影片
付款方式
以上資料只供參考, 請與餐廳確認詳情
相關文章
茶東西位於九龍城啟德體育園。見餐牌好啱食同抵，所以入去食晚飯。天氣好凍，係出面行到好凍，見到餐牌有喜燒美國板腱牛肉，所以立即必點。牛肉片薄而均勻，保持著柔嫩多汁。與贊岐烏冬和蘭王蛋相伴，好美味。 非常好又可以追加肥牛，滿足到我呢個牛魔王。屋企人嘅紐西蘭草飼頂級西冷牛排，鎖住肉汁，外焦裏嫩，配以特製醬料，更顯層次豐富，是本店招牌中的翹楚。兩個餐可以升級套餐，有前菜和餐湯。另外加小食北海道男爵薯餅，鹿兒島國產豚肉餃子和七味椒鹽雞中翼，北海道男爵薯餅，金黃酥脆的薯餅，內部綿軟香甜，好香口，推介。鹿兒島國產豚肉餃子，皮薄餡足，優質豬肉。餃子的每一口都能感受到豬肉的緊實與調料的完美融合，再蘸上特製醬油，那是一種無法言喻的美味體驗，體現了日式料理的精髓。七味椒鹽雞中翼，炸至外皮金黃酥脆。雞肉的鮮嫩與香料的辛辣相互交織，形成了獨特的風味，讓人回味無窮。飲品白桃檸檬汽泡茶和熱情果多多梳打好好飲。食物質素好好，性價比高，職員服務又好好會再encore ！！
繼續閱讀
睇呢度啲評語好似幾吸引就入去食，咁見到店入面個個都食壽喜燒諗住幾好食啦，咁就嗌咗兩個壽喜燒點知一開始見到啲碗已經唔乾淨之後，落牛落個壽喜燒度啲牛完全唔新鮮，而且又用啲打邊爐肉落去我都未試過壽喜燒肉會有軟骨😂😂😂追加個牛啲肉係好少少，但都完全唔好食啲牛仲有牛臊味😂😂啲菜完全唔新鮮，蘭王蛋都救佢唔到臨走望過隔籬個凍檸茶九成都係冰嚟真心質素差到咁😂😂😂我覺得質素完全對唔住個價錢😂😂😂sukiya都夠食三次😂😂
繼續閱讀
第一次去體育園睇show，當然早啲出發，所以一早過左去先，順便去零售館果頭搵野食。零售館都分左3個，地方好大選擇都算多，呢度食野一定比亞博好。最後揀左間有啲少女味-茶東西，台日文青風餐廳。壽喜燒牛板腱鍋 加配烏冬 & 蘭王蛋，因為我哋兩個人share食，所以再追加多一個肥牛同蔬菜拼盤。兩個女仔加埋小食啱。明顯分到壽喜燒的牛板腱和肥牛，前者的牛咪更濃、後者油脂更香，各有各好。橙黃色的蘭王蛋令我更安心沾蛋汁。而蔬菜拼盤其實就係壽喜燒的蔬菜Double一份，都係金菇、娃娃菜、皇帝菜、粟米芯等等，新鮮～鹿兒島豚肉餃子，配有沙律菜，典型的日式餃子，有一邊會煎到脆面，內餡足料。七味椒鹽雞中翼，有啲似生炸雞翼，加咗惹味的七味粉，肉嫩香口。百香果鳳梨冰紅茶-鳳梨味比重，而且都比較甜，order時可以不用小冰。水果茶-水果足料，茶底較清淡。
繼續閱讀
Came to try new restaurants here at Kai Tak Arena … the food taste is ok but then we found a sticker in our noodle bowl. So they did offer to re-do it but then told us it’s last order at 20:15 and by 20:30 we had to pay the bill even though they said they close at 21:30. Oh well, seems it’s the new norm for Hong Kong now. But honestly there were so very few tables with people so why they need a whole hour to close the registry?
繼續閱讀
最近耐不耐係電視見到啟德體育園區趁住人流少啲嘅weekday嚟走走看看 同埋 食個飯園區嘅食肆種類繁多，琳瑯滿目，最後俾呢間餐廳嘅靚靚裝修同得意掛畫吸引咗入去餐廳食物分為：輕食、意粉、咖喱滑蛋蓋飯、火山石鍋烏冬、鍋物、港式鐵板、日式鍋燒飯 呢日試咗港式鐵板 同 日式鍋燒飯🔸法式免翁牛柳港式鐵板牛柳醃得入味又軟淋（跟鐵板嘅黑椒汁都冇乜點過😅）配菜份量 同 款式豐富：蕃茄、紅蘿蔔、粟米粒、翠玉瓜、椰菜花 ，仲有脆脆薯角添😋幾鍾意呢個鐵板嘅菜肉比例仲有一點想讚嘅係～呢個鐵板夠晒熱辣辣🔥～🔸京都鰻魚玉子鍋燒飯(+蘭王蛋)原條鰻魚本身已經好吸引，加多隻蘭王蛋，齋望都已經好滿足😌仲有一圈芝士粟米包圍着啲飯，提升蔬菜攝取量🌽另外加咗$28升級套餐$28有齊以下3個items 1️⃣前菜(唐揚魷魚鬚) 2️⃣餐湯(大碗又足料嘅羅宋湯) 3️⃣熱飲(我再加多$9轉特飲～水果茶～ 🍊🍋🍋🟩)淨係食前菜同飲湯已經飽咗6成🤣🤣🤣 真心覺得呢個升級套餐價好有驚喜🤩🤩🔸乾果營養燕麥杯呢個係加$20嘅追加items燕麥杯嘅賣相，份量 同 味道都唔錯啵～推介可以order嚟做甜品作為鰻魚控嘅我，呢日掙扎食”鰻魚滑蛋蓋飯”定”鰻魚鍋燒飯”結果揀咗鍋燒飯，因為”鍋燒”一詞俾我熱啲同香口啲嘅感覺不過，席間見到好多職員捧住”滑蛋蓋飯”經過，望落啲蛋好滑滑，好吸引啵～ 🤤又見到隔籬枱嘅”火山石鍋烏冬”滾吓滾吓，食咗好耐都仲出煙，熱辣辣嘅溫度～賣飛彿😍～有充分理由可以再訪
繼續閱讀