華嫂冰室 (已搬遷) 新店位置

華嫂冰室今天我是第二次光臨，之前一值很想和另一半試，但得知冰室星期日和公眾假期都不營業，今天星期六又剛好大家有假期，所以決定把握機會讓令一半好好享受下我們從天水圍西鐵站下車後，由A出口前往這裡大約步行7-10分鐘, 途經地方可感受新界村屋氣息, 最後轉彎到達冰室必定見到這種情況 "大排長龍" , 我們來到的時候大約 下午1:45。排隊的時候店員會發飛號及餐牌, 這個時候我們商量稍後會吃什麼，隔了20分鍾，有店員跟我們落order, 情況安排算不錯，亦不會産生混亂我們等了45分鐘便順利入座，不過起初坐位對正流動冷氣風位，店員之後安排後巷二人雅座, 感覺貼心, 亦很浪漫，有鳥兒經常在旁跟我們打招呼先上場是招牌沙律蛋多士, 送上來已砌成兩份, 恰好可以和另一半share一份。多士面夾了蕃茄生菜和沙律蛋，蛋碎加上蕃茄生菜已非常美味，連多士一口吃在口中感覺好極不能說出來，沒想到十分簡單的組合會製造出一道招牌美食呢！另一半非常喜歡的招牌波蘿包亦是這裡招牌美食，波蘿包很香口，面夾了蕃茄炒蛋加一大片鮮牛油，嘩！我的心被俘虜了，我自己就十分喜歡這個波蘿包, 不知另一半呢單單吃了這兩樣美食已感覺我們等

華嫂開左灣仔同觀塘分店，試過觀塘分店都係鍾情舊店！建議平日1點來，比較少人招牌菠蘿包 $19菠蘿包熱辣辣，烘到酥皮好香口好脆中間十分足料，份量十足鮮牛油、番茄、雞蛋、芝士雞蛋係半流心，一咬落去會有濃濃蛋汁流出一整口幸福既感覺瑞士雞亦拼豬排公仔麵食肉獸一定要點佢地招牌瑞士雞亦同豬排，兩樣肉類都做得出色！雞亦大隻，瑞士汁香甜而且好入味！豬排好鬆化，煎到金黃色，邊位有dd脆口，一碗有兩大塊，好滿足hidden menu家鄉煎魚餅食得太開心無影相🤣事源係大學時期見到隔離檯有個叔叔，同華嫂有傾有講，應該係熟客仔，佢同我地都有傾兩句，就推介我地一定要試煎魚餅，餐牌上無寫，要落單時自己講，好好味！係婆婆以前煎魚餅的味道，住家送既味道配埋個辣椒油，簡直一流！

今日同朋友嚟食華嫂，等位就預左架啦，閒閒地等反半個鐘至一個鐘，下雨天多蚊，等候期間，友人既腳俾蚊蟆叮到痕癢非常，所以忠告一下記住帶備蚊怕水等位。未入座前，店員會先俾餐牌客人先點餐，加快上餐速度。豬扒菠蘿包+涷奶茶，菠蘿包夾住幾塊香煎豬扒、生菜、蕃茄和醬汁。大口咬下，甜咸滋味混雜一齊，菠蘿碎屑掉落+醬汁溢出整到成手都係，真係幾狼狽下。至於奶茶的確係蠻好喝，茶濃奶香。招牌蛋沙律多士，烘得脆脆既多士配開胃既蛋沙律，好吃。鮮蕃茄湯底豬扒米線，豬扒咸香非常，唯嫌蕃茄湯底味唔夠濃郁。

帶吃貨小子去食華嫂，平日既11點半去到都等左差不多20分鐘先有得入去食野。不過為左加快速度，會有姐姐提早嗌number搵人搵左單先，咁入到去坐無耐就好快有得食！(⁎˃ᴗ˂⁎)呢份烘底多士，一到之後即刻食，都仲可以食到脆面，然後蛋沙律既份量都好多，一咬落去個下啲夾料好容易會跌出黎。而且沙律醬同蛋既比列好平均，好食！以為得一小塊豬扒，點知總共有三塊！豬扒好入味，而且配左少少類似honey mustard既醬，食到停唔到口。菠蘿包表面又香又脆又夠熱。番茄湯底無以前咁濃，感覺有啲稀，無乜番茄味同比較淡。米線份量剛好，豬扒有兩塊。酸辣湯底不太酸，而且唔太辣。雞翼都好普通，整體無乜特別。

3.3下午茶時段，休休閒閒地想食個下午茶嘆一嘆，見又吾係太飽又想食野，反正又係天水圍區，所以決定近近的去屏山吃華嫂冰室！有麵包 / 麵食可供選擇🍜飲品需額外購買🥛招牌菠蘿包：$19吸引的金黃色外皮，入口卜卜脆且香甜酥鬆，然而當外脆的麵包加上軟軟的內餡（包括牛油,蛋,蕃茄和芝士）以及半熟既蛋汁流進嘴𥚃，口感層次夠豐富，使味蕾有意想不到的滿足感！雖然材料普通，但放在一起時⋯正❤️招牌芝士咸牛肉蛋豬仔包：$21豬仔包烘得熱熱的並鬆軟可口，咸牛肉和蛋一向都係絕配，再加上啖啖香濃芝士香氣（芝士質感像醬般）味道一絕🤤推薦🔝🔝整體份量不多不少剛剛好作下午茶☕️

-🍽華嫂冰室相信好多人都聽過或者試過佢既野食，唔知係咪明星效應既關係，成日都會大排長龍，我地都足足排左接近九半個鐘先入到去。未食之前都幾有期望，因為佢既知名度同等候既時間，但係食完之後就覺得其實都幾普通下，正常水準，唔太明點解會排咁長龍。🔽佢呢度個粉麵湯底都幾出名既，最多人叫既應該係蕃茄湯同埋芫茜湯，我地今次就試左蕃茄湯，阿Lu就覺得個湯唔夠濃，蕃茄味唔太出，比佢個湯出色既餐廳都仲有唔少選舉。啲粉麵既餸都正正常常啦，賣相唔錯既，但味道都無太特別。🔽個人認為佢個招牌波蘿包係最難理解會係招牌菜，個皮好散，味道叫做可以既，搵唔到有咩賣點。返而幾推介佢個芝士咸牛肉蛋多士，個咸牛肉蛋好足料煎得好香，加埋芝士，好好味好滿足。凍檸檬益力多都係幾好既選擇，酸酸地幾清新幾得意既組合。🔽📍華嫂冰室(🤤:6.5/10)📍元朗屏山坑頭村公廁對面#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#hkfoodseekerlu_bie#hkfoodseekerlu_bie元朗#吃貨#

今日喺天水圍返工，見食飯時間有2小時，就走咗入去屏山搵吓華嫂，10點食早餐，冇人等位，感動(平時等到天荒地老)。一坐底，當然必叫招牌咸牛肉芝士蛋豬仔包啦，包包外脆內軟，啲內容非常夾，熱辣辣，層次豐富，正到爆。同事鍾情芫茜，所以叫咗皮蛋芫茜湯底嘅米粉我就第一次試茄湯底，嘩~好濃啊！仲有個魚餅超好食，少少脆，魚味重!凍檸檬益力多，雖然自己屋企都整到，但都忍唔住要喺度叫嚟飲，感覺風味啲好多人話呢間華嫂啲侍應好串態度好差，坦白講，人地做生意只係唔想客人等咁耐，能夠做到快出快入，客人又食到想食嘅野，佢地又做到生意，兩者互相配合。當然有啲鍾意嘆慢版，華嫂真係唔啱佢去。但其實同華嫂傾過計，佢地其實好nice好街坊

雖然次次黎都超級多人排隊，但為左冬蔭公米線同朱仔包，都心甘情願找飛排隊，就算次次係門口比蚊咬都要食，記得中午有Lunch時間會截單，要2點再開！以前黎食都淨係識食蕃茄湯底，但有一次試過冬蔭公湯底後，基本上每次都係豬扒雞翼冬蔭公湯底米線，再加招牌菠蘿包同朱仔包。雞翼似瑞士雞翼味，非常入味亦都好滑，豬扒煎得好香，唔會太乾。菠蘿包同朱仔包必吃而野飲叫左檸檬益力多同冰花奶茶，奶茶好濃味夠凍。夏天咁熱又排咁耐，檸檬益力多夠曬解渴！

雖然華嫂喺九龍同港島區都有分店，但第一次始終都想喺天水圍總店度食。店舖招牌夠哂大，一睇就見到，完全唔難揾。不過冇諗過平日下晝去都咁多人。喺三十幾度高溫下攞完籌等到落埋單，參觀埋隔離既鄧氏宗祠至有得入去。我地叫咗菠蘿油，蛋沙律多士同埋冰花奶茶。最快上既係冰花奶茶，佢香濃幼滑，最重要係夠哂冰凍，一飲就飲咗半杯。菠蘿油熱辣辣香噴噴，上面層酥皮香脆可口，而麵包軟熟，加埋冰凍既牛油，真係會令人食上癮！難怪即使係平日都四點就賣哂，鍾意食既一定要早少少去。最後係蛋沙律多士，碎蛋同番茄既份量都唔少，而麵包加熱之後好鬆脆，難怪係招牌食物。

放假想郊遊下，又想食好嘢，就決定去元朗參觀鄧氏宗祠，然後去食十分出名嘅華嫂。我同朋友參觀完宗祠，去到華嫂已經4:45pm，諗住佢5pm閂門可能冇機會食到，因為都知道餐廳長期都好多人排隊。不過好好彩我哋一去到等左5分鐘已經有位。我哋叫咗個招牌菠蘿包同埋招牌芝士鹹牛肉蛋豬仔包。我超鍾意個招牌菠蘿包，菠蘿包入面夾咗蛋、番茄同牛油，菠蘿包熱辣辣好分香脆，而蛋亦煎得十分之香，估唔到佢一個睇落咁平凡嘅菠蘿包，係可以令人一試愛上，其實食完個包已經好飽，但係如果比多一個我食，我都覺得自己食得到！至於咸牛肉豬仔包，鹹牛肉、芝士同蛋嘅配合又係一絕。重點係佢啲蛋真係煎得好香！我哋每人都叫咗一杯凍嘢飲，其實都係好普通可以喺茶餐廳飲到嘅嘢飲。不過估唔到我杯凍華田佢沖得幾好飲，比起平時茶餐廳飲嘅華田香濃好多，大家都可以試吓！

今日番晏諗住入元朗食完野先番工,咁緊係去華嫂啦！可能係閒日,所以渣車入去去到空地都唔係太多人,可以慢慢泊車拎位,等左10分鐘左右,就已經可以坐低本身仲好驚咁大太陽會好熱,但入面有風扇吹下都ok,今次叫左招牌菠蘿包,同埋番茄豬扒雞翼面,仲有我至愛既冰花奶茶😍冰花奶茶茶味好夠,飲完一啖果種回甘令人好想再飲多啖😍😍野食都未到已經飲左半杯然後係番茄豬扒雞翼面,豬扒大大塊,番茄味濃,正👍🏻不過雞翼乾左少少招牌菠蘿包唔洗講喇,足料就出名既,又咸又甜咁都幾match~值得一提係個菠蘿包皮仲脆既😋有好多人之前都話華嫂d服務態度好差,但我自己又覺得無咩野,同埋睇得出好多都係熟客仔,好有打成一片既感覺,住左咁耐新界區,都係黎過一兩次,其實黎到真係好想食好多野,但自己食唔曬又唔想,下次都係叫多d人一齊黎開心share la~~😊😊

話個秘密比大家知，其實華嫂有樣野佢係無出現係menu,而你又可以叫既，就係下面果西班牙炒蛋，即係好普通既咸牛肉炒蛋😂😂😂因為我本身唔太愛咸牛肉好怕咸，所以好少食，如果閣下係比較鍾意食，而又想懶勁呃下like都可以叫下，我最愛就係招牌菠蘿包同冰花奶茶，新鮮熱辣菠蘿包夾著蕃茄，牛油，充滿蛋汁既多，脂肪同味道都係爆燈，而奶茶好味在d冰都係奶茶造，所以唔會愈飲愈淡好多人話去華嫂唔值得等咁多時間，係佢地期望太高，如果當佢係茶餐廳但有呢個質素就唔錯喇，至少除左一般湯底，仲有蕃茄，有芫茜皮蛋、冬蔭公湯底選擇。佢地既食材係好普通，但絕對用心。最差應該就係夏天會熱死人，室內位十多個，但室外即使有冷風機都會滴住汗咁食

最近兩次進食華嫂冰室的食物，我朋友們一行四人都不斷肚痛，甚至出現反胃、胃痛等情況。對上一次是因有BB車需坐在鐵欄那邊，未能目睹他們的衛生情況。但這次坐近出餐位置，發現他們所有沖劑飲品(奶茶、檸檬茶、咖啡)，這些凍飲，全部只是在旁邊的箱子拿起冰塊，就從鐵架上拿下飲品加入，根本沒有上蓋和雪藏，及出名的菠蘿包及鹹牛肉芝士豬仔包，亦是一早準備好放在空氣暴露的環境下，只是有人下單時，才放入焗爐輕輕加熱。店內是有大量蒼蠅在徘徊，衛生環境極度欠佳。還有需要在門口排隊時下單，進座位後不能再加單，我們發現寫少單，亦要三番四次提醒再補回。

上一次食華嫂，食完之後番到屋企柯咗五六次，我地四個人，輪流係朋友屋企肚痛去廁所！！今次再食，食到一半我已經想嘔係真係反胃果啲嘔，之後到我老公肚痛 想嘔，我朋友都肚痛同胃痛⋯唔會再去今次我地只係食餐蛋丁都出事

久仰華嫂大名好耐，一直都唔想排隊所以未有機會食到。平日放假，就諗住應該唔冼排隊，點知平日早餐都有人等位，好彩等了15分鐘都已經有位。叫了芫茜皮蛋湯底豬排米+鹹牛肉蛋豬仔包+奶醬多+話梅柑桔冰芫茜皮蛋湯底豬排米：芫茜味濃，但又未至於令我一試難忘，豬排鬆化，不錯。鹹牛肉蛋豬仔包：豬仔包熱辣辣，軟熟，加埋鹹牛肉、蛋同個汁，好好味。奶醬多：普通，用厚多士會好點，不及其他茶檔話梅柑桔冰：勁凍，味道都夾。味道：3/5抵食：2/5回頭率：3/5