茶木‧台式休閒餐廳 (已結業)

香濃咖啡 ($ 30 )來到一間咁美麗餐廳、 叫番一杯coffee 放鬆一下. 口感香滑，香濃咖啡味， 還配上一片脆條， 店主真係好細心， 咖啡真係好好飮架 ！ 古早味三杯雞 （$67）雞味好香 ！雞件肉味濃郁，肉質嫩滑而有咬口， 有薑蔥炒過， 層次增加了不少， 值得一讚 ！ 我最鐘意是上菜用熱鍋， 熱辣辣好好味！ 餐廳環境一流， 光線好舒服， 下次約埋三五知， 談天說地， 絕對冇問題 ！其實我好喜歡吃甜品， 今次無機會吃甜品，我下次一定會再來試一試！

茶木.吃過很多次分店多，但不是每一間都好吃…但原來從未對茶木任何分店分享過食後感元朗分店卻是第一次吃，總算ok不過不失！放工來到形點，手機apps取票輪候二人枱都算快，差不多十分鐘便可坐下！快快點菜落單，五分鐘後已送上食物，沙茶小牛排，非常惹味之後…酥炸排骨麵也送上麵條比較硬身，份量不多但炸排骨有很多件 酥炸外皮很鬆脆不算油膩但多吃幾件就覺得很熱氣除去些小酥炸外皮才吃套餐+$30包了一件蛋糕及飲品其實，每次都係揀Opera個人喜好必定會首選這款蛋糕但不是每一處都做得好吃最後來一杯熱Latte選擇拿鐵飲品另加12蚊，味道不錯不會太濃的咖啡，適合另一半的口味吃一口蛋糕配上一口咖啡最滿足不過了

茶木唔係第一次食，但元朗呢間係第一次，晚餐時間照慣例要排隊，不過傾住計等又唔算等好耐。有set dinner可以揀，不過因為鍾意食茶木嘅手工意粉，諗左陣都係決定散叫。先上一份牛油果大蝦沙律，份量頗多，而且材料新鮮，跟沙津上嘅醬汁唔太知係咩，不過酸酸地幾開胃，同沙津幾夾。主食叫左香料雞肉蝴蝶粉，一直好鍾意荼木嘅手工意粉，今次食嘅蝴蝶粉同樣keep到水準，雞肉嫩滑入味，蝴蝶粉軟硬適中，醬汁香濃又creamy， 加上蘑菇減少油膩感，夾埋一齊食好正另外叫左香辣牛肉麵，手工麵口感彈牙，牛肉十分足料又厚身，嫩滑得黎幾入味，配料蘿蔔一樣入味。只係牛肉麵比想像中更辣，唔食得辣嘅朋友建議點紅燒牛肉麵。最後係每次都點嘅芒果蜜糖磚塊，飽的七七八八都抵唔住甜品誘惑。三層多士加上雪糕、忌廉和鮮芒果，外觀都已經夠吸引。中間嘅蜜糖多士好香脆，單食或者加埋雪糕一齊食都好味，而且唔會因為過甜而蓋過左唔同材料嘅味道，水準真係唔錯!食左咁多次唔同分店嘅茶木，水準都一直保持得唔錯，而且價錢唔太貴，所以同朋友食飯都經常約茶木，希望水準可以一直保持

Yoho Mall的「茶木」好像自開業之初開始，每到晚餐時刻都一定要排隊，而一排至少15-20分鐘走不掉。這天晚上約了兩位朋友一起出來聚聚久、講講心事，因茶木較近西鐵站故選擇在這裡解決晚餐，雖然我們很早來到，但也等了頗久的時間。茶木出名裝修走小資文藝風，藍白主調的色彩配搭讓整個餐廳充滿小清新的感覺。我們首先點了一個牛油果大蝦沙律，沙律顏色極為豐富，紅黃椒作點綴，牛油果、火龍果和沙律菜綠白相映，伴著橙紅色的大蝦，視覺極美。將附送的沙律汁拌入蔬果裡，橄欖油香味濃郁。可惜有一缺點就是沙律菜非常大塊，若能每片剪開成數片相信會更容易入口。我指名點了紅燒牛肉麵，麵上灑了蔥蔥鬱鬱的青蔥，還有白蘿蔔和紅蘿蔔，賣相吸引。而手工麵條粗細幾乎相近無差，即使泡在湯裡，但也不會過分軟身，還非常彈牙。牛肉非常厚肉，肉質鮮嫩，鹵得很入味。白蘿蔔炆到透心，食落口完全沒有渣渣，而紅蘿蔔也非常甜。另外朋友想食義大利粉，我們便叫了香料雞肉蝴蝶粉。每朵蝴蝶粉都被濃稠的醬汁包裹著，吃進口還可以吃到一條條蘑菇，口感很好，雞肉味道也很足。女孩子應該會非常喜歡這道餐點。最後是甜品時間，本來我打算叫芋圓，但因為同行兩個朋友說不夠飽，故

今日約了家人聚會，一反傳統唔去酒樓，walk-in 吃茶木。因為下載左T-factory, 有免費奶蓋飲。叫了烏龍茶口味同綠茶主菜有三杯雞，兩個麵。比較驚喜的是菠蘿雞，內有荔枝，士多啤利，藍莓，非常野味For dessert, we had rocky road honey toast. It was quite messy to say the least and a bit too sweet because of the marshmellow.The service was not too great as the manager didn't seem very pleased whenever we asked him to take orders.Overall, the food was alright but not spectacular.

收7點半，返到元朗都差唔多8點半，諗起元朗有間菜木，就決定晚餐係茶木。好幾個月無光顧茶木，發現菜譜換新了，亦加入一些新菜式。胚芽奶茶加珍珠-珍珠煙韌，茶味香濃，胚芽份量多。炸雞扒拉麵-雞扒炸得鬆脆可口，拉麵夠咬口，湯底香濃。寶島三小碟-炸花枝餅，酸甜炸雞粒，糖心蛋。各有特色。份量少可以試埋其他小食。台式烤三式腸- 糯米腸 原味腸 墨魚腸 糯米腸煎得外脆內煙韌，墨魚腸有海鮮的甜。

是日帶昕昕去茶木食午餐，因為之前去煌府活動有免費甜品券，打算在昕昕生日前跟佢試食好嘢😅😅😅平日午餐其實唔算特別平，不過食量都算ok~~~個人覺得雞炸得太乾，鴨肉反而ok，個飯一人份量，男士可能未必夠食呢個原來要等幾耐，下次有機會食必定在飯餐上時順便落order，呢個係茶木最出名的甜品，多士夠晒脆，雪糕好食，d糖漿唔太甜，昕昕淨食雪糕，我食唔晒諗住用紙巾包最底果兩層打包點知侍應姐姐見我想打包就俾膠袋和膠盒我，但膠盒唔夠放，我直接放入袋，減少塑膠浪費~~~埋單發現加一係包埋甜品的加一價，如果一個人平日午餐咁食真係唔平架，不過昕昕有份食，就覺得抵返d，好在新年假期大部分日子係跟嫲嫲食午餐，我又慳返d食飯錢

假日晚餐要儘量食7成以下飽，又要吃正經飯又要滋味嘅，茶木真是我的摯愛頭三位（個胃話嘅） 少少哋食，點了兩款常叫的惹味小菜for送飯，沙茶醬四季豆爆脆蝦苗 $59蔭樹子中卷爆花椰菜魷魚圈 $61另加白2碗 $24（由於不吃魷魚便叫厨房“走魷“，但並未有因此而為我增多兩棵椰菜但都okey啦） 沙茶醬四季豆脆蝦d蝦爆炒得很脆，醬料包封住蝦身，入口很脆，但蝦頭又未至於是炸到軟殼，所以就不能連頭吃的爆炒椰菜花因為太美味，急急就起筷了，食到一半才記得影相噢所以才殘風掃落葉咁樣咋，上桌時賣相是很靚的蔭樹子爆炒椰菜花，是附有辣椒炒的，上桌很香，放心只是微辣，配上香港人很少吃過，外形圓圓似秀珍菇頂部的“蔭樹子“果實，初時以為是一種提味增香的材料（花椒八角香茅之類），外殼有少少硬，仲以為唔食得，那知試食了一粒後，就竟然停唔到，咬落酸酸的，裏面有汁，配合辣椒及椰菜，蔭樹子的酸平衡了辣味，椰菜炒得夠火候，味道特別可口單是這一味小菜，就已經送去了大半碗飯了兩款小菜份量都很少，但一人一個白飯，吃完又剛剛好7成飽喎，不會撐胃，但味道就比較濃一些耐唔中食一兩次是ok的7成飽飯後，意

今天天氣特別冷，與男友不太願意往外面吃晚餐，索性在商場吃茶木就算了。每次男友來茶木定必會點凱撒沙律，利用大量生菜加上麵包粒，還有新鮮的芝士絲，整體口感清爽又健康，真的非常適合前菜享用。沙茶醬四季豆爆脆苗蝦略嫌蝦炸得不夠酥脆，軟軟的，吃得不夠過癮，沙茶醬亦不算太濃郁，唯獨四季豆口感鮮嫩，此菜中最為突出。愛爾蘭咖啡蠻冰涼，咖啡開始喝的時候確有濃香的咖啡味，奈何冰塊融化後味道漸漸變涼，有點水水的味道，還是咖啡上的雲呢拿雪糕好吃，滿滿香草味。熱帶水果茶一如既往的水準，真材實料，放了很多的水果片煮作水果茶，滿口都是水果自身的鮮甜，很溫潤解渴。最後當然不少得茶木的名物之一蜜糖磚塊，是次選了石板街巧克力口味。磚塊尚算香脆，加上厚重的忌廉，甜而不膩的巧克力雪糕，冷暖相融，味道相當不錯~ 還有酸酸甜甜的鮮士多啤梨輕解吃完甜品的飽滿感。

好似好多茶木分店咁樣，梗有一間係左近。行完yoho mall，啲餐廳都ok貴，好似茶木合理啲啲，叫左一碗鹽酥雞扒麵，無餐飲都要六十幾蚊，今時今日都真係食舖租多過乜，算，六十幾都叫做食得飽人。雞扒麵又幾抵喎，有兩層雞扒，成十幾條，炸得好香脆，炸粉皮唔厚，又唔係好油，炸野黎講係咁啦，雞扒都好滑，啖啖肉無骨啱哂我呢啲懶人食。麵身粗身，厚條，無乜味，但個湯底勁咸，好濃，唔知係咪牛湯黎？個餐牌寫住含牛成份，搞到我friend唔敢叫，佢唔食牛呀。本來想叫杯台式特飲，要成四十幾蚊，嘩，麵加飲品要成舊水，算啦，月尾慳少少，下次先飲啦。

每次去呢間餐廳，食甜品一定係叫呢個，因為我鍾意食朱古力，所以其他都不放在眼內，😂😂，個份量都大，2個人食係岩岩好，同埋元朗店冇乜人排隊，食得舒服啲，次次尼都有位

遲來的中秋節快樂！很感恩這次的風弱弱的不成氣候，這幾天氣晴朗，加上中秋早放 + 連續三天假期，實在是返工返學一族的最佳禮物！今天開始補記幾篇做節飯，常說元朗開了茶木真是好，除了有空可以去吃蜜糖磚塊過過甜癮；像週二臨時臨急本區訂不到中菜，夜晚又不敢遠行（原因大家懂的...!!!），就提早去茶木拿位，6點抵達即時入座！當晚玉仔姨姨還未抵港，我們連同爺嫲4大2小，點了三份晚市小菜套餐 ($90-106)、兩份散點麵類，再加一份蜜糖磚塊。晚市小菜可加$30附飲品及沙律／蛋糕，我們三份都加了，沙律是下圖的凱撒沙律，小小一份味道稍鹹了一點。 下面是套餐的熱黑糖冬瓜茶、凍蕙米水，以及沒拍的熱柚子蜜，我全都沒試，留給老人家及老公享用了。晚餐也可加$9轉珍珠奶茶，甚至補差價改其他特飲，彈性挺大。 散點的 TeaWood 紅燒牛肉麵 ($74) 先上，茶木的牛肉麵向來都穩定地高質素，麵條夠彈牙爽滑，牛肉也軟腍入味，湯底更加香濃黏口，小兄妹都起勢爭吃！媽媽我唯有退而求其次吃蘿蔔，其實也很清甜好吃。 小菜的 鳳梨咕嚕肉 也上檯了，以菠蘿盛起咕嚕肉的造型別致，而且咕嚕肉本身很脆口又肉嫩，配搭多款水果酸甜又

曾經有段時間好興食台灣野而家還好 所以等位無以前咁多今晚同老公放工見落雨就唔行出商場起呢個商場到食晚飯😁等左都10幾分鐘先有位。。。對台灣水果冰茶情有獨鍾嘅我有d後悔叫左佢😑😑😑個味好奇怪 華梅味太強 而且個水果味唔夠清 好濃。。。可能唔係新鮮水果汁，所以好一般牛肉麵係呢到嘅招牌菜我覺得做得幾好牛肉好入味又夠淋 份量都好足而麵條係闊條麵好有口感唔會一pat pat 湯頭都清 味道唔會過咸仲有白蘿蔔紅蘿蔔食下 幾好👍🏻👍🏻最重要個湯頭飲完食完唔會好口乾姐係唔會太勁味精鹽酥雞扒肉燥飯👍🏻👍🏻我好喜歡這裡的肉燥 送飯一流雞扒炸得香脆，但份量太少喇肉都好薄 大舊d多肉d就好喇😝😝😝甜品店員教我地所有主食上哂就要叫因為要等成20分鐘 我地食到一半先叫結果等左10分鐘呆左10分鐘下次聽佢講上哂菜就叫😁😁😁好耐無食過吐司盒喇做得好好食呀入面麵包條炸得好脆😍😍😍唔知係炸定焗 一d油都無好多好多吉士同忌廉再加朱古力雪糕肥d都值不過士多啤梨唔甜 無辦法啦😁😁😁總括是好吃有驚喜的😋

茶木的午市自選套餐以$65這價錢, 有前菜, 主食, 細碗的飯或麵, 還有飲品, 於Yoho Mall內稱得上是便宜! 平日午飯時間, 店內外都擠滿等候的食客。取票等位, 都要等上二十分鐘, 比起場內其他食店, 有點誇張。 除了自選套餐外, 還有麵食套餐, 價錢都不過是6, 70元, 同樣包了一杯飲品。 前菜有三款選擇: 古早滷水蛋, 醬油茄瓜和麻辣紅油豬耳。選擇了古早滷水蛋。 改良了更付合香港人味道的古早味, 更易接受。 蛋白變得很深色非常入味, 蛋味亦都很香濃, 結實彈牙, 可惜只有半邊, 未能夠盡興。 主食都有六款, 有手撕雞, 燜牛腩, 燜肉排, 燜豬手, 醬油鴨和魚柳。選擇了芝麻醬手撕雞。雖稱為主食, 份量卻是中規中矩。雞肉撕得較為大條, 處於清涼狀態, 作為涼菜, 溫度控製得不錯, 尤其是夏天吃更是開胃。芝麻醬頗為稠身, 份量適中, 可使雞肉均勻地沾上, 不會過多, 還加入了芝麻粒和花生粒, 令香口程度倍增。當然爽脆的青瓜也輔助了不少。 最後到細碗飯麵, 同樣有四個選擇: 肉燥飯, 肉燥麵, 新竹米粉和牛肉麵。選上紅燒牛肉手作麵。 非常掛念台灣的牛肉麵, 當然茶木的

終於有機會吃到這個重量級甜品啦！草莓香草蜜糖磚塊賣相十分吸引，我和朋友都不約而同地拿出手機拍照。三層高的多士交錯堆疊。在多士頂上是一球粉紅色士多啤梨雪榚，再以深紅色的士多啤梨醬、新鮮士多啤梨和數十粒白色綿花糖作點綴，感覺像是一個士多啤梨城堡。在我們拍照期間，雪榚已靜悄悄地融化了，尤如瀑布傾瀉下來，覆蓋了多士。於是，我們都動手動口吃了起來了。多士咬起上來比較硬身，但沾上雪糕同吃，則恰到好處－－多士變得軟身，還帶上雪糕的甜香。多士內裡是中空的，放了切成小粒並且塗滿蜜糖的小磚塊。個人最喜歡這些小磚塊了，甜甜蜜糖味，小磚塊綿密鬆化。一個草莓香草蜜糖磚塊，足夠三人一起分享，大滿足！