華嫂冰室 (已搬遷) 新店位置

tea time特登去試下大熱既華嫂冰室，由天水圍西鐵站行去餐廳，大約要10至15分鐘。天氣好熱好曬，所以有少少辛苦。大約3點，已經有人排隊，好彩有座位可以坐住等叫number。差唔多到number既時候，會有侍應幫你落單。叫左招牌芝士鹹牛肉蛋豬仔包($21)，香煎豬扒米粉($26)，凍檸檬益加多($18)，冰花奶茶($21)。芝士鹹牛肉蛋豬仔包必食，豬仔包烘到好脆，咬落去聽到chop chop聲。芝士係半溶狀態，啖啖芝士香。而鹹牛肉方面，份量多，香口，加埋蛋一齊食好夾，而且係熱辣辣，即叫即整，等左一陣就有得食。豬扒煎得夠香，煎完都唔會硬身，仍然有肉汁。可以加錢叫唔同既湯底，不過天氣熱，唔想飲熱湯底就冇試啦。個人認為，如果唔係口渴或者天氣熱，唔好叫飲品，叫多款食物試仲好，一杯飲品甘唔多等於一款小食。好後悔飲飲品。2杯飲品不過不失。因為坐出面係冇冷氣，只有風扇，加上個風扇岩岩好對正我，所以食野個陣，好辛苦，d頭髮吹黎吹去。要帶定橡筋紥頭髮。坐入面就有冷氣。

平日時間去，不用排隊直接有位。注意中午1時至2時休息。同埋逢星期日休息。去到時間下午茶，所以只點了麵包。招牌菠蘿包＄19入到黎必食嘅招牌菠蘿包，除了牛油外，還有蕃茄片、雞蛋和芝士，超級豐富。切開一半，看到煎雞蛋還是半熟狀態，漏出蛋汁。菠蘿包皮烘得香脆。招牌芝士鹹牛肉蛋豬仔包$21朋友是芝士迷，大愛這個豬仔包，厚厚的芝士片十分滿足！鹹牛肉和芝士也是相當滋味的配搭。凍鴛鴦＄16如果有冰花鴛鴦就太好了，因為冰粒溶化，溝淡了味道。

久聞華嫂冰室在天水圍區很出名，我們一家便從港島開車出發去華嫂冰室。因為要考慮泊車等因素，我們最終選擇了在附近的停車場下車，步行約10分鐘走到華嫂冰室。最後，我們才發現華嫂冰室附近有停車場，但未知是否真的能泊車，駕車的人士要留意啊！我們大約12點左右到達華嫂冰室，門口已排滿人。我很欣賞華嫂冰室外放置了很多的椅子，可供我們休息等了大約30分鐘，我們才有位置！我們都是點了店推薦的招牌菜：奶茶 話梅柑桔（由於冰鎮奶茶雪唔夠凍，華嫂只能提供樽裝奶茶給我們！）招牌菠蘿包，很脆皮、很鬆化，很好吃招牌蛋芝士鹹牛肉豬仔包招牌公司三文治（雖然個樣同餐牌相片不相符，但都是好好吃的）Ok la：炸鯪魚餅鮮茄雞豬扒通粉唔好味總括來說，華嫂冰室的價錢與食物性價比吸引，但千其不要嗌番茄麵！包裏的食物是非常吸引

華嫂冰室係佢未係好出名既時候已經係屏山食過，覺得非常普通，然後佢係九龍觀塘開新鋪再食多一次，覺得難食。朋友堅持要我帶佢到屏手感一試究竟，我係不太情願的，因為這裡出名是元朗區地雷，本身元朗既人唔會來食。整體食物我會形容為唔難食，但係唔係好食。要山長水遠入來呢到為左呢幾樣嘢非常不值得 PS. 尤其如果你係需要搭車來。豬排雞亦味道中規中矩。招牌菠蘿包就如果走左番茄來講都係可以唔錯。超級無敵餐蛋麵就真係唔得，原因係衰係個湯到，普通出前一丁湯固然係好食，但係水太多，變相好似一包粉溝兩碗湯咁，無乜味道。若然你同我講話呢到係sell人情味，唔好意思啦，一間連落單都只可以落一次既餐廳，唔好同我講什麼人情味。再一次使用‘不推薦’來介紹比大家。

烈日當空，身水身汗走入新界，ｔｊ撞岩時間華嫂有開門，多得ｆｉｓｈｅｒｍａｎ　ｌｏｋ效應，多左好多人排隊，等左半個鐘就有位! 叫左招牌菠蘿包同咸牛肉芝士蛋包，再叫多個鮮茄雞翼豬扒通粉，呢個正，濃郁既蕃茄蓉湯底，好開胃。菠蘿包賣相就無咩特別既，夾住一大塊牛油，流心蛋、生蕃茄，加埋個包甜甜鹹鹹，但我就覺得無咩特別。反而咸牛肉芝士蛋包就幾好食，有烘焗過，熱同脆身，可能我係芝士控，感覺比較好吃，所以睇大家喜好，野飲盲配埋杯凍檸檬益力多。

地點太隱蔽了，有點難找，從天水圍西鐵站A出口出來往坑頭村的方向走到停車場的地方往左拐，招牌被樹遮擋了，很難發現。招牌菠蘿包只能說是目前吃到最好吃的，包熱熱的，表皮脆脆的，裏面夾著黃油，煎蛋和番茄，咬下一口后，蛋液流出和黃油融合在一起，口感完美。茄湯雞翼豬扒出前一丁總體上及格。好像在冰室很難吃到正宗的出前一丁，口感就好像普通的公仔面。但是番茄湯比較濃，番茄味很足，然後有兩個雞翅，兩塊豬扒，超抵食。飲料有驚喜冰花奶茶和凍檸檬益力多都是在其它茶餐廳或者冰室沒有喝過的，冰花奶茶感覺茶味更重，更香醇。檸檬益力多呢，味道酸酸甜甜口感清新，健康消食。兩個都強烈建議。

由天水圍站行過去，只係十分鐘路程以我所見好多人都係用GOOGLE MAP估估下咁行過去。如果村民肯俾佢放指示牌會更方便。食左通粉，招牌波羅包，蛋牛包。但唔記得影蛋牛包。講真，呢間野係村，但水準高過普通茶記。包係熱的，重保持到脆同熱，但唔好覺得會好有特式特別好味。路過時，可以一食，但如果要排超過十五分鐘，唔值得咁等。我係佢地收工前入去幫襯，天氣又熱，等左五分鐘就有位。如果係想氣氛，文青，呢間係唔錯，但冷氣唔夠，所以你坐戶外時，有冷風機吹住都係熱。我當日就係坐室內，所以唔太辛苦。記得呢間野要齊人先可以入，只可以落一次單同唔可以改野。其實我覺得好合理，只係現在其他食市太方便客人

Before coming here , already know the popularity of 華嫂冰室. It's not easy to  find the restaurant.  Have to get into the village and walk for ten minutes. Really hot under the shinning sun. We waited for twenty minutes and finally got a table. Insides is very crowded and don't imagine to stay here for long. Because there're so many people queuing outsides, lol.For tea, we ordered the most famous one Pineapple Bun, how lovely the english name is, lol.  Crisy and fresh outsides, combining with melti

依間屏山華嫂冰室幾時來都預左要排隊，每次都見到有差唔多二十人係出面等緊位。不過附近爛地可以泊車，又係幾吸引既！今次叫左佢好多人鍾意既蕃茄湯底，蕃茄既味道都好夠，但係豬扒就一般般了，果然佢既雞翼係好食d！跟住介紹我最愛既邪惡菠蘿包夾芝士咸牛肉！菠蘿包好新鮮，菠蘿包脆得黎又唔界到個口！加埋煎過既咸牛肉同芝士簡直絕配，口感味覺都得到滿足！奶茶都頗用心，落單姐姐話冰花仲好飲，但貴小小。廿蚊一杯其實都飲到台式飲品，可能我本身對奶茶感覺一般般，所以覺得普普通通，但算係好飲既！

上星期終於見識到元朗馳名既華嫂冰室。好熱既天氣依然好多人排隊，不過美食係值得等既。山長水遠黎到華嫂，點都要試下華嫂既菠蘿包。厚身既凍牛油，係菠蘿包既靈魂。食到菠蘿包中間既蛋同牛油。真係好鬆軟好好食。完全搵唔到難食既地方。牛油同蛋都一樣咁滑，感覺到脆脆既菠蘿包係口中既感覺。真係必食。入邊既番茄都係關鍵，如果就咁食會太油。番茄可以綜合翻，菠蘿包就無咁肥膩既感覺。山長水遠黎到呢度係值得既。下次放假會想去元朗，再試下其他華嫂美食！

華嫂冰室越開越多分店，不過都係覺得總店最有風味😋😋不過真係好多人排隊架，想食好嘢食早啲嚟排啦~~朋友就叫咗呢個《雞翼芫荽皮蛋湯米線》，鍾意食芫荽既朋友一定要試吓呢個湯底！芫荽未都幾濃嫁😍😍而我就叫左呢個《雞翼蕃茄湯底公仔麵》，反而呢個湯底我就覺得麻麻地，雖然佢係大熱，我覺得佢嘅湯底濃左少少不過雞翼就好好味喇，入味又夠淋！跟住就係呢個次次都一定會嗌既《檸檬益力多》，同行朋友聽到我喺呢個以為好伏點知個個試完都話好鍾意！仲有最後一個我個人最愛《招牌芝士鹹牛肉豬仔包》$21鹹牛肉同芝士呢個配搭就不嬲都邪惡嫁喇，不過佢其實入邊仲有隻蛋架，蛋黃仲有少少流心嫁！

難得放假，踩單車入元朗食返個下午茶先，華嫂食物品質一流，可惜時常排長龍，有心食的朋友記得預時間炸魚餅，薄薄地有很多塊，煎得夠香菠蘿包食得多，鮮油腿菠蘿包第一次食，又幾夾wow招牌蛋沙律多士很脆囗

黎華嫂食粉麵之餘，順便都要試埋飲品既。我就揀咗飲熱既杏仁露。平時都好少飲呢種，點知一飲過之後，我就覺得呢杯係我飲過以黎感覺最足料既。呢杯杏仁露飲落會感覺到杯嘢比較有質感，有少少糊狀咁。唔似得平時去茶記飲果種會好水既感覺。飲過呢杯好似返唔返轉頭，好想飲多次回味下🤔🤔🤔不過佢啲粉麵食落又真係好足料，似真材實料整，無乜用味精。而且食完都唔會話覺得口乾乾。但係呢就真係好多人食，想食就要返咁上下時間排隊等位了。

相信住係元朗既朋友對於華嫂一定唔會陌生雖然每次黎到都總係要排隊，但唔知點解又會肯為左個一碗麵而等，可能呢個就係華嫂既吸引力 哈哈每次黎到華嫂都係”照舊” 豬扒肉眼筋蕃茄湯通粉，凍檸多 幾乎連餐牌都可以唔洗睇。今日同朋友黎 所以嗌多左一份多士share，味道唔係話好驚喜 但仍然會想再返黎食👍🏻

同女友兩人十一點左右到，門口都有十幾人等緊，但服務幾好，差唔多到你會有人叫你order入定單,坐底快點有得食。叫左冬蔭公煎蛋加雞翼米粉，同餐蛋丁，睇相已經知靚過其他餐廳果啲，味道更加唔洗講，蛋同餐肉都煎得好靚，麵剛好唔太淋，可見係有心整既。呢杯涷檸多好小見有，叫左杯，味道你可以想像自己屋企益力多加檸檬。不過佢係無溝水，好大杯。