花果山 (已搬遷) 新店位置

小弟喜愛榴槤，但係又唔受得，次次食完，無論食返幾多個山竹，第二日都係會唔舒服。所以好多時都會食榴槤製品，滿足下自己。今日見到呢個飲品店，好多人排隊，應該無死。仲見到有幾樣榴槤製飲品，就決定買杯試下。一般榴槤飲品，都以好榴槤為賣點，即係成個榴槤拎去搾汁，係好味，但我不如食個榴槤？所以我揀咗個奶蓋榴槤鍚蘭紅茶。貪佢有榴槤香得嚟又唔會太漏，幾解渴。但加咗奶蓋，又唔會好淡味，整體杯嘢做得好平衡，我覺得難得有榴槤味得嚟又唔會淨係得榴槤味。

依間喺廣華醫院對面嘅小食茶飲店而家告急！見最近都好多人網上介紹、經過見到大排長龍好多人幫襯💪🏻負責人係藍帶廚，小店主打榴槤系列，見比較多人介紹貓山王沙冰。💛黃店認證：8.12全日播放903還我們共議節目；6.12罷市；6.16悼念義士；貼滿文宣和連儂牆。👓 真。榴槤白咖啡 $35一開始飲落去有榴槤味都有咖啡味但冇特別香，唔重咖啡味，飲完冇咖啡嘅餘韻，飲飲下似飲緊咖啡水冇榴槤味添，質地比較水，大家都係飲返個招牌榴槤沙冰算啦🤗本身好想試埋小食尤其個西班牙油炸鬼，但五點幾去到所有小食已經售罄☹️評分：6/10

早前喺FB見到關於喱間黃店既告急Post，知道係喺旺角個頭，小編今日同同事食完Lunch就即刻去「懲罰」佢啦!!!🙌🏻喱間手搖黃店，雖然唔係其他台式飲料店咁，有黑糖珍珠比你揀，但佢都仲有好多特色野飲嫁!!!好似 #榴槤系列 & #枇杷膏系列 咁，不過小編就不了😅 佢仲有 #沖繩黑糖香蕉沙冰 、#玫瑰奶 等等，真係好特別!🤩.#玫瑰龍眼蜜 #無糖 #熱飲不過小編想養下生，雖然今日有成24/25度，中午又大大個太陽」🌞，但小編都係選擇入熱飲!!😝 橫掂戴住口罩喺街飲野都有dd麻煩，所以買熱飲帶返office飲都ok😎小編問清楚無糖係走果糖既意思，但係因為龍眼蜜既關係，杯野飲都係有甜味既，但就唔會過甜搞到好難入口~而且飲落去個下龍眼味都幾濃，不過就好似冇咩玫瑰味，但係味道都係唔錯既，好滋潤既感覺🥰🍵小編同事飲 #話梅青檸梳打 ，佢地話味道都唔錯啊，叫左半糖岩岩好，只係去到尾當d冰溶左就係淡左少少🙊.🏆 「豬」味指數：7/10📌 溫馨提示：小編明白大家喱排都可能比較少出街，或者放工都會即刻返屋企。但正因為咁，唔少黃店都經歷緊難關，好需要大家既支持，大大力「懲罰」先可以幫佢地渡過!香港人．要一齊

女人就係要養生呢間有好多唔同嘅養生飲品都有關東煮😜店內都有幾個位，可以坐下學生同醫護都有優惠良心商店✨今次比佢嗰羅漢果薑茶吸引✨一飲好重羅漢果同薑味完全足料🌟天氣小小涼，一飲好驅寒成身暖曬羅漢果飲完，喉嚨好舒服不過呢間店就做唔住，希望大家支持下

細細間但有野食有野飲有得坐😁店內好好文宣poster仲有香港貼紙拎洛神花蜂蜜梳打好重蜜糖味！而唔係糖水，依家天氣乾燥岩哂酸酸甜甜好開胃，好大杯不過要趁冰融之前飲哂，唔係就會好淡架啦！

呢間黃店幫襯過幾次，每次都唔記得寫食評。成間舖都貼晒文宣，早係6月已經好投入反送中。8月903播還我們公義，佢間舖全日播。fb見佢出post派水同暗示請手足。老細仲整左唔文宣貼紙果啲隨便攞。佢啲野飲好特別，出面飲唔到。你唔會揾到珍珠同奶茶，但佢有榴槤、白咖啡、梳打同沙冰，飲完無痴肥既罪咎感覺。最近佢改左menu，多左爆谷、關東煮同飯糰，亦發現限時枇杷膏系列，就試一試佢。$34 枇杷膏梳打本身枇杷膏咪有種涼喉既感覺既，冰凍梳打絕對係將呢個感覺昇華。飲完成個喉嚨好潤，希望無咁易賴武漢野啦

這店常常沒顧客光顧，看似很冷清。但從食評中得知榴槤飲品出名，便嘗試一下。 若單喝珍珠奶茶，價錢比一般店貴少少。 既然嚟到，決定再加多少少錢飲榴槤奶蓋！平時好少見到有舖頭有榴槤奶蓋，一喝有啖啖榴槤味，值得一試，四季春茶底清香👍畀我見到有飯團單張，睇落好吸引，但當日太飽食唔落，得知呢間舖頭平時七點左右開門專售飯糰，決定隔幾日黎幫襯。某日行山買咗兩個飯糰同一杯茶( 每個飯糰盛惠12蚊，價錢抵😋；另加8蚊有茶 / 白咖啡）飯糰材料豐富， 一咬落去淡淡三文魚肉，豐富omega 3 🤣🤣。 好啱平時行山遠足或者買返工食 😋 又多一個選擇估唔到小小一間鋪頭都特登安排堂食！平時行街可以嚟呢度坐下飲杯嘢，我見佢哋仲有賣西班牙油炸鬼！！ 下次可以同朋友呢度食下午茶😍😍😍

💛💛💛冬季必備💛💛💛今日轉涼，得番13度☃️☃️🌬🌬🛎羅漢果薑茶🥤🥤🥤暖入心平時我係一個好怕飲養生茶既女仔，但喱款薑茶飲完暖笠笠之餘，因為有羅漢果中和，唔會一味死辣，一飲落去，成個人暖晒😋😋😋另外朋友叫左🛎青檸話梅梳打🥤🥤🥤，佢話配搭非常清新，甜甜酸酸，唔似一般鋪頭一味化學味死甜，健康之餘有冇罪惡感咁嘅嘢飲！！！😋😋😋佢話飲完非常開胃，睇黎我下次都要試下先

榴槤比價千金，入口飄逸香踪，果鮮揮去卻不去，食後滿咀馥郁。榴槤甚高價，一小碗榴槤蓉已值超過百元。果皇榴槤入饌食品多，飲品較少。熱飲可混和雞湯，凍飲宜製沙冰。「榴槤令我多相思，今次又相見」。此店是東南亞飲品店，半泰半台風情。貓山皇沙冰濃郁，很重本，份量十足。高座位舒適，有韓風，夠年輕活力。今日有杯套送，性價比高。「香甜味兒薰薰，春心醉又軟」。真材實料，可用混和甚麼。榴蓉流溢甘甜。不同凡香，齒頰留香。加奶蓋和紅茶，則會沖淡榴槤香。除非加12元特濃吧。

主要賣飲品，不過唔係一般台式飲品🙅有榴槤既飲品同小食，又有梳打系列同沙冰系列既飲品，感覺上似偏向泰國、新加坡多啲🇹🇭🇸🇬----------榴槤奶蓋錫蘭紅茶 (走冰) $35一拎到手，即刻飲下個榴槤奶蓋，係清楚飲倒榴槤味既👍不過同紅茶攪勻之後...榴槤味消失左😭係咪應該要加$12追加特濃榴槤先得😔榴槤煎堆 (3粒) $32 跟飲品減$10即叫即炸，食落好香白芝麻味😍咬開有榴槤流心，亦都有榴槤香，不錯吃😉

突然之間起榴連引，見到旺角有間主打榴連飲品嘅小店，即刻用Openrice外賣自取個功能，先落單，再去拎，唔使等，慳好多時間。嗌左一個榴連冰沙少甜，好香榴連味，感覺到佢好足料，唔會太甜。成杯重dupdup，好結身，唔會好似坊間有D冰沙好水嘅感覺，而且唔會有大舊嘅冰塊，口感好滑好軟，夾住d果肉，榴連控都表示好滿意，非常適合一路行街一路飲，飲晒成杯直頭有少少飽肚嘅感覺，一定會再幫襯！見到佢有榴連加咖啡或者茶嘅飲品，下次可以試吓

首先，我不知道孫悟空喜不喜歡榴槤，但若果我是孫悟空，花果山內部是這樣好像也不錯下午經過登打士街，有一點點的肚餓，可是不想吃正餐，路過看見有試食，便本著「有食唔食 罪大惡極」的心態試食舖頭賣的椰子醬，若果只跟陪襯的梳打餅，會顯得偏甜，但卻掩蓋不了椰絲的口感跟滿口濃濃的椰子味，資料搜集後發現店舖的招牌鬼佬油炸鬼好像評價不錯，便買下一嚐下午茶時間，沒有人等候，老闆即叫即炸，送上來的時候外脆內軟，油膩炸物反而跟濃味的椰子醬配合得恰到好處，再加上一杯酸澀的西柚四季春作平衡，這樣下午茶的份量剛剛好可惜本人不好榴槤，眼看店舖還有其他推介，還請其他食家品評

經過好多次終於飲到 飲品選擇好多 企左係menu前面最後選左話梅青檸梳打 其中一幅牆用竹同熊貓🐼裝飾 用黎做打卡背景岩曬📸 $28禁大杯好抵 話梅同青檸配搭真正做到酸甜合一🙆🏻‍♀️ 加埋梳打飲完Gur曬🤤

本身都鐘意食榴連，上網見到有呢一間花果山話有榴連沙冰當然要去試吓啦！係廣華醫院附近，地點好易揾。近幾年香港係咁開咩黑糖乜乜乜呀，都比較少見其他類型同有創意嘅飲品鋪頭。所以有呢類型嘅鋪頭就想試吓，而且我又鐘意食榴連喎，其實價錢都唔算貴，比起黑糖乜乜黎講叫平添。叫咗嘢飲後，好快就已經有得拎。飲第一啖！嘩！好有榴連味，好香，同你食榴連嘅味道差唔多！又凍又好味，真係唔錯！飲到尾都仲有好香嘅榴連味！值得推介比大家

-香港有churros吃的地方不多😫今次介紹這家位於旺角👩🏼‍💻主打好多榴槤的東東👀 《花果山》❇️榴槤煎堆 3粒（$28）係勁濃榴槤味😂🤝怕榴槤的人請彈開同埋呢個嘢都幾濟 你預飽好耐🥨西班牙油炸鬼 椰子味 （$28）我對churros 好偏心的🤭所以我係一定覺得好食💁🏼‍♀️佢有得揀椰子醬/榴槤醬👍🏻圖中果兩杯嘢飲我已經唔記得係咩😂所以唔好問我 不過有少少後悔冇試佢個榴槤白咖啡沙冰/貓山王沙冰🧐🤤🤤🤤所以決定下次會再去🤝👅