英記美點小食 (已結業)

有人話好想試下我平時lunch 成日過黎食嘅米芝蓮風味撈面，所以周末都過左黎。假日嘅中午，見到唔需要等位就直接入座喇！餐牌一目了然，主要食湯麵同撈麵。呢罐自家製嘅醃蘿白，真係好惹味。雲吞牛肚撈粗 $41 雲吞有3粒，蝦肉爽口彈牙。牛肚都煮到入晒味又唔會軟爛。呢個湯跟撈面俾嘅，但明知味精湯都覺得好好飲。叫左燒賣同腸粉入黎食，夾埋$14。可能共用攤位關係，要俾左錢先。味道則屬普通質素。加埋$55 兩個人就飽晒。

今晚來到英記晚餐, 叫了水餃牛腩撈麵 ($41)。以為撈麵就是六十年代撈麵, 阿姐說不是, 六十年代撈麵不能配餸必須單叫。我的撈麵還是不錯, 但亮點在餸, 水餃如其他食評所說新鮮足料, 牛腩很香且肥瘦剛好。一邊食一邊聽到阿姐和食客說笑, 這是老字號的威力, 附親切感。

只有10分鐘左右食少少野，唯有去朋友介紹的英記美點小食，食完要趕返焗餅班。朋友介紹話潮州粉果，腸粉好食，當然要試食吓啦…唔係朋友教路，十世都未必去到。 啱啱有open rice 又有google map, 唔難搵的，好容易搵到，只要有顆為食的心， 美食就當前了。入到去，點完野食，坐下來先知來頭好勁。好少見到有醋浸蘿白了，下次再0黎一定要食，醒胃前菜食到潮州粉果，加上小小🌶️🌶️，好好味，一點都唔🌶️，仲好夾好好食。店面的姐姐都好好人，我話趕時間，只可以食食野，都無黑面，所以要點埋要杯豆漿飲。好好味諗番都好想再食。

今晚突然想返尋味，新蒲崗嘅地方有美食，食過好耐啦，雲吞水餃魚蛋麵，粗嘅幼嘅，麵爽彈牙，油菜又正，味精又唔重，地方都幾好，幾十年喇，保持到真係唔易。以下是牛腩河好似有啲唔似以前，不過食嘅係記憶，咁就算喇。個個食得好滋味，地方整潔，抵讚。一碗麵30蚊，加油菜10皮，整多杯嘢飲44落樓出門口。入到嚟都係牛腩麵無得走，其實其他都好正，不過鍾情於牛腩！不過唔見肥佬，可能休息，有啲唔同咗。河粉都好似粗身厚咗碟通菜都算係咁喇，一麵一菜食落唔使太多。飽飽!

今日中午去咗食好好味嘅撈麵，聽講話呢間店係老字號！咁我叫咗個牛筋雲吞撈，我同事就叫咗個牛肚水餃撈麵，阿姐超級快手係三分鐘内上菜！D牛筋好淋好入味，雲吞就埋藏係麵嘅底下，果然係招牌雲吞，又真係好好味！之後我同同事交換咗水餃同牛肚食，發現水餃係好味過雲吞嘅！而且仲有免費白蘿蔔泡菜食，超正！不過就咁食就真係有d酸，阿姐就教我可以放一粒蘿蔔落撈麵度一齊食，咁食味道又唔錯喎！不過撈麵可能乾身d，都係要叫飲品先得，而且個麵身比較硬，下次再去會叫阿姐煮軟身d!

無論係水餃、麵、或湯都好好味++++++++++++++++++++++++++++++水餃同麵都爽滑彈牙、湯底有大地魚同少許果皮味。份量適中、唔會得兩淡。食得出制造者有良心。++++++++++++++++++++++++++++++從未試過食水餃麵會飲晒D湯++++++++++++++++++++++++++++++一句講晒一定會繼續支持++++++++++++++++++++++++++++++

今日黎到新蒲崗食一間我地食左好多次既英記～ 不過今次有少少失望啦~每次其實都係為左佢個撈麵而黎，今次失望都係因為佢，因為佢今次實在太咸啦成個都撈得太重手，好難食晒成個，要一邊食一邊浸湯～後來老闆娘見到先重新撈過⋯另一個係佢既水餃，主要係皮太貴，煮完之後好似食緊好大埋粉咁最後牛腩撈都係不過不失，麵都係爽但都係偏咸少少，牛腩有少少肥，不過味道合格總結今次係我食咁多次英記之中一次比較差既體驗，不過老闆娘既細心都係一個幾好既服務態度

有一晚做完運動，大概十一點十二點，見有啲肚餓，所以想食啲野先番屋企，呢個時間其實好多餐廳都收曬，響新蒲崗都仲有幾間開得夜啲既，英記美點小食就係其中一間。去到呢個時間，佢地仲有人坐響街出面，應該會太伏太難食。由於未食過呢間，亦到唔知咩出名，好隨便見到牆上有張相，就跟住黎嗌。叫左個京都炸醬雲吞撈麵，炸醬同三粒雲吞都係放響麵上，側邊有碗湯，湯入邊有韮黃。先講湯，非常好飲唔知點解，唔係鹼水湯，我未食完啲麵就飲曬。個麵係蛋麵，好幼好彈牙，淨係淨麵都好味呀。下次試埋水餃先。

今日中午同朋友去到英記食麵，間舖細細哋，朋友極力推介餛吞同水餃。餛吞夠爽口，水餃中嘅木耳絲，同蝦、肉夾到正，係大大隻又好味。最正嘅係麵質，又爽又滑。湯底鮮甜，唔係味精水，老公話可以食出大地魚味添。唔怪得佢嘅撈麵附送的湯，全部俾佢飲晒了。$43套餐（一餸湯麵+油菜+凍飲）撈麵麵底有兩個麵餅嘅多，胃口大嘅男人先食得晒。今次牛腩好瘦，勝在夠味。忘記影佢哋嘅酸蘿蔔，爽，但嫌太酸。牆上可見小儀嘅相，同食評。店舖阿姐都笑笑口同客人打招呼。

一直都知依到有間雲吞麵鋪，不過一直無試過，陰差陽錯下入左黎試試，唔入黎都唔知原來2016年係拎過米芝蓮，真係無咩印象一坐底姐姐就問有無食過，我話無，咁佢就推薦六十年代撈麵，雲吞水餃無理由唔食，咁直接都要埋個雙併六十年代撈麵，係一碟好簡單的蔥油撈麵，麵身好彈牙，麵本身的香味同蔥油好夾，感覺又唔會單調，另外，主角的水餃同雲吞，名不虛傳，味道其實偏鮮甜，但好明顯同普通食到的水餃雲吞好唔同，我只能形容係好味

話說某次得龍飯局，席上有一對中年男女喺食名物金錢雞時，將成件冰肉夾開放埋一邊話接受唔到成塊肥豬肉擺入口囉！咁每人接受程度唔同OK吖。到大良野雞卷時有就大大啖成件啪入口.....原來唔知野雞卷係成舊油就無事。🤷🏻‍♂️嚟呢度目的係六十年代懷舊撈麵。其實即係豬油撈麵！$29賣相簡簡單單上面撒滿韮黃，麵條全無鹼水味彈性十足每一條都均勻沾上豬油特香味。最厲害係食完碟底唔會有一層油!唔係度度有得食，如果見到有又真係食得過嘅麻煩通知聲！食過一次...真係會對普通撈麵無感，返唔到轉頭！

新蒲崗仲係1個未有地鐵可以直接連接既工廠區，亦因為呢個原因，區內仲有好多不同小點，唔洗見到一式一樣既食店，呢次去既係曾經呢個米豬連1星既麵店是次叫左以下2款水餃粗麵~水餃有3舊，每件都好飽滿，滿滿包左木耳，蝦，豬肉，好美味，口感好豐富雲吞牛腩撈粗麵~3件雲吞+好幾件牛腩，雲吞都好出色，每件目測有3隻蝦，牛腩反而有點失望，相對較un...粗麵好大碟，感覺有2個麵底水餃＞雲吞＞牛腩另外有酸白蘿蔔任食~正9

第一次來到這家位於新蒲崗的小食店，是米芝蓮2016香港街頭小食其中一間，離遠望去見到一條長龍，即急步向前走，去到隊尾，問人是否排緊英記，點知原來排緊隔離的車仔麵檔，英記卻不用排隊，即刻有位。入到坐低都未清楚看餐牌，阿姐就主動介紹我吃招牌的巷仔雲吞和六十年代豬油撈麵。招牌巷仔雲吞（$28）淨食$28，只得六粒，如果叫雲呑麵都是$28，雲吞有四粒，我覺得淨食就不大化算，雲呑本身皮薄，但饀料很實，好似吃緊肉丸一樣。六十年代撈麵（$33）麵的口感很彈牙煙靭，份量也很多，但淨食$33，單拼又是$33，雙拼撈麵才$39，應該叫有餸的比較着數。唯一要讚的是他們自家醃製的蘿蔔，很爽很好味。總括來説，我應該叫一碗雲吞麵或一個單拼撈麵，因為現在這個食法我足足要比多一倍價錢。

新蒲崗搵食記，今次要試試傳統嘅街坊美食。英記應該算係街坊老店，簡簡單單嘅裝修加餐牌，所有野都冇過多修飾。店員（定老闆？）極力推薦嘅懷舊豬油撈麵，認真試豬油真係第一次。入口冇想像中嘅油膩感，而且好香口，會唔經唔覺愈食愈多，不過最正係麵底，極爽口又冇鹼水味（個人口味唔愛鹼水味）雲吞唔係大大隻個種，入面有豬肉有蝦，就似細個樓下麵檔嘅味道，好食但同豬油撈麵比就較普通。要特別講下店家嘅酸蘿蔔，腌得好好味，加上蘿蔔爽脆，好清爽最岩解滯，配合麵食好正，一定要試！特別一講店員好nice好熱情，難得感受到香港嘅街坊味，呢餐唔貴但食得好滿足！

話說今日去左新蒲崗考試，考完試1點半餓到不得了，又唔知呢區有咩好食，拿拿臨打比個FD問意見。朋友介紹去食文記，話雲吞同水餃好出色，一於去試食！一去到，勁多人，好彩一個人勁快有位！一坐底，先發覺原來又係一間米芝蓮食店。朋友介紹我食呢度的雲吞同水餃，就直接叫左份雲吞水餃撈麵。麵身好爽口，鹼水味唔算重，麵身幾幼身，配上蠔油味道唔算太咸。水餃好足料，木耳味最出色，而且有唔少餡汁。至於雲吞都漲卜卜，味道唔錯既，但係有少少蝦殼，有D扣分。撈麵又點少得碗湯呢，白胡椒味好重，加上少少麵店特有的湯底味，完成！PS.呀姐們都係做慣街坊生意，對D細路仔同老人家好體貼，有禮貌得黎又好豪爽，好有人情味的感覺