茶舍 (北帝街)

營業中

休息中

一直有留意到多人排隊入座或等外賣的這間店，最近開始把這店納入我的外賣名單中，兩個星期內共叫了三次外賣。第一次：下午茶粟米白汁雞絲湯扁意粉—3.5/5分不過不失，雞絲意粉OK，炒蛋火腿OK，但牛油酥包只是將白麵包切成兩塊三角形對疊，中間塗了牛油，完全軟巴巴的，沒有烤過。第二次：午餐蒲燒鰻魚炒珍珠飯—5/5分性價比高，香口好吃，鰻魚份量合理。第三次；午餐慢煮咖哩牛腩飯—1/5分完全中伏！碗內合共只有三塊連皮薯仔，三條牛筋，０！牛！腩！無寫錯！牛腩係０塊！！成餐飯感覺只係咖哩撈飯！！未食過咁揾笨既咖哩牛腩！！！瞬間將我前兩餐既好印象清零了！！

土瓜環都係一個比較少黎嘅地方～下午茶時間想揾下午茶食就見到呢間餐廳同朋友入黎試下！3點黎到餐廳都唔多位剩 睇黎係附近街坊平時下午茶嘅選擇~呢個時間都仲可以叫午餐，好貼心！🤍蒲燒鰻魚炒珍珠飯 56炒飯嘅餸好足～有大大舊鰻魚，菇，三色豆上面仲有木魚碎 黎到嘅時候仲郁下郁下～味道都啱啱好唔會太咸又夠乾身🤍照燒汁鰻魚滑蛋包飯 $56鰻魚超大舊 又有好多汁😍鰻魚一啲都唔hea 就係食鰻魚壽司嗰種超大舊版滑蛋好滑 而且真係包到飯 唔係炒蛋+飯性價比超高！🤍煙三文魚沙律 $42見到個價錢 又係下午茶 以為係細細碟點知黎到勁大份煙三文魚又有3-4片除左有沙律菜 仲有粟米粒蕃茄仔配嘅係沙律醋～食材食落都好新鮮！🤍鮮芒果冰沙 +$18好大杯🤣黎到嚇親了 仲有2粒藍莓🫐係好碎嘅真沙冰！口感100分～但整體奶味比較重！整體評分: 🤍🤍🤍🤍成個用餐體驗都好好 店員姐姐好Nice☺️就算係下午茶時間都好多選擇！食物整體真係不錯 份量又夠大👍🏻好過好多連鎖式茶餐廳🤣🤍

餐廳位於轉角位，玻璃外牆令環境更光亮。廚窗放有甜點，非常吸引。下午5點左右外賣，店內已經坐滿哂人，亦有唔少人買外賣，人流多。餐牌仲有多款飯、麵、下午茶包類，花多眼亂，飲品新穎，唔係得普通茶飲揀。黑松露野菌海鮮比薩($62)，比預期既大份，冇諗過餐廳售賣pizza。重點係，餡料多到邊食邊跌出黎。一打開好香黑松露味，魷魚圈、蘑菇、粟米等滿滿鋪係pizza面頭。值得一讚既係，醬汁夠，所以食個陣唔會覺得乾。原條脆魚柳包($42)，大大條魚柳炸得香脆，肉滑。麵包夾住蕃茄片、生菜，配搭醬汁食唔會膩。紙盒裝住個包，唔會令麵包散之餘，仲可以令食客好整齊咁拎。百搭自選餐($42)，一口西多士炸到金黃色，每塊都淋有奶醬，唔會過甜，西多士有厚度，軟軟的口感。唔會食完覺得熱氣/油膩。香煎雞扒肉質嫩，煎完雞皮少少焦香，煎完都juicy，唔錯。跟餐加$16就可以追加甜品，抹茶芝士蛋糕茶味甘，入口後茶味慢慢帶出。栗子慕絲蛋糕甜而不膩，外層栗子蓉屬硬身，而內層cream幼滑，3層一齊食口感不錯。加$18亦可將餐飲升級，見到餐牌既星級特飲賣相好靚。餐廳好貼心，外賣飲品有兜分隔2杯，而且杯身硬，比平時既手搖飲品，更加實淨

今日放假，想好好休息下，不想買餸煮飯食🤣，所以我便落街去買外賣啦。聽講土瓜灣茶舍的食物質素唔錯，價錢唔貴，又多花款，所以今日就去依度叫外賣啦！ 4點多來到，有多款下午茶選擇，價錢由$28起，包飲品，真的好便宜呀！我一共點4個餐同屋企人分享。 鮮野菌沙爹牛肉湯意粉 $38 這個餐原本是通粉，但可以免費轉意粉。沙爹牛軟熟，湯底濃，都唔錯。 火腿仿鮑絲湯意粉 $38 這個餐味道比較清新，而且仲有包丹麥多士、炒滑蛋和火腿啊！ 鮮茄汁香煎豬扒蛋包飯 $48 靚靚的蛋包飯，又滑又香，質素好好！ 最後我仲加了$16要一個栗子蛋糕，都幾好食呀。

今天又到星期五啦!😊辛苦了一整個星期，終於可以做無飯主婦😉，醒目主婦一定選擇外賣快、靚、正👍居住附近有一間店舖“茶舍”外觀乾淨企理，而且有很多食客高朋滿座，所以二話不說立即落order1.美國安格斯牛扒定食~安格斯牛扒大大件好抵食，牛扒有厚度軟綿綿肉汁豐富，而且配上黑椒汁拌飯👍2.咖喱牛腩焗飯~無牛不歡我嗌完安格斯牛扒再來一客咖喱牛腩焗飯，牛腩又咬口，但是不會黏牙隙😁咖喱汁黏滿牛腩香味濃郁,更精彩是蛋炒飯底3.照燒汁鰻魚滑蛋包飯~鰻魚都大條，鰻魚面圖上鰻魚汁再加上木魚絕配，更上一層樓是蛋包飯，香滑蛋液流流的蛋皮包着熱騰騰飯，一口一口抓入口鰻魚汁、木魚、鰻魚肉、滑流流蛋、飯，每一啖都有層次好豐富😋4.意大利粟子法式布朗~外面香滑粟子奶油，中間夾着輕盈的忌廉奶油，配着濃郁可可餅底，有豐富口感

今日出開土瓜灣經過見到呢間餐廳好似新開疫情之下，都座無虛席仲要排隊等位叫咗午餐同下午茶試吓_Total要咗四個set四個都好吸引整體水平都好高新派高質茶餐廳_海鮮pizza 有四大件個人覺得魷魚好吸引餅底又脆又薄Pizza整體好足料！蕃茄焗豬扒飯呢個焗豬好有誠意飯係有蛋炒香過蕃茄味十足豬扒好厚而且食落好林上邊仲有好多芝士值得推介鹹牛肉三文治我加兩蚊要咗烘底🤪雞蛋同鹹牛肉好足料四面都烘到金黃色，正！餐廳仲有唔少甜品蛋糕可以買見到好多人都買蛋糕跟餐好似加$16起就有咖喱牛腩飯成個咖喱好香好惹味最欣賞佢啲薯仔係細細粒好好食😋

不知名餐湯及沙侓 3/5牛柳大件，不韌但全無牛味 1/5意粉無食 ？/5平時經過都見唔少人於門外等外賣，今日喺openrice見呢間有online order外賣自取就試試，系統預設落單計30分鐘取餐，我25分去問攞得未，職員立刻攞俾我，而openrice程式仍未顯示已可取餐。第一次試呢間餐廳，第一款試既菜式，認真麻麻

今日放半日，應承咗屋企人買外賣俾佢地，係公司附近見到呢間餐廳個menu幾多選擇，決定去試一試。我買咗粟米白汁雞絲湯扁意粉，原條脆魚柳包配薯條，蒲燒鰻魚炒珍珠飯同焗豬扒飯。~~粟米白汁雞絲湯扁意粉呢個餐有配埋丹麥包同炒蛋火腿，好抵食。餐廳好細心，分開咗d湯同意粉，咁就唔洗怕d意粉會淋曬。個意粉配埋個粟米白汁好好味。~~原條脆魚柳包配薯條呢個好推薦，我外賣返到屋企個包同魚柳都仲係好脆。個包有烤過，食落脆卜卜，魚柳炸得好酥脆，再加埋d生菜，蕃茄同千島醬，勁惹味。~~蒲燒鰻魚炒珍珠飯勁大碗，2個人食都夠。鰻魚份量都幾多，d珍珠飯炒得好香，粒粉分明。呢個飯比較重口味，但我中意。~~焗豬扒飯豬扒好大件，肉質鮮嫩。D飯炒得好香，加埋d新鮮番茄醬同芝士，勁好味。

又到三點三，食下午茶啦！做咩做！下午茶我覺得真的是比午餐還要吸引的一個存在，價錢更便宜了，又多選擇，還有我最愛的西多士！鮮茄香煎豬扒滑蛋包飯（４８元）滿滿的一大碗飯，上面蓋了滿滿滑嫩的滑蛋和肉質爽滑的豬扒，最後放上了鮮茄汁，吃起來既又蛋香，又有鮮茄汁的酸甜解膩！吃完一碗就非常飽了！炸大雞脾配滋味薯條（４２元）大雞脾炸得挺香脆的，就算拿到回家也還是脆的，這個真的好評！大雞脾已醃得很入味，吃起來外脆內嫩的，保留到不少肉汁，吃起來鹹香十足！薯條的份量挺多的，是帶皮的薯條，都是厚切的，吃起來外脆內軟的，薯仔的味道挺香的！原條脆魚柳包配滋味薯條（４２元）這裡的包都挺不錯的，都有烘底的，吃起來非常鬆軟，搭配上炸得鬆脆的魚柳和新鮮蔬菜，還加了酸甜的沙律醬汁，整體吃起來味道很好，外脆內軟的，魚柳的魚味也挺突出的，酸甜的醬汁很好地中和了炸魚柳的油膩感，吃起來更開胃！氹仔風味豬扒包配滋味薯條（３８元）這個其實跟魚柳包的配搭是一樣的，就是將魚柳換成了豬扒，豬扒是有煎香的，吃起來挺嫩的，肉質帶點爽，味道較魚柳的濃。花生醬西多士（３２元）非常大的一份西多士，炸得表面非常脆，而多士又挺厚的，中間放了很多的牛油和花

🪞 🥘🥗🍳 茶舍 🍵🥃🍸🪞 地址 ：土瓜灣北帝街15號地下 *･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*土瓜灣地鐵站B出口行5分鐘左右門口有個凍櫃放咗4至5甜品一入去感覺好精神淺黃白光燈 長方形店舖 最方便間隔卡位👏🏻店舖企理 👍🏻小編下午茶時間去 入座都大概七成人今日同2位朋友出街 未行過土瓜灣地鐵通行甘耐都未踏足過😹人流唔多 都係街坊街里 係一個比較靜嘅Zone我哋都異口同聲覺得咁樣係最舒服相比旺角尖沙咀太子一帶 強烈嘅對比蟹子三文魚炒飯 色彩繽紛 炒得好香香蒜雞扒蛋包飯 雞扒香脆 蛋包飯有驚喜 蛋汁滲透豬扒太陽蛋飯 豬扒鬆軟 太陽蛋半生熟最正法式栗子🌰撻Oreo冰沙

疫情期間，好多食肆倒閉，但一雞死一雞鳴，仍然有新鋪開張。位於土瓜灣北帝街的茶舍新開張不久，門口經常站滿人等外賣，原因是價錢便宜又好味。《魚籽三文魚飯》$56 色香味俱全的炒飯，見到都令人垂涎欲滴，飯粒豐滿彈牙，除了三文魚，還有雞肉、香菇和其他配餸，非常豐富。《慢煮咖哩牛腩飯》$56以這個價錢食到的牛腩，可算是非常高質，份量也很多，牛腩炆得很腍很入味，咖哩汁很香但不會死鹹，絕對超值。《原條脆魚柳包配薯條》$42大大條的魚柳夾在麵包中間，還有生菜和蕃茄，夠晒滿足。《栗米白汁雞湯扁意粉配丹麥包和滑蛋火腿》$38扁意粉和湯分開放，令意粉不會過腍，意粉上面鋪滿雞肉和栗米粒，好味。每個餐都配飲品今日試的這幾個餐都非常高質和抵食，難怪人流咁多了。

呢排wfh 慣左日日都要同屋企人食下午茶🤣🤣 今日去左屋企附近一間頗靚既茶餐廳試下🍴 見佢啲價錢唔係太貴 而質素都唔錯！ 大滿足🙌🏻☺️茶餐大發🤲🏻🤤1. 黑松露鮮野菌炒蛋牛角酥包🥐（$42）黑松露同炒蛋呢個配搭真係一個冇得彈既組合 😎一打開外賣盒就聞到香噴噴既黑松露味！啲野菌同黑松露炒多份量爆多🥳拎左番屋企微微用焗爐翻熱佢 更加好味道一口食牛角包加黑松露炒蛋 是一大享受呀😜2. 原條脆魚柳包 🍔配薯條🍟（$42）見到menu 必食推介就點左佢 果然冇令我失望xd 魚柳好脆香 好厚好大份加上啲千島醬就真好惹味😈薯條炸得好香口 又唔會油 屋企既小朋友勁鐘意🤤3. 百搭自選- 迷你卡邦尼意粉+ 脆香雞翼 （$42）卡邦尼意粉上面鋪滿晒啲芝士 😍 而雞翼有3隻！ 都好大隻🥰4. 百搭自選- 迷你肉醬意粉+ 蛋冶（$42）肉醬意粉硬度適中 芝士味都好重 仲有我最愛既扁意粉😍食埋蛋冶真係勁飽肚😉5. 甜品- 粟子法式布朗尼+ 朱古力芝士蛋榚 （追加$16一個蛋糕）在蛋糕櫃見到蛋糕咁吸引 就決定要買番屋企食到飽！🥰兩款甜度岩岩好👍冇買錯呀～每個茶餐仲配有野飲 真係好抵食 我地一家叫茶餐叫到成枱都係野

土瓜灣嘅Hi Tea，門面光鮮，價錢親民，廿十幾蚊已經有交易！而且出餐速度頗快，食物質素唔錯，深受街坊歡迎！外賣飲品以專用卡紙承托，相當穩妥，值得一讚！下午茶/午餐嘅食物，全部都包飲品，勁抵食！煙三文魚沙律 $42煙三文魚份量頗多，蔬菜爽口！用上了黑醋醬汁，酸酸地好開胃！煙肉凱撒沙律 $38真係勁多煙肉，食極都仲有！用上濃香嘅芝麻沙律醬，真係多多都食得落！照燒鰻魚滑蛋包飯 $56鰻魚肥美可口，醬汁又夠濃郁！蔥花同埋木魚絲提升了香氣！蛋包嘅飯都一樣充滿醬汁，真係好好味！魚籽三文魚蛋炒飯 $56內含魚籽、煙三文魚、菇菌、蛋等材料，炒到勁香口，加埋煙三文魚自帶嘅咸香，幾惹味！

今時今日疫情關係，外賣番屋企食都係一個選擇，今日黎到土瓜環搵到間都幾抵食既餐廳，地點幾方便，地鐵站行行下就行到過黎。見到個menu好似好小野食咁，但其實都好多選擇，最後都揀唔哂要放棄一d下次先食。香煎豚斧頭豬排煎蛋飯份量都大兜，外賣既關係個煎蛋個黃穿左，啲蛋漿混合埋啲飯，點知咁樣撈埋仲好食，塊豬扒都幾大塊，冇取巧日式特製蒲燒鰻魚丼飯呢個唔講得笑，塊鰻魚超大塊，又係冇取巧，仲有啲燒汁送飯都係一流芝士火腿牛角酥包都係果句，外賣嘅關係佢嘅賣相唔係幾好，但係都冇辦法。佢嘅牛角酥包入邊擺咗啲沙律菜，同埋都有啲醬汁，其實都幾開胃。唯一係番到屋企凍左浪費左，同埋堂食既話應該好味好多野飲方面叫左熱杏霜同熱朱古力，正常發揮，夠味，唔會好淡，落足料既飲品總括而言，間餐廳嘅嘢食都幾用心，冇取巧成份，真材實料，咁既價錢可以話抵食。下次堂食一於試埋佢地其他野

前排去左土瓜環接媽媽放工，臨走去左附近既茶舍買埋外賣返屋企。見到價錢吾貴，所以買多少少比屋企人一齊share!自家製雪菜肉絲湯米粉配丹麥包、炒滑蛋、火腿：個人較喜歡清清地既食物，所以特意order依款米粉，米粉口感幾爽口彈牙。而且餐廳貼心地將湯同米粉分開，完全吾怕吸晒啲湯令米粉發晒脹。肉絲雪菜份量適中，而炒蛋幾滑口，火腿吾乾身。丹麥包吾會太硬啊！鮮奶滑蛋三文治：媽媽中意食三文治，所以order左兩款蛋治比佢食。滑蛋依然keep到顔色鮮黃，口感當然滑口，令整個口中充滿滑蛋。餐肉滑蛋三文治：另一款加左午餐肉，令三文治多左一份咸咸地既味道，同樣跟滑蛋幾夾！菠蘿鮮茄三層芝士焗豬扒飯：依塊豬扒真系夠晒份量！大塊到遮住下面既飯。豬扒口感吾會太硬，而且吾會好鞋口，上面佈滿左芝士，令整個味道吾會太單調。飯粒帶濕，整體不錯！香草鮮野菌忌廉天使麵：天使麵同樣份量幾多，就算外賣但完全吾會比堂食少！天使麵口感適中，幾軟熟，而忌廉汁配野菌幾好食啊。以上既餐配左熱飲。