茶痴 (文咸東街)

營業中

休息中

嚟上環,甘心為左佢排到傻痴痴上環手搖飲品店中,最出名既一定係呢間茶痴Chicha💕位置係中環同上環中間鋪頭細細,買完就係企門口等炎炎夏天,無返咁上下毅力真係會放棄.茶痴每季都會推出限時飲品今次飲左綿芝白桃奶蓋清甜白桃香味仲有果肉同蘆薈係入面面頭既奶蓋咸香厚實配上茶底,味道超級正飲茶痴,我鍾意一啖茶一啖奶蓋唔會將佢地撈埋一齊飲.之前試過綿芝芭樂奶蓋同蘋綿芝果奶蓋兩款果味都係清甜不膩配上茶底,清香怡人奶蓋可視個人喜好.綿芝冰果茶系列都會推薦

茶痴🍵🍵🍵🤓茶痴係我茶飲小店入面排名第☝🏻佢地成日都會用啲當造嘅水果整芝士奶蓋既水果茶實在太邪惡啦好慶幸佢唔係開喺我屋企附近如果唔係真係變肥Sai啦🤣但係次次經過都忍唔住會去飲睇吓佢有咩期間限定5月經過仲係紅心芭樂飲落係夏天嘅感覺😍好香嘅芭樂味不愧係來自台灣嘅新鮮芭樂好消暑好新鮮唯一美中不足係個啲果籽太硬不過人哋有講明因為係新鮮打嘅所以會有果籽都好正常啦Btw而家好似係桃味😍茶痴而家除咗喺上環仲喺九龍灣開咗新分店如果你喺九龍灣附近你就有福了可能會發埋福添🤣

上環呢間小清新茶飲店lunch time門口成日都迫滿人，我同同事亦間唔時會幫襯。而我基本上都係好專一，差唔多多次次都係order紅火龍綿芝奶蓋茶走冰走甜，清新嘅紅火龍同咸咸地甜甜地嘅奶蓋真係好match, 奶蓋份量亦好足夠，成日飲晒杯野都仲可以用枝飲管刮埋啲奶蓋黎飲，真係好幸福😍😍追求健康嘅人士亦可以轉乳酪奶蓋，有次同事幫我落錯左乳酪奶蓋，只可以話飲野唔好計較卡路里，綿芝奶蓋真係會令人幸福好多😂

茶痴開在朋友家的附近每次去拜訪朋友，必定會點茶痴最愛是熱的綿芝四季春 $32四季春茶味香醇，喜歡那淡淡的茶香配以鹹鹹的綿芝，就算是無糖茶也不失色他們家的綿芝一流，香滑濃稠⚎⚎⚎Recommendation 🅙🅙🅙🅙🅙/5⚍⚍⚍

呢間嘅奶蓋茶好出名，前幾日同男朋友去港島嗰邊搵好嘢食！經過見到呢間，門口都已經有六七個人排緊隊～ 掙扎咗一陣之後決定試吓佢嘅招牌白桃烏龍❤️❤️ 等咗陣終於有啦！佢嘅奶蓋相當出色，係好厚實嗰一種，唔會行行吓就散晒～ 飲落嘅鹹香味都算突出！試埋個茶先😋 係好清新嘅白桃香甜味，配埋茶底烏龍味道都好夾，不過個人覺得烏龍味可以再出多少少～ 整體來講都覺得值得一試嘅！不枉咁有名氣，見佢除咗普通茶底之外都仲有好多水果系列，不過40幾蚊杯唔係好捨得買🤣

見咁多好評，特登過嚟買嘩，飲到一半想倒晒佢甚少鮮奶茶難飲到咁茶好苦，勁苦奶冇奶味，水咁珍珠冇味，茶餐廳啲珍珠咁呀成杯野好似飲緊溝稀嘅茶水咁如果大家仲想試一定唔好試鮮·奶·茶！

位於上環文咸東街嘅茶痴 早一排已經出哂名😳 我早幾日先第一次去朝聖一下😍 店舖開喺馬路邊 店內只有小小企位落單排長龍嗰陣真係搞唔掂😂 行都行唔到好彩我去嗰日無乜人排🤪見到有新品推介 即刻試下佢有幾好飲☺️綿芝日本白桃🍑 ($48)店舖門口有個膊位可以俾你放杯茶飲影相📸️ 都幾細心👍一開始即刻試左個芝士奶蓋先😳好香咸香芝士味 奶泡好厚身好棉滑係忍唔住飲完一啖再一啖🥰再插飲管飲 啖啖白桃果肉好清甜四季春茶搭配沙冰口感😍 成個口感好豐富呀😍 建議盡快飲 因為放耐左就會無左沙冰感整體一定會翻焯🤪 佢地定期都會出季節限定💛 要留意👀

返工做嘢做到攰就好想買杯嘢飲下! 公司附近咁啱就有間長期多人嘅茶飲店💛茶痴💛 之前成日聽人講佢嘅綿芝&水果茶系列都好好飲，今日終於成功試到喇! 真係好!好!飲!綿芝提子 (少冰微甜) $42本身提子都好夠甜味～所以微甜已經好夠喇🥰綿芝夠曬厚實綿密! 食落好creamy唔會太濃太膩～又唔會好快同d果茶mix埋一齊💛 提子汁好香甜，一啖奶蓋再加一啖提子汁，夏天飲真係好爽🤤粒粒紅柚 (少冰微甜) $35個人極之推薦! 微甜已經好足夠了～酸酸甜甜真係好好飲🥰加上嘢飲入面真係有好多紅柚果肉粒粒! 飲得我好滿足🤣我之後都會keep住encore呢一杯! ※ 茶痴重有得whatsapp落單咖! 預啱時間落單，lunch time就可以直接落去拎唔洗排隊等喇💛

有日經過上環 終於試左茶痴! 叫左佢地出名既綿芝白桃烏龍奶蓋試下😍 叫左少甜少冰 飲落好清新既白桃味 加埋一層奶蓋 甜度岩岩好🤤夏天叫一杯簡直係幫我降溫呢!!!🥳依間會再encore! 希望佢係其他地方都開分店啦 咁就可以多d機會飲到佢啦🤣🤣

超級鍾意飲芝士奶蓋，試左好多好多間，覺得呢間係其中一間值得推介既！平時好少去到上環個邊，但因為朋友強烈推介呢間，就專程過黎一試！（試完仲可以順手去隔離街食Jacomax!)綿芝白桃烏龍 $34 (8/10)佢個芝士奶蓋做得真心好好！好香芝士味，甜度亦岩岩好，而且唔會好稀！要做到呢幾樣野其實唔容易！太稀的話，轉頭就同啲茶融為一體；太濃的話，又勁難先吸到上黎個人認為個芝士奶蓋值9分！至於茶底，我要左半甜，呢個甜度對我黎講岩岩好但茶底方面就冇個奶蓋咁令人驚豔，白桃味唔算好濃如果下次再黎，會想試芝士奶蓋四季春！朋友話呢間野長期多人，尤其係下晝，分分鐘要等成粒鐘！我個晚七點Whatsapp落單先，七點半去到就岩岩好有得拎建議大家都電話落定單先！（Deliveroo每杯都貴幾蚊，建議直接Whatsapp同鋪頭落單，傳單上面有佢電話，可以去餐牌相片個到揾到）

上環唔止佢一間茶飲店，今次特登行去搵佢，都係因為聽人地講話佢地嘅奶蓋好好味🤭😍講到咁誇張，緊係要試下啦🤪.綿芝日本靜崗抹茶 $39.知道佢地最出名top1係白桃烏龍，不過個人都係最鍾意matcha🤣🤣先講佢地嘅抹茶，抹茶味唔算超級超級濃但一啲都冇偷工減料，抹茶粉同奶嘅比例都好好又唔會澀得濟，甜度我要咗少甜，岩岩好👍🏻重點！奶蓋！真係好好味😍奶蓋好厚好綿密，芝士味濃，鹹甜度夾得好好，令人想每一啖都飲到奶蓋！不過佢地嘅奶蓋要$9，希望份量可以再多啲🤣🤣

炎炎夏日，咁啱喺上環，搵吓附近有咩未試過嘅珍珠奶茶，見到呢間好多好評，雖然又熱又多人，都去買杯試吓啦。行到入去，聞到好濃嘅茶味，好似好吸引，買咗杯original啲嘅紅玉鮮奶茶加珍珠，結論係，真係唔好飲，真係唔好飲，真係唔好飲珍珠唔夠咬口，冇乜味、好淋；奶茶似普通港式餐廳嘅台式奶茶，茶味太苦，奶同茶都唔夠香滑，再講多次，真係難飲。見到好多好評係讚佢嘅奶蓋同水果茶，可能真係好出色⋯⋯⋯但普通珍珠奶茶就真係不了

而家夏天超熱，飲番杯凍冰冰既茶最好不過。茶痴最出名就係佢啲奶蓋茶，而舖頭推薦嘅係奶蓋白桃烏龍茶，已經飲過好多次，都係覺得其他舖頭取代唔到呢杯。佢啲芝士好香同埋有啲鹹鹹地，配埋佢啲少少甘香嘅白桃烏龍茶，真係好好飲。不過因為佢太多人等，大家可以用唔同平台落咗order先，如果唔係就要喺門口曬住等。

四月天氣終於都熱番D☀️又可以開始買番台式飲品🧋✌🏻今次試左呢間係地鐵站附近嘅小店去到門口已經有10個人排隊睇黎幾受歡迎不過店舖裏面位置好細要排到出街門口有個牌介紹季節限定綿芝奶蓋台灣金鑽鳳梨口味$43不過我見佢舖頭推介綿芝奶蓋白桃烏龍$34而且平過限定好多😆所以諗住第一次都係試吓佢舖頭signature drink✨✨買完之後因為條街太窄所以都係拎到番屋企先開黎飲番到屋企奶蓋都無溶奶蓋香濃又唔會話太”漏”開頭就咁飲左幾啖之後就攪勻咗比例同茶大概1比4奶蓋比例適中唔會蓋過茶香白桃烏龍本身都係清淡為主我揀咗微甜覺得啱啱好另外我見舖頭除咗奶蓋純茶系列最特別係佢有咖啡系列如果朋友少飲台式飲品或者唔鍾意飲甜野可以一試佢嘅咖啡系列我見佢有一個ice dripped coffee下次可以一試

見到好多人推介依間既奶蓋茶，就好期待去試一試係咪真係咁正😋上環店面較窄，但人流非常多，非繁忙時段去都等左25分鐘先飲到🙈門外有個少少打卡位。茶款種類繁多，有選擇困難症既我就決定試下佢地既招牌飲品☺️❀ 綿芝白桃烏龍茶今次揀左佢地既招牌飲品😋好鐘意佢地既奶蓋，好綿滑又充滿著淡淡既芝士香，較其他奶蓋茶既芝士味冇咁鹹，啱晒鐘意清清地既我🥰白桃烏龍味道清新，桃味慢慢溢出，茶味突出，冇被芝士奶蓋蓋過味道👍🏻口感輕盈，唔會太膩，飲完唔會覺得有罪惡感🙈 ⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️💫📸環境：⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆