茶木‧台式休閒餐廳 (Citylink)

營業中

休息中

呢排要外出食飯都是十分困難的選擇...難得呢間茶木收成10點，終於唔洗食到趕頭趕命了~~由於唔係太肚餓，點嘅食物都是以小食為主。魚肉豆腐台式香腸仲叫左個炸排骨麵線，不過麵線不好吃，成碗漿糊咁，d排骨個粉漿就好厚😞魚肉豆腐唔夠香脆麻麻地，反而台式香腸就幾好食....仙草奶茶幾好飲柳丁梳打都唔錯之前食茶木覺得幾好食，不過今次食物真係麻麻地....好彩d野飲都ok，呢餐埋單around $320....

今日工作已經夠辛苦， 諗住食番餐好慰勞自己，藉著午餐時間嚟買外賣，個外賣total$97， 可能對比午餐時間會有啲貴，但我都冇咩所謂。點知我1：31分落單，等到1：47分都仲未有，點解我咁記得？ 全程得我一個人買外賣， 我喺42至43分問過職員一次外賣仲要等幾耐？佢話小姐你31分落單，冇咁快，等下啦！咁我心諗，唉，一陣又要同時間競爭，用9秒9去食左個lunch，終於系53分左右出到黎，我就極速返公司，點知一打開，好野啊，一個外賣都可以跟漏杯野飲，好佩服啊！！又要我再行多次去尼間野到！*第一，個場吾算好爆，一直冇人排隊，有客就可以直接入座，可想忙既程度都好有限*第二，態度問題，個客叫你跟下，好心就跟下啦，你吾系真跟，都做個樣比客睇啊，系人都知要等啦，你吾識講下大約仲要幾耐既，而加叫你煮慢煮牛排啊？你話我五分鐘就催就話姐，過三個字問下都咁樣既態度，同埋lunch時間啲野食都出咁慢，翻枱都慢啦！自問我做餐飲經驗都有5年，會吾會咁簡單既野都吾識啊？希望尼間野好好檢討下啲員工啦！

晚飯時間度度都滿場，見到呢間坐得半邊場，再加上其他分店遇過既唔錯經歷，於是入去試試佢，點知大失所望！話說我地好快落order，叫咗一個雞扒麵同半筋半腩牛肚麵。等咗一陣，大約10分鐘左右，我個牛麵到咗，但隔離枱個女士話叫咗個意粉,等咗20分鐘都未到，但佢個朋友已經食咗大半，叫侍應睇睇@@ 講番我個麵先，其實餸唔算多，牛筋得半舊，食咗都唔覺，牛腩有1.5件，多肥，味道ok ，牛肚有2塊，但有陣味計落都貴貴地，唔值呢個價。食咗少少，隔離女士個疑似白汁蜆肉意粉既物體到咗，但我另一個麵未到催完又催，終於喺30分鐘後到咗，而出名食嘢慢既我已經食完玩緊電話了！等咗咁耐，expect啲時間係為咗炸雞扒啦，點知雞扒係一啲都唔熱之餘仲係甩皮本身都唔多客仲要等咁耐先上菜，等到上菜仲一啲都唔熱！呢間唔會有下次！！！

3個女人好耐冇見，近近地去新城市食飯兼吹水。新城市廣場長期人多，餐廳好多時要排隊，所以未六點我地已經去搵食。好耐冇去過茶木，以前都幾仲意，因為佢既甜品，後來好多地方都有類似，所以少左食佢。其實佢既熟食都做得唔錯，今次試左個意粉new try, 結果幾開胃，幾好味Wo。至於佢個飯就一直都差不多味道，今次要左牛，牛既份量唔多，但係都幾好食。總括黎講，茶木其實一直都唔大改變，所以人流都唔會話太多，而佢既價錢中等，性價比還可以。

今次真係超級嬲，不吐不快。我地點左個甜品磚，過左成粒鐘都未到。催左4次。第一次話因為叫左甜品後上，所有要等一陣。Fine（傾多陣計，一段時間都5覺有，個甜品係有出，去左其他枱，過多陣，再催）第二次，個甜品要整3、4個字。Fine我地等。第三次，個甜品仲有3、4分鐘到。Fine 我地再等。第四次，我地幫你取消張單，個甜品無整到。總共浪費左我地差5多9個字係到等，如果係無跟單，5該5好比假希望，等左9個字。其實我地都好有耐性，也好有禮貌，人善被人欺嗎雖然野食都好味，大家也食得開心，但這白等九個字將所有的信任和開心全變怒氣。若人多漏單這也絕對不是一個籍口，第二三次你有認真幫我地跟張單都不會咁嬲。

星期六時間, 兩個人來到午餐, 排隊很快就有位子了. 店內都坐滿人了. 我們都不想吃太多飯面就簡簡單單點一個泡飯, 一個拼盤. 兩個人都食得飽飽的. 台式滷味拼盤很豐富的拼盤雞翼, 牛展, 五花腩, 牛肚, 雞旦, 豆腐, 花生食這個太滿足了. 很多選擇. 蚵嗲肉碎泡飯蚵仔很肥很大, 而且很多. 食到底還有的. 口感很好, 味精濃了一點點. 也許是味精蓋過了蚵仔不好味道. 份量有四大碗, 滿滿的. 整體OK, 來到好幾次. 食物質素控制得很好, 平穩.

每次行過沙田茶木·台式休閒餐廳，總是看見人龍。今天未到十二時已扺達，所以輕輕鬆鬆地便找到近落地玻璃窗傍、視野較廣闊的座位。午市飯麵套餐選擇不算多，但亦不難找到喜好的食物。每個午市套餐均送飲品一杯，食客可從六款指定飲料中選一款，有熱有凍，任君選擇。～醬燒豬軟骨麵豬軟骨炆煮得入味且淋軟，入口即化，又不會過鹹。浸在顏色較深的湯內的粗麵條，吃起來彈牙，麵配味美的湯來吃是最好不過。湯內的芫茜和酸菜發揮了其作用，味清香，入口又爽脆。～ 紅豆薏米水選了走冰，所以這杯飲品不會過凍。紅豆和薏米已煲煮得夠時，入口是淋的但亦有𡁻口。一邊喝微甜又有少許薑味的水，一邊又可一匙一匙的吃下紅豆和薏米，令人感覺滿足。～酥炸雞排麵粗麵和湯底同樣討人，炸雞排果然外酥脆，內裏雞肉仍然嫰滑，真是難得。最貼心的是炸雞和麵是分開上的，確保炸雞的酥脆。～黑糖冬瓜茶冬瓜茶熱上，配了黑糖，入口清甜。不消一小時，我們二人便滿足地離開店舖。

茶木就食過好多次啦不過食評就第一次寫依家沙田都幾就腳架，我成日都係下午茶去食，挨個牛肉麵，再加多個甜品，阿媽就會好開心。今次都係一樣嘅配搭啦，影咗個下午茶有啲包組成嘅甜品啦食完都好飽肚好鍾意呢種感覺啊，佢個包焗得都好脆口！！今次揀咗士多啤梨味，佢會有埋個雪糕，其實有時都唔係太清楚應該點樣食，應該係分開來拆開來食啊定係應該一次過切呢？不過總括來講坐得都好舒服，職員都態度唔錯嘅，唯一缺點就係呢度可能人比較多座位比較少每次都要等一陣先有位坐啦

相信茶木是很多朋友吃飯聚會的好地方，通常當想不到要吃什麼的時候，又不想吃太貴，又想好好打個卡的都不其然會想起茶木。兩年多沒有食，今天一試發現他們有不少菜單改變了，是好事，但味道卻沒有多變。通常吃茶木都需要等很久，卻坐不了多久，但今勻沒有等多久且坐得舒服，過90分鐘限時也沒有趕人，這間的服務態度亦很好，服務生都很有善，未吃已有不錯的感覺。幸運地坐到角落的落地玻璃位，望到出面的夜景，我認為這一餐吃得很值。

Order 左個酥炸雞排麵，雞排同麵分上。雞排外表金黃，以為幾好食，點知一睇！炸粉中間咩都冇！！揭開少少先見到1mm 厚嘅「肉片」！做生意做到咁第一次見。結果齋食麵。

今日冇咩胃口，所以lunch time冇點lunch set，就試左呢個茶木既糖水-黑糖芒果仙草芋圓豆花$58。糖水呢個價錢都貴貴地，但佢又真係幾大碗既，有薏米、紅豆、雙色芋圓、仙草同埋影唔到既豆腐花。 芒果好甜，一啲都唔酸芋圓都幾煙韌有咬口，但係呢到既仙草其實係涼粉，唔係平時台灣食到軟身個種仙草，有少少失望既，因為茶木話哂都係台灣過江龍。豆花因為放最底層，上面料好多，係完全睇唔到，食少啲就會見到豆花都幾多，豆味好濃我幾鐘意，但因為叫左凍，冇諗到會放左冰，唔鐘意食冰既記住提佢走冰。

今天和朋友一起吃午餐這裏的牛肉麵好吃，但是今天的味道有點鹹⋯所以我之後飲了很多水朋友點了一個蝴蝶粉味道和樣子也不錯忘記了影相飲料需要用正價選購價錢略貴，所以沒有點飲料我覺得餐廳可以考慮讓食客以優惠價叫飲品⋯

十分喜愛吃台式食物，尤其是茶木。最近看到新聞母公尺竟然可以上市，覺得香港人也還真的喜歡吃台式食物。剛好在閒日經過，看到沒有太多的人流決定試一試。假如是星期六日晚，可能排隊排很久。閒日一入店內就有位置，梳化位置很舒服，食物質素不錯，尤其是我的最愛沙朗牛肉，醃得滋味，而且肉質不老，易入口。對於我這些食肉獸三凡塊肉類肯定不夠，不過女士應該剛剛好，而白飯上的肉燥也十分香，油香加上白飯更是絕配。而那隻蛋及配菜不過不失。

三五知己傾下謁食下飯，沙田茶木都係唔錯既選擇，食左兩個半鐘🙈🤣1. 台式滷味拼盤2隻雞中翼，2塊牛肚，2件豆腐，兩片腩肉，三塊牛展，數塊雞腎，半隻蛋非常入味，如果淨係咁食會覺得咸，加埋白飯食就唔錯2.台早味三杯雞全是雞脾肉，非常入口，雞肉都好滑同香口，當中既配菜薑同大蔥都一樣咁好食🔍在台灣常常見到「古早味」三個字，那到底「古早」是甜酸苦辣那一種味道呢？其實「古早味」是指台灣的傳統味道、老台灣的口味，所以不同食品的古早味都不一樣。就如古早味豆花和古早味牛肉麵比較，不是指豆花和牛肉麵都是同一個口味，而是指它們是以傳統手法製成。3. 紅燒牛肉麵每次黎茶木都必食既，台灣旅行都必食既紅燒牛肉麵，湯底濃郁，牛腩肥瘦適中，入口即溶，正4. 蒜香麻辣牛肚絲牛肚絲好爽口，入邊有埋表青瓜同花生，可以去一去啲油膩感

唔算成日黎食既茶木，只係心血來潮想食下甜品就黎到新城市廣場附近呢間茶木high 個tea 啦，朱古力磚塊必叫，因為我好中意食雪糕加吐司，每次黎都會點，但覺得d 份量好似少過以前咁，定係我太耐冇黎食過？anyway 下午茶時間都唔使點等位，一入去就有枱比到我地，坐得都幾舒服，食物質素唔錯，又唔算等得好耐，因為我地一坐低就order 野食，店員服務態度又幾好，總括黎講都係下午茶之選，如果有時間都會考慮過黎同fd 下午茶既！