花果山 (已搬遷) 新店位置

#黄店告急 #營業至本月29號話說收到風呢間黄店即將慘痛結業嘅消息🤧🤧速速就嚟朝聖捧場至得啦！！希望喺不久嘅將來有緣再聚💪💪💪大家快啲去撐撐場啦！！！·椰青沙冰 $28清清甜甜嘅椰青味好fresh^^啱鍾意唔太甜嘅朋友·白桃益力多沙冰 $32呢杯大得細路歡心^^好香白桃味+甜甜嘅乳酸好match!!·P.s.打算抽多一次時間去試埋杯好評嘅貓山王沙冰🤤睇吓我哋有冇緣撞到見個面吖☺️☺️·花果山旺角廣華街1 號仁安大廈地下24A號·

知道呢間黃店告急💛 就緊係去打救一下啦～佢主打嘅係榴槤奶蓋 但因為唔食榴槤就叫咗其他喇飲品選擇唔算好多 揀咗杯百香果鮮茶 不過可能因為佢太忙嘅關係啦 叫咗無糖但係唔記得幫我走糖😭 第一啖飲落去即刻感覺到有少少糖水味⋯ 不過勝在百香果味清甜 亦感受到香醇嘅茶香味👍🏻 整體上呢杯唔太熱門嘅飲品還可以 無糖/半糖的話會更好呢～

仲有一個星期時間比大家去支持下！花果山主打飯團、飲品同小食 由612開始就出錢出力 但因武漢肺炎關係 少左人出街消費 租金又不斷加 好可惜4月29號就要結業了 希望老闆遲啲可以再創業 東山再起～.👉🏻飯團($12-15)飯團每日新鮮製作 價錢仲平過華御結款式都有好多選擇 有三文魚、牛肉、玉子燒等等飯粒粒粒分明 有微暖嘅温度.👉🏻小食($10)有玉子燒、炸物等等可以簡～我簡左雞塊 個粉有少少厚但食落好香 都唔會太油—————————————-花果山旺角廣華街1號仁安大廈地下24A舖

由於在旺角食完一間份量細的餐廳不夠飽，經過登打士街見到賣飯糰的易拉架，就走進花果山裡看看。架上有不同款式的飯糰，還有很少地方有的自助形式關東煮！不過見到飯糰的款式幾吸引，今次先試飯糰吧！我買了明太子昆布飯糰($15)，一個個飯糰放在架上客人可以隨意挑選，再拿到櫃檯付款。其中一個吸引我選這款的是看得見的名太子，還有是調了味的有味飯。一絲絲的是昆布絲，質地爽帶一點脆，飯的調味不會很濃，但又食到有些昆布味，不會很heavy。食多一啖，就發現原來裡面有很多名太子！要知道在外面食有名太子的菜式收得較貴，份量也不多，但竟然這個$15的飯糰，會有很慷慨的份量名太子的質地軟，有些香香的魚子味和微微的辣。加上芝麻，令整個飯糰都配合得幾好，有日式風味又不會很重口味，有誠意。發現這裡的飯糰款式也有不少，還有關東煮呢，有機會要試試其他食物

店面被文宣圖淹沒🤣🤣 告急完之後時時都大排長龍😆 要繼續多多支持💪🏻💪🏻 唔好俾高質食店消失！！！店外有唔少養生之選！近排要戒凍飲，所以我就揀左🥤陳皮黑糖薑茶，聽個夠都知健康😆陳皮味唔係好濃😋 入口辣辣地，好暖胃👍🏻 得一個甜度，不過好彩都唔算甜👍🏻後記：聽講店主搵緊人頂手，繼續擴大黃色經濟圈😕 希望可以繼續做落去啦，等我有機會試埋個榴槤series同超受歡迎嘅飯團😜😜

之前見 @mount.fruity 吿急後幾次經過都見到好多人排隊，所以一直都無機會試。前幾日見到結業post終於的起心肝決定今日去支持！整體來講，雖然唔算得係啲咩超級好食嘅食物，但呢個價錢真心好扺食！大家如果經過嘅話咪買個飯團，或者關東才煮食下囉🤤.saw that @mount.fruity was closing down by the end of this month 😔 so decided to give it a try today 👍 overall, even though the food isnt anything spectacular but its definitely super affordable! if you pass by, grab one of their onigiri 🍙 or fish cakes a try!.《飯團》$12大部分飯團都係$12，有啲可能貴少少就$15，但份量同質素絕對合理！飯都粒粒分明，唔會話太過痴埋一齊咁😋每一粒飯都會有足夠嘅食素，好夠味！而裏面嘅餡料都勁足料！特別推介三文魚絲玉子燒同埋木魚絲吞拿魚✨.《關東煮》

一直都想試花果山呢間飲品舖，因為佢有同唔少優惠著數網合作，周不時會見到！呢日去旺角行開街，又見到訂枱App有優惠卷未用，就去試下啦😜。原來佢嘅位置係喺登打士街嗰邊，估唔到飲品店嘅舖位都咁大，仲要貼咗大量文宣📰！除咗飲品外，呢到仲有飯團賣🍙，好似好吸引咁。可惜依一刻我哋都真係太飽，所以無機會一嚐。飲品選擇方面，款式都幾多，而且有唔少係比較特別，例如有枇杷膏系列同榴連系列，前者有啲想試，但朋友唔想；後者就唔啱飲🙈。利用訂台App留位，可享八折優惠，即時抵咗👍。原價就屬中等水平啦，$18到$40不等。不過落單時店員好似唔係好清晰咁，有少少未瞓醒嘅狀態😅...。等嘅期間，客人源源不絕👏，而我就順便欣賞下啲文宣先。兩杯飲品嘅份量唔同，沙冰個杯身矮啲，但好似明明無得揀Size🤔。沖繩黑糖香蕉沙冰($28)，呢杯第一啖飲係幾正，充滿香蕉嘅香味🍌，同黑糖亦都夾，但點知愈飲愈甜...，甜到唔想飲埋落去。我印象中好似已經係揀咗微甜？我都唔係好Sure，因為女店員太頹。另外，沙冰口感唔夠沙、又唔夠冰，唔識講，比較稀身，同想像中唔同。洛神花蜂蜜梳打($28)，呢杯係我朋友點的，我試咗啖，都唔係好啱飲。蜂蜜太甜

正所謂做嗰行厭嗰行，由於曾經喺茶飲店工作，基本上呢類飲品已經飲到怕，所以呢大半年嚟好少專登去光顧茶飲類黃店。不過知道花果山早前曾告急，於是出開旺角就順路過去幫襯。比起飲品，其實我更加想試佢哋個手作飯糰，共十款，聲稱由日本人師傅主理，但只係賣十二蚊一個😮，比華御結更平，不過去到時已接近黃昏，飯糰一早沽清，唯有疊埋心水揀杯嘢飲。據聞呢度最出名係榴槤系列，可惜並非我心頭好，本來有啲想試枇杷膏系列，但係又驚有伏😅，最後見剛好有啲肚餓，就點咗杯飽肚啲嘅玫瑰奶。首先要讚下杯嘢嘅賣相：粉紅色，非常討好；味道方面，鮮奶味頗為濃郁，相對玫瑰味就唔係好強，整體嚟講屬正常水準，不過由於杯入面嘅冰塊好多，飲飲下好快就變得比較淡，所以緊記要快飲呀😆。

----------💛黃店💛12/6/2019罷市----------🍵榴槤奶蓋錫蘭紅茶 $35榴槤奶蓋好香榴槤味，不過就冇榴槤肉，係將榴槤同奶蓋打成，加埋紅茶就冇咁heavy，但味到尾就會溝淡咗榴槤味。榴槤控建議飲貓山皇沙冰，榴槤味更重仲有好多榴槤肉。----------🔎花果山🚩旺角廣華街1號仁安大廈地下24A舖

我要強烈譴責花果山囉！對於佢將700ml嘅杯裝滿表示遺憾。啲榴蓮奶蓋仲要咁香咁Creamy，想肥死人咩？鄭重呼籲民眾自備水桶去懲罰佢！榴蓮奶蓋四季春($35)喺香港應該得呢度有得食榴蓮奶蓋，平時喜歡吃新鮮榴蓮，榴蓮糖/乾之類製品有陣怪味。但呢個奶蓋完全無呢陣味！一打開蓋就即刻聞到榴蓮香，奶蓋好細滑，榴蓮味唔會太濃，非常順口。可能我搭咗程巴士返屋企先飲，冰溶咗所以茶比較淡，飲唔出四季春嘅甘香。可能疫情過後先可以即場飲真佢個茶底啦～

因為係各大黃店app見到有黃店告急既通知今次就黎到花果山💛佢同場仲有飯團賣架 仲有少量位置可以坐大家不妨黎撐下場 仲有大型六宣牆+連儂牆🖐🏼☝🏻*留意舖頭無珍珠 珍珠控要留意了.1️⃣鮮檸柚子蜂蜜梳打👧🏻覺得梳打飲落口好爽 夏天飲應該消暑一流😜味道夠酸好開胃 但👦🏻認為偏甜.依家疫情嚴重 都請大家要繼續撐起黃色經濟圈！💛少左好多人出街食飯 好多黃色小店都相繼傳出結業既消息😔所以就係正因為咁 懲罰黃店依然係重任貓生貓太每次出街無論行到邊都會開住唔同既黃店app大家都可以一齊download:1. 和你eat2. 香城online3. 掃黃4. WhatsGap.好味指數：🌕🌕🌕🌕🌑窮遊指數：🌕🌕🌕🌕🌕性價比：🌕🌕🌕🌕🌑回頭指數：🌕🌕🌕🌕🌕

第2次光顧依間小店，上次飲過依間，覺得幾好飲。佢位置都好方便，勁近H and M ，雖然全條路勁多依類型既飲品店，既然要飲，點解唔去一間同樣理念又需要人懲罰既小店呢？之前睇Facebook 知道佢生意一般。明白既，全條路都係依d，要突圍而出好難，雖然我唔食榴連，不過依間有得飲durian 同埋枇杷膏系列個名係有d伏，不過係好飲既依d疫情時間，保護喉嚨好重要，我見佢有得賣羅漢果，有凍有熱仲有飯團同關東煮，正！疫情期間，竟然佢仲派洗手液，依d小店咁有心，係咪都要飲依d，我就會選擇行遠小小幫襯下佢地。大家一齊挨過依個艱難時期！加油

同一條街有好多飲品店今次黎到呢間花果山早前告急所以特意黎幫襯我就叫左杯沖繩果糖香蕉沙冰 $28其實都幾抵飲咁大杯都只係28蚊飲落去黑糖就係有 但唔太突出唔會搶走香蕉既味道同埋d味都好夾好好飲而店內係有少量位置可以坐店內環境比較細一邊係賣飯糰一邊係賣關東煮但係飲完佢杯野 其實都已經好飽唯有下次再試佢d飯糰同關東煮不過可能人手不足所以等候既時間都有少少耐總括而言飲品方面 好飲 大杯 好抵飲環境方面 比較細服務方面 店員有禮 但要等耐少少

話梅青檸梳打 $28平時青檸梳打既酸甜味係由青檸溝糖漿而成🤗，而呢道既酸甜味係由青檸加話梅而成，所以浸酸甜味自然好多🥰～甜度適中，飲落好清爽，底部仲有好多話梅肉。-📍。花果山

因受武漢肺炎疫情所影響，早前「花果山」宣告告急，一眾同行兒女立即出錢相救，救到所有飲品未到晚上八點已售罄，令我白行一趟。今天，我就專誠出旺角，支持良心小店。小店招牌大大塊、好易認，店內整幅牆貼滿了文宣，黃到金黃！此外，「花果山」亦有搓手液寄賣，每支10元。明知搓手液搶手，明知飲食市道差都沒有坐地起價，絕對是良心小店，與疫境同行！飲品方面，我揀了小店推介的白桃益力多沙冰，每杯32元。由於人客多，等了十多分鐘飲品才到手。乳酸味道豐富，加了白桃後卻多了幾分甜，少了益力多的酸，更清新易入口！