花月庭 (已結業)

帝京花月庭 在疫情下先睇衛生，收野換碟快又有分類所以人多都食得安心，今次用自助晚餐頭圍3大1小用Openrice 優惠訂埋單$1772，雖然今晚全場滿座，龍蝦🦞/生蠔/鵝肝/長腳蟹回本野任食長夾長有，基本上熱食、甜品都好多好夠，創意甜品重好鬼馬有牛丸、河粉造型，阿女都食得好滿足，老婆就唔洗講甜品樣樣試二口我包底！最終熱食只係試左一半就飽晒，海鮮係凍蝦麻麻其他都收貨，5:45-7:45以為好夠時間但真係太多食物款式，食最後到10分鐘已通知要交枱，但咁價同食物值得的！

星期一阿姨約了阿媽，在「新世紀廣場」旁邊「帝京酒店」裡面的餐廳「花月庭」請客，令我有機會享用人生第一次的「花月庭」自助餐，但是我忘記為手提電話充電，所以為了充電而稍遲一點出發，遲一點才能來到「帝京酒店」。雖然我之前曾經到過「新世紀廣場」，光顧商場裡面的食店，卻從未光顧過「帝京酒店」，跟享用過「花月庭」裡面的自助餐，「花月庭」自助餐每次在我身邊擦身而過，所以「花月庭」給我一種神秘感。尤其是「花月庭」的大門入口，跟「新世紀廣場」的通道連接在一起，所以我每次來到「新世紀廣場」，一途經看到「帝京酒店」跟「花月庭」，都會引起我對「花月庭」自助餐的好奇。阿姨以前曾經約在「新世紀廣場」見面，當時我曾經誤會在「花月庭」裡面食飯，怎料阿姨實際上其實約我在「新世紀廣場」裡面的食店見面，令我當時的我有點失望，直到今時今日。結果我第一次進入「帝京酒店」跟「花月庭」餐廳範圍之後，就發現實際上門光顧「花月庭」餐廳的食客人數，數目比我預期來得更多，餐廳實際環境相對比我預計來得比較嘈吵。即使「花月庭」實際上已經安排一張位置比較偏僻，環境比較寧靜一點的餐檯給我們，所以餐廳導致我每次出去領取食品、飲品和甜品，都需要步行一

企大門口的接待員態度差，語氣唔友善，同佢講野唔望人，直接叫客走食物質素下降，燒三文魚和辣子雞乾到樹皮咁，燒牛肉無牛味到中段無，茶碗蒸就蒸過龍發漲，磨菇湯死咸，生蠔排長龍但開蠔同洗蠔員工慢條斯埋，魚生show 出來有4種其中一款鯛魚無。只有燒味，同隔離湯粉麵檔可以。感覺成個場無心機做。

今次來到旺角的花月庭吃自助晚餐先介紹下每區有什麼食物海鮮區有加拿大翡翠螺, 麵包蟹, 海蝦, 新西蘭青口, 墨魚仔, 凍龍蝦, 雪花蟹爪, 藍青口沙律區有原隻36個月西班牙風乾火腿, 麵包, 4款芝士, 還有幾款沙律菜和已經拌勻的沙律冷盤有松子芝士羽衣甘藍配無花果黑醋汁, 意大利莎樂美腸, 煙三文魚伴續隨籽, 泰式柚子鮮蝦沙律, 雜錦凍肉, 西班牙辣肉腸, 青絲漬, 千本漬, 日式烏冬, 牛蒡漬, 玉子絲, 日本子薑 壽司有4款, 刺身有三文魚, 鯛魚, 吞拿魚, 油甘魚, 甜蝦, 八爪魚, 馬刀背, 魷魚旁邊有即開美國生蠔熟食區有南瓜天婦羅, 秋葵天婦羅, 灼蝦天婦羅, 蕃薯天婦羅, 燒茄子, 冬菇, 磽燒日本陸奧灣帆立貝, 蒲燒鰻魚串燒, 雞肉串燒煙三文魚白汁意粉, 砵酒牛肋肉, 韓式泡菜燒春雞, 比目魚檸檬牛油汁, 海鮮花膠燉牛乳蛋白, 葡式白酒檸檬煮青口, 竹笙花膠扒時蔬, 炒雜菜, 燒新薯, 印度薄餅, 印度薄脆印度咖哩雞, 黃咖哩雜菜, 即制粉麵, 片皮鴨, 叉燒, 海南雞, 燒肉清蒸沙巴, 薑蔥炒龍蝦鉗, 台式鮑魚鹵肉煲, 草莓落神花蜜餞排骨, 川味豬手, 金蒜蟹肉糯米飯

今次的中午自助餐，雖然較之前少了部分美食，如鵝肝， 烤牛肉羊肉架， 但覺得整體來說種類都大致算多而且食物味道不錯， 特別是甜品🍮有很多款式供應。餐廳的🍴環境都很舒適 又乾淨， 侍應服務到位， 是值得推介給朋友到來

因為疫情關係已經好耐冇食Buffet 啦今次簡左lunch 既第2節（14：45-17：00），時間可以吾洗咁趕我地早左10分鐘到，前面已經有幾位婆婆排緊隊，入場都好順利，流程好快我地安排左係近甜品區4人枱全場入座率都好高，所以都幾多人擺低野就去拎野食啦涷海鮮有蝦，蜆，青口 種類比較小，係有啲失望既，好彩蝦吾錯即開生蠔吾算細隻，但係實在太多太多人排隊所以只係拎左2隻刺身新鮮茶蒸蛋呢個好滑，食左3杯粉麵檔有幾款煮料選擇，我簡左全部小粉海南雞飯吾錯，雞好滑而冇血水油飯好香，雖然已經好飽但都食哂粟米烏冬 你以為係?錯啦 其實佢係一個啫喱 扮烏冬味道就一般啦 比較甜但真係好過癮，打卡一流甜品種類係好多好多，鍾意食甜品應該會失控左葡撻最後最重要當然要食雪糕做結尾啦

帝京酒店推出自助早餐$98,時間07：00-10：00.用餐時間合適，食物種類算ok。粥粉麵飯、奄列煎蛋烚蛋滾麵沙律菜水果樣樣齊。值得推介麵包蛋糕不錯，種類很多。以$98全包早餐值得一試，供應期只限星期六、日和假期。

每次有朋友問我邊間自助餐好食，花月庭一定係其中一間。食品種類多，味道又能保持水準，全時段由6點食到10點，可以慢慢食，坊間好多酒店其實都做唔到食足4個鐘。價錢又好多時都有優惠，係公眾假期都有優惠，又有小童價、長者價，家庭飯聚啱晒。性價比真係高嘅。今次復活節假期去食，當然有應節嘅復活蛋，仲有賓尼兔同客人映相，大人小朋友都玩得食得好開心。推介食品：澳洲A5和牛、海南雞飯、長腳蟹、燉湯、燒鰻魚、各式甜品（葡tart、雞蛋仔😋）

睇到酒店推出以芒果為主題嘅自助餐，而且用指定信用卡有72折優惠，平均每人$270左右，都算好合理，所以就預訂左兩位去試下。可惜去到現場嘅時候發現並沒有很多以芒果為題的食物，整體提供的食物同一般酒店自助餐嘅無太大分別，這點的確有d失望，畢竟我地係為芒果而來的😣不過整體食物質素都算不錯，特別是生蠔同埋三文魚刺身，前後都encore左3次😋甜品方面，窩夫都真心推薦嘅👍🏻keep住有新鮮出爐，趁佢仲熱嘅時候即刻去攞埋movenpick雪糕，等於食左set窩夫+雪糕😬👍🏻

很久沒吃自助餐，今早突然想起花月庭，就立即訂座，幸好還有座位，而且職員說可以使用Openrice優惠劵，使用優惠後，第一時段(12pm-2:30pm)淨價$258/位; 而第二時段(2:45pm-5pm)淨價$228/位。相比其他酒店，它是較經濟的選擇。我們選了第一時段，不過入座時有點小插曲，職員說沒有我的訂座記錄，優惠劵亦不能使用，當下有點生氣，爭拗了一陣子，最後職員說可以酌情安排我們入座，用詞上其實讓人聽了不舒服，但不管了，反正這是我們應該獲得的安排。座位距離食物區不算太遠，尚算方便；餐廳當日入座率約九成，食客雖多但環境不會太嘈雜；而且我們坐的是四人檯，活動空間更多，所以很舒適。事不宜遲，立即到食物區取餐點。午市的凍海鮮中，最多人取生蠔，無時無刻都見食客排隊，其他凍海鮮就比較普通，都是凍蝦、蜆和青口等，沒發現蟹腳。刺身方面有八爪魚和三文魚等，不過個人對凍海鮮和刺身沒太大興趣，畢竟以往吃太多，吃膩了，所以比較偏向主攻熱葷和甜品。熱葷款式選擇不整體質素屬中上，特別推薦雜菌忌廉湯和三文魚忌廉意粉。雜菌忌廉湯單看顏色似模似樣，喝了一口果然沒失望。湯以雜菌為主角，雜菌沒完全攪成蓉，還保留碎粒

見廣告話轉做芒果promotion所以又book咗一次食呢間嘢，今次唔知係因為人流比上次多定還是啲食物真係比上次少？ 燒牛肉一出就冇曬，終於等到第二轉前面有個先生叫阿姐切厚啲，我喺後面見到前面嗰啲全部都切到勁薄歪離歪斜，到我嗰陣時我問阿姐可唔可以畀多塊我？佢即時黑我面，砌完之後 求其拮落隻碟度勁似喺垃圾堆中摷出嚟， 其實上次食評我已經講過呢個位啲職員，當日個男服務員又係咁嘅態度結果今日轉咗個女人態度都冇變。到食甜品，蛋糕好吸引但係味道一般，說好的芒果主題勁少。有個食客攞蛋糕唔知係佢攞得慢定咩原因？個侍應要攞走個盤refill，但人哋都未夾完佢就已經拎起個盤 結果人哋出聲話佢，個侍應又即刻黑面， 其實想問下花月庭的服務員有冇接受training嘅呢？今日因為冇嘢好食所以冇影到相。

疫情之下, 真係好耐無食過自助餐, 但難得慶祝生日, LUNCH BUFFET都係不二之選黎, 最主要係午市佢都有生蠔任食環境可算係金碧輝煌, 不過以酒店黎講, 哩個係基本黎既. 店員非常小心謹慎, 以免引致疫情爆發, 既有執枱專員之外, 每枱既餐具亦都用保鮮紙包好係盒入面, 令食客可以食得安心又放心生蠔係來自美國既, 有專員負責開蠔, 仲會清洗10秒, 以保障衛生, 雖然用水洗走左部份海水味, 但仍然保留倒咸味同蠔味, 所以總共食左大概20隻, 應該回到本喇卦, 不過每次排隊只可以拎2隻, 所以都花左唔少時間刺身款色比一般多1款, 三文魚, 吞拿魚, 鯛魚, 醋青魚同魷魚, 三文魚非常濃郁, 其他就中規中舉啦飲品款色唔算太多, 不過柑桔綠茶都算幾特別, 都飲得出少許茶味熟食黎講都KEEP倒水準, 較為特別既係有牛蒡漬, 爽口之餘可以開下胃, 仲有需要推介既炸椒鹽三文魚, 本身熟既三文魚我係麻麻既, 但站於每款都試一下既心態, 居然有意外驚喜, 外脆內軟之餘, 入面仲好夠味, 應該都有醃過黎甜品款式都好多, 不過留意既係, 部份甜品食完, 會換另一款, 如果有心頭好, 就最好拎左先稍為

▶️呢排係咁食自助餐😆難得就到屋企人平日放假，帶兩老去食自助午餐，佢地唔鐘意夜晚食咁heavy🙈細個佢地帶我周圍去，大咗到我帶佢地周圍去☺️凍海鮮🦐🦪凍海鮮款唔多，青口幾鮮甜，墨魚仔無咩味，屋企人拎嗰啲蝦🦐大隻就爽口，我嗰啲細隻就唔太爽😩冷盤🥗🍣鴨胸有調味好食；係咁食Parma Ham配蜜瓜🍈勁爽，不過好多時都畀人清曬，refill比較慢🙈M5和牛🥩全餐最好食，好油香好軟淋，不過佢出完牛就會出火腿再出燒腩仔，輪流出減少成本，所以拎完一次牛之後就冇得再拎到😔熱盤🥘🍝🍲🍛🍜味道正常，咕嚕肉幾好食，酸酸甜甜唔會淋曬😋甜品🍰🥧🍮🍩🧁🍨🍧cake🍰🥧幾好食，做得唔錯；雪糕🍨係Movenpick，最正隔離有啲台式甜品配料同爆爆珠🟠可以落，即刻豐富咗😋⚛️凍海鮮失色d，都有生蠔🦪頂住，不過我個人就唔係好食生蠔；熱盤熟食幾好，幾適合帶屋企人去👍

一個人孤零零食嘢又好想食自助餐見到openrice訂枱竟然可以一個人即時book啦😍！仲要淨價$258, 比上次食嘅同區噏耷酒店仲要抵，嗰間咁嘅嘢仲要冇嘢食😑 依間嘢食種類尚算多，兼且有埋生蠔仲想點👍 最愛都係佢嘅甜品啲蛋糕超靚超好味😋❤因為疫情關係見佢分返開執枱專員的確係好注重衛生，但客戶服務態度一般，尤其切肉部的男服務員和雪糕的女服務員態度差，好像人家要多件佢要做多樣嘢咁。

一嚟到行一圈已經覺得超級多嘢食！首先食海鮮，大大隻開邊龍蝦爽口彈牙，啲蝦都好正，隻隻勁爽甜，feel到真係好新鮮！長腳蟹好重海水味好好食，而且啲肉質都夠實淨！青口對比下相對普通，比較淡。生豪要排隊攞，一次可以攞兩隻，唔算好大隻但都新鮮嘅。之後試咗我今次嚟嘅target! 片皮鴨同鵝肝多士！片皮鴨自助餐嚟講算幾好，幾香，師傅唔會片得太細塊同埋會黐啲鴨肉，唔錯，同埋包住嗰塊皮唔會太厚太硬。我最後食咗五塊！鵝肝自然甘香，如果再煎得金黃少少就更perfect! 多士真係好脆，就算索咗鵝肝啲油都唔會覺得好膩！最後個醬係我最欣賞嘅！佢係芒果醬，酸酸甜甜估唔到同鵝肝咁夾，食落令成件事清新啲！另外都值得提呢個排隊切嘅牛同羊架。個牛好稔！稔到好似炆牛𦟌咁，加埋個燒肉汁超好食！羊架都係啱啱好粉紅色，醃得好入味唔洗點汁都得，食嗰陣撥開面頭啲香草就冇咁鹹！不過個燒M5和牛就令我有少少失望，個汁同黑椒蓋過咗本身片牛肉嘅牛味，同埋燒得過咗少少龍，食唔出係靚牛肉。仲有好多其他嘢食，但其實都試唔晒所有，真係太多款啦！甜品都有好多款，蛋糕、奶凍、啫喱、豆腐花、朱古力噴泉、連芋圓都有，仲有8隻味嘅movenpick雪糕！