茶木‧台式休閒餐廳 (已結業)

難得今日放假，就到樓下開業大概半年既茶木試下午餐，平日既茶木午餐時間都要等位，大概等左15分鐘先有得入座。Set lunch 選擇頗多，價錢亦相宜，今次就試試古早三杯雞，及紅燒牛肉麵。除左以上兩樣外，跟餐仲會有前菜同埋餐飲。今日前菜有半隻滷水蛋，芽菜和鴨腎。滷水汁夠入味，但就略甜。三杯雞就不推介了，首先一啲都唔惹味，再者雞肉軟淋淋，仲要全部都係雞翼，相信懶得入雞肉貨就直接用雞翼做食材。而牛肉味就幾好味既，牛肉除左入味，肉同根亦十分分明👍🏻餐飲揀左熱黑糖薑母茶，岩哂我呢啲寒底既女士

台灣美食真係太多太多。好想食丫😍今日約左朋友仔食飯，朋友仔係台灣控，一年去幾次食同玩。甘我地食飯就要食台灣野啦—-茶木呢間茶木係新裝修，原本我都吾知係東港城邊個位，搵左一陣。打俾朋友問佢先講，係明德天橋丫！哦，甘就知位置啦😊我地8點半到，都仲要排隊，有4組人左右，等左20分鐘左右有位啦，安排左二人枱，座位舒服吾會太迫。餐牌種類吾算好多，但每樣都好似好耐無食過，好想食🤤🤤最後我地叫左以下幾種：紅燒牛肉麵：台灣美食必食啦！茶木牛肉麵都幾好食，湯頭濃郁，不太油，麵條好q，有咬口，吾係淋pat pat🤣好食！😍鹵水拼盤：有蛋，豆腐，雞亦，雞腎，五花肉，好豐富！但我覺得太咸，可能太入味（笑）但都好食，每樣有啲試下😊芝士釀雞亦：必食！好好味👍🏻入面有芝士，炸到金黃色夠脆！入面雞肉嫩滑有汁，味道好！讚讚！炸豬扒肉燥飯：豬扒多大塊，但食落黏牙較乾，炸粉較厚。肉燥好味，伴飯一流。只係炸豬扒吾好食，扣分！🙁芝士紫薯奶蓋：賣相夠令又特別！味道濃郁紫薯味。我係紫薯控，我覺得好好飲，吾會太甜，奶泡入口順滑，好好飲☺️☺️我地都坐到人地cloes啦，好味滿足既一餐😋

當然要選間比我慢慢坐的餐廳。成日晚上經過都排滿人，裡面裝修幾靚又大，坐位舒服配上窗外自然光，懶洋洋的下午。今日難得唔駛排隊，又有午餐的時段，午市套餐選擇好多，但因為原來要2點前落Order, 我只有3分鐘選擇.... 要快！最後我選了我常吃的牛肉麵+柚子茶。呢度的牛肉是一層層的，好軟。一碗麵有4件，其實都幾多，低食。平時出面食的麵係粗麵那種，呢度的麵是闊麵，掛湯食很有味。

Waited for 45 minutes during lunch time and it was not worth it at all. The food quality was not great and we ordered 三杯雞which contained all wings and was on the salty side. The 雞排肉橾飯was ok but was over fried. The place looked nice and staff were ok.

很欣賞茶木的室內設計用色溫和 燈光柔和坐在裡面 感覺非常舒服還有天然採光坐多久都不會覺得厭倦12時左右到達需排隊等10分鐘點了兩份午市套餐豬軟骨台灣麵個人覺得茶木這款粗身的麵很易吃厭整體能保持質素豬軟骨林身入味翻㗳指數 8/10然後是我點的餐豆乳雞 配肉臊飯 四季豆豆乳雞是腐乳的味道個人很喜歡不喜歡腐乳的人類千祈唔好叫另外雞全是雞翼米飯是珍珠米 配上肉澡 翻㗳指數 8/10最後是餐飲 加配了latte 外觀是一團奶泡，哈哈 有點醜xd 但味道不錯的翻㗳指數 9/10很欣賞茶木食物水準上的穩定請好好保持哦

仲記得以前食茶木，一定要去到旺角先食到呢幾年，茶木越開越多，想食係屋企附近已經有得食呢間茶木無自助取票機，仍然要排隊等位等左大半個鐘終於入到去太耐無食台灣野，當然要食番碗紅燒牛肉面牛肉同紅蘿蔔都大舊又稔，好入味呀咪鍾意食豬手，見到餐牌有就話一定要試，豬手皮肉比例適中，唔似有d餐廳咁得塊皮同骨好少肉，但一份得3舊，咁好食我地都唔夠分再試下新野---鮮果魚塊..不過有d失望，個醬有d似百香果汁，經加熱煮過後太酸，同魚塊唔係好夾黎得茶木就一定要食佢個招牌蜜糖多士，食左咁多年，除左價錢貴左之外，份量都少左不過都係好味ge

是日母親大人放假，難得我都唔洗返於是早少少去茶木嘆返個lunch，早d去吾洗等咁耐位，一點左右已經好多人排隊。平日星期一至五會有lunch set，都幾抵，$66可以自選前菜、主食同麵/飯，仲有野飲，加$9轉其珍珠奶茶之類。我地2個都係揀左鹽酥雞同地瓜燜牛腩，另外一個叫肉燥飯，一個叫牛肉麵。鹽酥雞ok，夠香膽，食少少冇咁熱氣地瓜燜牛腩好好味，牛腩夠淋夠入味，地瓜即蕃薯燜得夠粉，份量都多有好幾舊。肉燥飯正常，但略為覺得偏咸。牛肉麵本身而為得麵，點知仲撘多舊牛𦟌，麵係手工麵，有口感，彈牙。薄荷珍珠奶茶--媽媽的至愛，奶茶味夠香濃，珍珠煙韌好食。榛果咖啡--好香榛果味，唔會好甜，仲有塊果仁曲奇，都幾好味。

我們剛去完台灣旅行, 本來短期內不吃台灣菜, 但一星期前家人去這間餐廳, 吃了櫻花奶油手作麵、紅燒牛肉麵、鳳梨鮮果甜酸肉及菜等等, 他們的評價都很好, 因此我也帶小朋友來試試!家人推介紅燒牛肉麵及鳳梨鮮果甜酸肉。 牛肉麵的麵質很好, 牛肉也夠鬆軟, 湯很濃, 我們平日喜歡去小王牛肉麵, 這裡的質素與小王差不多。鳳梨鮮果甜酸肉用了不同的水果, 感覺酸甜中帶清新, 小朋友很愛吃呀!麻辣豬耳比想像中大碟好多好多, 簡值係double一般餐廳的份量, 味道不錯, 食極都仲有, 好扺食。最後來一個黑糖芋圓水果仙草, 勁甜, 好大碗, 幾個人慢慢食都夠食!整體來說這間餐廳環境舒服, 食物質素不錯, 菜式都很合大人及小朋友口味, 值得推介!

東港城的茶木未到六點就已經要排隊等，真係有原因。除咗坑口係美食中的沙漠，這間TeaWood 確有質素。台食當然要有台麺，叫了TeaWood 紅燒牛肉麵和醬汁豬軟骨麵。原來兩個湯底係一樣，都一様好味，濃濃重醬汁味，牛肉和豬軟骨一樣很鬆軟，削麵也爽👍台式的糖心蛋肉燥飯也不錯，糖心蛋很甜，肉燥飯也調得適中。糖心蛋當然不能少，一人至少半隻第一真正亮點喺台式烤香腸，小小脆，🐖肉干的香甜，連肉燥飯一同吃一流再來一碟䜴蔭野菌炒菜，這個比下去了。到茶木吃飯真是要留一口，因為要吃Signature 甜品，黑糖紅豆綠茶冰淇淋層層疊 ，小朋友見到已經流晒口水🤤厚多士加雪榚和紅豆，正價錢可接受，唔算貴。店員服務很好，經理非常有善，很上心。記得儲積分，籍得將來encore👍

朋友做左媽媽，一個人帶住BB唔可以去太遠地方，揀咗近近地嘅坑口Tea Wood 下午茶聚聚。門面幾靚，好似幾大，近門囗仲有蛋糕櫃。裝修幾靚，光猛簡潔，梳化座位！先黎杯招牌水果茶。新鮮水果即煮，酸中帶甜，味道越飲越濃。烏賊汁麵。麵質不錯，少少彈牙，有墨汁味。不過連配料，整個菜式仍然偏軟霖。草莓香草磚塊蜜糖吐司。一貫水準，吸晴度十足，吐司烘得香脆，內𥚃口感鬆軟，配上士多啤梨、雪糕、果醬、奶油，香甜十足，嗜甜朋友大愛。

放工黎食d野先返屋企，茶木開到2145 last order, 時間剛剛好，叫左墨魚汁手作面，個汁好香濃，會食到成咀黑哂注重外表者慎叫!香辣牛肉麵係招牌貨必叫! 牛肉好多，好稔，醬油好入味，面質夠滑夠彈牙，好食!鹽酥雞加入九層塔，香味十足，夠哂香脆。甜品叫左香蕉芋圓，好大碗，配料有涼粉，紅豆，薏米，珍珠，清心丸，配上黑糖水同冰，蕃薯同紫薯芋圓煙韌香滑，透心涼嘅香甜之選! 埋單每人大約100蚊，係輕食閒聊嘅好選擇!

劣評主要是給這間分店的經理，食物質素其實我一向是很滿意的！今天是第二次來這分店，先説說第一次的經驗第一次是與家人一行6位大人3個小bb來的，店經理知道我們的陣容後就向同事説:「嘩！邊有咁多個位呀！」剛好給我聽到然後其他待應們又漏單，其實漏單也沒關係，但店經理又當客人面罵他們，我覺得很不好看然後今天是第二次想來吃晚飯，等了大概45分鐘，一直是長長的人龍，看到店裡有很多位子，經理也不作安排，已經有點疑惑老公說看到店裡的消防燈亮了好久，廚房的人都一一走到店外抽煙，於是忍不住問店待應發生什麼事，原來是煤氣跳掣了我不明白為什麼經理就不跟我們這些在店外呆等的人説一聲等了這麼久始終要到其他店晚餐我應該不會再來東港城的分店了

路過東港城，見它剛剛開門不用等位，就入內食午餐。平日最喜歡食紅燒牛肉麵。午餐setA有小食、小菜、主食和飲品，很吸引呢！我點了花枝丸、甜薯牛腩和紅燒牛肉麵。食物很快就送上來，服務不錯。可惜花枝丸味精多、甜薯牛腩太鹹（飲了3杯水）。下次唔會點這個。

終於可以唔使等位食茶木 東港城間茶木裝修都幾靚Dinner Set 都好多選擇 不過要加＄30先有飯+飲品+蛋糕或沙拉TeaWood紅燒牛肉麵湯底比較濃郁 個面好似刀削麵 有𡁻口 啲牛肉好淋 總括黎講係可以鳳梨鮮果甜酸肉賣相幾靚幾吸引 同埋真係有好多生果 有鳳梨、士多啤梨、藍莓、火龍果、荔枝 味道都係比較濃郁 同飯一齊食比較好加左＄30要一碗飯+1杯飲品+1款蛋糕黑糖薑母茶都okay 唔太甜藍莓起司蛋糕蛋糕麻麻哋 藍莓起司蛋糕但冇乜藍莓味又冇芝士味

有日同老媽子探完阿婆, 想食個下午茶。見到東港城依間茶木有人排隊, 諗住有人排隊實無死喇。原來都係小小伏!!!女朋友之前講過茶木下午茶都唔錯, 入到去睇完餐牌, 唔見有下午茶, 問職員先知佢地冇下午茶。算喇, 坐低左冇理由走。同老媽子每人叫個主食加嘢飲。炸雞扒面, 炸雞扒係即炸, 似鹽酥雞炸法, 可惜炸得唔夠好, 偏油膩, 好彩雞肉都算ok, 下次唔會再試。而且個面份量真係好少喎, 幾啖就食完, 完全唔夠飽, 睇黎返到屋企要早啲開飯。老媽子話佢個牛肉面唔錯, 但價錢偏貴囉。