花果山 (已搬遷) 新店位置

咁炎熱既天氣，行街行到出晒汗點知俾我係旺角揾到呢間花果山百香果芒果沙冰百香果加上芒果，唔會太甜，仲幾夾足料，仲有果肉添,加上咁熱既天氣，消暑一流另外果杯是百香果青檸梳打酸酸地又甜甜地，係幾得意，重點係真係解渴係好飲

朋友介紹我嚟呢度飲佢嘅招牌特飲：貓山王沙冰貓山王沙冰除咗睇到一嚿嚿嘅果肉，仲食得到佢嘅果creamy嘅果肉添，真材實料，味道濃郁！我極力推薦鍾意食榴槤嘅朋友，一定要黎試吓😆😆😆

第二次幫襯花果山～榴槤奶蓋炭培鐵觀音係店長推介，杯有成40%嘅榴槤奶蓋一如既往咁香滑🤤炭焙鐵觀音嘅比普通鐵觀音香醇濃郁，多左陣煲窿野嘅味，好飲過_狼嗰個多多聲😎至於Churros，平時係蘇豪區至少$60一碟，但間間都係一般貨色🤔今日終於食到稱得上好食嘅Churros！基本上佢係新鮮現炸，你落order佢先會落鍋，所以食落零舍香脆，熱辣辣！點埋佢個榴槤醬真係不得了，濃厚！好味！呢間舖，我同媽媽呢啲好鍾意食榴槤嘅人好似上咗天堂咁🤤推介😋😋-榴槤奶蓋炭培鐵觀音 | $35西班牙油炸鬼 （榴槤味）| $32-

呢日去旺角同朋友買野，經過見到呢間花果山又有野食又有野飲就試下佢啦～門面好闊落，仲有啲高枱俾你慢慢飲。Menu 上都有幾多選擇，大部分都係水果花茶類，同埋仲有小食選擇。沖繩黑糖香蕉沙冰呢個個人推介，入落口個口感有啲似milkshake，唔易溶。佢有黑糖香味加上香蕉味，唔會太甜。份量方面佢幾大杯。洛神花蜜原本係叫玫瑰花蜜，可能聽錯咗，拎到手係洛神花蜜。不過呢個都唔錯，幾清香，只係比較甜，唔想飲咁甜既朋友就記得少甜啦～Churros (椰子）一上手就見到個churros 比較深色，應該炸耐咗少少。食落口都脆既，不過粉感較重同比較油，有進步空間呢。

今日係nike5麥花臣八強賽， 企足成朝支持朋友， 望下個溫度計已經有成30度， 又熱又攰， 超級辛苦。 已經曬到食唔落飯， 淨係想飲嘢， 諗起朋友講過話有一間飲榴槤奶蓋出色嘅舖頭，上網search左名出發。位置就正喺廣華醫院後門對面， 廣華街1號 ，附近全部都係小食店， 舖頭名叫花果山。我眼中只有榴槤飲品， 真係超級熱，飲咗榴槤沙冰， 店員話加多12蚊可以多一球榴槤蓉, 講真杯嘢本身都42蚊， 都唔爭在加多一球12蚊， 價值54蚊嘅嘢飲，味道真係好榴槤。加埋榴槤蓉果肉， 真係流連忘返， 至於個榴槤煎堆我就覺得麻麻地， 外層炸到太燶， 榴槤用都ok嘅。整體而言，我會推薦飲品。

早前在某網媒見到宣傳有高質榴蓮飲品，而且在旺角，地點近廣華那邊。對於榴蓮愛好者的我來說十二分想去。可惜現實與理想總是出現偏差，而且是次偏差不只一點點我叫了榴蓮四季香，35塊，茶還算不錯但是！ 說好的榴蓮呢？ 非常淡！而且喝起來就像榴蓮加了大量水那種不自然的淡（而不是本來的香料淡或榴蓮淡，儘量描述了，希望能明白）那裏可以多加12塊追加特濃榴蓮，我沒有，可能這就是淡成這樣的原因？唯有這樣安慰自己吧。。。但35加12，47塊的飲品，我覺得有更多更好的選擇，不值放在這家。總的來說真的挺失望，因為這家店是打著榴蓮飲品的旗號作招來，環境還好，但品質卻真的不敢恭維

第一次飲招牌榴槤沙冰，好重榴槤果香，係冬天飲特別有感覺，而且總食到好多果肉，真係好正，飲完一杯我覺得都唔洗點食晚飯。然後第二次再飲榴槤白咖啡，都冇令我失望，都好好味，亦都好多果肉，又可以選少甜，岩曬口味。那個西班牙油炸鬼都幾特別，十分脆口。加上又要點上冷既榴槤果黎，一凍一熱的味十分特別。佢地現在總好好有特別套餐，就係與長薯條的店一起合作的優惠，可以一次過享用兩間店，十分優惠。而且店主總好細心解釋，希望大家支持呢間小店

作為一個忠實既榴槤狂，我真係太天真喇，不過有D野唔試過或者聽過人講真係唔會知，所以睇左廣告既我又被騙喇，個廣告話呢間有賣榴槤奶蓋既茶，又話多榴槤，榴槤控必飲咁樣，滿心歡喜既我直衝過黎飲，諗住係旺角開得店既，起碼有歇腳亭、天仁既質素啦，點知我真心失望lor。一杯要35蚊既榴槤奶蓋茶聽落不錯，我仲特登好興奮咁加左12蚊要埋個特濃榴槤，去到47蚊一杯，我心諗起碼去到喜茶級數掛，點知，我得到既係一杯勁稀既榴槤奶蓋外加一杯冇咩味既茶，真心唔知想點，係有幾粒榴槤碎，我也是醉了，但係一DD都唔好飲，我俾盡杯野真係最多賣20蚊，唔明點解會夠膽賣咁貴，又唔好飲，呢個價錢真心夠我買舊榴槤食喇! 希望之後可以改善下啦，最起碼要對得起特濃呢兩個字啦!

細細個唔中意食榴槤🤣結果望住屋企人食，望望下就開始食😛呢間鋪頭仔專賣榴槤飲品同食物😛望到花果山呢個名好自然諗起孫悟空🤣#榴槤奶蓋錫蘭紅茶 ($35)😋好味指數：(6.5/10)個榴槤奶蓋都厚，不過如果想再重味啲仲可以追加榴槤😎飲落去紅茶味都幾香，而且都幾解渴😆不過唯獨係個奶蓋沉得比較快🤔.#貓山王沙冰 ($42)😋好味指數：(7/10)上網見到人大讚，講到好重榴槤味🤣飲落去榴槤味的確幾香，不過我就覺得冇人地講到咁誇張，唔算太濃味🤔或者要追加特濃榴槤啦~最開心係都有幾多一榴槤肉係入面😗都可以一試😛.#西班牙油炸鬼 榴槤味 ($28)😋好味指數：(7.5/10)一拎上手都幾辣下😛炸得外脆內軟，食落去咸咸地咁🤣個榴槤醬係凍凍地，甜甜地咁，榴槤味道都幾濃郁，mix埋一齊食口感幾特別😙小編覺得可以一開始唔點醬咬一啖，之後先再點醬食，試下本身嘅味道😎

早排碌ig，無意間見到呢間店嘅廣告，話榴槤奶蓋好正，仲大大舊榴槤蓉加落去，啖啖榴槤咁話。作為剛剛喜歡上食榴槤嘅人，立即約埋2個榴槤狂熱fd去試價錢真心貴，一杯奶蓋茶都要35蚊，追加榴槤之後成47蚊！呢個價錢真係分分鐘貴過一餐飯。不過我地心諗一分錢一分貨就狠心試試。一試真係火都黎埋，首先奶蓋好稀。講到奶蓋，大家都會聯想到飲品表面好濃好creamy嗰一層，我仲滿心歡喜想一啖飲到又濃又潔嘅榴槤奶蓋，點知佢稀到好似一層浮在面嘅奶咁，最離譜嘅係，你會睇住佢上面層奶蓋慢慢下沉然後融化唔見。至於榴槤味...真係淡...我地3個一飲就皺眉。就算飲到底，都唔覺有幾重榴槤味。本身都唔太高興，當諗起我地係加咗12蚊去追加“特濃”榴槤時，更覺得不值😠（公道d講句，的確個底下偶爾係有幾粒榴槤肉，但真係“偶爾幾粒”而已）至於茶底，我叫嘅係四季春。平心而論茶味都冇，加咗糖之後比較似杯糖水。而當上面層“奶蓋”融咗落底之後，成個味道就似係出面賣十幾蚊好平嘅嗰種奶茶。成杯飲品而言，我唔會話佢難飲，但真心唔值呢個價錢，尤其佢聲稱加12蚊係追加“特濃”榴槤，更令我覺得唔值。呢個價錢買一塊榴槤返黎食都得。後記：我朋友就比較嘴叼

新開主打榴槤嘅小店🎉🎉老實說 我本身非常麻麻榴槤 只會食放題嘅榴槤炸彈 點知呢間又好有驚喜喎👍👍.💛榴槤芝士球$28💛即炸嘅 影相攤凍咗都仲係好脆 芝士非常拉絲(凍咗效果仲好) 中間有榴槤蓉 同芝士嘅咸香好夾 假如多啲榴槤蓉就仲正🙈.🍡churros 配榴槤醬/椰子醬$28🍡兩款醬都好好食 榴槤醬堅重料 好濃香😍😍仲食到果肉 椰子醬就有椰絲 同樣香濃 但甜少少 兩個醬都清曬 超推薦👍👍(本應係)主角嘅churros亦唔會過油膩 外脆內軟 同樣正😋.🍶榴槤奶蓋$35🍶🍌黑糖香蕉沙冰$28🍌好有驚喜嘅榴槤奶蓋 奶蓋令榴槤更順口 奶香與榴槤很夾 同時吃到果肉 茶很少甜 有茶甘香 假如奶蓋再厚層就更好🙊.黑糖香蕉出奇地配 用原條香蕉打成沙冰 黑糖唔算好濃 而且覺得用多條香蕉都得 但呢個唔會好甜 幾好飲🍌🍌

旺角廣華街一帶全部都被街頭小吃同台式茶飲佔據曬～對選擇困難患者黎講可能唔係好事😂事關選擇真係好好好多⋯⋯不過其實細心啲睇，間間都有獨特之處，主要都係睇返自己嘅喜好黎揀，好似我個人好多時都鍾意飲簡單清茶，芝士奶蓋、珍珠⋯⋯唔係唔好，只係我通常係食飽左先飲，所以只飲得落清茶😅行完成條街最後揀左無論門面同內部裝潢都好清新嘅『花果山』一入到去感覺好舒服，成個環境同『花果山』好夾👍🏼佈置得好細緻睇得出店家嘅用心講返杯飲品，一開始係睇到玫瑰山楂蜜先嘅，不過後尾俾個「👍🏼」吸引左，所以最後揀左玫瑰龍眼蜜😅飲落無想像中咁滋潤，反而可能蜜糖落重手左，令到成杯野太甜，甜到⋯⋯飲完會想飲杯水沖一沖個口嗰種😕不過除左裝飾抵贊，店員服務都好友善，有機會會試埋其他飲品💕

旺角肥姐小食店再行前少少有間新開、主打榴槤嘅茶飲店。榴槤控絕對要去試吓😚小食亦有驚喜！小店亦有提供非榴槤嘅飲品，所以叫個唔係榴槤控嘅朋友陪你去試都得🤣.個churros(西班牙油炸鬼)好高質！係必食之選。咬落外層微微脆身，入面好鬆軟，點上椰子醬或榴槤醬食，真係好match好好食，推介！椰子醬同榴槤醬係店家自己特別調配，食落兩者都香甜而帶有點奶香、椰子味/榴槤味唔會假，對我嚟講兩款醬都係必叫必試！平時食西班牙油炸鬼會驚好油膩咁，但呢個就炸得幾乾爽，食落罪惡感少好多🙈大家可以唔洗顧儀咁食，我地都係用手慢慢搣嚟食😚咁先方便點醬🤣.炸芝士條我都食過唔少次，但炸榴槤芝士條我都係第一次食。食落榴槤味同芝士味好平衡，一次過滿足我兩個願望(榴槤+芝士!!!)🤟🏻芝士同榴槤冇話其中一樣特別搶fo，兩者味道都食得到👍🏻我以前喺其他地方食過啲係冇芝士味&芝士同炸皮會分離嘅炸芝士條🤔但呢到嘅芝士條就絕對冇呢啲情況。所以我覺得佢地呢個炸榴槤芝士條係做得幾好😚.貓山王沙冰好真材實料！本身都覺得有啲啲貴，但其實好大杯，兩個人share一杯都得(雖然我係一個人ko咗成杯😝)標明係用咗貓山王榴槤，飲落會飲到唔少榴槤蓉👍

夜猛猛又係嘴饞既時候，經過見到一間小食舖 🌸花果山🌸 被佢名子吸引了。一看之下係 平時很少見，當然要一試吧。仲咁岩撞正店主返，有幸一睹年青既老闆添。哈哈..貓山王沙冰🐱🍹貴為小店既招牌款式，作為榴槤控既我 當然要一試吧。大大杯既特飲，榴槤味真係勁重 仲見到粒粒既果肉，睇得見亦都食得到。飲到底既榴槤味都一樣咁濃郁 真係真材實料又足料，必試呢。沖繩黑糖香蕉沙冰🍌🍹同行朋友唔食榴槤，咁就幫佢揀款non榴槤啦。香蕉既特飲一向都係好討好，再配上沖繩黑糖感覺健康得多 亦好足料，而佢黑糖獨有既味道很有古早味呢。西班牙油炸鬼 (榴槤味) 🇪🇸🥨作為一個榴槤控，小食當然都要揀返榴槤味啦。自家製既麵糊，即叫即炸 熱辣辣 香噴噴，品質當然有保證。外面好香脆`內裡又軟香，就咁食已經好好味。真係外脆內軟 榴槤香❤️ 再點上甜甜既榴槤醬，真係好濃郁`好滿足，愈食愈滋味添。..什麼是 ❓原來🌸花果山🌸 真係會令人一試愛上架。作為榴槤控的我 找不到不愛既理由。。必試喔❤️

今次去到此店一試貓山王沙冰及西班牙油炸鬼榴槤味。沙冰味道濃郁，少少甜，帶有少少榴槤肉。而且可加$12以得到更多榴槤蓉，令榴槤味更香濃。西班牙油炸鬼，即叫即炸，成品賣相美，熱熱的，點上冷冷的榴槤醬，外冷內熱脆，超好食。榴槤醬的味超濃。店員非常好人，會主動問你的要求及會提醒你少心熱等等。店內沒有座位但有站位，及三張枱。小提示，記得先飲沙冰再食小食，因為榴槤醬比沙冰更濃味，先食再飲會令你品嚐不到沙冰的香濃