華嫂冰室 (杜智臺)

營業中

休息中

必食既鮮油奶多-華嫂冰室Fb:下一站豬欄; IG@Pig7station小仙子同小🐷每次黎到華嫂冰室，必定會食既就係鮮油奶多🤤厚厚既多士夾住厚厚既牛油👍🏻真係Good morning😜仲點左沙嗲牛肉包，牛肉大大塊，生菜蕃茄都好足料㗎，麵包焗到脆脆地👍🏻好滿足呢度既奶茶都好出名架，茶味香濃又唔會苦，仲試左冰鎮奶茶，唔會比冰水影響到淡左味😌不過味道甜左D😗Lunch黎會好多人架，想食就早D拎飛啦😜

如題，我今日帶左華嫂返屋企吃由於大部分時間我已變嗌外賣所以最近真係好懶少左出去覓食.我今次就oder 左1. 煎鯪魚塊2. 經典菠蘿包 (有夾蛋+蕃茄+牛油）3. 餐蛋丁麵 + 蕃茄湯底.日日除左公司就返屋企point to point 既人生真係好腌悶偶然食下尼類邪惡餐個人係疫情下先感到平衡一d.首先講下個經典菠蘿bell 先因為包真係要熬辣辣食先開心所以第一時間ko 佢先！佢d 蛋煎到半熟再加正常厚度既蕃茄而牛油已經溶解左係菠蘿包內好rich 既口感同好好食.而個煎鯪魚塊份量都正路加上兩邊都有煎香比較有咬口同埋足料鯪魚肉唔錯～.最後就個餐蛋丁麵 茄底茄底酸甜酸甜好岩而家尼d 天氣開胃加上餐肉有一定厚度而隻煎蛋相當出色好味～～～～.要做到茶記然後保持一定水準都係有困難整體我係欣賞既

假日中午，工作關係叫外賣，距離係灣仔送到金鐘，等約35-40分鐘。-厚切叉燒煎蛋飯 $51有蛋、叉燒、一條菜心，份量正常。蛋大隻，煎得幾好，夠流心，蛋白多，蛋下有蔥，飯已淋豉油，豉唔濃，帶少少鹹味，可送飯，菜心冇食，叉燒乾，凍，少少硬，冇肉汁，唔好食。-凍奶茶 +$11奶茶屬餐廳招牌之一，滑，順口，香，奶同茶味平衡，好飲。-友人A揀秘製撈米線（豬扒、紅腸、餐肉、青瓜、芫荽），友人指好油、重口味、偏鹹、富芫荽香。友人B 揀豬扒雞翼蕃茄湯出前一丁，分湯上，賣相差，豬扒已切件，味道一般，雞翼入味，好食。-文章冇計運費價錢。整體而言，冇套餐，午餐難食，奶茶好飲。

今次到華嫂冰室吃午餐， 試下灣仔分店先😊。 記得有次食過觀塘分店🤔覺得味道普通， 食過一次之後亦都冇再去過。 估唔到今次很有驚喜🤩，厚切叉燒煎蛋飯$48、豬扒拼煎蛋飯$48、鮮油奶多$16、茶走$8、凍奶茶$9。 🔺豬扒拼煎蛋飯 ～  豬扒肉汁多有咬口😙， 蛋漿和豉油汁的味道融為一體，好容易就食曬成碟飯，太邪惡了。 🔺厚切叉燒煎蛋飯 ～ 厚切肥叉燒， 熱辣辣軟腍口感豐富， 太陽蛋煎得好靚🍳， 蛋汁滲入飯裏😍，食落特別香滑。 🔺鮮油奶多 ～ 新鮮烘焗， 一啖咬落去，牛油成寸厚🤩， 好好味，推介一定要試下👍🏻👍🏻！ 🔺茶走 ～ 茶走襯鮮油奶多，一絕👌🏻！ 🔺凍奶茶 ～ 凍奶茶味道亦不錯😉。 好喜歡這裏的鮮油奶多😋， 而家已經再想食了。

🥚仿鮑魚片+太陽蛋米線 $36睇到餐牌都諗咗陣好唔好轉湯底但基於第一次食就試試清湯啦！睇落好清但湯底飲落好鮮甜米線幼身唔會煮到淋哂鮑魚片食落少少鞋同韌 還原度十分高最吸睛相信都係隻太陽蛋 煎到金黃色🍳紅腸+煎熟蛋米粉 $36紅腸同熟蛋都係正常水準最值得讚係湯底真係非常夠熱我哋食到最尾都仲係熱嘅🥰🐽厚切叉燒炒蛋出前一丁 $51呢度有叉燒煎蛋飯 亦可以加錢轉麵由於朋友比較鍾意食炒蛋侍應都好好人幫我哋轉🥰叉燒果然係招牌之一比平時食到嘅多焦邊 帶少少脆又唔會苦而且份量唔少 仲要舊舊厚切 肉嫩juicy

今日lunch 實在太耐無食過華嫂有d 掛住佢既奶油多於是就嗌deliveroo黎個方便lunch.我就嗌左1. 豬扒公仔麵2. 奶油多3. 凍奶茶少冰走甜心中暗暗希望個奶油多黎到唔好太林.好快 2x 分鐘等到個外賣喇！！暫時見到都ok包裝亦唔會好似出面d 外賣咁好少會倒瀉籮蟹good.第一時間打開個奶油多放一放d 蒸氣先一啖咬落去照舊餡同包既比例好好好愛.然後奶茶當然保持一般來說眉水準茶味香 奶味滑.再吃個豬扒公仔麵先.相信大家有食過都知佢既豬扒不得了扒夠厚啖啖肉但唔會太柴佢既菠蘿豬扒包都好食但今日比較想食奶油多放過菠蘿包一次.公仔麵亦會同湯分開放正啊湯裡面亦有一兩條菜比你.整體保持水準會再order.total 76 +運費26

有一日lunch想食華嫂，已經特登早落單，11:53喺OpenRice app成功落單，app 顯示12:30可以取。我12:23 到灣仔華嫂，當時app 顯示可取餐，但收銀大姐話未得 ok 我等。等緊期間眼見 12點頭落單嘅人都取外賣走，但仍未到我 直到12:35 問收銀大姐。佢竟然同我講 ”見唔見我好忙、好多單！未有”我就問咁點解OpenRice app話可以拎？收銀大姐話 “咁你想點，係未有，係咪要我入去煮!!!”嘩 我唔知你漏單定多單 總之係遲左 你做唔到app單就唔好接仲要呢個態度 我俾錢係食野 唔係受氣 唔該呢位收銀大姐 改下 啲客個個人嚟受你氣咩最後我12:43先可以拎到外賣。（11:53已成功落單）好嬲 成件事我錯咁

從來冇食過菠蘿油既多 同行友人好驚訝就帶我一試😅我地早係午市繁忙時間前就去拎位 好彩仲未係人龍時 食到一半人龍就出時啦😂為左試多啲款 分別叫左2個鮮奶油多 招牌菠蘿包同兩碗米線 當然係3個人share的 雖則我係大胃王 但費時食太多嚇親朋友😂😂鮮奶油多 外面烤得脆脆 配上入面塊涼涼牛油 一啖食落去 好滿足 回味無窮啊!!!😆😆😍對於我尼個新嘗試既人黎講 係極度覺得邪惡又好有滿足感啊!! 超級矛盾🤣米線既料都十足 招牌菠蘿包相比之下就比較失色 下次再食鮮奶油多 我就唔想share laaaa🤣🤣🤣😙😙😙

想食華嫂冰室，而家唔使啦元朗嘅因為佢都開咗好多間分店喺市區，其中一間就係灣仔，平時晏晝都幾多人，好彩今日落雨，所以就唔使等位<招牌菠蘿包$21>招牌菠蘿包中間夾咗煎蛋同埋蕃茄個菠蘿包係脆皮菠蘿包，哄完熱辣辣又鬆又脆，真係冇得彈加埋隻爆汁嘅太陽蛋，我菠蘿包嘅層次的提升咗<秘製雞翼蕃茄湯米$45>秘製雞翼超級入味，啲瑞士汁浸晒入雞肉度，三隻個份量就啱啱好蕃茄濃湯真係用返茄煲出嚟，食完成個晏晝都唔使飲水< 秘製蘿蔔牛筋腩飯$50>朋友叫咗個蘿蔔牛筋腩飯，佢話好好食<凍檸檬益力多$11>見到一個幾得意嘅檸檬益力多，就叫咗你試吓，原來益力多同埋檸檬嘅味係非常之夾遲啲喺屋企可以自己自製

第一次幫襯大名頂頂嘅華嫂冰室感覺吾錯店員有禮衞生防護造足散點食物、飲品，價錢合理雙併三文治芝士火腿三文治$17包身軟稔，正常味道。鴛鴦紅豆冰$22紅豆香甜, 粉糯，略嫌吾夠甜，咖啡味略苦。咸牛肉蛋豬仔包$22豬仔包洪過入口香脆，原隻荷包蛋蛋色鮮，半流心，加埋炒過嘅咸牛肉，一定好味。話梅柑桔 $18

華嫂米線每個湯底都唔錯，皮蛋芫西湯係我日常最愛，夠足料健康低脂湯底今次食檳城喇沙湯底配搭豬扒，豬扒炸得啱啱好，肉質外香內嫩，醃味夠入味索埋喇沙汁簡直一流😍 另外有半隻糖心蛋，少量生菜豆卜作配菜

灣仔上班族又到午餐諗食咩好時間，見華嫂唔洗排隊梗係食佢啦豬扒煎蛋配豉油汁 $48普通碟頭飯，豬扒煎到微微焦黃色剛剛好，肉質不乾柴，正常水準，不過不失😂😂豬扒檳城喇沙湯米線 $52金黃色喇沙湯底十分濃郁，帶少許微辣，椰奶味香濃味道突出，稀稠度恰到好處；伴隨配料有半邊熟蛋同索晒湯底精華嘅豆卜，超好味😋豬扒肉身都好大塊，啖啖肉🍋凍檸檬益力多 跟餐半價 $10酸酸地微微中和益力多嘅甜味，飲落幾清新可口，唔錯唔錯💯💯

返工lunch hour 諗唔到食乜既情況下近近地就揀左華嫂冰室既間遊客必試既茶餐廳地點都算幾隱蔽 有一點想講一講就係 疫情下要填資料入餐廳進餐 但佢地填資料既指示係完全唔清晰我量完體溫後先發現紙仔放晒係門口當出返去填返之後再進入 有位職員大聲呼喝叫你量體溫 當時已告知「量過啦 只係填返紙仔」但佢聽都未聽先 再叫我量溫體 當下我再重申已量過 佢先答我「係咩 岩岩睇唔到 唔好意思」我想講既係 你要我量多次唔係問題 唔該注意態度成間餐廳都係客 你大聲呼喝 難免會令人感尷尬而不服！而食物方面，今次嗌左「厚切叉燒煎蛋飯」唔記得影實物就食左但整體係唔錯既 叉燒真係好厚身 但略嫌蜜味可以多d ，不過佢個飯豉油同蔥油都好夠 可以補返(甚至可以減返d）但問題不大 相信落order 果陣提出可以做到 但如果兩者可以平衡返d 會好好多跟餐配左凍檸茶 正正常常 冇乜特別只係size 比平時茶記細杯好多 所以冰唔夠 落熱茶後上枱已是凍檸茶走冰了整體而言 作為一間遊客必到茶餐廳我只好為佢地既服務方面扣分 可以做到更好別無他選下都會再次光顧。

芫茜皮蛋豬膶牛肉米線湯底好好飲，飲完無覺得口渴，芫茜份量好多。滿足晒芫茜粉絲，豬膶口感還可以，不是厚切、是薄切，所以有小小鞋。牛肉嫩，似乎用梳打粉醃了一陣有呢個軟滑口感。米線吸收晒湯的精華，女士要食晒一碗真係好飽。凍奶茶都係正常貨色，沒有驚喜，紅茶香濃，但有小小苦澀味道，花奶都放得不夠。好彩服務員態度好，我問可以加多一點花奶，服務員用一個小糖醬杯比花奶比我。環境乾淨，員工服務態度有禮貌，下次都會再幫襯。

諗住依家6點後冇堂食，晚餐就外賣華嫂返去食，因為太內冇食，叫左個豬扒喇沙米線同秘製撈米線。點知返去一打開個秘製撈米線見倒啲紅腸、餐肉、豬扒全部都炸到乾晒，根本入唔倒口，食左都怕喉嚨痛，而家疫情嚴重都係咪搞，最終都冇食☹️跟住個豬扒喇沙米線好小小，但個豬扒都係好燶，失望的一次