菓甜品 (已結業)

唔知有冇人好似我咁，可以狂食甜品當係一餐？因為次次都有太多野想食，食一件甜品實在唔夠，所以我間中就會約埋朋友喺晚餐時間去甜品店，食到飽為止.....價錢本身都唔貴，仲有promotion，可以更抵！見到圖片覺得好多都好吸引！香蕉太妃$55香蕉同埋朱古力、太妃糖的味道都好夾，如果鍾意飲香蕉牛奶的朋友都會喜歡。上面有一塊脆皮餅乾，配著雪糕一起吃也很夾。開頭以為香蕉下面配左慕絲，原來是軟綿綿的蛋糕，好sweet~桂花白酒燉雪梨$56重點推薦，要說今晚最愛第一名就是它了！係原隻雪梨咁上架雪梨燉得軟軟的，芯已經剔除了，所以不會酸，本身已經很清甜，加上桂花就香上加香，而且感覺很健康，暖笠笠的，冬天食應該會更窩心～草莓狂迷$76酒醉提子$76咁靚的雪糕新地絕對不可以錯過呀~係杯裝雪糕再插上雪糕筒，唔怕食到成手都係。草莓雪糕微微偏酸，食落似真正草莓的味道，唔係好甜好假果種，一食就知係唔平的雪糕！想食更甜美的味道就要揀酒醉提子，冧酒的味道實在太令酒鬼著迷～而且仲有提子乾，口感豐富，又甜絲絲，正！玉桂蘋果窩夫伴冧酒提子雪糕$64因為鍾意食冧酒雪糕而隨手點的窩夫，竟然有驚喜！！！玉桂香味濃郁，蘋果份量比想像

星期五的晚上來到尖東食甜品，找到這間感覺比較休閒的文青風格小店便進去了。店內空間都是偏向比較木系風格，坐下來聊天也不錯舒服。食物方面，由於當晚比較肚餓，就叫了一份比較清新的雜果窩夫醫一醫肚先。水果方面不算最當做和新鮮，但整體味道是十分易入口的。

我同朋友都十分愛吃甜品,返工咁大壓力，真是要吃吃甜品放鬆一下心情～所以我們決定甜品當正餐，不吃晚餐直吃甜品！🤣✨芝士粟一燒：這個甜品賣想可愛，整條粟米的型狀上桌，而我朋友一開頭真的以為是粟米！😂 其實它是粟米型的芝士蛋糕，而最正的是它真的有粟米味，頗獨特的。✨抹茶麻糬窩夫配雲尼拿雪糕：窩夫外脆內軟，入面還佈滿有咬口的麻糬，口感很不錯。抹茶啫喱和紅豆很配，加上香香甜甜的雲尼拿雪糕，味道恰到好處。✨法式焦糖燉蛋鮮果班戟：入面是流心的燉蛋，很香蛋味很奶滑。外層焦糖脆卜卜，配上班戟一起吃，很有層次呢。✨伯爵紅茶：食甜品嘆個茶，能消一消膩感！😊✨薑汁花生湯丸：是日的湯丸是花生口味，有家的感覺。環境也舒適，適合和朋友輕鬆一下、聊聊天！

看到網上有很多關於這間新甜品店的報道介紹，發現其甜品款式繁多，重點是大部分都是他們自創的，出面都食唔到，非常有特色，心機誠意滿滿，不禁要來朝朝聖。店內環境簡約雅緻，比一般甜品店來得清新舒適，有種悠閒感。打卡讚好仲有全單95折！欣賞這裡的甜品均是即叫即製，十分用心。法式焦糖燉蛋鮮果班㦸好有創意，一般班㦸是加入忌廉，但這個班㦸則是釀入滿滿的法式焦糖燉蛋，個人覺得這個配搭組合更出色，非常完美。班㦸皮好軟熟，夠薄又札實得可承托到整個燉蛋。燉蛋由頭落到底都有，真材實料，質感滑溜，好有蛋香。燉蛋中還夾雜很多士多啤梨、芒果和藍莓等水果，由頭到尾都有，口感豐富。芒果酥皮拿破崙賣相精緻，猶如藝術品。拿破崙非常鬆脆，層次分明，夾著大量芒果肉、奶油和士多啤梨，甜而不漏。香蕉金莎朱古力窩夫伴榛子雪糕十分大份，窩夫非常厚身，外皮香脆可口，內裡鬆軟綿綿，好有水準。香蕉肉表層有脆脆焦糖，加上濃濃的金莎朱古力醬和美味的榛子雪糕，整個窩夫無可挑剔。楊枝金露以公雞碗盛著，有中西合璧的感覺。楊枝金露質感夠稠身，非常幼滑，富奶香和椰香。用料十足，有很多芒果和柚子肉，味道十分香甜。

喺尖沙咀食完晚飯後，唔算太飽所以就直接去搵甜品食喺附近見到呢間好似唔錯，入去坐低試下 每張枱都有假植物裝飾，都幾清新法式焦糖燉蛋，呢個蛋味極香，焦糖夠脆，高水準好食啲蛋都好夠滑，推薦！曲奇酥皮拿破崙，開頭以為得一細件，冇諗過上到枱見到原來有咁大碟，好抵食！芒果好甜，拿破崙有好多層，食落去好鬆化！白色個cream都幾重味，加咪拿破崙一齊食好味宇治綠茶麻薯窩夫配雲呢拿雪糕，我一向中意食綠茶窩夫，所以今次見有就即刻叫來食綠茶味都算OK，配埋側邊綠色嗰幾舊食，綠茶味非常岀！紅豆醬唔會太甜魔鬼朱古力，呢個名好似好勁，朱古力味真係超級濃，層次都幾多，鍾意食朱古力嘅就一定要試吓呢個，因為真係絕對滿足到你奶昔係朋友叫嘅，我就唔太飲奶昔，朋友話都係幾夠味我哋五個人叫咗五個甜品，先$300蚊！真係好平，最重要係d嘢食好味

菓甜品位於尖沙咀寶勒巷萬事昌廣場地下街舖位置相當醒目是主打西式甜點上網搜尋的時候就看到很多人點了這隻玉米棒我想這應該就是店裡面的招牌之一吧芝士粟一燒 $58外型逼真到一個不行玉米味道淡淡的很清香上層帶有焦糖味火炙的芝士鹹甜鹹甜的菊花茶 $42像我不太好甜品的有茶水可以搭配潤一下喉也是必備的當然超愛甜品的TerrGor滴水不沾最後還點了盤香蕉朱古力金沙窩夫配榛子雪糕 $72因為是現點現做的關係製做時間需時約10分鐘左右為了吃熱騰騰的窩夫底這10分鐘也要等下去窩夫熱騰騰上場外脆內軟搭配上蕉香、奶油的甜還有榛子雪糕的冰甜冰火五重天的感覺好爽啊！

🍌香蕉金莎朱古力窩夫半榛子雪糕$72超級好食 窩夫厚實 重蛋香奶香 上面有着到熱辣辣嘅金莎將 鍾意金莎嘅朋友一定要試吓 個榛子雪糕超好食 gelato 嘅質感唔易溶 似繽紛樂入面嗰啲榛子醬☺️-🍼芒果酥皮拿破崙$60拿破崙整得好酥脆 而且係有好多層酥皮整成 拿芒果夠鮮甜 份量仲好多-🍮意式黑松露咖啡奶凍$54第一次食黑松露味嘅奶凍 超級濃郁嘅黑松露味 好待別 第一次食黑松露味奶凍 整得好滑😝絲絲入心$64食甜品一定會揀心太軟 ❤️ #monstergirlshk心太軟 ☺️朱古力味好濃 偏向黑朱古力味 蛋糕同朱古力醬嘅比例完美😍 唯蛋糕外層焗得不夠脆口。放喺玻璃上面個塊曲奇🍪好好食 鬆脆 有牛油香 沾埋朱古力醬好正 😍

因為食呢間甜品 有好好嘅印象所以今次特登過嚟食 招牌絲絲入心心太軟 濃厚既朱古力醬由上面流落下面既雪糕 同平時其他甜品店present 既方法好唔同🤤另外有點桂花酒梨 曲奇奶昔 烘焙綠茶 同冧酒新地桂花酒梨超大個 滲左少少酒味又唔會太濃 入面又有梨既汁 口感好多汁鮮甜 另外仲有放做伴碟既桂花寒天 凍凍地有少少似啫喱既口感 滲出淡淡桂花味 成個甜品都係淡香清新為主曲奇奶昔好creamy 奶味濃同埋入口好滑綠茶起初以為係普普通通 尼到既時候見到茶包有好多微微炒過既材料 所以好香濃 係真點烘焙味道 仲可以消滯 同甜品好夾最後冧酒新地係movenpick 雪糕🍦加唔同既配料：提子乾、玉桂蘋果等等 特別欣賞佢加左雪糕脆筒 令賣相相當討好👻

都係自己衰，遲左起身，約女朋友都遲到，食乜當然佢話事啦。咁佢又食左飯，想食甜品喎！甜品店在寶勒巷，好易搵到。𥚃面裝修好文青。意大利巴馬火腿沙律$62估唔到有沙律，真係「你有你甜品，我有我午餐」。巴馬火腿唔會好咸，哈蜜瓜幾甜，如果菜再多d就好！宇治抹茶麻糬窩夫伴雲尼拿雪糕 $70呢個甜品我當午餐咁享用。非常之大件同飽肚，好多紅豆。抹茶啫喱唔太有味，不過重點在中間既麻糬，好足料，好有口感，配上雪糕一齊食真係正。鮮果芒芒 $76女朋友叫既，真係有成杯芒果，中間有d忌廉。芒果超甜，芒果雪糕d甜好自然，唔會好甜，個人認為咁樣既味道配撘好掂。絲絲入心 $64其實係心太軟＋雲尼拿雪糕，不過第一次見到咁既food presentation！心太軟會流心，中間有一塊好好食既餅，雪糕側邊有d朱古力曲奇碎。切開心太軟令d朱古力漿一滴一滴咁滴落d雪糕度。好食、好睇、好玩，真心感受到制作人既努力及心意。食完甜品，女朋友好似乜都唔記得。女人係易氹既！

見到雜誌介紹這間甜品店，立即bookmarked! 皆因它的甜品賣相非常精美，尤其是那心太軟，一見到相片立即令我心心眼😍，一定要來試試！而今晚，我們吃過簡單的晚餐後就到這間主角！無錯，甜品才是我們今晚的重頭戲😂 。晚餐過後就是甜品time，當晚餐廳內頗熱鬧。揭開餐牌，每款都非常吸引！每款我們都想試，實在是太邪惡的甜品店😂。絲絲入心心太軟 $64 終於吃到期待中的心太軟！賣相特別，totally a ig-able dessert! 相機也不能多吃皆因我嘴巴太想吃了。看到朱古力一滴一滴滴在呍呢拿雪糕上，聰明的意念，每一滴的朱古力都滴在雪糕上，急不及待要去嚐嚐。朱古力漿是黑朱古力，配上脆卜卜甜度十足的朱古力外層，令整體不會過甜，和雪糕混著吃，冷度更減低了甜度，吃完一整個也不會膩！心太軟控的朋友不能錯過！桂花白酒燉雪梨 $56這款我們是吃完心太軟之後吃的，相對之下這款淡味得多，桂花味清香，雪梨大大個新鮮爽口，雖然味淡不過在秋冬季節吃就剛好！潤喉舒服心太軟有很大的驚喜！這間甜品店我們會再來的！饞食的我們已想好下次來要吃什麼！😍

之前聽朋友介紹，尖沙咀開左間甜品幾好食，叫「菓甜品」，所以同阿媽行街就決定黎試一試啦!一聽個名已經知道專食甜品，之前聽聞有好多特別甜品款式，對於我呢個甜品控黎講，當然唔可以唔試啦。黎到店鋪係小清新FEEL，細細間咁，座位都多架，入到黎個環境係舒適，而且座位唔會太逼，感覺都幾舒服。因為係平日，加上我地早去，都唔算太多人，好彩唔使排隊，真LUCKY!先講下有咩野食.....一睇個MENU都比想像中多，而且佢有西式有中式，仲有好多係好心機甜品tim啊!我同阿媽兩個因為未食晚餐，但都係甜品控，所以一如試多幾款，食埋個dinner啊~好特別的是，呢度竟然有沙律揀，好驚喜!意大利巴馬大腿沙律  $62一黎梗係食左個沙律先，份量都幾多，巴馬火腿肉質好，咸味適中，咸香加上蜜瓜的爽脆清甜，真係絕配，而且沙律菜夠新鮮，好開胃!桂花白酒燉雪梨  $56酒鬼的我，見到呢個用白酒燉的雪梨，真係非常好奇，一望就決定試試!真係好少見有甜品係用白酒整!首先佢GEI外型真係幾吸引，係成個雪梨上台，一啖入口陣陣白酒味，但唔會好濃烈，係少少清甜咁!另外配上桂花意粉真係好出色，個桂花味好香，清清地但食落係啖啖桂花味，阿媽好鐘

相信大家都可能有睇到網上瘋傳的粟米蛋糕了，早排同成班朋友係尖沙咀食飽飯後，就齊齊去打卡！我原本以為呢個蛋糕係用粟米粒痴上蛋糕上，點知原來每粒粟米都係粟米味的蛋糕，太仔細了吧！芝士蛋糕食落好滑，而且好重粟米味，絶對係心思甜品！朋友仔都大推窩夫！呢客紅豆綠茶窩夫，餐廳用了綠茶加入窩夫內，令食落都有陣陣的綠茶香。雪糕比其他甜品店雪得更硬身，所以唔會一開始就淋曬。如果鍾意朱古力的朋友就不能錯過同樣咁厚身的窩夫啦，入脆內軟，再加上不同口感的朱古力薄塊及香濃的朱古力雪糕，簡直係味覺的衝擊呀！朱古力心太軟又係另一吸眼球的甜品！上面放個新鮮焗起的心太軟蛋糕，下次就放球雲尼拿雪糕，當蛋糕被切開時，濃郁的朱古力漿就會流落雪糕上。心太軟的蛋糕外面脆脆的，朱古力漿又超香濃，食完真係會返唔到轉頭！有朋友仔唔食得凍野，所以叫左碗熱的紫米露食⋯ D紫米多到有驚喜，加多好香的椰子味，係秋冬必食的糖水！最後想清清個喉嚨，仲可以食飲壺熱的花茶。再唔係飲杯士多啤梨奶昔也係不錯的選擇。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮

喺金巴利道食完壽司同刺身，仍有點兒意猶未盡，很想再吃點甜食，滿足一下甜胃。記得之前喺 FB 同 IG 見有人推介一款叫「芝士粟一燒」嘅甜品，初頭仲以為只係喺支粟米上面鋪咗塊燒芝士，無乜特別，估唔到成品竟然係粟米味嘅蜂蜜蛋糕，咁又幾盞鬼喎，唔怪得之被瘋狂洗版，所以已經即時 mark 低咗間舖頭，反正店子就在附近，提議去試下。餐廳位於寶勒巷萬事昌廣場地下，到埗後先沿著窄長的走廊往內進，店面地方不大，裝潢簡潔俐落，牆身以白色為主調，予人一種潔淨明亮的感覺。廚房喺用餐區對面，採開放式設計，食客能一睹甜品的製作過程。餐牌印刷得非常精美，幾乎所有甜品都附有相片，看起來非常賞心悅目。逐頁細看，除咗大熱嘅芝士粟一燒之外，仲有慕絲杯、香蕉太妃、心太軟、黑松露咖啡奶凍、即焗窩夫系列、Mövenpick 雪糕新地、自家製傳統糖水等等，另外亦有熱茶系列、凍飲及沙律，選擇極多。本來一心嚟食芝士粟一燒，點知店員話因為啱啱做完午市，師傅未有時間準備，所以呢款甜品，暫時未能供應。雖然是有點失望，不過見餐牌上的甜品，花款眾多，由傳統糖水到新派甜品都有，反正一場嚟到，就先試下其他款式。芒果酥皮拿破崙 ($60)，呢款拿破

女人都係鍾意食甜品，無甜品不歡既一個晚上，去左尖沙咀既一間叫菓甜品食野，入到去裝修好舒服燈光都足夠，唔會似得一啲甜品店咁勁黑食食下甜品想訓覺🤙🏻我地嗌左洋甘菊香橙茶，酒醉提子🍇同絲絲入心。佢既絲絲入心並唔係啲芝士拉絲紫薯甜品，而係心太軟係咪估佢唔到呢。等左20分鐘佢終於黎到，佢好特別架放係個朱古力餅既上面，而碗下面係cream同朱古力碎。吉穿左個心太軟撈埋落去食，好食又好玩。而酒醉提子係我比較喜歡既一個甜品，佢有雪糕同好多乾果包括提子同杏脯肉，唔會好甜又健康。而呢到亦都好好，街外有好多鋪頭飲完啲茶加水要額外收費，但呢到唔會咁做，可以同朋友傾耐少少都得😆

食飽飯當然要食返個甜品落肚女人總係有兩個胃幾飽都食得落甜品 行過見到幾吸引就吸左我入去坐底啦打開個menu 有中有西甜品黎講 價錢相宜我就揀左賣相好吸引米粟米粟一燒港女愛打卡有脆脆係底 爆谷好香口真係好似原條粟米咁切開係芝士蛋糕🍰支持小店 無限創意