茶咖宅 (已結業)

很少過嚟上環， 今次來到這間特色的 西式兼港式茶餐廳咖啡店crossover 特色餐廳， 都係在附近工作的常客介紹。 一看餐牌，選擇頗多價錢，相宜 叫了一個算最平價的上環叉燒蛋飯 ，只是50元，另加一杯大咖啡及多士總數都係59元，性價比高。先講個飯 叉燒及 炒蛋分量非常多 ，鋪滿飯面，醬汁適中，叉燒食落口感不錯，入口鬆化，肉汁豐富， 以日式燒汁取代豉油，配合蛋香濃郁的優質炒蛋 ， 可以選擇不同煎法，非常不錯， 必試首選。 另外以咖啡師的我去過咁多間， 呢間啲咖啡真的非常出色， 啡底非常濃郁又，由開始飲到底都仍然是油脂豐富， 用比較優質的豆及義式咖啡機製作 ，espresso的crema沒有散過， 入口非常順滑,堅果味濃厚，單是這杯咖啡，已經值回票價。性價回頭服務環境衛生質素

早幾日經過上環半山，午餐時間落山途經四方街，見到呢間茶咖宅，同一條街無乜餐廳只有呢間，決定入去試下。佢用QR code落單幾方便，選擇都好多元化，有幾款All day breakfast，又有三文治，又有日式嘅飯，仲有港式常餐例如叉燒炒蛋飯…等等。我嗌咗個慢煮溫泉蛋雞肉飯，另外好奇加咗熱橙茶(個樣就係檸茶將裏面片片檸檬換咗做橙)，個人覺得幾好飲。簡單嘅午餐，但係幾有新鮮感！

朋友英國返黎，第一樣一定係同佢食番香港地道野先😆·🍚上環叉燒炒蛋飯（$48）賣相唔太靚仔😂食落普通無驚喜.特登行上山食佢…會寧願食其他🫠·🍞奶醬多（+$10）跟餐加配～呢個好食過個飯😂多奶多醬！好味·🧋凍奶茶（+$4）不過不失•📍茶咖宅上環四方街24號地鋪

位於上環隱密位置，唔係特登黎都唔知有間cafe, 係有茶餐廳碟頭飯、常餐的cafe.裝修簡單，工業風，打卡位只有門口兩張比較有特色的檯和椅子。食物價錢合理，$50-$60/餐連飲品，比較同區茶記已經好平便。食物質素一般，豬扒有點干和瘦，配菜不多，咖啡可以，味濃！

上環真係美食天堂。選擇太多，有時都會有選擇困難症不過上到去太平山道附近，想搵非Cafe嘅餐廳又唔係咁易，見到呢間招牌同格局都係屬於咖啡室，但餐牌又係茶餐廳咁，就好奇一試。先講環境，其實真係唔錯。因為樓底高空間大，中午時間人又唔多，食得好舒服。其實佢有啲感覺似係馬來西亞嗰啲冰室，有一刻覺得如果佢賣粉面、咖坱多應該會更啱feel之後見到有傳統常餐，就叫嚟試試睇吓有咩唔同⋯答案係⋯完全冇唔同嘅！真係一間普通茶餐廳嘅味道，叉燒亦都不過不失。要真係形容就係普通至極，冇必要老遠跑來。杯奶茶亦都係冇乜特別，其實佢點解會掛一個Cafe嘅招牌？不如叫返一間乜乜茶餐廳，個落差感先唔會咁大。

一向飲開熱奶茶，即「茶少奶走甜」嘅我，真係唔識欣賞「凍奶茶-少少甜-少少冰」，真係好甜🙁所以，如無意外，我會決定放棄再試凍奶茶，或者要「凍奶茶-走甜-少少冰」！不過，一向都有食開嘅茶餐廳嘅黎咗一個新嘅哥哥仔，真係熱心服務，又有禮貌，姐姐表示喜歡😌

除咗有名的巨大化炸脾，仲有巨大化吉豬，豬扒西多士，黃金炸脾等邪悪之物。༄༄༄༄༄༄༄༄༄༄༄༄༄༄༄↬ 神級炸雞脾皇套餐  (轉薑汁湯麵 )套餐包煎/温泉蛋、日式珍珠米飯/意粉/撈丁/炸薯條/炸薯角 另可加錢轉配菜底/撈烏冬/蕃茄/薑汁湯麵/泡飯炸脾有我塊面咁大! 不過佢唔似一般茶記炸脾有層炸漿，所以就炸得唔算太脆，不過好處係唔會炸得太乾，保持到肉嫩多汁，仲醃得好入味湯麵幾夠薑味，不過硬係覺得薑汁要配豬潤哈哈好耐無食過公仔麵，呢隻麵麵質不錯又唔會太油膩，幾好咼(係咪叫王子麵?)↬「皇茶。香港」台灣東方美人冷泡茶 

#奶茶 係香港非常之普遍嘅飲品☕️但其實大家所講嘅奶茶都有分好多種唔同嘅種類☕️🥛🍼其中有一種茶記傳落嘅沖法叫〝茶走〞💃🕺就係將煉奶代替本來嘅淡奶🥛🥛可以講係舊式嘅肥仔水👶平時飲奶茶，都可以不時轉下唔同嘅口味如果奶茶係一個美女，咁茶走就係一個化咗妝嘅美女😘唔落糖已經夠哂甜🤓

呢間上環嘅茶餐廳好特別 將傳統茶餐廳菜式同歐式早午餐加埋一齊做 但唔會不倫不類 店鋪空間幾大 炎熱夏天係坐得舒服嘅選擇🥞芝士火腿奄列配班戟💰HKD68暗烈剪得幾好唔會太薄亦唔會過熟 裏面仲有蛋汁同埋都真係食到芝士味 隔離有沙律菜 腸仔同煙肉 正常發揮 本身有茄汁豆但俾我走咗 但缺點係班戟入口質感真係好粉好乾 完全冇軟綿/cake嘅感覺 自問好少做大嘥鬼都冇食晒 真心建議換一換個食譜 甚至用預拌粉都好啲🍔芝士雞肉菠蘿包💰HKD68好鍾意食菠蘿包整嘅漢堡 甜鹹交融真係好正 呢款我覺得不過不失 Size唔大 不過我鍾意裏面有番茄芝士同埋雞肉 而且冇我怕嘅肥膩沙律醬或者加工肉👍挑剔嘅位就係麵包偏乾同埋細 唔係好滿足到對港式麵包嗰種軟熟 香噴噴嘅追求🤔食嘅時候唔會覺得菠蘿包存在感好高 同埋伴碟淨係用薯片 覺得有啲太乾太唔健康 如果加少少沙律菜就好另外餐飲兩杯都要左凍檸茶走甜 幾好飲嘅 位置雖然唔算好方便 但舖頭真係舒服同埋呢個價錢算係呢頭嘅實惠之選 食物就正常唔特別出色 可能靚靚嘅咖啡CP值會更高 有機會都想試

餐廳喺內街唔易搵，但門口有坐位就正好唔會太擾攘，裝修揉合茶餐廳和咖啡店風格，開放式廚房感覺較衛生，餐牌食物走茶餐廳風格，飲品除咗茶記之選仲有精品咖啡，餐廳用手機落單，價錢都好平實炒蛋都幾香滑，叉燒偏瘦但係唔會硬同起渣，公雞碗好有復古味道但碗底比較淺，淋上甜豉油好送飯套餐本身包一杯飲品，可以加錢轉即磨咖啡，標準杯size都好份量，鮮奶咖啡有拉花再用公雞碗上都好穿越，咖啡即磨之餘咖啡豆品質都唔錯，帶有果香味亦唔會太酸，係咖啡店級數

💛大件夾抵食既All Day Breakfast😍😋!上次介紹完屯門既早餐之後 好想同大家分享多間係上環超級抵食既茶記+cafe🤤👏🏻🍳All Day Breakfast 芝士火腿奄列配班戟 $68💥呢個All Day Breakfast好豐富同好大份🤣有沙律菜🥗車厘茄🍅茄汁豆 蘑菇片 煙肉🥓巨型芝士火腿奄列🍳同埋有3塊隱藏左既迷你pancake🥞🤭味道正正常常冇話特別好食同難食😬但呢個價錢黎講真係冇得彈😎特別出色既係個芝士火腿奄列😍😍😍好鍾意食😋佢入面都好足料😜😛啲溶左既芝士同火腿絲真係絕配🤩個蛋又唔會煎得太熟仲食到有少少流心感覺😚整體黎講真係值得一試 $68黎講仲要係上環既地方真係好少有😎食完之後我全日都好飽🤣除左西式既全日早餐之外 佢仲有又燒炒蛋飯嗰啲食架~仲要係黃店💛大家要去支持下📍 茶咖宅 上環四方街24號地舖

呢間第一次去， 睇相係好好奇，因為好fusion, 中西合壁一定無講錯， 入到去茶餐廳感覺， 但店員服務好，態度好， 印象唔錯。 但環境唔算太寛闊， 打卡就一定唔會揀呢間。望望個menu 有中式餐肉豬扒飯，又all day breakfast, 一於2樣都叫再加12蚊要個戰鬥碗latte。 不過個人意見，黎呢間如果叫常餐就無意思架啦。先講下餐肉豬扒飯先比出面既茶記都更好食，可能個豉油汁溝得唔錯，豬扒及餐肉又大塊，感覺都抵，個all day breakfast 就無咩特別，值得講下個牛角包，大過你手掌，中西合璧餐加2杯戰鬥碗latte ，埋單都係合共160蚊，真心超抵， 你去cafe飲杯野都50蚊啦，仲要上環區呢個價錢，值得再去再支持。加油小店!!我有時間會再幫襯你， 不過話時話，都離上環店都有d距離，上山先搵到你

茶咖宅 地址: 上環四方街24號地舖===================All day breakfast我幾鍾意來食breakfastb ，佢位置隱蔽 ， 來親都是街坊多。除了港式常餐，今次轉口味食all day breakfast . Omelette有ham.amd.cheese好好味，另外有bacon and saugahhe salad .仲有3片mini pancake ,會附上牛油and honey ,雖然個pancake 是現成，但好鬆軟好食。Coffee 是手沖不是用instant coffee ,add $4 仲可以轉大杯添

CONGTEATAKE地址: 上環四方街24號地舖位置比較偏僻,因在小巷, 懂路架都是在附近住的人。用QR 看助點餐, 好方便又快弄好有我食。早餐AROUND 三十幾蚊起, 在中上環物價, 一個餐廳早餐都要近$50, 呢度可以話偽抵食。第一份是豬扒包, 個豬扒包塊扒都幾厚, 加埋MAYO 同蕃茄生菜, 用鬆軟MUFFIN BREAD另一份是BACON SCRAMBLE EGG SANDWISH, 麥包較有口感, 粗糙多纖維, 個炒蛋份量十足, 超厚加埋鹹香架BACON片, 大大口咬下甚滿足又滋味。第3份是豬扒炒附加烘底牛TOAST,牛油是盒仔牛油自己搽, 豬扒好柔腍是用了梅頭位置, 醃到入味員工好NICE 又友善, 是我喜歡來食野同飲咖啡架原因。仲不時見到狗主帶埋仍地架毛孩在戶外門口一起用餐呢

Discover a hidden HK style cafe in Sheung wan. Right beside temple. Affordable price and quality food. Their recommended scramble egg with barbecue rice and classic silk milk tea. This place is pet friendly. Definite a chill breakfast place for friends and family.