華嫂冰室 (杜智臺)

營業中

休息中

這間茶餐廳常常被推介，行完街去試試。去到下午茶，都要等但5分鐘左右有位，已經有運了。茶餐廳一般特式，坐位坐得比較迫。自己落單，自助斟水，沒有什麼服務需要。兩個沙嗲牛肉出前一丁麵/米粉加配凍奶茶，凍檸茶。好多牛肉，大大碗抵食。凍飲沒有死甜，奶茶有茶味。有用洗手間，地方整潔。送餐有效率，整體而言，值得一試。見有遊客，也有本地人，都有叫沙嗲牛肉麵及菠蘿包等。有些遊客叫叉燒飯（但食唔晒），可能只是打卡而已。

香港站分店，老女員工收銀，態度差，尊重人都唔識，趕客一流。我唔知你地華嫂係咪真係可以容忍啲員工咁惡。但我去過咁多間分店都未試過有員工咁差，之前去其他分店，啲員工都好好人。不過香港站分店由好多人食，變到冇咩人排隊冇咩人食，相信99.9%既人都會選擇唔食，因為唔係淨係得你一間餐廳。因為食餐飯啫，唔需要受氣嘅。本期待品嚐地道港式風味，卻因員工的傲慢與怠慢徹底毀壞體驗。無論食物品質如何，此等服務態度絕不應出現在以「人情味」自豪的香港茶餐廳。強烈要求管理層正視員工培訓，否則難以支持光顧。

排隊嗰陣見到好多內地人食華嫂冰室，但我反而係第一次食😂 等咗差唔多20分鐘，終於有位！我見Openrice推介豬扒檳城喇沙湯米線，就一於試吓！🍜 豬扒檳城喇沙湯通粉（$65）一上枱就見到大大碗，份量十足，鮮橙色嘅喇沙湯底感覺好似好濃！不過飲落就唔係太重喇沙味，亦都唔係好濃厚嘅感覺，無乜辣味，似返一般港式茶餐廳嘅水準😂豬扒煎得好香，肉質相當唔錯，食落亦唔會好油！雖然有得揀雞翼等其他餸，但我覺得無揀錯👍🏻至於麵底，我見有得轉通粉咁特別，就即刻揀咗！唔知係咪因為用羹食，飲咗好多湯，反而個人食完覺得有啲太鹹🫣😛價錢方面，以茶餐廳定位嚟講算唔錯，大大碗仲有半隻蛋同5、6嚿豆卜。不過繁忙時間就真係等得有啲耐，多人嘅話可能會揀附近其他選擇😌

「你竟然無食過華嫂冰室？！」今日諗緊去邊度食飯，先發現原來朋友從來都無食過華嫂冰室。華嫂冰室之所以一直人氣高企，係因為得到周潤發、余文樂等香港明星嘅加持，加上食物口碑極佳，所以除咗本地人，亦有好多遊客會專登排隊，一睹風采。最後，我哋嚟到灣仔分店，等大鄉里嘅朋友初嘗華嫂冰室。菠蘿包依舊係無菠蘿嘅，但就加上咗牛油、太陽蛋同蕃茄。一啖飽落去嘅時候，菠蘿包除咗夠鬆脆，因為蕃茄同太陽蛋，令到佢超級Juicy，爆晒汁。由軟熟嘅菠蘿包、細滑嘅牛油、嫩滑嘅雞蛋同清爽嘅蕃茄，口感非常豐富！呢到嘅湯底有五款：清湯、蕃茄湯、冬陰功、喇沙同芫荽皮蛋湯；至於麵食就米線、米粉、通粉同出前一丁，再加上配料：牛肉、豬扒、雞翼、午餐肉、芝士腸等等。我就揀咗我最愛嘅：煎蛋鹹牛肉雞翼芫荽皮蛋米線，其實我明明係叫鹹牛肉炒蛋㗎！Anyway，佢最大嘅重點都係佢個芫荽皮蛋湯，鍾意食芫荽嘅你絕對唔可以錯過！芫荽分量超多，成個湯底都係豐富嘅芫荽味，而且皮蛋大大粒，仲好香添！鹹牛肉同煎蛋就唔會有啲咩驚喜喇，但雞翼就好入味。濃郁嘅蕃茄湯底，酸酸甜甜，好開胃呀！同蕃茄湯底最夾嘅，一定係通粉，通粉完全索晒蕃茄湯，朋友話好滿足！至於香煎豬扒煎

長期都見到華嫂門口大排長龍，呢一日同朋友決定要試一試。其實我哋以前有食過外賣嘅，不過堂食真係未試過🤣我哋12:15左右去到，又唔算等咗好耐，12:30入座。lunch time係要搭枱嘅。我揀咗香煎豬扒、生菜，冬陰功湯底，再叫多咗個招牌菠蘿包share 。食物方面，真係好有驚喜！豬扒小juicy，厚薄適中，又唔會太硬，仲有成兩塊真係啖啖肉🤩 菠蘿包更加驚喜🥰 佢個菠蘿係我從來都未食過咁鬆脆，簡直有少少好似食嗰啲合桃酥咁🤣 我哋用刀切開一人一半，佢又居然可以保持個Shape ，無爛到！好推薦大家試吓☺️飲品揀咗凍檸茶，冇咩茶味🤔 好多人叫奶茶，下次要試吓😆

華嫂冰室係我心目中一向出品穩定有質素，午市嗌依個檳城喇沙米線，聞到濃郁椰奶香氣，味道好正宗，配有炸豆卜吸哂啲湯汁，好鬼好食！仲配搭烚蛋、同炸雞球，份量十足！雞球酥脆香口，雞肉嫩滑多汁，整體表現水準之上！同事嗌左個芫茜皮蛋湯米線🍜！癡鬼線！芫茜份量好足，無欺場！米線吸收哂湯嘅精華，入哂味，個湯底真係好好飲！唔怪之得日日爆場！凍檸檬益力多好似幾得意，其他餐廳無！同事就嗌左試一試！益力多同檸檬🍋非常夾！

因為明星效應，吸引咗好多遊客慕名而嚟食～呢間係公司附近好方便，Lunch間唔中都會食吓（唔洗排隊的話）呢日過咗食飯時間去，唔洗等直入🙌🏻店內目測好多內地遊客‼️今次照舊叫咗「豬扒檳城喇沙湯米粉」🍜湯底濃郁帶椰香，揀咗米粉都好掛湯✨豬扒好大塊肉質鬆軟好淋！豆卜吸滿咗喇沙湯，好入味🤤食完好滿足～厚切叉燒煎蛋飯🍳🍚太陽蛋賣相好療癒🤩痴咗同事一舊叉燒食，叉燒厚切的，望落去好瘦咁，食落意外地唔乾～份量都幾足✨

昨晚睇完無人機表演，行去附近見到華嫂冰室，差不多九點，朋友話社交媒體網站有介紹，所以入去試下。9:30關門，其實想望一下餐牌，店舖話last order , 要立即落單，好趕，冇睇清楚， 最後叫了雞翼車仔麵，加$8皮蛋芫荽湯底， 加多一個墨丸（9元），叫了個凍好立克加3 元。睇返張單原來60幾蚊， 食物質素有落差。皮蛋芫荽湯底，只有豉油味。 雞翼可能已經放咗幾日，質地有少少霉。環境就幾好坐，價錢感覺偏貴。之後行返出灣仔道，原來好多其他茶記選擇，價錢平好多。

收得貴，不在話下，又冇套餐，第一次響灣仔見到呢間餐廳食個早餐，然後上客戶公司開會。收得貴都唔緊要，仲要冇服務，自己去斟水，自己落單，問親嘢都話自便自助！味道可以，但係唔值呢個價錢，附近有好多餐廳選擇

来打卡了铜锣湾的华嫂冰室，工作日6pm多没有排队，可以直接walk-in～到店里以后扫码点餐，可以cash也可以支付宝推荐自选套餐（p2），有很多种选择！我点了猪扒，做的非常软嫩，很推荐~但是option 2不是很推荐肠仔🌭，一股美国超市培根味点套餐的话+3hkd就可以自选冷饮 比单点性价比高好多~（p6）一套下来才61hkd 店里环境和服务也挺好的，位置也方便⚠️下午茶的话晚餐基本不提供 网页都售罄了，可以点些小食

猪润牛肉皮蛋芫茜米线分量很足的一大碗猪润火候恰好，很嫩，而且没有异味牛肉口感不错皮蛋也是很香芫茜量给的很足，爱香菜人很满足选的细米线，搭配着吃蛮合适汤底也不会过咸整体蛮喜欢！

第1次嚟到灣仔分店，地點都算方便，平日晚上嚟食晚餐都需要等位，可能附近都有酒店，所以店內大部分客人都似是遊客，相信大家都係慕名前來食華嫂嘅菠蘿包，因為基本上每一枱都會至少出現一個。 由於本人係麵包愛好者，所以叫左一份鮮油腿菠蘿包再加一份鮮油奶多，而友人亦都叫左一份煎豬扒雙腸加雞翼飯，嘢飲方面就叫左一杯椰汁紅豆冰同檸檬益力多。 先講鮮油腿菠蘿包，加左火腿嘅菠蘿油感覺上分薄左牛油嘅口感，另外鮮油奶多，叫左膿底多奶啲，感覺更加脆身，口感一流牛油入口即溶，如果兩者之間揀1個，我會極力推薦鮮油奶多。 另外煎豬扒拼雙腸加雞翼飯，飯量十足，不過個人覺得雞翼偏咸。 飲品推介，檸檬益力多，初時以為味道會好酸，但冇諗過檸檬嘅酸味係中和左益力多嘅甜味，感覺好岩炎炎嘅夏日，所以紅豆冰相對失色左少少。 另外，嚟之前見好多食評都話侍應態度好差，但當晚整體感覺都幾有禮貌，冇食評中講到咁差

蕃茄湯淡到水咁 仲有碌菜水味成個配方唔同左以前係有茄膏酸酸甜甜宜家似用茄汁溝水咁啦真係樓下茶記/三哥茄湯都好食過佢香濃過佢呀難怪隔離枱既遊客們都無食哂就走左點左芝士腸同豬潤豬膶又乾又柴芝士腸有4條分量正正常常食過其他分店，尖沙咀觀塘不下10次都無咁差係咪變左遊客必訪紅店就差咁多呢？呢個質素我真係覺得60蚊好唔值畢竟都襯lunch time提早過黎排左28分鐘隊換黎既係失望囉對呢間好失望非常不推薦而且我都好肯定無下次啦

比較一致質量的chain 茶餐廳今日系第三次幫襯第三間華嫂早餐，同之前兩間(天水圍，尖沙咀)比較— 哩間吾系遊客區，吾使排隊。—新裝修完，座位比較寬闊。— 比較其他chain 茶餐廳，三間分店食物難得幾一致，改善點— 唯一系衛生要改善，     —每次抹檯都好老式茶餐廳咁掃落地     —抹布放系客人座位背真系睇到吾舒服豬趴米線餐($46)4分— 豬趴醃得好好味，帶骨又超級大塊— 米線系比較”淋”，— 湯底都吾錯—檸檬水正常豬趴包($29)5分－豬趴系無骨但一樣好味，有兩塊小豬趴，仲有番茄同生菜，比足料。－菠蘿包好新鮮，個菠蘿皮帶椰汁味，幾特別。－加埋個酸酸地醬料真系接近perfect。

之前聽過灣仔返工嘅朋友推介華嫂，上星期日晏畫3點過嚟試吓。全場90%人都係遊客。QR code落單發現所有下午茶餐售罄，迫於無奈點飯餐食。叉燒煎蛋飯啲叉燒係霉嘅，啲飯又太爛。另外叫左一客豬扒滑蛋飯，豬扒極咸。連同一杯飲品、一客公司三文治，差唔多要$200。餐廳裝修精美但座位、枱與枱之間十分擠迫，食物貿素仲差過快餐店，性價比極低，侍應及收銀服務態度差，非常失望，做壞之前建立嘅名聲，難怪只有遊客會幫襯。灣仔銅鑼灣區平過佢又好食過佢嘅餐廳多的是，鐵定唔會再幫襯。