茶木‧台式休閒餐廳 (已結業)

同朋友相約到茶木午餐，本身對餐廳期望都幾高架!但試過後……真係人人口味有啲分別啦…酥炸炸雞排麵($67) 第一次食台灣餐廳的麵食，唔知係唔係全部都係呢隻扁身麵，但老實講，冇特別冇驚喜，個雞排炸得鬆脆冇油益味，但比較咸醬燒豬軟骨麵麵係同上面嗰碗一樣的，但豬軟骨整到好淋，軟骨部位淋到好似啫哩咁，雖然冇左嗰種咬軟骨嘅爽脆感，但都唔錯金黃鹽酥雞($62)香脆可口，炸粉唔會成尺厚，亦唔太咸，比酥炸炸雞排好食紫地瓜奧利奧沙冰($34)其實一開始係俾 紫地瓜 3個字先吸引，但飲品黎到第一啖已經後悔，味道同m記嘅曲奇麥旋風如出一轍 任何地瓜味都飲唔到芒果香草磚塊蜜糖吐司($78)食左成個午餐，最滿意就係佢3塊方包中 面頭同第2塊係挖出中間 焗成4方甜脆塊，方包同雪糕又出奇地配合，成為配角嘅芒果粒又夠甜

今日同屋企人出去食，咁岩又落大雨，所以就近近黎左呢度食。一般台灣野食大家都會知道鹽酥雞同珍珠奶茶，但今次小妹就點左個酥炸豬排肉燥飯食下。酥炸豬排肉燥飯 $64望落去個賣相唔錯架，加上果隻鐵鏟匙羹，幾吸引下。呢個飯嘅份量適中，唔會話太多又或者太少，配上肉燥同埋隻溏心蛋，連埋酥炸豬排，個味道都幾好架。呢度嘅豬排幾得我歡心，因為唔會炸得太過火，女仔最怕食完炸野生豆豆架啦！豬排呢，果層炸份唔厚，食落去係絕對冇一個炸粉多過豬排嘅感覺。反而呢，塊豬排好鬆軟，一啲韌嘅感覺都冇。喺豬排入面，有少少脂肪，令到成塊豬排入口口感更加好。屋企仲食左牛肉面，啲牛肉都唔係好韌，唔使好大力咬，所以都值得試下架。

前一段時間常常看見facebook有好多朋友仔打卡呢間台式料理，啲相見到都令人流哂口水，睇完都好想要泥捧下場，終於等到yoho mall元朗開分店。但每次經過都超多人，等親都2-30張枱，閒閒地起碼要等1個小時以上，好多人喔，每次都失望走人。今次終於下定決心喺唔肚餓既情況下去等位啦，可能一早就來到，用左不到一個小時，等左十幾張枱，食到啦，佢地個士多啤梨蜜糖磚，好足料好大件喔，實物同相一樣，外觀都好靚好吸引，多士就食得多，雪糕撈落去食都係第一次，唔喜歡食甜品既我都覺得好好食呀，唔會太甜。

士多啤梨吐司磚($69)，茶木吐司磚出名份量十分大，由三層厚厚的吐司砌成，中間放著一球巨型的草莓味雪糕，再淋上大量香滑的奶油，用草莓醬作拉花的效果，好看之外更有味道。吐司的外皮烘得脆脆的，內部軟綿綿，而且帶有淡淡蜜糖的甜味。混合著奶油一起進食，香滑的口感與外脆內軟，相當匹練。甜品評分:7/10芒果吐司盒($65)，這個與吐司磚的分別是，它是一個盒子的形狀，麵包中間挖空了，放入一塊塊烘好了的蜜糖多士，加上一球芒果雪糕，再淋上奶油。麵包的份量十分多，吃完令人飽飽的，軟熟的麵包混合奶油吃，令人有種三文治的感覺。奶油和忌廉充滿奶香味，口感幼滑非常。甜品評分:6.5/10

下午茶時段的YOHO，相對於其他大型商場，人流不算太多。今次和朋友下午時段又來茶木吃它最著名的麵包磚，這段時間也需要拿號碼飛，幸好只是得了十分鐘左右，等候時間不長。芒果香草蜜糖磚塊當然又再試它的皇牌甜品，無論外型，味道上均也保持水準。麵包焗得十分香口，配合雪糕、綿花糖，增加口感。即使單吃這些麵包磚不沾其他醬料，也很好吃。只因內裡的麵包磚，每一塊也都沾滿了蜜糖。一個人吃的話未太大，所以以兩個女仔來吃就剛剛好。

假日經過，試下掂唔掂所有麵的湯底都是一樣，味道較咸，可能一般潮式粉麵都好過呢間，招牌雪糕糖磚，多士部份太濃，雪糕部份太甜，唯有亮點炸花枝餅，o但相對又貴過酒樓，不值

好彩我早收工~ 落到元朗6點半~ 唔駛等位就入o左去~ 等到老公嚟到o個陣出面已經好多人啦...不過入座計食個半鐘我地點都夠時間...單點o左兩個飯...炸豬扒肉燥飯同埋蚵仔湯飯~ 再加個三候甜品~ 我個炸豬扒肉燥飯份量都ok~ d肉燥都夠多~ 同埋好多汁~ 隻鹵水蛋都好入面~ 仲有少少糖心~ 唔錯~ d豬扒真係好香口~ 不過d肉就稍為鞋o左d...而且唔多夠台式椒鹽粉...淨係第一啖食到...之後都無...老公o既蚵仔湯飯我試o左一啖~d蚵仔好滑~ 而且個湯好濃味~我見老公連d湯都飲晒就知味道應該唔錯~ 之後再一齊食埋芒果雪糕磚~ d吐司已經切好晒件...上面d雪糕, cream同蜜糖流晒落去真係正到爆~佢連個吐司個框都係烘到好脆~ 好好味~ 三大塊厚多士我地全部食晒!!! 真係飽到上心口!!! 離開時7點半...出面已經超多人排隊...想食好o野真係要請早呀~~~ 

由等位開始，就已經用左我好多時間我大概2點幾去到 本應呢d時間應該好快 但居然都要等足半個中有多 只能說間野真係好多人幫襯入到去lunch time時間己經過左 所以主打甜品 但因為未食lunch 所以另外叫左個面黎食 然後又等左半個中多d先黎 朋友都已經食哂了 不過味道不錯 所以等下都值得既然後就係個甜品 一上枱就覺得超吸引 因為擺得勁靚 原本以為個蘇皮加埋d吉士會軟哂 點知唔係 個皮好脆 令我好驚喜 真係唔錯的不得不提 我覺得個餐牌好亂 第一個感覺就好似係一本雜誌 要研究好一論先知係點

每次行過都好多人排隊, 今晚見少D人一於排一陣試埋一份.晚餐時段要先試飯或麵類, 因為見隔離枱個甜品好巨型, 而且都等幾耐, 所以都係留番下次.台灣野出名既不外乎蚵仔, 肉燥, 牛肉麵之類, 如果呢D都做得麻麻其他可以唔洗試, 所以要在烤腸肉燥飯試一試先.份量都算多, 肉燥個味幾香, 加埋D飯一齊食好夾. 烤腸切到薄薄細細片, 不過口感比較乾. 溏心蛋就正正常常, 無特別. 底有D雪菜, 個味怪怪地, 唔識形容.總括黎講飯類好似普通D, 如果要排好耐就留番下次先試, 不過甜品係吸引D, 但聽到隔離枱話要等45分鐘驚左~~~

假日下午茶想吃雪糕吐司，而出名雪糕吐司的茶木於元朗開了分店，不用搭車到九龍區都可以食到了。原本天真的以為元朗區應該不會像尖沙咀的大排長龍！去到門口亦未見有太多人等候，到取票時方才驚訝如此受歡迎！幸好可以取票，等候時可以先看看餐牌或到商場四處逛逛。為了品嚐台式甜品的魔力，苦等了45分鐘，終於有位啦！黑糖紅豆抹茶雪糕磚塊($70)看著漂亮的賣相已經叫人心花怒放！最頂層正溶化的抹茶雪糕淋上了黑糖醬，茶味不算太濃，帶點奶味，不過質感幼滑。伴上數量不少，甜甜的紅豆蓉吃，果然是好朋友，好味！烘至金黃色的粒粒麵包磚塊，非常鬆脆，很香口，還帶蜜糖味，單獨吃已經很滋味，連同雪糕和紅豆蓉吃，更是無敵！熱水果茶($37) 外型跟咖啡弄的一樣，都是用玻璃茶壺盛載著鮮果茶，裡面的生果一目了然，不同之處是底部有蠟燭燃燒著，可保持整壺茶溫暖，喝到最後也是暖暖的，讚！水果有士多啤梨，橙，青檸跟車厘子等，可惜生果數量比較小，但不失其酸甜開的味道。愛爾蘭咖啡($32) 上面的雲尼拿雪糕配上朱古力蛋卷吃，好味。不過凍飲的冰塊加得太多了，導致咖啡味道不太香濃，偏淡了點。品質需要好好控制一下呢！台式輕食，由從前喜愛喝的珍珠奶茶

在尖沙咀Wooloomooloo吃完午餐，臨走前我們還吃了The ONE派的免費雪糕，才慢慢兜回元朗。趁囝囝午睡了，餘下三大一小合共四個女人，又去了茶木排隊，為的是吃蜜糖磚塊！ 好邪惡！三大兩小可同時排3-4人檯／5-6人檯，約等15分鐘就有位了。其實根本一點不餓，但不好意思只點一份蜜糖磚塊吃，就唯有當早吃晚餐想，先點了 紅燒牛腩地瓜鍋 ($62)，以及 鹽酥雞排麵 ($60)。　前者以小火爐熱的，溫度得以保持，不過本身調味都重了，後來牛腩越煮越鹹，淨吃有點難受啊。還好份量共不算多，唯有多挑地瓜（即蕃薯）來吃，平衡一下。鹽燒雞扒麵沒有豬排的份量巨大，但也實在不野少；愛吃炸物的囝囝又睡了（也是好事來的～），這部份主要由姨姨清掉。婆婆及妹妹就吃了不少麵條，因為這裡的麵真心幾好吃～　至於甜魔媽媽，主力狂攻特別版的 藍莓蜜糖雪糕磚塊 ($48)！藍莓味？你沒看錯，這是精明姨姨早前買下、茶木 x Yahoo 4 週年獨家限的團購優惠，價錢已包加一，十分抵食。　其實價錢還是其次，重點是藍莓比草莓甜一些，製作成 Honey Toast 味道更上一層樓，好好吃啊！甜魔媽媽忍不住大展功架，吃下七成吐司，

茶木,台式休閒喫茶店,規定90分鐘交枱,一點也不休閒,我們只想吃點東西,反正不會久待元朗,也沒所謂吧..這𥚃的牛肉麵,真夠惹味,遠在商場走廊已聞到香味;整碗麵賣相也蠻吸引,翠綠莞茜在面,幾塊甘荀蘿蔔,牛肉很多麵量較少;那個微麻而少辣的後勁,嗆得我鼻水長流,濕了兩張紙巾,牛肉炆得很軟很滑,直達入口即化的境界~麵條爽口彈牙Q得勵害~如此質量我惟恐有大量乜精乜素乜滴乜劑,不過食後皮膚反應看來,只有味精少許,沒有嚴重到要送去化驗所的程度.反而朋友的吐司則有點..出人意表地兒戲,是小孩零食吧~將車厘茄和rockets混了些salad dressing放toast面,再加幾粒笑牛牌芝士,這是什麼一回事?雖則我們也年青..心態,也撹不懂台式年輕人料理,不要説品味如何,單以口味就有奌不搭檔..至於兩杯咖啡,也不錯..尤其攰得頂透,一碗濃郁牛肉麵加杯咖啡,精神一振,可以長征返回市區鳥. 

入元朗中心商場第一次見到茶木呢兩隻字，望見新派的裝修已經好想試，等位的人很多，但沒想過要等差不多成個鍾先有得食 企到腳軟才有位，點了兩個晚餐加飲品及有甜品的set，乾煸四季豆，及炆栗子雞，上菜份量很的骰，但乾煸四季豆很有驚喜，配了醬汁乾蔥，十分惹味，栗子雞用小型白色瓷煱點火上桌，份量很少，但醬汁不錯，兩款菜式都很適合送飯 飲品點了熱冬瓜茶，略甜，但隨杯上的攪拌匙是個迷你型金屬盆栽泥剷子，不好用，但十分搞笑，可能是配合餐廳的田園主題 甜品點了手指型抹茶蛋糕及黑森林蛋糕，很的骰，最啱不大喜歡甜品又可過過口癮的我，蛋糕中有一半是mousse，味道不太甜，都ok，可能人流太多，店員服務態度一般，有個別的笑容不錯，都可以接受，只是晚市等得太耐，maybe下次早點到埸，不過原來早到也要等，因為很多人在兩個飯市中間來食甜品飲下午茶的………很想再嚟，所以下次只好隨緣了了

相信大家對茶木都唔陌生，幾常排哂長龍，有大大個關楚耀係出面。每次都要等起碼30分鐘，所以今次醒目，3點幾鐘去食個下午茶，唔洗等好耐，侍應又唔用「眼神」叫你走去到茶木未食過蜜糖磚塊吐司真係唔可以話自己去過茶木，每次必點，有唔同既味，我今次食既係芒果味，上層有一個大大既芒果雪糕球，有啲甜甜酸酸既味道，特別開胃，內層有好多粒點滿左蜜糖既吐司塊，建議就咁食，因為甜甜蜜糖包住香脆可口既吐司已經好夠味，而且蜜糖透每一塊吐司，值得一讚。而外層既吐司因為無蜜糖，就可以點蛋糕同忌廉食。茶木既飲品好抵飲，30幾40蚊就有一大杯，今次我叫既係tree wood 許願樹，因為餐牌無介紹入面係啲咩，只係見圖好靚就叫左。幸好，係一杯酸酸甜甜既飲品，一入口有一陣濃濃既紅豆沙冰味，之後有一重酸酸既莓味，而上面既應該係蜜瓜雪糕，味道出奇地合襯。

茶木已經開到來元朗一段時間了，住在元朗的地頭蟲迪迪還沒有時間去試，趁著今天和中學時代的好姊妹聚聚舊，就特地挑在附近位於新元朗中心的這一家茶木▼因為茶木一直都很多人的，而且今天還是周六，所以就沒法子啊，等了我們半個小時才得進去所以餓得很呢，一入座就趕緊下單等食了。▼最先呈上的是我們仨點的飲品。友人點的是【熱帶水果茶】（HK$37），水果味道很香很濃，主要是以橙汁味道為主果粒是留待最後才吃的，反正下面有燭光暖著，不怕冷掉。▼另外一位好友就是點了【草莓慕昔】（HK$37），剛端上來時紅彤彤的，攪拌一下就會整杯變成粉紅，嫩嫩的味道就是以草莓甜味為主，以奶味為副，冰冰的清涼舒緩，很夏日的感覺▼而迪迪呢，因為最近小紅來嘛，所以只能喝個溫和、補身補血的【桂圓紅棗茶】（HK$32），別小吃這個傳統的熱飲呢，可是很補身呢！而且紅棗茶熱呼呼的，加了不少桂圓肉，很足料又味道甜甜，就算是大熱天時，喝熱飲也沒有感覺不好呢▼說完飲品，終於有食物端上來了，先是一個【紅燒牛肉麵】（HK$66），價錢算是中中挺挺的，味道卻不錯，除了牛肉塊肉軟熬得入味之外，還有不少的配菜，綠菜、紅白蘿蔔等很豐富，湯底也是很濃郁的牛骨味▼