,直到叫堆單,先有人肯再堆我度同望到我,我就同佢講,岩岩落單你地都係寫左5成,但塊扒係全熟.(個心係白晒既)點解會咁既,佢就話我一話好熟,佢就問廚房,安格斯牛扒好易熟,5成就已經全熟,我真係0左嘴,佢就話下次再叫生D,咁我反問佢幾成先岩呢隻扒,3成?1成,佢就答唔出.

今午出開旺角,剛啱要去渣x銀行入支票。上網search到山東街有分行,撞啱隔離有餐廳可以hea hea。自從無係旺角返工之後,大大話話有四年無嚟幫襯佢。以前係午飯時段就經常要(打衝鋒,快手快口)。入到嚟搵個窗邊卡位坐落睇見只得三兩檯客人。因為已經大約三點三,可以好從容咁睇吓餐牌慢慢揀想食乜野終於破例叫咗(邪惡極點嘅高脂高膽固醇)~乾炒蝦醬牛肉河粉,其其多多少少俾個名果兩個字(蝦醬)所吸引😂😂😂結果上檯後又發覺西餐廳都可以炒出"鑊氣"喎熱騰騰,兩三分鐘後重係燙咀㗎。況且牛肉足夠分量,(入口鬆軟)。帶有只係少少嘅蝦醬味道,炒得色香味俱全另外一碟咖喱牛腩飯先嚟嘅,同想像中有出入。比較甜口,唔夠辛辣,咖喱味亦唔出;算係失敗之作。還好薯仔,牛腩嘅分量都交到貨。埋單原來無收加一,算係咁喇。

上星期到旺角shopping完畢,想找個地方舒服坐下,剛好這間餐廳推出下午茶,最適合我們傾計。踏入餐廳環境寬敞並設有多張卡位,侍應見我們兩個人便安排卡位及拿來餐牌。下午茶種類頗多有炒粉麵飯,若不喜歡炒嘢,可選擇焗意粉或飯,甚至湯麵或烏冬等等。似乎最貴套餐包熱飲都係45元免加一,比一般茶餐廳價錢還便宜,但環境就坐得超舒服,又不怕有人等位被催。來了干炒牛河竟然如午餐份量多,今晚晚餐應該也吃不下。焗海鮮意粉材料豐富外,味道真不錯。這間集團餐廳能經營那麼多年亦有其道理。至於侍應如茶餐廳般服務,勿抱期望。若要清水,要向侍應要求。此乃餐廳規矩。總括食物,環境,價錢👍。至於要好嘅服務就未必理想。基於環境好,食物及價錢超值,又可方便傾計,我會再光顧此餐廳。

太子分店的店員態度非常惡劣，我要鐵板轉碟要跟意粉，來了是薯條，我向她們詢問，店員說:你要碟上一定係跟薯條。意粉要加10蚊。第一我不是你員工我怎會知道碟上一定要跟薯條第二我從來沒說過不加錢，難度我吃不起10元意粉嗎！第三我要下落叫破喉嚨都沒人理會，難怪你們分店現在那麼少，我比個建議你們把全部分店關門只做一間，專注做好一間吧！

花園餐廳。。。曾經是 那些年 我和我一起 讀過書的朋友仔聚腳的老地方 。 亦是 畢業後 一班同學約見面的好去處 ，但近年已甚少幫襯。 可能人就是貪新忘舊的動物， 當長大了，選擇多了的時候 ，便會忘記了曾經熟悉的味道， 直至它、它、和它快將消失 才會懷念。 誰會 記得當你還擁有 。。。將要逝去總想挽留。。。今次我叫了一個 那些年不會捨得叫的大蝦牛扒套餐 ，選了超惹味 的 羅宋什菜湯 ，跟餐還奉上大包一個 ，保證夠 我 飽。大蝦 跟 牛扒 ， 分量十足 ，大堆頭的格局， 兼 用了 港式西餐的煮法， 份外有家的味道， 拿著餐紙 擋住 侍應 倒 醬汁 的時候 ，the good old days 不能忘記的畫面 。。。亦一一 浮現在我腦海，並在我 心扉 上 重新營繞起來。爽!! 有時食物的作用， 並不在於它 有多名貴，有多罕有， 而是在乎你記憶中的12道回味。在這裏時光就好像靜止了一樣， 十年人面 、裝修依舊， 食物的賣相 跟味道 亦沒變， 只是環境已經變得 有點 落寞寂寞， 人的心境 亦隨年月 變老了。。。 不要說我為賦新詞強說愁 我可是 為了寫食評 而變得文青(一笑)。喝 著 一口港式的

行經旺角肚餓，見到價錢ok就入去試下。黎到花園餐廳當然食扒，下午茶叫左個黑椒牛扒跟飯。個飯有菜有肉，個扒夠味，煎到皮夠脆。黑椒汁有d辣不過都幾好味。美中不足係員工態度麻麻。

特色海陸空三拼（肉眼牛扒、香草燒乳鴿半隻、南中國大虎蝦 （揀咗天使麵）最鍾意食麵包撈湯食，但佢個湯呢就有啲太咸，完全冇蘿「送」湯既味！跟住呢個侍應送野食黎，倒瀉咗我哋杯水，倒到成腳都係。。講返食物，牛扒5成，少少硬。個乳鴿就好細隻，味道頗咸。大虎蝦就啖啖肉。天使麵好乾好難食，建議食白飯！食完呢啲平價扒飲杯可樂真一流！

同朋友叫咗同一款西冷牛扒 7成熟同5成熟建議大家食7成，因為會淋好多，5成係超硬，我個friend 要吐返出黎。佢啲薯條又係淋一淋， 啲汁撈埋唔知食咗啲咩。同啲茶好大舊 都唔襯食扒。但見佢咁平都冇咩期望。7成就會好啲，雖然冇咩牛味。

星期五同班friend 放左工都7點幾啦，本身都預左今日會多人要等下位ge，點知經過花園餐廳又比我地見到有位wo，諗都唔洗諗就立即坐底醫肚la!!!黎到當然要鋸扒la~ 於是就叫左個肉眼牛扒餐配薯菜加蒜蓉汁，之後大家覺得食得太多肉有d唔好意思，所以決定試下佢地餐廳既雞肉沙律。肉眼扒雖然大塊，但叫左5成熟都係全熟上，味道就不過不失la......不過估唔到個沙律有surprise woo~~雞肉都份量都唔小，而且仲配搭新鮮菠蘿同西瓜，成個感覺好fresh!!!

真係好耐未食過咁難食的香港扒餐, 由餐湯麵包同所謂嘅扒到飲品都真係超級10分的難食 ! Worst dining experience in Hong Kong, don't waste your time or money here. We had the more pricy Angus beef which was at best chewy, and the lamb we had was terrible with a very strong lamb favour (in a negative way).....

朋友聚會臨時改了來花園餐廳，因為這𥚃不用等位又抵食。海陸空大餐，有乳鴿，大蝦和牛扒，配沙律或意粉。大蝦和牛味道ok, 但乳鴿非常瘦，基本上得層皮。而意粉分開另上，由於沒有汁，所以非常乾身又無味，朋友只食左小小就放棄了。沙律味道ok三文魚扒伴薯菜三文魚算大塊和厚身，煮得香口但薯條炸得太得火，而且放在底下上菜時基本上已經淋了。而最大問題不是在食物方面，而是餐廳通風問題，因大部分人食鐵板餐，店員淋汁時周圍好大煙，煙味充滿著整間餐廳實在令人不舒服，最後食完都不想多作停留，快快埋單走人。

未試過食一心唸住試下、結果極度失望⋯⋯吾好食又有個別幾個服務差個雜扒D肉又乾硬、黑汁又水又冇冷氣、...食野食到出哂汗簡直虐待用甘既價錢比快餐店都不如應該檢討一下