茶舍 (北帝街)

營業中

休息中

人生一大樂事就係望住個靚景之後嘆住美食🪰⛰今日係土瓜環揾食之後就衝上飛蛾山用靚景送飯👀👅。🐒千島海鮮披薩💰$68本身諗住茶餐廳pizza都無乜大期望，結果打開有驚喜，上面除咗有魷魚圈之外原來仲有蘑菇同火箭菜，賣相同出面手工pizza有得揮，食落就正常，配料同醬汁都偏少。🐒下午茶-迷你花生醬西多士+香煎雞扒💰$42呢個價錢係包埋杯飲品，所以都好抵，件西多士係一啲都唔迷你，勁厚，入面仲有少少流心，不過花生醬就偏少。🐒蒲燒鰻魚炒珍珠飯💰$58除左有鰻魚粒之後，仲有菇、木魚絲，成件事勁有和風既感覺，不過個人覺得可以重口味多少少🤪。🐒和風醋里肌玉米沙律💰$38諗住嗌個沙律refreshing一下，果然冇令我失望，菜方面全部都好爽口，火腿係個啲厚切既，食落已經帶有咸味，同個醋汁好match🥰。佢外賣全部都pack得好好，嗌咁多野食都可以一袋過，揸車行山路都完全無令到賣相好差/Lum哂，呢點好值得一提💓

今日黎到土瓜灣搵下有咩野食 行下行下就見到呢間 「茶舍」 估唔到舊區都有好食下午茶😬 起門口見到個餐牌就覺得好吸引 仲要價錢同埋睇埋啲相又真係好吸引🤩 就決定試下佢啦～～ 喺門口見到個甜品櫃好吸引😙 決定買兩件返屋企試吓😆 因為疫情關係所以決定買外賣返屋企食 落咗order等咗10分鐘左右就拎得 好快手💪🏻 芝士火腿牛角酥包 $40拎到返屋企因為凍咗 所以再放焗爐焗返熱 好好味😋 牛角酥好香好脆 芝士熱溶咗 火腿煎香左 再配埋沙律菜 不錯👍🏻 黑松露鮮野菌炒蛋牛角酥包 $42一打開係超香嘅黑松露味🤩 黑松露炒蛋一啲都唔吝嗇 好多好足料 好好食😋 煉奶杏霜一口西多士 $32細細口既西多士 平時西多入面會有花生醬 呢個就淨係煉奶同杏霜起外面 唔食花生嘅朋友就可以食啦 一口一口食好方便👍🏻 原條脆魚柳包 配滋味脆薯條 $42大大條脆魚柳 又係放焗爐整返熱 好脆好香口 中間夾住千島醬蕃茄同埋沙律菜 中和返就唔會覺得好熱氣👍🏻 最後食埋2件蛋糕😆原味芝士蛋糕 +$16芝麻法式布朗 +$16正常發揮 食完鹹嘢係要食返啲甜品😋 整體來講 呢間茶舍既下午茶 起舊區做到價錢咁平 味道又唔錯 算係有驚

呢幾日香港係咁落雨🌧, 就係落大雨期間橫沖直撞, 沖左去呢間餐廳！見未晚市時間仲可以叫午餐就拿拿林買埋個外賣喇😁1/ 鹹牛肉滑蛋三文治🥚🐮 $32滑蛋足足有成寸厚, 每啖咬落去的蛋都咇哂出黎，而且好creamy! 如果鹹牛肉可以再多啲就一流喇😆2/ 煙三文魚沙律🥗 $42呢個絕對係一個highlight, 好少港式餐廳會有沙律食, 而且做法好西式, 材料亦都好新鮮👍🏾3/ 美國安格斯牛扒定食🥩 $65 + $3 凍阿華田牛扒肉質嫩滑，黑椒汁味道濃郁, 同時佢亦都有啲沙律菜喺隔離, 整個感覺立即中和冇咁肥膩👍🏾4/ 魚子三文魚蛋炒飯🍚 $56 +$3凍好立克炒飯份量非常慷慨, 飯選用珍珠米, 炒得金黃香口配上三文魚同蝦子, 令人食到一啖接一啖😋性價比好高, 而且同一般港式餐廳唔一樣選擇更多, 值得推薦大家去試！

今日經過土瓜灣見到這家茶舍店面光鮮，疫情關係，晚市堂食暫停，唯有取外賣慰勞一下自己吧🌝菠蘿鮮茄三層芝士焗豬扒飯焗豬扒是大大的一塊，肉質鮮嫩👍🏼配上茄汁、菠蘿和芝士，好吃。炒飯底，粒粒分明，配上醬汁後，開胃。慢煮咖喱牛腩飯牛腩是慢煮的關係，肉質軟冧，我咖喱入味，份量不少。而薯仔咬下是爽口，配上米飯吃真是一流。蒲燒鰻魚炒珍珠飯鰻魚甜甜的，粒粒珍珠米配上粟米和甘筍等等，材料豐富，最喜歡是飯面有大量的木耳片，很有誠意❤️和風醋里肌玉米沙律里肌是豬隻後腰位置，肉質結實，有咬口，想不到餐廳會用此高質又健康的肉來做沙律、重點是價錢只需50多元。配上沙律菜、玉米和和風醋，材料新鮮，又開胃，吃後飽腹感滿滿的。

土瓜灣新開左一間冰室，見價錢都幾抵，不過因為呢排疫情都幾嚴重，所以就買左幾個外賣返屋企食😋拎到返屋企仲係暖既，保暖同熱度都做得幾好，下次會再黎食堂食😋🥢一見鐘情比薩 $65呢個pizza size啱啱好，焗得好香脆，個餅底都有返咁上下厚度😛咬落去好有口感😙配料同醬汁都分配得好均勻😜面頭仲有少少火箭菜中和下，冇咁熱氣🥰🥰🥢蒲燒鰻魚炒珍珠飯 $56茶餐廳都整到好似日本餐廳既高級水準👍🏻👍🏻飯炒多粒粒分明，每粒都有好香濃嘅鰻魚味道，而且材料都好豐富🤤有好多粟米粒、鰻魚粒、木魚絲，外賣做得到賣相好吸淨👍🏻🥢龍蝦湯海鮮飯 $68飯同湯係分開盛裝😙鐘意食泡飯既飯亦可以將個飯倒落個湯到😋龍蝦海鮮湯都好足料🤤🤤有大大隻蝦同埋其他海鮮材料😛全部都好新鮮清甜😙湯底濃郁冇味精，真係忍唔住飲哂成碗湯😋

蒲燒鰻魚炒珍珠飯$56菠蘿鮮茄三層芝士焗豬扒飯$56香煎豚斧頭豬扒煎蛋飯$58原味芝士蛋糕$16意大利栗子法式布朗$16.因為屯馬線嘅關係，好多時都會去九龍城嗰邊食下嘢，今日就去土瓜灣買野食😁.行行吓見到有間餐廳特別多人，其他餐廳都冇佢咁多，差唔多爆場咁滯，再望吓個餐牌。幾多嘢食喎，有意粉有炒飯有扒餐誘惑蛋包飯仲要有pizza，仲要有甜品咁就黎試吓佢啦😌. 我哋三個人叫咗三個餐再加兩個甜品😄.都係果句吃茶記最緊要除咗個餸之外個飯都要好食，啲飯咬落去好煙韌！好好食！而且豬扒煎蛋飯塊豬扒大過塊面！🤣.而最鍾意食嘅就一定係鰻魚炒飯，個鰻魚炒飯啲鰻魚比得都幾多，係飯上面佢俾咗啲木魚，令到成個炒飯都充滿着木魚味，調味偏甜，係自己鍾意嘅味道，加埋佢係用珍珠米，食得開心🥳.自己其實好鍾意食大家樂一個豬扒飯但係大家樂一個豬扒飯成日芝士都唔夠而且塊豬扒整得好乾同埋好細塊呢度就唔會啦你睇吓幾多芝士🥰.個甜品細細件份量唔會太多啱晒啲想食甜野但係又驚肥嘅人 比多10幾蚊有甜品OK啦唔使特登去甜品舖😙.另外每嗰餐包一杯嘢飲👍🏽.CP值及夠飽CP值的確係好高😝.翻啅絕對唔會再返嚟食😄

據友人所指，這間叫做high tea (HI T)，原來中文竟然只是茶舍，算是比較骨子的新式餐廳。🤔不過內進看看餐牌，焗飯比較昂貴，其他選擇都不算太多，而且有點兒趕時間，因此我就點了煎雞扒蛋包飯就算了。滑蛋都算滑，而且份量不算太少，都總算可以送得完整個飯；反而雞扒份量不太多，而且只是在扒爐上面輕輕煎了一兩下，不算鑊氣很強，汁醬不算太多，只是飯裏面可能有少許甜豉油，總算可以送得完整個飯。據說奶茶都不太差，因此我都試了奶茶，都不算太澀，味道是正正常常的，不過不值近$50吃一頓普通的中式飯餐

土瓜灣新開左間新派茶餐廳，餐廳裝修企理，除了提供多款炒粉麵飯、焗飯、意粉、扒餐、湯飯等茶記餐牌，更有pizza、burger、和風之選、甜品等茶記不會供應的食物，集合多國菜式，選擇非常多！👍🏻👍🏻🌟蒲燒鰻魚炒珍珠飯 $56 本身有d擔心茶記出日式鰻魚炒飯會唔會伏，但見到個賣相又覺得都幾似平時食開既樣，份量超多，聞起黎勁香☺️，面頭鋪左柴魚片，材料用左粟米粒、鰻魚粒、洋蔥粒、冬菇、蘑菇，口感非常豐富，味道一流🤤，超有驚喜😳！🌟咖喱雞焗飯 $56 🥘香噴噴既咖喱汁鋪滿成個飯，即叫即焗，拎到返屋企都仲係熱辣辣，雞肉嫰滑，薯仔焗到軟淋，最特別係佢既咖喱加左大量蒜，食到好濃蒜香，味道都幾特別😋🌟魔鬼芝士一口炸雞 $38 🧀🍗雞塊炸到香脆肉嫰，點埋濃郁既芝士醬，食落咸香適中，值得一試😋🌟煙三文魚沙律 $42 🥗煙三文魚沙律份量多，煙三文魚爽口彈牙，肉質鮮味濃，肉香久久不散，沙律菜新鮮，用左多款沙律菜，簡簡單單落黑醋調味已經好正🤪，簡直係健康之選！🌟餐飲 ☕️跟餐包左熱飲，加$3可轉凍飲！一定要試佢既茶底飲品，茶味比坊間既茶記濃，奶茶香滑，茶同奶既比例剛剛好！鴛鴦啡味比較濃，都幾岩我口味！📍茶舍 (土瓜

土瓜灣自從有咗沙中線之後變得相當熱鬧 亦都有好多新嘅小店加入今次就試一試呢間新開嘅茶餐廳由於係午餐時段又想買外賣同屋企人一齊食今次叫咗四款唔同嘅飯分別包括咖喱牛腩焗飯$56蒲燒鰻魚炒珍珠飯 $56魚子三文魚蛋炒飯 $56咖喱雞焗飯 $56另外亦都係跟餐飲品 選擇左咖啡首先講一講幾種唔同嘅飯特別鍾意食呢個蒲燒鰻魚炒珍珠飯又點會諗到茶餐廳會有咁日式嘅風味鰻魚份量都唔少 再加埋燒汁好開胃好好食另外三文魚飯一啲都唔手鬆都落咗好多三文魚炒飯炒起上嚟特別香仲有呢度嘅咖啡唔係茶餐廳嘅味道飲得出係即磨咖啡 好好飲下次去開土瓜灣都可以再嚟呢度試一試

舊區勁多隱世美食，但都有d 新開張嘅小店。依d 小店，分分鐘會有新驚喜。唔建議山上水遠入去食，不過如果黎開依區，就可以一戰。冇堂食，要叫外賣番屋企。掃完街就搵間野叫幾個飯番去食。新開，花牌都仲係到。5點幾去都仲有lunch menu蒲燒鰻魚炒珍珠飯 $56唔講份量，份量夠兩個細食嘅女人仔。味道有日式嘅風味，鰻魚唔小，d 肉係實嘅，唔係臭嘅。咖喱雞焗飯$56新鮮焗比你，所以要等耐小小。唔係出面快餐店果隻咖喱。味道rich d, 雞肉好多薯仔連皮上比你，有好有唔好。忌廉野菌皇烤雞扁意粉$52肉多，可能新開。味道正常真係足料，遲d 去再睇睇意大利粟子法式布朗$16可以追加甜品，見有栗子就試試。栗子fans 要叫。

中午沒時間吃飯，餓扁了，決定去吃個豐富下午茶。兩個人點了三份下午茶，有炸魚柳沙律，花生醬西多士，當然不能少了這裡的黑松露炒蛋牛角包。坐在卡位上很舒服，通道有點窄，但不影響我們的食慾，飲料我們要了凍檸檬茶☕，芒果沙冰🍹，還有一杯熱紅菜頭薑茶☕。餐點很快上桌，份量不小，夠填飽我們餓壞的肚子。黑松露炒蛋牛角包着實不錯，店家肯下本錢💰，香滑炒蛋拌入重手黑松露，夾在鬆軟的牛角包裡，咬在嘴👄裏，超滿足的享受，加上熱乎乎的紅菜頭薑茶☕，溫暖了整個人。有甚麼好得過餓有美食，倦有暖床。西多士也不錯，炸香的麵包裡有厚厚的花生醬，蘸點牛油，滿口酥脆香甜，伴着装點漂亮的芒果沙冰，符合了色香味的食物標準。整個下午茶時間都客滿，可知多受歡迎。😀

聖誕節，想話食聖誕大餐，於是走落哥登堡開餐，點知門口排咗成十幾人，轉場落北帝街睇睇，見到新開咗間餐廳叫茶舍，menu有不少心水菜式，於是入去幫襯.亦都係最後一次幫襯！點咗份美國豚斧頭扒，芝士焗波士頓龍蝦海鮮意大利飯，濃蝦湯.居然有我嘅大愛沙冰，馬上叫鮮芒果冰沙！優點：1) 俾D街坊多一個選擇.2) 寫多個優點都寫唔出！缺點：1) 地方淺窄出入困難！係我幫襯過通道最窄嘅餐廳！空間比國際太空站更窄！食得極唔舒服！2) 豚斧頭扒無味，豚肉口感又實又無味，浪費上好食材.3) 波士頓龍蝦居然梅梅地！有無搞錯！4) 意大利飯無味又太濕，連我一向食魷魚會腳痛嘅病症都無，食完魷魚居然無事，可想而知質素有幾差！5) 以為係"龍"蝦湯，原來係"濃"蝦湯，濃蝦湯一D都唔濃！衰過金寶湯！6) 最大期望嘅沙冰，簡直係失敗！不單只完全無芒果味，重有我唔受得嘅奶味！同西環楚撚記嘅沙冰一比，簡直係天堂同地獄！為免再次進入一個比國際太空站更差嘅環境，食一個會令我進入無間地獄嘅西餐，唯有將茶舍打入黑名單！拒絕幫襯！

見到有新餐廳諗住試下點知就。。。都算係我等得最耐既餐廳叫左個pizza同炒飯話等15分鐘於是就企係外面勁大油煙既門口等吸左20分鐘油煙都唔見入去問無人理，再問之後終於有人理我，跟住就話等多陣咁要等幾耐呢？話因為太多野焗，太多單我明但你可以講聲以後都唔會再黎

12月23日與同事一同食晏，行過見係新開、多人食同裝修都唔錯就去試試。好啦~首先去等位，OK等唔係問題，我等....等位其間見有人叫杯飲品幾吸引，諗住一陣試下，但最後發覺走嗰陣差唔好冇飲過，咁就打消左呢個念頭(入到去見餐牌，嗰杯叫芒果沙冰)。一行三人叫左2個安格斯牛扒餐及1個鰻魚蛋包飯。等左約10分鐘食物上枱。先講下鰻魚蛋包飯，飯唔係熱的，而鰻魚就唔係平時食嗰隻味(包括鰻魚壽司、鰻魚炒飯、鰻魚飯... 嗰D味)。跟住講下安格斯牛扒，見賣相唔錯，牛扒都唔係超薄嗰隻，有少少厚度。起初切側邊都幾好，但切深少少就見有血出，中間好似冇整過咁(唔知有冇3成熟，其實只得表面係熟)。咁生，緊係叫佢再煎整返熟佢啦~侍應話唔會番煮，會另外整一份出黎。OK，咁等...。等到12:45分仲未有，因1點要回公司，唯有轉外賣，到12:50先有得攞外賣。返到公司就諗住應該冇問題啦，話曬都再煮。一打開，塊扒well done，唔緊要，可能驚生得濟，今次塊扒冇問題，但見D飯有部份有D紅點，睇落唔似血水，又唔似紅薑，都唔係咁敢食，潷出黎，但結果放工返到屋企就肚痛，要去洗手間。

其實呢間屬於茶記？冰室？定係西餐廳……？見呢間餐廳名幾特別，不妨同朋友去試吓，估唔到有驚喜！平時很懶寫嘢嘅我都忍唔住要喺度分享吓，好嘅餐廳一定要支持！餐廳環境舒適，見食物餐牌有我鍾意食嘅牛角包，所以點選咗一個黑松露滑蛋牛角包試吓，好香黑松露味而且蛋好滑，牛角包好鬆化，非常滿足到我嘅視覺味覺；另外龍蝦扁意用料新鮮，龍蝦鮮甜，扁意彈牙，龍蝦湯底真材實料好好飲；冇諗過好食嘅安格斯牛扒可以咁嘅價錢食到，成塊牛扒厚身而且好香牛肉味，廚師亦煮理得好好；流心芝士西多士太好食啦，多士煎炸得好香口，配上流心嘅芝士加火腿，好滿足；奶茶非常香滑，酒平時可以飲幾杯，估唔到夜晚奶茶都忍唔住飲兩杯。朋友意見龍蝦湯好好飲，套餐包埋沙律同埋餐湯👍🏻總體評價高質、性價比高、服務好，搭車揸車都方便，所以一定會再同朋友過嚟食。見到佢嘅早餐都好吸引，放假過去試吓先！食到啱自己鍾意食嘅嘢同埋咁平嘅價錢真係覺得好滿足呀！