茶屋町 (長沙灣道) (已結業)

假日中午來到深水埗的茶屋町食午飯，位置方便易找，離地鐵站不太遠。餐廳以日式風格為主，見到牆上掛有千與千尋的拼圖，非常可愛。午市時段叫了一客薄燒牛肉丼和蒲燒鰻魚烏冬，再叫了一罐蜜瓜梳打汽水，兩樣食物都有驚喜。薄燒牛肉丼的燒牛肉十分香嫩，只是略咸一點，而飯亦配有日式醬汁，另外更加配了兩粒凍食的小紫薯。蒲燒鰻魚飯的整條鰻魚份量也不少，有濃濃的鰻魚汁，同樣略咸一點，但吃下去不會感到很多小骨的感覺很順口，配上日式湯烏冬味道非常好。

長沙灣道出現左走中高價路線的日式餐廳。有我最中意的抹茶。第一次去食左個lunch set, 第二次去試埋個甜品。汁燒鰻魚飯 --- 飽滿的珍珠米上鋪左2塊香軟的鰻魚，再澆上甜甜的鰻魚汁，為輕鬆的相聚增添愉快的感覺。lunch set包左麵豉湯同前菜。麵豉湯有豆卜、昆布同紅蘿蔔，清甜同有港式住家飯的感覺😂😂😂前菜有昆布同蟹籽。味度不過不失，價錢同期望相符。（2019年12月中旬）咖喱唐揚雞丼 -- 咖哩辣辣地，都香口，不過不失。炸雞外乾內軟，還可以。講起個甜品就難以啟齒。上面的抹茶軟雪糕出色，茶香濃郁而不膩，淋上抹茶醬。下一層係十勝的罐頭紅豆，好甜。但還算滿意。可惜之後的令人失望。裝飾用的圓餅乾，食落係膠味。紅豆下一層係雪糕筒的餅乾碎 ，再黎係綠色的無味啫喱😣。再低層係綠茶味早餐脆片😅有點口乾😩！好彩有一杯普通的綠茶提供。原來3點後全市正價6折，買單30蚊，心理即刻平衡返😀 建議下次只會叫新地～環境算舒服，牆上有日式的海報，對住嘈吵的街道，可以閒坐一會～

今日餐飯得半個鐘頭時間食 就求其入一間餐廳 我哋一行八人衝入餐廳 有時間關係大家都叫啲最快有得食嘅嘢 餐廳唔帶我哋八個人都要分開枱呢坐汁燒鰻魚丼 $68 同事叫咗鰻魚飯 真係長得好快 佢話個鰻魚都好食芝士唐揚雞肉丼 $76我作對唔住芝士呢個誘惑 就算要整十分鐘都好 我都照等 個雞肉丼哩到 真好連個外貌都好吸引 我呢個芝士雄控 真係十分滿意又有埋拉絲嘅效果 件炸雞熱辣辣 唔會好厚炸粉 最正就係咬落去 啖啖肉汁必出嚟 配埋個芝士真係好夾 好好食 😍十分可惜自己冇時間慢慢品嚐當我三扒兩撥食完呢個美味嘅雞肉丼飯 以為自己已經完成 原來仲有個甜品送抹茶雪糕係送嘅唔夠飽就可以添飯添 下次有機會一定要再嚟食過

同朋友去食呢間餐廳，之前試過佢嘅甜品，今次試下正餐，叫左海膽松葉蟹肉意粉，朋友食芝士唐揚雞肉丼。意粉以便當形式上，仲有番薯仔同海帶呢啲配菜，意粉同蟹肉好夾，好味，仲有一粒細細件甜點，好滿足。不過如果包埋飲品就更佳喇。另外個芝士雞丼，比個意粉更吸引，炸雞熱辣辣，有好多件，炸粉唔會太厚，一口咬落就係嫰嫰仲好juicy 嘅雞肉，配埋溶緊嘅芝士，唔會太漏，好正呀！份量好大，夠晒飽。美中不足的地方係，餐廳地方有點細同逼，朋友個袋太大都冇位放。下次食唔好再拎住一袋二袋入去食喇。仲有當日店員可能人手唔夠，有時叫好耐先有人應，不過唔趕時間就冇所謂啦。

之前食過麵屋黑岩，我知道同茶屋町應該同一集團。麵屋黑岩我食過覺得幾好食，所以Suppose都諗茶屋町應該唔差嘅，就去試下。一入去，Ｄ座位見到已經唔好座，算。食物種類唔多，就求其揀左天掃羅大蝦烏冬（$76），老公揀左豚肉燒轉大盛（海老天掃羅＋鰻魚天掃羅＋溫泉蛋）（$99），另叫一客炸南瓜薯餅（$24）同一杯紅豆北海道牛乳（$26）。天掃羅大蝦烏冬（$76）以我所知依Ｄ炸法唔係應該叫吉列炸蝦咩？？？所以黎到我都Ｏ都咀。就算係吉列炸蝦或天掃羅大蝦，其實係咪都應該提供沙津醬或天掃羅醬汁點下？？所以我食起上黎好乾。烏冬係正常嘅，份量都唔少，ＯＫ的。燒豚肉丼（$79），加$20轉大盛豚肉好油膩，勁多油，其實即係中式腩肉。另外大盛即係海老天掃羅＋鰻魚天掃羅＋溫泉蛋海老天掃羅同我份烏冬餐一樣，係吉列炸蝦。鰻魚天掃羅呼即係普遍鰻魚，冇炸過，而且仲有Ｄ腥味。最好係隻溫泉蛋。炸南瓜薯餅（$24）正常，算唔錯。紅豆北海道牛乳（$26）係我衰，覺得日式餐廳飲日式飲品一定會擺設得靚，點知出黎同茶記紅豆冰差唔多，係奶味比紅豆冰突出少少。真心講，唔算平，唔係難食但又唔係好食，而且有2個服務人員，佢可能做埋廚房掛，出黎

茶屋町舖位不大，我們三人食飯，進入時所有四人桌都已經有客，店員幫我們把兩張二人桌合併，見到我背著一個大袋，還細心地替我多拉一張凳來放行李。我們點了汁燒雞扒烏冬、吉列雞扒丼、汁燒鰻魚丼，再加點了一個小食：炸南瓜薯餅。汁燒雞扒烏冬的烏冬質感不錯，烏冬上面鋪滿木魚，湯底值得一讚，湯清卻味濃，食得出是花功夫餚的湯。汁燒雞扒非煎非炸，是用汁煮熟的，雞扒肉質嫩滑，味道濃沃，好味。吉列雞扒丼配有咖哩、麵豉湯和前菜。這裏的麵豉湯有別於其他日式料理店，湯裏有紅蘿蔔和豆卜，使得整個湯有紅蘿蔔的清香和豆卜的惹味。前菜是醋漬蘿蔔和青瓜，略嫌簡單，但口味清新消滯。吉列雞扒其實是唐揚炸雞，炸得香脆而雞肉美味，飯面還有胡麻醬拌菜絲，拌著飯來吃份外好味。汁燒鰻魚丼也配有麵豉湯和前菜。鰻魚味道香濃口感好，雖不特別大塊，但因為燒汁多，很能下飯。飯面也有胡麻醬拌菜絲，米飯軟硬適中，使得整個鰻魚丼很好吃。炸南瓜薯餅中的南瓜比例很高，炸得很香脆。以這個價位的日式料理店來說，這間茶屋町真的十分美味，值得一再光顧。

好難食。唔抵食。薄燒牛肉，白色似豬肉，無牛味，乜味都無，口感都唔似牛，唔食緊咩。完全無燒過嘅痕跡，白烚咁。燒豚肉都係難食，無豬肉味，得啲濃汁。珍珠米口感都好麻麻，唔係軟軟稔稔的。服務都好一般。

小弟同朋友係openrice睇左一輪，見呢間餐廳嘅飯、飲品、甜品都好吸引，所以就決定嚟試吓！可惜我哋一齊好失望咁離開。間鋪頭唔係好大，而且因為鋪頭嘅櫈係無櫈pan，所以係坐得好唔舒服。見到個餐牌已經覺得好吸引！落單嗰陣店員就同我地講今日全部甜品飲品都冇，原因係負責整甜品飲品嘅師傅已經收咗工但係嗰陣時只不過係夜晚八點幾，我地好無奈又好失望，唯有只係叫兩個飯試吓就算。呢一個飯冇乜醬汁，感覺上就好似飯還飯，肉還肉咁。雖然佢係標榜用日本米，但係飯略為鬆散，再加上冇乜醬汁，d飯係完全冇味呢個係餐牌見到嘅時候已經覺得好吸引，但係食落覺得好漏，而且佢啲芝士好鹹。兩個飯都有個共通點，就係唔夠熱，好失望。

以鐵路為主題 店內每個角落都充斥住店主嘅私人珍藏 有好多模型同😂窗係長途火車果種😎有款甜品仲叫做車長的魔法🤔鐵路迷可以黎朝聖😍🌟脆米白玉紅豆抹茶大福混合雪糕 ($45) 🍦好抵食😱平時一杯雪糕都四十幾蚊🤕而家雪糕配埋4,5款配料都係$45咋 呢個價究竟做唔做得住😲抹茶大福煙煙韌韌好想食多粒👄🍡利申：小朋友口味嘅Waffle嗜甜😝但又想試下抹茶 於是揀mixed😙雪糕抹茶味偏甜 無咩回甘 但啱我口味😌揀苦嘅甜品 咁食甜品黎做咩👋👋

蒲燒鰻魚丼($88)原條鰻魚上夠哂霸氣，表面燒得香口微脆，啖啖肉冇幼骨，厚身大份物有所值。薄燒牛肉丼($86)用料真心靚，嫩滑有牛味，拍得住居酒屋單點既水平，燒汁咸淡適中唔會蓋過肉味，朋友即時話想encore喎。茶屋炸雞($28)新鮮炸起，好有肉汁唔會乾柴，關西風調味好開胃惹味。性價比同服務好到嚇親，用料毫不手軟之餘，咁岩賣哂飯我地隨口話轉意粉都得，店員居然二話不說俾個9折，即係睇唔起我地大把錢姐！ 就原價俾突唔洗找，我要代月亮懲罰你！💛 良心行為： 放水係門口俾遊行人士攞，2/10送飯團俾法庭旁聽手足

到深水埗買布後去搭下巴士，而巴站的位置正正有間和風小店「茶町屋」。看看餐牌餐廳主打定食和日式甜品，價錢合理，於是跟朋友一試。餐廳面積不大但深長，加上其擺設令人有在小火車上的感覺。天氣炎熱，先點一杯凍《抹茶梳打 $22》消消暑。（飲品可加錢附上雪糕球）《蒲燒鰻魚烏冬(鰹魚湯) $82》蒲燒鰻魚可配飯或烏冬，而我點了用木桶盛載的湯烏冬。鰻魚大條厚身香濃，而鰹魚湯清香，這配搭可平衡膩感，不錯。甜品：《白玉雪糕 $35 +抹茶大福 $6》日式甜品款式多樣，這款有煙煙韌韌的抹茶丸子和自選配搭了扭紋雪糕，再加錢附了中間滿是忌廉的抹茶大福。

放工去搵野食，好耐冇去深水埗就去下啦。本來係openrice 搵左一間素食餐廳想試下，點知未7點去，已經full左。唯有食其他啦。行行下見到呢間日本野，細細間，餐牌睇落都ok就入座了。叫左2個主食，鰻魚烏冬同埋豚肉飯，1個小食，明太子雞翼。個人比較喜歡鰻魚烏冬，鰻魚份量ok但烏冬份量少左d。朋友就比較喜歡豚肉，我就覺得硬左小小，不過味道不錯。雞翼正常，因為都幾難整得難食。有小小可惜，本來想食埋甜品，但甜品師傅竟然無番工，唯有下次再黎試啦。甜品有蛋糕，芭菲個d，睇相幾吸引。整體黎講，性價比ok。價錢係深水埗區唔算平，但埋單有9折姐係唔洗加一，如果係九龍其他區應該會再貴d。

心思思想試呢間嘢，見門外有餐牌主食價錢都唔貴，睇落又夠大碟星期六過了lunch時份來，不用等位可直入肚餓可以叫主食，有飯、意粉、烏冬仲有好多日式小食唔肚餓可以叫甜品同三五知己食餐牌有埋食物個樣係吸引啲嘅～～～甜品個樣都幾精美由於未食lunch，我地今次就叫主食汁燒鰻魚丼（$88）見好多人點條鰻魚你睇！！！又厚肉又長，飯量又夠多基本上一個女仔連鰻魚都食唔晒，因為真係又厚又大條另一客係燒豚肉丼跟餐有個海藻前藻，鹹鹹地，幾開胃份量唔多，比你叫做開吓個胃咁個豚肉飯好大碗，起碼有正常1.5碗大飯唔止飯多，肉都多，就咁睇鋪面都10塊8塊下面仲有佢每塊肉都燒過㗎睇落食落都好香口有少少肥，所以好香，一啲都唔un，仲好爽口有油脂特別甘香配埋甜甜地燒汁，送飯一流係有少少肥，不過我大把quota，冇所謂我地坐左2個鐘吹水，都冇被趕勁正

深水埗一向好多忍世食市，而且性價比一向好高。 今日同朋友去完黃金買電腦野之後，就選左呢間係附近的日式料理店。店入面裝修好簡單，但坐得好舒服。 咁我同朋友就分別叫左個燒豚肉丼和 芝士唐揚雞肉丼。 另外就二十蚊就可以轉大盛，而且有天婦羅，鰻魚 和溫泉蛋。 非常超值。燒豚肉丼豚肉燒得好香，邊位又帶脆，而且份量好足，豚肉厚又多，鋪到成碗飯度。配埋碗大大份既珍珠飯，軟綿綿又香又彈牙，真係好滿足。芝士唐揚雞肉丼都好大份量，芝士唐揚雞肉成個碗咁滿，芝士同沙律醬，配埋炸雞的香味，真係好搭。 一啖芝士雞肉，一啖飯，又唔會好溜。鰻魚天婦羅額外加二十蚊配送的菜，份量比較迷你，但可以試多樣野，天婦羅外表炸到金黃香脆，鮮蝦肉質新鮮彈牙，好食。鰻魚好Juice, 額外加料配飯，好開胃。溫泉蛋好正既日本溫泉蛋，微溫，有少少醬汁加味，一口半隻溫泉蛋，爆蛋汁真係好味。整體性價比好高的餐廳，而且環境幽靜，可以帶朋友過來傾計同嘗試既好地方。

去旅行前會去深水埗行一轉買去當地的Sim card. 順便搵間可以坐得舒服的餐廳計劃行程。路過見到茶屋町，睇餐牌有飯，有烏冬及吸引的甜品。茶屋町到處見到小小裝飾物，老闆一定係一個細心的人。和風牛肉烏冬，有兩種食法，可選擇冷烏冬或鰹魚湯。我們選擇鰹魚湯。用木桶盛裝，別有一番風味。烏冬有口感配上鮮甜的魚湯，非常之好味。煙三文魚海藻沙律，海藻富有營養，$28 3大片煙三文魚，抵食抹茶雪糕，加入紅豆，雪糕好滑奶味濃飯後再食滿意的甜品才是完美的一餐