茶木‧台式休閒餐廳 (已結業)

今日在元朗西鐵站付近的商場搵野食，形點。發現這間茶木，茶木一直台式美食的代表作。menu 都很靚黑麻油雞翼麵 $70最鐘意湯底夠濃， 雞翼入味，再加上麻油香味，唔錯。醬燒豬軟骨麵 $72豬軟骨夠入味， 有3大舊，都啖啖肉草莓香草蜜糖磚塊 $79有三層烤過的厚多士 ，每塊多士都夠脆及沾有蜜糖的甜味，再加上士多啤梨雪糕， 及新鮮士多啤梨及 棉花糖唔叫唔得丫來到茶木必要叫的甜品之一，1個人食會太飽，或食唔哂，所以最好share 食因為甜品夠吸引，所以會經常幫襯茶木。

茶木吾知幾時開始加左下午茶，舊時全部散叫，叫個面加杯野飲都過百，宜家經濟實惠好多，所以見到有下午茶即入，距有好多選擇，甜品，面，小食，吐司類，全部都可以免費跟餐飲，叫咗個鹽酥雞麵，我本身好鐘意食台面，口感好有彈性，所以黎親茶木都必點，加上係自加制面，感覺加分，之後落埋餐飲，免費升級珍珠奶茶👍🏻👍🏻👍🏻，下午茶份量面底小dd，但對於女士都好飽肚，值得一讚係個珍珠奶茶，個茶底好香，個鹽酥雞就暖，吾係即炸，吾夠脆，不過下午茶又多反一個地方好去！

茶木是一個台式的食物和甜品店食物質素方面不過不失吧珍珠奶茶不錯，但菜式味道一般價錢較貴，又要等一段不短的時間才入座環境簡潔光亮，餐單設計也如雜誌般精美炸雞扒肉燥飯，炸雞扒不錯，皮鬆脆肉很嫩，不過肉燥飯醬汁不夠，比較乾👍👍溏心蛋跟牛肉麵是每來必吃溏心蛋不會過熟或老👍牛肉麵湯很香很好喝，麵也爽口而且蔬菜蘿蔔料很實在不過份量比較少，食唔飽😭甜品草莓蜜糖磚塊賣相非常精緻，糖槳和忌廉份量不少，食食下覺得太膩😋兩個人沒法食完一個。

放假自己一個人走左去元朗yohomall形點行街shopping,行到又攰又好鬼肚餓之際，突然諗形附近有間食台灣牛肉麵好出名的餐廳叫做茶木，於是我就急急腳行過去坐低食野喇！紅燒牛肉麵~真是超好食，麵質煙韌爽口彈牙，牛肉肉質軟淋，連D蘿白都清甜好味，食落完全冇渣，湯底清甜，好濃牛肉味，超正！芒果沙冰~香甜可口，芒果味超濃郁，非常好飲

作為hea hea 的freelancer ,約人食晚飯係好難嘅事，反正約朋友仔食lunch/high 個tea 仲易d🙈一向好鍾意係yoho mall 搵食，一來就腳，二來個商場係pet friendly 嘅，如果間餐廳係半開放式，又有靠門口嘅位置，某程度上係算可以同pet pet 一齊搵食，成件事開心好多！今日就三人一狗去左tea,其實食左好多野，但係唔係好記得影相下午茶☕️算係幾抵食，upgrade 埋台式飲品都唔算好貴!個溏心蛋係值得推介嘅！夠晒入味芝士雞翼都唔太差🙈不過今次想讚嘅係甜品個拿破崙大大件，又脆卜卜，有好足夠嘅芒果同吉士，甜品適中😍芋圓都好足料🙈三個人食左4個餐，真係唔好低估女人嘅食力

Was here alone for a lunch. Service was primo and there was no need to wait for tables. The beef noodles ordered is a bit expensive but okay for their quality. The noodles portion is enough but each piece of beef seems tooo soft. The soup was intense and very nice. The highlight of the meal is the malt milk tea. Though a little sweet it was a good tasting finish to the meal.

我最近變咗茶木既Fans！今日係Yoho食完晚飯，甜品癮起但又懶得行咁遠，於是就去咗茶木食甜品。屋企人鍾意食芒果，就嗌左個芒果糯米飯。椰漿暖暖地，味道不過不失。糯米飯比較結實，痴埋一舊，口感麻麻地。而芒果已經切好一舊舊，方便進食，但個人覺得偏酸。朱古力雪糕🍦配上蜜糖麵包磚，兩個人就岩岩好。麵包磚脆卜卜，配上雪糕真係一流，但係個人覺得Cream太多，味道偏甜偏膩。花茶好好飲，清新解膩，配埋蜜糖更容易入口。

有排無食茶木啦﹐皆因真係唔容易等位。今次見少d人，又係附近行下街，算係可以等下。不過我又唔明，其實茶木又唔係特別好食而又唔特別平，點解會有咁多人食既呢。點都好，今次我地一行兩個人，叫左兩個主食同兩杯野飲。先講下沙茶牛柳炒手作麵，確係幾好食，整體口味唔會太咸，沙茶味都惹味而牛柳都幾嫩；麵有少少似板條，厚身彈牙，唔錯。另一個係梅子豆乳燉肉排，呢個真係食唔到，特鹹同勁老。成碟餸醬汁豐富，鹹到起碼十碗飯先夠撈，肉質亦唔係一般人咬得到吞得到，我地根本無咩食過。仲有叫左兩杯野飲，都不過不失啦，奶蓋都算做得唔錯，夠奶味都厚身。呢度既食物質素參差，大家真係要小心揀野食。

其實，野食叫做好味。昨天，一家人去吃lunch，我叫了個蚵仔四色麵（成$78），初初我也感到奇怪，碗野得個十粒蚵仔，比我平時食蚵仔碎肉湯飯，少得很。都諗住同店經理講，旦家人話算吧！我也沒有理。直到我今天放工，路經家附近茶木，見到張posterD蚵仔仲多過我昨天食嗰碗的材料，我感到俾人呃，真的後悔昨日沒有影相，如果唔係可以去消費者委員會反應，與圖不符！

其實以前我都係茶木嘅忠實擁躉，最記得當年佢旺角店嘅時候，真係等兩個鐘我都會等來食嘅，但到佢越來越多分店之後，唔使講啲質素都越嚟越差啦！以前佢最好食嗰個一層層嘅麵包啦，台式嘅食物啦，都變得差左一大截真係想講佢唔開分店好過開分店，依家食茶木佢唔使等位㗎 ，但我都唔想再去食啦！今次唔係班朋友約我，我都唔會去食！我哋嗌左幾個午市套餐，全場最好食嘅就係得個滷肉飯，啲餸難食到嚇死人，睇吓我張相嗰碟餸上邊嗰劈黑色野，真係話俾你聽估唔到係咩來，我哋以為佢係芝麻，點知原來佢係一啲酸酸甜甜好似酸梅咁嘅嘢，令到成碟餸大家都放咗喺度茶木，再見👋🏻不會再來了

每次去茶木都必點蜜糖磚塊，感覺上元朗呢間cream同雪糕都好似特別多！我地五個人分，食到最後都仲有cream同雪糕拌住食，唔會得啲吐司邊咁dryweekday黎食唔係好"墟陷",所以一點餐，五分鐘已經出左碗牛肉麵喇牛肉麵差唔多係每次黎都會叫的，因為個湯夠濃又唔油，啲牛肉又唔韌，個麵底食左咁多間分店都係同一水準，彈牙。再嗌多左個酥炸排骨麵，炸排骨係偏多肉的，加上佢份量多，炸漿都厚，所以都幾滯下。試左芋圓，清清地，唔太甜，都幾足料，不過略嫌薏米有啲太生，食落太硬。總括黎講，食物水準不錯，員工服務態度都好。

元朗呢間茶木，可能因為地理位置問題，所以無市區的要排咁耐隊，而且一個人可坐一張四人檯，坐得好舒服。每一次黎茶木都係食意粉，反而對佢的台灣菜比較少食。呢度既意粉標榜自家製，因此食落寧舍有咬口。而今次食左意粉好多菇菇，醬汁好香濃，令人驚喜。

元朗新一期開左之後，有好多新食肆，而原本二期的餐廳，由以前好多人排隊等食到依家唔洗等位，茶木是其中一間。所謂不進則退，所有野都係有因有果的。之前來過兩次食晚餐，食物可以得份量很少價錢唔平，今天因為唔洗等位又有啲趕時間，於是就第一次在這裡食午餐，午餐沒有set, 於是只點了鹽酥炸雞麵 $70, 冇 set另外加飲品的話大概$40-50，計加一，即大概$120-130落樓，咁計一期就有更多更好嘅選擇喇. 至於個鹽酥炸雞麵，兩個字，咸！油！由湯底到炸雞，只有咸味，炸雞炸粉又厚又油，係米因為我冇叫野飲？

今日約左舊同事食完午餐，傾計傾到意猶未盡，不停傾計行下街行到去yoho諗住搵個下午茶再繼續詳談～其實甜品我唔太好，咁我地就諗住叫小食， 可能下午茶嘅原因，款式不多，又或者唔岩我口味掛！甜蜜糖心蛋拼芝心雞翼， 個糖心蛋我第一次見係咁， 雞翼有好香既芝士味， 入面有細少既蘑菇～馬鈴薯絲炸蝦卷拼金黃鹽酥雞， 鹽酥雞已經唔係金黃色，亦沒有味道，炸蝦卷真的不似蝦卷黑糖珍珠奶茶，超重奶味，完全飲唔到有茶味！今次係我第一次食呢間餐廳，我見好多同事都好鍾意去呢度食甜品，或者呢度真係出名甜品吧！

今日同朋友經過形點,想搵個地方坐下吹下水,朋友又想飲珍珠奶茶,咁我地就揀左好耐都無食過嘅茶木。我地叫左兩個茶餐。甜蜜糖心蛋配芝心雞翼。糖心蛋食唔到甜蜜味,味道過咸。芝心雞翼釀了芝士及蘑菇,味道剛好,但略嫌細隻。馬鈴薯炸蝦卷拼金黃鹽酥雞,炸得啱啱好,鹽酥雞有肉汁,又不會太油。黑糖珍珠奶茶,珍珠不會太甜,正!但奶茶奶味太重,有些失望。總括黎講,食物不過不失。想搵個地下舒舒服服坐下,呢到都係一個唔錯嘅地方。