茶木‧台式休閒餐廳 (黃埔天地)

營業中

休息中

好耐冇去台灣旅行，所以同住附近既朋友一齊去番一直幫襯開既茶木回味台灣好滋味☺️當然必點招牌湯面既紅燒牛肉面($88)湯頭濃郁，面條口感有嚼勁勁煙韌，燉牛肉有三大件，食落帶膠質同咬口，牛肉消嫩茶香三文魚湯漬飯（$98）叫左一個面當然要叫個飯平衡番🤣蒸過既三文魚魚香味出，加埋脆脆配料木魚、櫻花蝦、脆米等有多重口感烤香腸（$22）係台灣腸特別既甜味，外皮脆而香口🥺水果茶超大一壺 水果滿滿而且茶味重但不澀，推薦！

差不多晚上8點 想食茶木，來到門口，店入面大約仲有4成空位，門口有大幾5-6個人在等。無論係門口等定係行入去舖頭入面，店員都當你透明。水吧兩個人企係到 收銀當睇你唔到咁。 忍唔住去問下個收銀有無位啦，態度極差叫人出番去門口等 連基本既接待都無 客人來到扮睇唔到 生意太好唔憂做？ 明明入面大把位！

前幾日同朋友去黃埔睇完戲，發現戲院附近有一間裝修得好文青嘅Cafe，周圍都係以原木為主，仲有好多茶葉做裝飾，細睇一下原來係茶木，睇完menu覺得幾吸引決定試試。去茶木梗係第一時間嗌經典嘅金磚甜品，我哋叫咗草莓香草蜜糖磚塊歐軟。有士多啤梨、奶油、棉花糖同埋草莓，多士烘得好鬆軟，加埋蜜糖真係一啖接一啖，食到停唔到。主食就叫咗古早杏鮑三杯雞，加咗$10配肉燥飯，同埋一個紅蔥奶油培根手作麵。佢個三杯雞係用個爐上，keep住熱度，雞件好嫩滑，仲有配料嘅大蔥好入味，一啖肉燥配一件雞，超級好送飯。至於嗰手作麵就好Creamy，bacon都算多。我哋仲叫咗兩個小食，分別係櫻花蝦花枝餅、路邊攤小食。個小食拼盤超豐富，有香腸、鹽酥雞、花枝丸，我特別鍾意食台灣香腸，真係好似去咗台灣夜市咁，十分之惹味！飲品方面都有好多選擇，我哋叫咗一杯凍茉莉奶綠加紅豆、熱木柵鐵觀音奶茶加珍珠胚芽。鐵觀音奶茶嘅茶底好入味，珍珠都好煙韌，飲完個胃好舒服。總結嚟講嘢食質素好高，而且價錢好抵。我哋叫咗咁多嘢買單都只係五百零蚊，人均250食到超飽。

今日帶小朋友過來下午茶，小朋友倒瀉杯水果茶，見到都唔會過來幫手抹乾地下水，見到行過就算，問都唔問下需要幫手嗎？上餐上到亂七八糟，搞到大家D嘢食錯曬。下次都唔會再幫襯，D嘢食又鹹，份量又比以前少左。

原來茶木都有晚市二人餐，有小食又有我最愛既牛肉麵揀👍🏻幾抵食!小食黃金鹽酥雞+櫻花蝦魚湯娃娃菜香口惹味鹽酥雞，加個清甜d既菜balance番，👍🏻主食香煎沙朗肉燥飯+紅燒牛肉麵沙朗肉味香，口感軟熟👍🏻肉燥滷得入味，撈飯一流。牛角waffle跟餐加$10有甜品，waffle係牛角千層口感，好酥脆又有牛油香，特登叫多個台灣腸，因為夾蒜片真係好香好好食! 配埋奶蓋黑糖奶茶同木柵鐵觀音，台灣風味濃厚❣鳳梨鮮果甜酸肉見隔離枱叫個樣幾吸引，食落覺得比咕嚕肉更香甜，重點係用台灣鳳梨做，唔係罐頭菠蘿😋仲有火龍果同藍莓，所以果香特別突出👍🏻

今日放工黎左黃埔，朋友話好想食甜品，我又好想食咸點做正餐，碌碌下就碌到茶木，菜式供應非常豐富，有我木食嘅正餐茶木紅燒牛肉麵，仲有我朋友食嘅甜品草莓香草蜜糖磚塊！！.我叫左晚飯套餐，有主食、飲食同埋一份少甜品，主食揀左烏魚子元貝手作麵，烏魚子食落有啲似日本嘅明太子，不過就無辛辣味，同元貝一齊煮，成個麵都好有鮮味，手作麵同烏冬有少少似，可能因為手打關係超級彈牙勁好味，飲品叫左脆脆黑糖芋圓珍珠奶茶，唔止係睇得嘅打卡飲品，擺得都非常特別，飲落都好好味，好出色！.朋友一坐低就叫左份甜品，由3塊超厚多士組成嘅草莓香草蜜糖歐軟磚塊，現場睇好震撼，2個人share啱啱好，食到飽一飽，又傾左好耐計，環境坐得好舒服，下次都會再黎過

突然間想食台灣野，黃埔有茶木，位置都方便。係正美食坊一樓餐廳環境都好好，坐位都好舒服，打開餐牌好多款都想叫，佢地近排做緊鳳梨🍍系列推廣，我地叫咗幾樣（我覺得必食嘅）嘅小菜，有紅燒牛肉麵（轉咗新竹米粉），鳳梨雜果甜酸肉，古早杏鮑三杯雞，蜜汁燒豬小腿，可以以優惠價錢 配小食，飲品及甜品，咁抵食梗係要套餐啦先講 紅燒牛肉米粉，好出色好好味，一路食一路讚，湯底好香濃，牛肉咬落好冧身，正呀，仲加埋好甜嘅紅蘿蔔🥕 同雪菜，簡直係人間美食吖🤤🤤🤤之後到鳳梨雜果甜酸肉，不得鳥！咕嚕肉食落好冧身，酸酸甜甜啱晒我🤤🤤仲要菠蘿🍍舊舊都咁大粒，配埋嚕肉飯古早杏鮑三杯雞，佢係用個小爉燭一路 「座」熱啲雞，啲雞都好入味蜜汁燒豬小腿，呢個又係我至愛，菠蘿大大片，豬小腿有4大件，咬落好香口同甜，豬小腿好冧，食到不停咁讚小食我哋叫咗黃金鹽酥雞，紅油抄手，麻辣豬耳朵，前菜沙律，珍珠奶茶雪糕，樣樣都好出色，冇嘢可以挑剔最後我哋叫埋甜品，一嚟到已經大叫，抹茶鮮果流心歐軟，雪糕好濃抹茶，烘多士上面好似有啲煉奶嘅嘢，食落甜甜嘅，加埋4款生果，又唔太heavy草莓香草蜜糖磚塊歐軟又係另一必叫嘅甜品，有三層厚多士加雪糕，棉花糖同埋士

今日我嚟到咗黃埔美食坊嘅茶木台式休閒餐廳，真係食到好滿足㗎！😋📍草莓蜜糖歐軟磚塊（$78）真係好味到爆！草莓蜜糖歐軟磚塊有住新鮮嘅草莓味，再加上香甜嘅蜜糖同柔軟嘅歐軟磚塊，咁好食嘅組合真係令人欲罷不能。🥰🥰📍抹茶鮮果流心歐軟（$88）抹茶鮮果流心歐軟就更加驚艷啦！外層係抹茶慕絲，入面有住新鮮嘅水果，再加上流心嘅驚喜，一口咬落真係好過癮！😍茶木嘅環境都好舒適，氣氛好放鬆，啱哂嚟緊壓力大嘅你嘅心情。👍🎯茶木‧台式休閒餐廳地址: 紅磡黃埔天地美食坊(第8期)1樓113號舖#生日餐廳推薦 #打卡餐廳 #打卡 #相機食先 #美食推薦 #foodie #hkfoodie #hongkongfoodie #foodstagram #foodblogger #ilovefood #foodie_features #美食推介 #黃埔 #黃埔美食 #美食坊 #黃埔美食坊 #甜品控 #甜品 #抹茶 #抹茶控

黃埔開左好多餐廳，琴晚終於有時間同朋友係黃埔美食坊嘅茶木chill下先🥰🥰📍紅燒牛肉米粉（$88）個湯底濃郁，牛肉滑嫩，好淋，加上勁甜既蘿蔔👍🏻👍🏻米粉係我最愛既地瓜米粉😍😍😍米粉勁出色🥰口感幼滑💁🏻‍♀️好食！📍鳳梨鮮果甜酸肉（$98）呢個色香味俱全！我勁推介！必食！酸酸甜甜嘅鳳梨，配上肉質鮮嫩嘅炸肉片，實在係一絕，而且肉塊勁香脆！食唔停口😍📍古早杏包三杯雞（$82）顏值高高的說💁🏻‍♀️有個小蠟燭暖住個爐，味道濃郁，雞肉滑嫩，杏包片吸哂肉汁👍🏻香氣四溢，好適合慢慢品嚐。📍蜜汁燒豬小腿配火炙金鑽鳳梨（$88）燒豬肉質鮮嫩，表面啱啱好啖嘅蜜汁燒汁，再配上香甜嘅火炙鳳梨👍🏻加上燒小豬腿勁淋勁正👍🏻必試👍🏻📍金鑽鳳梨水果茶水果茶有冷熱既選擇，水果都好滿滿的💁🏻‍♀️而且可以選擇甜度，讚呀👍🏻👍🏻📍冰淇淋鳳梨沙冰滿滿整杯都係好香既鳳梨味道！不時不食😍現正係鳳梨既當造時節，緊係要試！勁幸福滿滿鳳梨口感！好飲啊！加上雪糕，令成杯味道提升呢💁🏻‍♀️📍追加小食：鹽酥雞（$22/半份）呢個價錢性價比高👍🏻份量都唔少💁🏻‍♀️夠香脆，新鮮即炸既感覺呢🥰餐廳勁舒適，同朋友一齊係餐廳食飯吹水既好地方，裝修有格調👍🏻

黃埔茶木餐廳有一位男性服務員不停喺度鬧我，我只係打咗一次電話，問吓講個紅燒牛肉麵究竟嗰啲紅色係生定係其他？但係講明服務員不停喺度鬧我話我無理取鬧，然之後又話紅燒牛肉麵一定唔會有紅色，我本身都唔知㗎，然之後佢就不停喺度鬧我之後我問佢其他嘢解釋返佢就不停話我聽唔到你講咩咁我唔知啊我問吓啫，佢仲要係咁樣同我講啦，我根本都唔知點解呢個世界會有呢啲咁嘅服務員邊間餐廳想佢都執笠啦！呢啲餐廳我一世都唔會幫襯就算免費我都唔吃都唔知道點解一個服務員可以喝一個客人！

今日同男朋友行完黃埔AEON 之後，見餓餓地就搵個地方食晚飯~ 一向都知道AEON對面嗰棟美食坊有好多餐廳，見好耐都無食茶木(對上一次食已經係讀緊書嗰陣)，一於試下啦~ 唔知係黃埔店係咁定抑或全部分店都係咁，餐廳嘅裝修主要木系，都幾文青feel, 同以前我記得嘅茶木都幾唔同，事不宜遲，即刻試吓佢啲嘢食餐廳嘅食物選擇都幾多，二人餐每人百幾蚊都可以試到幾樣嘢，其中烏魚子元貝手作麵同小食拼盤我哋都覺得好有台灣特色，所以就即刻叫咗，仲有叫咗茶漬三文魚飯，由於男友好肚餓，所以就叫埋軟殼蟹手作麵~ 全部主菜都幾好食，令我好掛住台灣，想即刻飛番轉呀！當然唔少得就係有甜品~ 叫咗我最愛嘅Croffle, 同埋一杯勁邪惡嘅朱古力脆脆芋圓黑糖珍珠牛奶~茶木比我嘅印象一向都係食吐司盒為主，估唔到而家出咗咁多其他甜品，質素都唔錯~總括來講，如果去唔到台灣嘅話，黎茶木呢度止下癮都係一個唔錯嘅選擇~

太耐冇去過茶木食晚餐😛今日同朋友去咗大吃大喝，無論係小食，主食定野飲都叫個盡興😌😌小食我哋叫咗黃金鹽酥雞，放喺細小既碗上，雞粒乾身而且脆口，配上炸到香脆嘅香葉，有份莫名的誘惑😈紅油抄手同餃子感覺好似，肉汁均勻帶d微辣，值得encore🤤因為實在太肚餓，見到台式滷味拼盤好似幾吸引，於是都叫咗一碟😆拼盤既滷味色澤適中，豆腐豆香味濃，外層有濃郁既滷水味，而且內層嫩滑👍🏻牛肚、鹵肉、雞翼都好入味👍🏻食過小食之後，我哋叫咗兩個主食。墨魚鮮蝦茶香藜麥飯既飯帶茶香，墨魚味略遜，蝦球肉質爽彈，份量足夠🙈鹽酥排骨肉燥麵，排骨色澤金黃肉質鬆軟，燥肉唔會太濃味，又唔太肥膩。麵既質感有彈性，好飽肚🤭食咗咁多油膩嘅嘢，我哋忍唔住要叫杯嘢飲滋潤吓順便打下卡😎粉紅櫻花燕麥拿鐵既賣相了得，一大粒棉花糖加上粉紅色既粉，花香味十足，少甜就更岩我口味😆而朋友叫既台式抹茶拿鐵就好有清新抹茶既味道，不過略嫌整體上味道較淡🤥

之前疫情都冇機會去台灣，突然有啲掛住當地地道嘅香腸同小食🥹於是今日叫咗個自家製台式烤香腸同蒜香麻辣豬耳朵食，台式香腸的伴菜非常吸引，香腸亦都好香口，個人認為無得輸，而豬耳花生青瓜蒜香配搭亦都得宜👍🏻嚟茶木食，就梗係要叫返個有名氣嘅主食🤭Teawood紅燒牛肉麵嘅份量十足，牛𦟌肉質嫩滑，有質感又彈牙既麵吸收左所有蘿蔔梅菜牛𦟌燉成既味道，湯亦唔會有太多味精既味道。而第二個主食烏魚子元貝手作麵，擺盤吸睛，份量不算多，勝在材料夠新鮮👍🏻有小食，有主食，又點可以冇咗甜品呢😎雖然都幾飽，但我哋都叫咗個甜品去填飽我哋第二個胃🤭草莓香草蜜糖磚塊歐軟既賣相特出吸睛，厚多士外脆內軟，有牛油香味。士多啤梨略細但香甜，不失為鎮店之寶😆野飲方面，我叫左個朱古力脆脆燕麥拿鐵🍫濃香既朱古力味，喚醒我地細個既感覺。而佛手柑水果茶就七彩繽紛🍇🍌🍊🍎水果在透明壺內已經好吸睛。盛載杯內既水果味香濃，有種純尚大自然果園飄逸既感覺，令人齒頰留香🥺

我朋友話想吃台灣菜，而我今日又想吃西式。諗左一陣就決定來了這間餐廳，呢到款式多，台式，西式，日式的都吃到。黑麻油雞翅（$58）：非常香的黑麻油香味，雞翼非常入味，好好食，咸咸地又好香，好正。櫻花蝦花枝餅（$58）：蝦肉非常彈牙，入面仲有櫻花蝦，蝦味更加香濃，好好食好正。點埋個辣醬仲更加正。軟殼蟹龍蝦汁手作麵（$108）：龍蝦汁好香濃，麵索哂d汁，好好食。然後軟殼蟹份量都好多，好香脆好好食。TedWood 香辣牛肉麵（$88）：好香辣好好食😋，牛肉肉質好好，不會韌，重肉味，唔錯。金黃鹽酥雞（$48）：炸得好香脆好好食，肉質又唔會韌，好香口。巧克力曲奇蜜糖歐軟磚塊（$78）：見到已經流哂口水，食落個cream巧克力同曲奇味夠哂sweet,好好食。

·珍寶茶凍雙重鐵觀音奶茶賣相好吸晴😂茶凍好香茶味，微微有啲甜味，幾得意。奶茶入口好香鐵觀音味，後韻有奶既香滑，珍珠軟糯，整體好融合好香滑。·鹽酥雞扒肉燥飯、鹽酥豬扒肉燥飯由於我同老公都好想食炸野，大家都叫左鹽酥😂雞扒同豬扒外皮好酥脆，兩款都好入味，肉質唔韌，好香口😋肉燥飯好香，唔會太肥膩，配埋鹽酥雞扒同豬扒滿足晒想食台灣野既欲望😋·雙重茶香蜜糖磚塊有兩塊厚多士，多士烘得好脆好香口，焦糖香蕉有層脆卜卜既焦糖，配埋奶茶味雪糕，配埋雪糕同珍珠一齊食，每一啖都充滿層次，食完鹹食甜滿足晒😋