茶木‧台式休閒餐廳 (已結業)

茶木，出名台式食店！新產品，綠茶加紅豆，吐司脆！而且切得比之前細！進步！ 招牌紅燒牛肉麵！牛肉夠彈牙，麵質也爽口！ 豬手，好好味，每次來定必吃的！味道太好了！ 很一般的蚵仔泡飯！吾好味！蚵仔肉吾夠！失望！ 很酸的一杯特飯！愛酸者必飲！螺肉！味道不好，缧肉很難咬！而且分量很少！

在元朗做完嘢,攰攰哋走咗去teawood飲杯嘢回下神,乜原來規定個半鐘交枱?冇所謂,反正飲完就走.我唔肚餓,想飲杯咖啡啫.近十幾年,台灣人興起種高山咖啡,好有態度咁.之前朋友送過我咖啡,可能佢唔識買,味道質量好似嘛嘛哋.今次我唔想飲fancy嘢,天氣唔好都影響心情,所以regular coffee就ok喇.伴咖啡有片杏仁餅,好鬆脆,應該係home made.杯咖啡夠熱味醇,雖然未至於話after taste怎樣怎樣,不過都幾滑喉.唔錯𡃓.

今日難得唔使返工，就同我家長老一家去試試，點知出奇地無咩人，等了5分鐘就已可入座… 點了７樣野加一款甜品 ~ 我本人就只覺得墨汁手作麵真係好食。。。汁鮮麵麵好煙韌彈牙，值得再試

今日和兒女去了新元朗中心吃午餐，平時去飲茶，她們提議去茶木,由她們揾位,她們揾到位之後再叫我出去，我去到新元朗中心，仔仔已經入座了,而家出來聚餐，仔仔都會帶他的兒子，茶木是第二次來,原來散叫都幾貴，我同兒女分別點了紅燒牛肉麵/芒果雪糕千層多土/士多啤莉雪糕千層多士/手作麵，先講紅燒牛肉麵，紅嬈牛肉煮得好入味,牛肉夠淋,麵質又夠彈牙,兩個千層多土又幾好吃，起初好抗拒吃,見到這個以為不好吃，這個賣相好靚 ，味道又不錯,環境十分不錯，地方適中，座位坐得舒適，價錢真是貴咗些小，和兒女在一起共聚吃一餐美味

一場到元朗中心，諗住試下嗰度Ｄ嘢食。好似冇咩揀就諗住試下新嘢。門口已經有某藝人的紙板招牌，已經有少少懷疑是否真材實料？不過食嘢唔應該有偏見，而且附近冇咩揀，最終等了一陣入咗去。ＭＥＮＵ冇咩揀，而且明明是台式食店，不過台式菜款式真的太少了 。選了西式松露煙肉手工麵同薰衣草珍珠奶茶，仲有台灣豬軟骨手工麵和珍珠奶茶。等待大概１０分鐘飲品先上，等咗２０分鐘度松露煙肉手工麵也來了，結果到３０分鐘再催台灣豬軟骨手工麵，侍應話幫我哋催下；再過１０分鐘，已經到了容忍的極限，追問侍應點解咁耐，一Ｄ責任感都冇，一Ｄ交代都冇！到４０分鐘先送上！！！！！ 　大佬，你唔好話我知你即埸手打麵所以我哋要等咁耐？！！！９０分配己用了大概一半嘅時間等埋Ｄ咁嘅麵！ 松露煙肉手工麵（＄７２）：拌碟的辣椒絲又幾好味喎。但係汁過多，亦冇松露味，煙肉一般。以＄７２價格嚟講，物非所值。 台灣豬軟骨手工麵（＄６０）：好鹹，不過軟骨不錯。 薰衣草珍珠奶茶（＄２９）：完全冇茶味，只飲到糖水味，亦冇薰衣草味；但珍珠好味。 珍珠奶茶（＄２９）：有較濃奶茶味，好飲；珍珠好味。老實講，用４０分鐘等咁嘅麵一Ｄ都唔值。而且侍應連道

曾和朋友說過，「茶木」是一間非常成功的連鎖式台式Café。早在那幾間台灣著名的Café打進香港市場之前，它已經窺見這類Café的市場需要。尤記得當第一間剛剛在旺角瓊華中心開始試業的時候，我和女友便已經光顧了幾次，當時的飲品仍是享有半價優惠的。而那一套特別「霸氣」的等檯「文化」，亦可以說始於「茶木」：1. 不設任何電話預訂服務，食客必須要乖乖Walk-in排隊才可以一嚐美食。2. 即使排隊輪籌，食客也必須人齊才可以入內。縱是如此，由於餐單上包括了各式意粉、麵、飯類食品以及不同的飲品、甜點，還有宣稱月售可達10,000份的超人氣「雪糕配蜜糖吐司」，你會發現，無論什麼時間前往「茶木」，都可以找到適合那個時段進食的東西。加上恰如其分的裝潢風格，標榜出自然系的格調路線，這也是為何它能夠在短短數年間由一間擴張到現時十三間的原因，絕非當年曾在香港興起一時的台式飲品小站可比。言歸正傳，因女友近日想選購新波鞋，而她心儀的款式正好在新元朗中心某間售賣運動用品的專門店有貨，所以付款下訂之後，我們便前往「茶木」吃晚飯。當時6點半左右抵達，在門口的派籌機拿了籌，然後周圍逛逛，並不時回來看一看，大約等了45分鐘，

因為一向都知茶木比較多人朋友已經一早去排定隊拎飛等位由7點半開始等..等到8點9都未有位.. 重點係5人枱綠色飛,拎既時候係7號..但等到8點9都仲係叫到8號..佢樓面比較細, 明白既..所以冇咩5人枱所以8點9走去問一問..職員都好好禮貌同我地講, 已經安排緊..問我地肯唔肯迫d 4人沙發位坐5人..定係要再等下一張大枱由於已經差唔多9點同埋用餐時間只有1.5小時..佢地10點半定唔記得11點已經關門所以直接去坐迫d..坐低就直接叫了珍珠奶茶 ($27)朋友覺得ok, 同都幾多珍珠下..香蕉朱古力冰淇淋($32)其實係沙冰,都唔錯幾好飲同埋有個雪糕球起面提拉米蘇丹麥吐司佢呢個樣同其他食開的吐司唔同平時就係3層佢呢個就3件, 上面有雪糕球同埋有d似cream但口感唔似的東西..我都唔太知係咩黎, 個口感有d油..結果加埋落d吐司食就, 蓋過哂d味, 淨係食到果舊cream的味道但吐司本身味道很不錯的橘子鴨胸手作麵 ($72)有幾塊小橘子起面d汁落左去d鴨胸, 所以鴨胸食起黎少少酸, 但其實又ok但手作麵味道略嫌太淡松露手作麵($72)呢個味道濃, 幾好食整體而言ok環境都唔錯, 服務態

自從元朗開左茶木一直都好想試下奈何知道多數要等位等好耐，所以今日的起心肝試下外賣返公司食先，我同同事兩人分別點左一個柯仔肉碎泡飯，一個香煎沙朗肉肉燥飯同兩杯珍珠奶茶。由於包外賣用左太多時間（我行回公司約6-7分鐘）到我食個飯已經係凍左，味道係幾好但真係好小（眼見堂食都無咁小）同事個泡飯好d，仲暖既，味道佢話可以但偏鹹。兩杯珍珠奶茶味道正常。最後食完我再去左買壽司食⋯⋯由於唔包餐飲，兩份野加埋$18x..其真係貴同唔值，可能堂食會好d掛。。以下係今次外賣既個人感受：首先外賣係不能夠選熱飲因為佢地無外賣熱飲杯，兩份外賣十五分鐘已整好，但係糾纏在包外賣竟然用左二十分鐘，佢地無fit size外賣袋，第一次包完到我手兩杯奶茶已倒出沾濕晒，換袋結果一樣，最後用釘書機釘住，終能成功取走⋯其實我覺得既然無咁多for外賣既配套不如索性只做堂食算啦！

突然好掛住茶木既塊蜜糖吐司，終是六時多才去等位，結果又要等足一小時。平時非常討厭等位的我，為了這個蜜糖吐司才願意白白企這麼久!  之前通常都是點草莓那個，今次心血來潮，決定一試芒果香草磚塊蜜糖吐司，水準還是一樣高! 又香又甜的芒果配上甜甜的格格吐司實在令人停不了口可惜最後那片吐司往往沾不到任何蜜糖，所以只是一塊普通多士吧。其實茶木的主食絕對不值得花一小時多去等，所以每次也是為了吐司和這個水果茶而來。吐司+水果茶 = 絕對是最佳的甜品組合 ! 

第二次來茶木了兩次都是中午十二時前來到，所以唔駛等位第一次來食午市飯餐--三杯雞配肉燥麵，一吃驚為天人，三杯雞甜甜的有九層塔香味，超正！肉燥麵係手工麵，湯底不鹹，麵有咬口！但份量真的很少，食完唔夠飽😭第二次來吃牛肉麵，麵同湯底都不錯，牛肉亦好味，但等候時間頗長，等左成二十分鐘先有得食（其實第一次來已經發現有人叫牛肉麵好耐都無得食），份量都係偏少值得一提的是用餐時間係九十分鐘，但等碗麵都用左二十分鐘，如果office lunch time 係一個鐘的話一定食得好趕總結：好味，但價錢偏貴（元朗黎講），份量偏少

前一排補返214情人節，所以314就同男友去咗茶木食台灣野～6點左右去到…拎飛等嗌足足等咗2個鐘=_= 間野真係好多人，我一路係到諗究竟等咁耐值唔值呢!?答案係都值得既😊(**如果等到好攰，可以去洗手間出面既休息椅到坐陣喔) 總括黎講係滿足既！我亦會推薦俾朋友～(照片可能有點模糊，下次會再努力影好點)

呢間野永遠的排長龍，難的平日6:30未有人排隊，立即入去試試 ，點了牛肉麵和薑茶LATTE，味道不錯，尤其飲品我是真的覺得好飲的，薑味不搶喉，淡淡薑味，加上不太甜，水準不錯，至於牛肉麵，湯底很濃，深啡色的，麵也軟硬適中，牛肉非常淋，也很入味，牛肉份量也不少，女仔食應該夠飽！如果不用排隊，我會想再來吃!

去完南生圍踩單車，在很累的情況下，苦苦等待25分鐘後，試著提供的鳳梨酥，終於可以進去茶木休息。消耗了那麼多的體力，自然要用甜品補充一下體力。最常吃的就是這裡的吐司，雪糕、吐司和cream的融合，又甜又鬆軟，除了外皮，吐司裡面都已經切開一塊塊，方便幾個人分開吃，十分好吃。如果不用等就更好，不過可能性很低。

星期六同屋企人去新元朗中心茶木食Lunch，等咗十個字有多，期間有枱卻無人安排入座。好喇，終於入得去食嘢，叫咗一個酥炸排骨麵同一個豬軟骨麵，都幾好食，係多油咗啲。跟住叫嘢飲，上次飲過杯黑糖薑茶咖啡，覺得超甜，今次想少啲黑糖無咁甜，職員告訴我話水吧做唔到少甜（唔通杯嘢飲喺出面現成買返嚟？）都算，但個職員態度奇差，我話唔要杯嘢飲，佢仲照落單。。最後要搵人取消，好似我地對佢唔住咁

上次見好多人係呢間等位，所以湊着閒日放假來朝勝😉侍應帶我們入座，坐下來以後，另一位侍應走上來話下次應該等侯安排入座。真是莫名奇妙😡我告知他是另一位待應安排的，他才醒覺！Order後，熱飲先上，竟然是微暖的！再來是午餐set，又是微暖的，份量少得要加甜品才會胃口充實點的，是商業策略嗎？當然，見到午餐set已有所擔心，所以甜品不order了。另一份午餐是豬軟骨拉麵，同樣跟不熱的熱飲。這個價錢有些高，8折又唔使等位才「考慮」返來。