華園甜品專家

營業中

休息中

很久没去幫襯呢間街坊甜品店，今天與男友再去，發覺品質有輕微下降趨勢，但勝在仍然超值抵食，各款甜品的價錢都親民得很，大路'甜品如紅豆沙綠豆沙芝麻糊都十分香滑軟膩！從其他食客知悉，今屆2019米芝蓮推介巳經被除名，感到十分可惜。。。。。。。發覺衞生環境比以前差了很多，小烏蠅小蚊螆飛來飛去，可能隔離店在門前擺放海鲜，搞到通地濕滑，污水四賤而導致蚊蠅大增，如果是因為環境衞生而被米芝蓮大使除名，就得要想辦法改善一下，再次重奪推介！

朋友話係九龍城食完泰菜不如散步行去新蒲崗食燉鮮奶。去到都擠滿晒人係門口，企係門口個風口位吹住都幾辛苦下🤢，等左五分鐘度終於入得。叫左個合桃燉鮮奶，即係合桃糊連埋鮮奶一齊燉，落完單一分鐘就即刻有，賣相一般，溫度唔算好熱辣辣，但比暖熱啲啲，食落都好甜下🙁，就咁食其中一樣，兩者都係偏甜，兩者比較既話，鮮奶比合桃糊甜啲。不過都燉得幾滑，但唔會令我想encore 。朋友過話佢叫既蓮子燉鮮奶好重蓮子味，似食蓮蓉，但我試左啖就唔覺似蓮蓉味咁誇。

今天和Honey在新蒲崗吃完午飯，本來已經飽了。但，經過糖水舖，嗅到薑糖水的香味，Honey說，不如吃碗熱糖水，暖暖身，今天只有12度。這店鋪地方乾淨，座位也不算迫陜。全是傳統中式甜品，價錢十分相宜。但是，味道呢……Honey叫了陳皮紅豆沙：名字是陳皮紅豆沙……對不起，一點陳皮味都嚐不到！太甜。紅豆雖然大粒，但沒有｢起沙｣，似是｢打芡｣。我叫了杏仁糊：也非常甜！同樣，沒有杏仁香！質感也是｢打芡｣的口感。兩款糖水，都叫我非常失望。當我寫食評前，看看此店的食評，才知道華園是芝蓮食店。對不起……我對這西方機構飲食標準……不太認同……

見天氣凍凍地，就想食碗熱嘅甜品，見到尼間，入面全部野都好傳統，好懷舊咁叫左芝麻糊豆腐花同芝麻糊西米好足料，啲芝麻糊好滑，無啲粒粒，亦都唔算好甜，特別鍾意個豆腐花，真係非常滑，好香！值得再食呀，兩碗夾埋都係$42，特別冬天尼啲時間！

係新蒲岡食完飯，行過見有間甜品店，非常多人排隊，所以也去排一排。細心觀察一下，原來是米芝蓮推介。等了一會就可以入座，舖面不大，座位不多，但坐下也不太迫。傳統甜品不貴，平均17-20元，其中只有星期六，日才有的腰果糊才20元，也叫了合桃糊，吃了見有薑汁燉鲜奶，都幾有菩薑汁味，味道不太甜，很適合現今香港人。結帳才63元，也很扺食。

同朋友經過新浦崗，誰知他一眼CATCH到呢度米芝蓮1星的字眼，又見到甘多人排隊，所以問都冇問過我的意願，就拉我入去試下了~~呢度裝修同其他中式糖水店冇分別，簡潔明亮，大約有廿多個座位，空氣流通，乾乾淨淨，很不錯！我地叫左核桃糊及芝麻糊燉奶，本來也不抱期望，一吃卻食上癮了~~~核桃糊：忘了影相，但非常香滑，味道濃郁香醇，十分足料，一流水準！芝麻糊燉奶：拿過來時仍然是熱(記住「不是溫熱」)，香濃奶味，又滑又嫩，芝麻糊同樣香濃，兩者是完美的拍擋，並且完全不甜！完全不失米芝蓮1星之名，厲害!

星期六經過華園甜品的門口排滿好多人， 好彩原來好多都是叫外賣的，咁我就可以入到裏面嘆番碗糖水了。我們點了一碗熱的海帶香草綠豆沙$17和熱的健脾補腎腰果糊$20。海帶香草綠豆沙，香噴噴的香草味配埋綠豆香甜順喉， 好耐沒有吃過一碗咁正宗的綠豆沙了。腰果糊只有星期六日供應， 所以立即要叫返一碗， 幼滑的腰果糊，熱辣辣的， 十分好味。這間甜品舖的價錢屬於經濟實惠，一間米芝蓮甜品店，只是十幾二十蚊就可以嘆到一碗正宗美味的中式糖水，還可以選擇一些綿綿冰和西米露等等，迎合了不同口味的客人。

食完得龍立即去華園 點了兩樣招牌甜品.⚫熱芝麻糊$20⚫有冇人食中式糖水只會食熱的(就算夏天都係☀) 因為熱嘅會特別香濃😍😍 自家磨製 濃純香 又不甜膩 更不會有粉開水的稀釋感  👏👏但我個人鐘意再杰身啲🙊(媽媽覺得剛好!).🍼凍燉奶$22🍼奶香很夠 像澳門義順 而且更少甜👍但可能因為凍食 所以覺得不太綿密 下次點翻熱食♨.

喺新蒲崗打完波又肚餓喇！唔想食太飽，但又想有d野落肚，又咁啱經過華園，又唔洗等位，咁就入去啦！我地一行5人，啱啱好坐晒最入面張枱，如果遲一步先嚟就要等位喇！真係估唔到呢度連晏晝都咁多人食！睇餐牌實在有太多嘢想食，所以望吓周圍嘅推介啦，原來呢度係米之蓮推介食店之一！見到牆上有芒果腸粉、芒果河粉好吸引，但竟然今日無，咁我就食芒果豆腐布甸啦！芒果有d甜有d酸，豆腐味唔夠濃，唔夠香。食完芒果先食布甸，完全遮蓋左布甸嘅豆腐味，失望！同場仲有芒果涼粉西米，偷食左幾啖，無乜特別。而朋友們嘅都係無乜特別⋯但作為平民甜品鋪，以價錢嚟講，都唔可以期望咁高嘅⋯

呢間真係真材實料既糖水鋪！ 難怪有米芝蓮推介啦蕃薯糖水薑足，蕃薯多，平時d糖水鋪既蕃薯糖水都係得兩三舊細蕃薯，但呢間既蕃薯有成四五舊，仲要係大大舊添！個價錢又唔貴，好親民添！仲可以加$4一粒湯圓，d fd話加蛋都係$3好似抵d😂😂😂但我覺得一分錢一分貨，個湯圓真係好值得食既！而杏仁糊好香好滑，個芒果腸粉都好滑好彈牙，芒果又好甜😍😍😍個豆漿布丁又好滑好好食。我地叫既糖水甜品全部都無令我地失望～

新蒲崗推介“華園甜品”，榮獲米芝蓮街頭推薦的甜品店，究竟有幾好食😋😋。單睇街坊幫襯人數都已經知，4點已經全場滿座。好~要試下中式糖水，今次食遠年陳皮紅豆沙。我應該好耐都冇食過好食的紅豆沙了，因聞到隔離枱有人食，陣紅豆味好香，所以就叫了。紅豆是起沙及部分紅豆是完整粒粒的，味道香甜順喉，帶點點陳皮味， 蓮子爽口，食後感相當滋潤。裝修設計跟一般傳統中式甜品店一樣，沒大變動及突出。甜品是正宗港式風味最好食，新式甜品只加生果的款式，其實港人也覺得普通 仍然感受吸引 不太受歡迎，怪不得咁多街坊幫襯。

新浦崗有非常多餐廳，熱日炎炎，到達目的地前先一嚐甜品開胃，剛好看到一家糖水鋪就在面前，就馬上進去。價錢屬於經濟的，選擇也相當多，從中式糖水到綿綿冰都有。進去後樓面姐姐好像看不到需要落單的我們，要更集中點呢。看到有腰果糊，立刻要一碗，只有星期六日才提應喔。味道充滿腰果香，也很幼滑，不會過份甜，十分滿意。再到紅豆沙，稍不夠沙，也太甜了，但陳皮也夠香，不過不失。因為紅豆沙太甜，混到腰果糊中和了甜味，變得很美味。

因在新蒲崗附近返工，經常路經此甜品店，並聞到很香的糖水味道。今日趁住早了放工，終於忍唔住要一試。店內有很多款舊式甜品選擇，我選了熱芝麻燉鮮奶。甜品送到我面前，已聞到很香的奶味，燉鮮奶入口即溶，味道很香濃，芝麻的味道都好味，但已被燉鮮奶的味道蓋過了。這裡還有很多甜品、糖水選擇，下次要再試其他的。

近日總是念念著要吃甜品， 卻幾乎沒有一次能夠如願以償。 除了因晚餐總是眼闊肚窄吃不完外 ， 每每到飯後甜品時段，總會被提醒近日心廣體胖了不少，結果當然是被禁止吃甜品吧！這天要加班工作，晚飯過後已是十一時的光景， 從陳儀興潮州菜館步出，鄰店正是華園甜品專家。已是第二次路過華園，卻一直未有機會試試。雖然從外表上看，它是如此的平凡無奇，但它可是家米芝蓮甜品店，縱然食友對華園的評價是毀譽參半，但仍阻擋不了挑機米芝蓮的慾望。深夜吃甜品是控制體重的大忌，還以為這次又是與它無緣了，想不到老公卻一個箭步走進店內，意味着這晚是「大開綠燈」了。在我倆進店以後 店主隨即落下半閘， 幸運地成為這晚最後兩位顧客。平實無華的舊式甜品舖面，印證了華園的歷史背景，也說明它街坊小店的定位。再瞄一瞄餐牌，感覺是似曾相識，這價位根本就是另一平民米芝蓮「佳佳甜品」同出一轍， 同樣走平價路線，如今已少有甜品店定價在20元上下的了， 如此說來即使甜品水準未似預期，但能以街坊價吃甜品也算是少有。如果在米芝蓮評審眼中，平價跟平民是劃上了等號，那多少了解到它們能入選的理由。莫論華園的名物是哪幾款甜品，刻下只想隨心而行，選自己想吃的就好

間鋪好有港式風味，入到去坐會發現鋪面唔大而且張凳偏細。食過咁多次最鐘意嘅都係香芋西米露，試過西瓜涼粉西米、杏仁煳同芝麻糊。 大多數甜品都係二十蚊左右，刨冰就三十幾。香芋西米露真係好香，好鍾意🤤杏仁糊都好濃郁， 不過飲到淨番半碗嘅時候就有啲厭，建議雙併，佢呢度雙併只要加一蚊西瓜涼粉西米麻麻，涼粉切得太大舊，糖水唔夠下次有機會我想試下綿綿冰，同埋雙拼合桃芝麻講到衛生， 我有兩次食都係碗入面發現毛髮， 搞到我食慾大減。 而且店入面有蒼蠅飛嚟飛去，好煩。總結：甜品性價比高 ，但係衛生真係麻麻，有待改善