茶屋町 (長沙灣道) (已結業)

真心有驚喜，本來同朋友去深水埗諗住試下「素年」，因為好多人推介，點知兩間都超超超多人又勁勁勁迫，所以就喺openrice隨便睇下附近有咩食啦。咁見到呢間好似唔錯，行過去又見到唔係好多人，咁就入左去試。用QR code落order, 落完好快有得食。我叫左個人氣嘅芝士唐揚炸雞飯，有驚喜，諗住個面有咁多芝士可能會整到舊雞林啦，點知雞肉好嫩，雞皮仲係脆嘅，芝士好多好濃，仲要係勁多舊雞，有兩層雞，起碼有6大舊，$76蚊我覺得真心值同埋抵！份量都多，下次再去深水埗都會再黎食。唔錯！但朋友話佢果個燒雞扒烏冬就普普通通，另一個朋友話鰻魚烏冬好食。

呢間餐廳係無意中發現嘅，估唔到深水埗都有呢啲好嘢食🤭🤭入到間餐廳已經覺得好日式，坐得好舒服，店員仲好有禮貌。點菜要用QR code。呢間餐廳喺深水埗區來講價錢都偏貴，冇辦法，深水埗實在太多平靚正嘢食😌鰻魚丼啲飯唔算好多，男人食可能啱啱夠飽肚，但係條鰻魚又真係幾好食。雖然餐牌冇寫，其實佢有三粒白玉丸子送，我覺得好食過日本，日本嗰啲成日都冇味，呢幾粒反而甜甜地，綠色嗰粒仲好有抹茶味🤣雞扒烏冬不過不失，有得揀冷或熱烏冬，份量足夠最有驚喜係呢杯雪糕，認真，好耐未食過今次喺日本食到嘅軟雪糕

一盒子嘅便當🍱，裏面有各種不同啲美食，意粉味道ok，我個人比較鍾意大福餅同小番薯，香甜可口又唔會膩。佢嘅綠茶雪糕都食特別，一層層不同口味嘅脆口配料混合雪糕，口感豐富😋😋

第二次来，收工唔知食乜好。朋友話想去深水埗食，馬上想起"茶屋町"，上次老闆(應該係)請我們試吃抹茶雪糕，超讚，細細杯，一羹羹"畢"來吃，雪糕結實，真材實料，味道也很好。所以到"茶屋町"，吃甜品是必須的。今餐點了鰻魚丼(超級好吃)，鰻魚烏冬，牛肉烏冬(牛肉味濃，略過熟)。然後就係甜品：抹茶雪糕，蕨餅，puff。美味的一餐。店舖員工也是勁抵讚的：忘記給我們QR code下單，後來發現我們等得久，馬上给我們直接下單，無須再搞QR code員工一開始太忙未能上茶，食物来了後，還是記得主動給我們清茶(換作其他店，肯定話之你)。

第一次來，店主(我估計係)給人感覺温柔有禮，甫坐下先奉上清茶兩杯，店風日系，播的日文歌使人舒服relax。從食物中感到店主用心準備，吃得舒服自在的一餐。我們點了汁燒雞扒烏冬，鰹魚湯(好味)，另外點了焗和牛肉漢堡丼，也不錯吃。

同女朋友行行下街黎食飯 先講環境 係小店 size好細都幾狹窄見d侍應都行得辛苦 尤其是佢地比左個籃放背包之後 條路超窄lol叫野食有個甜品送嘅 就係有三粒丸子 好好食 配上糖漿同不同味道嘅丸子 感覺好特別叫左個鰻魚飯啦 好味嘅 唔太記得價錢 但100蚊內 個飯少硬 但配上個鰻魚汁 就真係一流啦 魚燒得好味 feel到係燒過or煎過 有焦嘅感覺 而唔係微波出黎嘅 因為之後食過吉野家微波出黎嘅鰻魚有陰影 所以呢間非微波 已令我感覺良好有芝士唐揚雞飯 呢個打卡一流 可拉絲 聞落去好重芝士味 雞扒都炸得好 又嫰 但對於我呢重輕口味嘅人黎講 食頭幾啖還好好味 食多幾啖覺得超膩 不過 因為枱頭係有茶自己斟 所以可以大大咁減少d膩 呢種安排十分好另外 其實我地有叫個配抹茶雪糕嘅抹茶飲料 但唔記得影相 個重點係 吹到個甜品比熟食真係出色好好好多 食落去好好味 茶味濃而又唔會太搶雪糕嘅牛奶甜味 而如果覺得太甜 可以用下方抹茶中和下 哇 咁樣嘅安排配搭 一流服務方面 人手唔太夠 舉左好耐手冇人理 之但係服務嘅質素超好 會問人要唔要籃放袋呀 要唔要茶呀果d

🧀芝士唐楊雞肉丼｜💰76‼️痴線爆多芝士，仲要拉哂絲本身以為係醬，原來係實實在在既芝士雞仲好脆，撥開芝士飯面有味素 可惜整體上太乾，如果有d汁可能會好D🌟但係佢係我食過最多芝士既丼.🐟汁燒鰻魚丼｜💰88👍🏻好大塊，燒得好香，皮仲燒到脆脆地鰻魚汁送飯一流-🥗茶屋町究極蟹籽沙律28可惜冇乜蟹籽海藻係Base，芝麻醬帶少少檸檬酸好清新開胃-仲有白玉同埋抹茶白玉抹茶味就偏淡，只會食到最後有少少清香-個人黎講覺得真係物超所值✨鋪仔細細，啲嘢又唔貴，竟然嘢食都算高質又足料👍🏻-🌟即到Ig @snacklife_keepfit 查看更多食評

好耐無出深水埗，為左平民小店可以繼續做落去，係open rice 揀左呢間日式小店試試。叫左一個豚肉飯同雞扒烏冬。兩款肉既醬汁都非常濃味，重口味愛好者應該好受落，不過我地就麻麻。食呢餐飯灌左唔少水。最大件事都係碗飯！啲飯差不多8成都係濕既…果然一碗靚白飯唔係人人做得到…唔知係落水太重水定係疏氣唔夠啦…呢碗飯食完好似無食咁。雖然小店真係賣少見少，但基本食物水平好緊要架，希望佢會留意返啦！我唔想下次到深水埗又少左間小店。

係深水埗搵到間小日本風味既餐廳，裝修都唔錯，少少日本風味，解下無得回鄉既苦😝其實都唔知佢主打正餐定甜品，但兩樣都好吸引🤤嗌左個雞扒鰹魚湯烏冬，豚肉咖喱湯烏冬仲有宇治金時。雞扒同豚肉都燒得夠香夠熱，唔係一早整定，相比下豚肉就食得多會比較油膩，但好食既！而烏冬如果爽番d會更加好，不過都ok既😆而咖喱湯就係日本咖哩口味，甜dd唔會太辣，入面d薯仔同蘿蔔都夠淋😋甜品，幾種質感，幾種味道，而且豐富，下次要食其他！

香港大部份人都有顆日本心。 大家都好掛住日本。 今日就想食下日本野。 入到黎好有居酒屋feel, 而牆上又有日本電車既車窗裝飾, 感覺好有趣。 而入到去, 老闆雖然係年青人, 佢堅持會用日文同客人打招呼, 後來我知佢係香港人, 因都會講返廣東話, 不過都好得意。見網上話, 佢既鰻魚飯係唔錯既, 所以都叫左個午餐定食。 都好豐富, 好大碗飯, 鰻魚都好大條, 麵豉湯都ok既, 仲有日式丸子做甜品。鰻魚飯真係幾出色, 雖然佢大條, 但肉質豐滿, 夠彈牙, 唔係放左好耐好易爛開既魚肉, 個汁味道都好好味，唔係死甜, 真係好吸引人食晒成碗飯。麵豉湯唔會太咸，好清, 味道好舒服。 而丸子, 我以為會係普通野, 但食落都幾好味, 食得出真係都係自己整, 好味。這間日式店真係比客人見到佢既誠意, 好用心做。 真係好日本開平民料理。

深水埗平民價日本料理🥰大大力推薦鰻魚烏冬！！$88咁大條鰻魚邊度搵！！鰻魚好綿好厚身！不過鹹左啲 烏冬就好彈牙 同埋叫左鰹魚湯好香🥰另外叫左個芝士唐揚雞丼 勁邪惡😈但好漏 食左一半都冇已經勁飽😂😂😂食唔曬

除左大南街cafe外，深水埗多數主打掃街或港式主食，而喺大馬路就有一間好有和風風味嘅餐廳🇯🇵🍱汁燒秋刀丼 ($78)成個佈局好有日本家庭嘅感覺☺️附上昆布前菜，味道帶微酸，幾開胃👌🏻汁燒秋刀魚質素不過不失，魚肉嫩滑帶少少油脂，燒到魚皮帶燶面帶有脆香嘅口感，再淋上自家燒汁，整體感覺不錯😉留意⚠️燒汁對比其他餐廳味道偏甜，唔好甜味嘅人未必會鍾意啊‼️整體質素都尚算可以，但始終只有一人打理/人手不足，服務相對無咁足同上菜速度有待改善😉

深水埗黎講呢間都算中高價。佢同隔離個間拉麵應該係一齊既，因為我點既炸雞係隔離拎過黎。鰻魚烏冬，加左$5轉日式咖哩湯。原本佢係就咁一份烏冬。紫菜同蛋我麵係另外加。鰻魚大大塊，算係咁。刺都算挑左，係深水埗無預佢有幾靚，味道都夠又唔會過咸。烏冬正正常常，唔係超級彈牙但唔係軟林林好cheap個隻。個蛋唔建議加，一黎佢生左少少少少，我食唔到隻蛋咁濟，二黎佢加左唔知咩醬油落去，但唔知點解加左之後又無蛋味又係醬油味，變左無味。炸雞即叫即整，上面鋪木魚，幾香幾好食。如果要我特登番黎食正餐我應該不了，但聽講呢到甜品出名，如果有人叫我既話都可以番黎再食。

我前後食過兩次呢間，兩次都主要係衝住佢既雪糕而來。兩次黎既時候，店內都好少人，有時店員仲會多過食客。不過都唔影響，因為我真心鍾意食佢個雪糕，好正好正。第一次黎既時候，叫左三樣野，抹茶大福一粒要＄６，好好食，入面夾心好香甜，外皮又好Ｑ，好煙韌，好軟熟～白玉同埋綠玉都好正，雖然無夾心，但同樣口感超好～牛乳雪糕好滑，而且有好香濃既牛奶味，令人停唔到口～出面是但食個芭菲，＄７０幾８０走唔甩，但係佢呢度既芭菲抵食之餘，仲要係好食。最頂係蜜漬栗子同埋主角既抹茶雪糕，落一層就係紅豆，然後就普通既粟米片，再落就係抹茶脆米，甜甜地，夾埋食幾正，最低係類似寒天 jelly～佢既抹茶雪糕係我目前為止係香港食過最好食既雪糕，勁滑之餘，佢抹茶味好甘香，好濃又唔會苦，帶有少少奶香～再追加左飲品，唔洗５分鐘就飲曬。。。隔左幾日又忍唔住約左第個甜品控朋友黎食。。。呢個 cake 既賣相係十分美觀，但可惜令我幾失望，因為皮又乾又硬，本身佢個抹茶 cream 既味道係唔差，但係口感已經影響左成件既感覺，最後食剩一半無食曬。又係叫左同一款芭菲，但好奇怪既係同上次既材料唔同左既？可能係因應佢自己有咩就擺咩？整體同上次食既差不

一入到去見到日系裝修🇯🇵好似去左日本咁🤤有2個小朋友做小幫手！態度好好🙈不過食物質素有待改善😞本身好高期望食鰻魚飯，但食落真係好一般😖⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬汁燒鰻魚丼($88)呢個價錢係深水埗都算中上既價錢～期望真係幾高架！但食落完全唔係我諗咁😣啲飯整得過軟唔係粒粒分明，汁又太多過咸，鰻魚都好普通同叮既鰻魚冇咩分別😰可以用唔好食黎形容😢.汁燒雞排烏冬($77)呢個就正常少少，烏冬軟硬適中同爽口☺️雞排有少許油膩，但都比鰻魚丼好食既。.唔太推薦大家黎食，食物質素真係好普通，有待改善。.🔸評分: 5/10💰人均消費: $100