茶聊

營業中

休息中

旺角一間樓上Cafe ，餐廳空間大，仲有窗口高枱位，感覺寫意悠閑，有個角落擺放了英式郵筒、電話亭做打卡位。午餐Menu都多選擇，而且擺盤賣相都好靚。🔶茶聊招牌黑松露野菌牛肉漢堡🔶見到個鳥籠真係嘩左一聲😍，估唔到漢堡擺盤咁特別真係好打卡able ，配埋凱撒沙律及薯條非常豐富，個包好軟熟好食，牛肉漢堡Juicy，配搭濃濃的芝士和黑松露野菌，仲有蕃茄生菜，薯條熱辣辣脆脆的。🔶香蒜欖油海鮮手工意粉🔶手工意粉質地幾煙靭，用橄欖油、蒜蓉炒香意粉，配料有大蝦、青口、魷魚增加鮮味。🔹熊仔拿鐵 超級打卡的咖啡，熊仔冰本身已是咖啡凝成，可以自己加咖啡同奶落去調教濃度，咖啡味飲落香濃。🔹四季春芝士奶蓋上層的芝士奶蓋香濃，四季春茶清爽，喝到甜鹹交融的感覺。♦️焦糖拖肥忌廉蛋捲♦️紐約芝士餅兩件甜品賣相靚亦都好好食😋

一直都好鍾意cafe嘅chill氛圍而樓上cafe更有額外清悠嘅感覺黎到茶聊一入門口已經比佢裝修吸引係黑色主調嘅簡約風入面有一排bar檯位望住落地玻璃都好寫意再入去有啲乾花等等裝飾坐低都已經覺得好放鬆不過一坐底已提醒只有90分鐘用餐時間於是乎就掃QR code拿拿聲落單啲食物同飲品每款都好吸引作為開心果愛好者 飲品甜品我全都要！叫左杯開心果椰椰 係椰青水做底 開心果奶做面2者溝埋清香得黎又有淡淡開心果香不得不提佢個豬手超級好好見介紹係用慢煮方法處理肉夠嫩滑唔韌 塊皮又脆卜卜跟嘅薯條都好好食😋雖然只有90分鐘用餐時間但佢上菜速度十分之有效率未到一個鐘已經飽晒下次會同朋友再黎試埋佢啲意粉同其他嘅主菜！

食物方面：海鮮飯：海鮮ok既，但個飯同個汁就嫲嫲地😂牛肉漢堡：外觀好靚，適合打卡！食物味道都唔錯既😆蝦多士：好香好味，配埋個醬好正😋😋😋飲品：兩個杯凍飲都好飲😋特別係開心果嗰杯，好濃郁得黎，又唔會膩😆😆😆服務方面：ok環境方面：適合打卡，有自然光！性價比方面：ok如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

知道旺角「茶聊」有開心果飲品同甜品就一直好想去試下😆雖然款式唔多，但都幾有驚喜！英式早午餐（煙三文魚） $108有煙三文魚沙律、原條煙肉、香草腸、炒滑蛋、牛角包、烤蕃茄，好豐富嘅 All day breakfast!! 慢煮西班牙八爪魚配蕃茄蒜蓉扁意粉 $168原條八爪魚配意粉，八爪魚勁大條！而且嫩滑多汁，扁意粉就煮得偏淋~ 整體會重口味少少~ 開心果巴斯克蛋糕 $48蛋糕質地軟滑而且開心果好出，濃度同甜度平衝得幾好，所以蛋糕食落唔會太膩自家制巴斯克芝士蛋糕 $48呢個都好食，但最後太飽唔係好食得晒~ 開心果椰椰 $45本日MVP!! 上層係勁濃郁嘅開心果奶蓋，下層係清甜嘅椰子水，加埋杯邊嘅開心果碎粒，層次感好豐富🤤髒髒紫薯鮮奶 $44紫薯味好足，唔會被鮮奶蓋過，又唔會好甜，仲有啲紫薯粒！

聽朋友講呢間Cafe好靚，而且成日都滿座，今日終於book到位，就同朋友兩個嚟試吓啦。朋友話呢度嘅意粉最好食，咁我就叫咗呢個海王櫻花珍寶巨蝦配忌廉意粉。一上枱見到佢嘅賣相都好靚，隻蝦真係好大，忍唔住即刻影相。估唔到佢食落都好好食，除咗隻蝦餃新鮮之外，佢嘅意粉嘅味道啱啱好，而且咬落唔會太硬，口感一流。另外我哋仲叫咗風乾香草燒三黃雞，隻雞食落好嫩滑，燒嘅火候啱啱好。雖然佢嘅皮好脆，但係入面真係好嫩滑，好食到半隻都唔夠食。見到隔籬枱好多人都飲緊呢杯開心果椰香咖啡，我哋都叫咗一杯嚟試。估唔到真係好好飲，佢開心果唔係好甜，襯落咖啡到異常咁夾，雖然係夜晚但係都忍唔住飲晒成杯咖啡。呢間餐廳又靚又抵食，唔怪得成日都冇位啦。

Tea + Therapy = Tearapy不過本豬version係Pistachio + Therapy (๑♡3♡๑)專程嚟茶聊試下佢開心果出品💚✧ 開心果椰椰（$45）上面有一層好厚嘅奶蓋 好杰身開心果味味道好濃郁下面配搭清甜嘅椰子水中和番🥥杯邊用開心果醬粘上開心果碎令到飲嘅時候層次感更豐富✧ 芝芝芒芒沙冰（$44）有得揀少甜微甜抵讚奶蓋份量好多飲到底都有剩而且味道好夠咸香🧀配合好多新鮮芒果肉打嘅沙冰絕配🤝🏻✧ 風乾德國脆豬手配薯角-芥末蜜糖醬（$178）入嚟嘅時候被風乾櫃吸引住所以一定要叫嚟試試點知size超大份⚠️兩個人食都超飽呢度嘅豬手係經過風乾處理所以食落去特別香脆唔會有太多脂肪肉質咸度啱啱好 彈牙充滿肉汁蜜糖芥末醬帶有微微嘅辣味幫助解膩薯角好得意 好少見係粗身螺旋形新鮮即炸熱辣辣好酥脆🍟✧ 海王櫻花珍寶巨蝦配龍蝦忌廉汁意大利粉（$168）意粉賣相好吸引！珍寶巨蝦望落超超超巨型 接近有手臂咁長👐🏻餐廳起咗蝦殼 再用櫻花蝦包住炸酥脆又冇咁油膩蝦肉咬落大大啖肉 口感爽口彈牙🦐龍蝦忌廉汁亦都好香濃 唔會過份creamy 意粉食落似fresh pasta🍝每條都沾滿哂sauce

暴露年齡系列🤭以前仲未成街都係手搖飲品店嗰陣，成日都同朋友上嚟飲髒髒珍奶😆因為呢度飲品種類好多，而且野食又好高質😋今晚同舊同學一齊嚟食晚飯，真係滿滿嘅回憶🤣🤣🤣🍖風乾德國豬手配薯角 ($178)新推出嘅風乾系列樣樣都好吸引😍最後揀咗大大份豬手🐷唔知係咪經過風乾處理，皮特別脆😆啖啖肉配蜜糖芥末醬風味十足👍🏻薯角非常酥脆，完美配搭🥰🦐海王櫻花珍寶巨蝦配龍蝦忌廉汁意大利粉 ($168)珍寶巨蝦真係好巨型🤩表面包滿櫻花蝦再炸，更脆鮮味更突出😋意大利粉偏向似闊條麵，扁闊嘅麵條更掛汁，龍蝦汁好香好濃又唔會好膩😊😊🐻熊仔摩卡($44)“限量供應”呢個magic word點忍到唔叫🤩可愛嘅熊仔散發出陣陣咖啡香☕️睇嗰層咖啡油就知係高質😌杯已經有朱古力醬，咖啡同奶嘅比例可以自己調較，濃淡亦可🥰咖啡味嘅熊仔冰溶咗都唔會溝淡咖啡味🤤🍠髒髒紫薯鮮奶 ($44)記得以前好鐘意飲佢嘅髒髒珍奶😝今次見有紫薯鮮奶，感覺健康啲😌紫薯味好足，唔會被鮮奶蓋過，又唔會好甜👍🏻🍋檸檬蛋白撻 (+$48)食飽飽就可以去蛋糕櫃揀甜品😈我哋揀咗一酸一甜🍋酸酸甜甜嘅檸檬混合微甜嘅蛋白好清新😙🍰焦糖拖肥忌廉卷蛋 (+$48)忌廉卷蛋夠濕潤

旺角樓上 Cafe 都可以好高質，而且有一間更是吸引不少人去打卡。茶聊 Tearapy 是以「茶」為主題的餐廳。不用在茶飲外賣店都能喝到各式的茶飲，像是水果茶、芝士奶蓋茶等。食物則以西餐為主，提供賣相很適合打卡的食物、飲品和甜點。再加上有個性的裝潢，平日下午時間過來是滿座的喔，大家來吃記得要訂位。午市套餐和漢堡包系列都包含了一杯飲品和是日餐湯。湯是蘑菇湯，菇味都幾濃。另外若想升級任何飲品會享有 -HKD 10 的優惠。芝芝桃桃 (HKD 38) & Tearapy Ice Bear Mocha (HKD34)厚厚的奶蓋非常鹹香，底下還有很多果肉，喝起來很清甜。熊熊很可愛，將咖啡倒進去便看到熊熊在慢慢溶化，之後再加上鮮奶。味道來說咖啡味比較濃。這個是限量的喔，有機會賣光。炸日本櫻花蝦濃蝦湯拉麵 (HKD 98)蝦湯是每天經3小時慢慢熬製而成，味濃但不會太鹹，鮮味十足。拉麵則頗有咬口就偏硬身點，掛湯能力也不錯。櫻花蝦連同炸蝦一起吃，口感更豐富之外，亦更為惹味。茶聊招牌黑松露野菌牛肉漢堡配凱撒沙律及薯條 (HKD 138)放在鳥籠的漢堡也太吸晴了吧，果然很適合打卡。拍完照後店員會幫忙將漢堡拿

專寫中伏嘢⋯⋯唔想㗎⋯耐何⋯⋯🤦🏻‍♀️🤦🏻‍♀️價錢合理，份量合理，環境正常，味道大伏💩睇IG post推介星期日傍晚1730食，去到除咗main 算係叫齊其他都sold out…食物質素，98蚊幾隻雪藏蝦加兩塊麵包仔叫多士，蝦冇咩蒜蓉味又重雪藏味。個鴨飯，飯正常大家樂味，鴨唔香，皮算OK脆，但入面啲肉又冇味又太熟。兩杯嘢飲$44一杯（少甜），一杯冇味（紫薯）一杯正常（黑糖，可可粉多係杯嘢上面但冇可可味），旺角出面街求其一間手搖都又大杯又好飲過佢，不過咁佢整到咁打卡係令嘅，如果有人錢多可以一試~至於環境⋯PartyRoom質素，某寶風重。服務⋯⋯有人我都比4星㗎，打工唔易我明⋯⋯值唔值得喎～哈哈╮(￣▽￣"")╭

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼旺角朗豪坊附近有間長期滿座嘅人氣cafe「茶聊」，最近新推出風乾肉系列‼️門口位置設24小時風乾熟成櫃，製作過程絕不馬虎，盡顯誠意🫶🏻🔸風乾德國脆豬手配薯角・芥末蜜糖醬（$178）德國脆豬手以獨特風乾工藝製作，口感酥脆，沾上特調嘅芥末蜜糖醬，甜辣交融💥再伴以金黃誘人薯角，充滿飽肚感❤️🔸海王櫻花珍寶巨蝦配龍蝦忌廉汁意大利粉（$168）手掌般大隻嘅巨蝦，外殼鋪滿了酥炸鹹香嘅櫻花蝦，惹味十足😍內裏蝦肉則保持鮮嫩彈牙口感，配搭掛上香濃龍蝦忌廉汁嘅意大利粉，每啖盡是高級享受🙆🏻‍♀️🔸自家製甜品（+$48）➰75%特濃朱古力蛋糕朱古力味濃香四溢，甜而不膩🍫蛋糕嘅綿密口感，令人一試愛上🍰🔹開心果椰椰（$45）上層開心果奶蓋香滑濃郁，下層椰子水清甜輕盈，味道豐富有層次✅🔹髒髒紫薯鮮奶 (沙冰)（$44）賣相夢幻吸引，香甜紫薯與醇滑鮮奶味道平衡得宜，甜度適中，值得一讚👍🏻▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

💐🌺 【 茶 聊 】 🌺💐⋄ —————⧫♟⧫————— ⋄旺角「茶聊」自開業以來，質素從未下降，更不時推出新品，一直大受歡迎🔥 今日再嚟食，水準依然💯真係稱得上係cafe界霸主👑👍🏻⋄ ┄ ┄ ┄ ┄ ❖ ┄ ┄ ┄ ┄ ⋄🐷風乾德國脆豬手配薯角・芥末蜜糖醬🍯（$178）🦞海王櫻花珍寶巨蝦配龍蝦忌廉汁意大利粉（$168）🍰自家製甜品（+$48 ）🧉開心果椰椰（$45）🍠髒髒紫薯牛乳（沙冰） （$44）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：茶聊 (旺角)旺角砵蘭街189號1樓

一個人去旺角shopping，行到攰攰地，搵到間樓上悠閒咖啡店坐低休息下，仲有wifi上網，入門口有個打卡走廊休息，行入去有一張長形吧枱，面對住落地大玻璃，可以望到街外環境。食物方面從餐廳以西餐為主，提供各式的茶飲，如高山純茶、水果茶、芝士奶蓋茶等。🍳英式早午餐（煙三文魚） $108送餐湯～ 除咗煙三文魚沙律、仲有好脆嘅煙肉、香草腸、炒滑蛋、牛角包、烤蕃茄，好豐富。仲有個忌廉雞湯。🧸 TEARAPY ICE BEAR MOCHA（COLD） 限量供應 +$38～Mocha 迷嘅我，一定要試嚇呢杯打卡凍Mocha ，咖啡味嘅熊仔冰，倒入Espresso嘅時候就會溶，然後再倒入牛奶，杯裡面已經放咗朱古力醬，混合所有材料就可以飲啦😋😋🐓🍄‍🟫蘑菇釀雞翼 $78～雞翼去骨，釀入芝士蘑菇，好吸引好惹味，外皮亦炸到好脆口。

開心果控嘅👦🏻👧🏻知道旺角「茶聊」有開心果飲品同甜品，即刻嚟試吓先😍！呢度晚市份量同價錢合理，平時出面食風乾德國脆豬手要2字頭，呢度$178就食到，仲要係店鋪有部風乾機去風乾，性價比高！🍝海王櫻花珍寶巨蝦配龍蝦忌廉汁意大利粉 $168巨蝦有手掌咁大隻🤩，外殼鋪上滿滿嘅櫻花蝦，炸到脆卜卜，連蝦殼都食得，好香口！入面嘅蝦肉保持鮮嫩彈牙！蝦頭有唔少蝦膏添，鮮甜美味阿！每條意粉都吸收哂龍蝦忌廉汁，濃稠度做得剛好，入哂味😋！🐷風乾德國脆豬手配薯角•芥末蜜糖醬 $178鐘意呢個豬手外皮唔會太多肥膏，烤到乾身，外皮香脆，同時保留到豬皮膠原感。肉質好嫩，一啲都唔鞋口，時間控制得啱啱好。🍫朱古力蛋糕 $48朱古力味好濃郁，上層好似係厚厚嘅生朱古力，入口即溶好正。下層係朱古力海綿蛋糕夾住朱古力忌廉，一件蛋糕食到三種朱古力口感😍！🍰開心果巴斯克蛋糕 $48蛋糕質地軟滑香濃，開心果好出，濃度同甜度平衝得剛好，令蛋糕食落唔會太膩。💚開心果椰椰 $45上層係打到質地滑溜嘅開心果奶蓋，味道好濃郁！下層係清甜嘅椰子水，加埋杯邊嘅開心果碎粒，令層次感更豐富。🍹凍百香果芒芒 $45百香果味道酸酸開胃，加咗青瓜片🥒，飲落幾

今次又發掘一間旺角區樓上好靚嘅餐廳，餐廳裏面非常大，有望窗位，亦有卡位。Lunch set都有15款，選擇多。🌟香蒜欖油海鮮手工意粉手工意粉煙煙韌韌，有大蝦、魷魚、大青口，份量合適。🌟法國紅酒汁肉眼牛扒伴 時令蔬菜五成熟牛扒煎得剛剛好，薯菜好得意，粗身螺旋形。🌟牛油果咖啡新產品，估唔到咁夾，牛油果軟滑，配咖啡少少苦味竟然咁夾。🌟Latte 拉花幾靚，cafe元素西餐 咖啡都唔錯。🌟75%朱古力蛋糕🌟開心果巴斯克芝士蛋糕兩款蛋糕都好好味，唔會過甜，第一次食開心果巴斯克芝士蛋糕，估唔到都唔錯，反而冇咁漏。整體嚟講呢間餐廳會再去，無論環境定食物都係好好，而且價格合理， lunch set選擇又多。

🍔勁爆芝士牛肉漢堡 $128離遠已經見到個漢堡 用咗個好吸睛嘅鳥籠罩住店員亦好貼心話我哋知打完卡可以叫佢哋收走佢👍🏻安格斯牛肉排多肉汁而且肉厚鬆軟 煎到表面微微焦脆配搭嘅兩種芝士鹹甜味都有 一種係片狀另一種就比較融夾住番茄同埋生菜食完滿滿嘅滿足但唔會話好膩配菜有凱撒沙律同埋薯條 薯條無炸到過火 比較多係食到薯仔粉粉嘅口感🍝卡邦尼手工意粉配流心蛋 $78其實平時都好少出街嗌卡邦尼意粉 因為覺得自己喺屋企都做到～但咁啱嗰日想食 又見到係廚師推介梗係要試試啦！天使麵細細一條好掛到汁 卡邦尼醬汁忌廉味突出又有芝士點綴好鍾意佢配嘅風乾煙肉切成咗正方形一粒粒 每粒都好厚肉有咬口又自帶煙燻味 越嚼越香😋最頂頂放咗隻流心蛋 戳開之後令醬汁更濃郁更停唔到口😈🍫朱古力蛋糕 +$48絕對係今餐mvp蛋糕一層ganache一層蛋糕 甜中帶微微苦 味道配合得啱啱好！係下次同朋友嚟附近都會想上嚟食嘅程度！🍰開心果巴斯克芝士蛋糕 +$48半熟巴斯克芝士蛋糕我不嬲都好愛呢塊雖然唔流心但都唔輸洩 口感幼滑開心果香味突出🍉超級水果茶 $45真係超級多水果 有蘋果 西瓜 青檸 菠蘿 百香果同埋士多啤梨真係倒出嚟可以做水果盤